回味茶餐廳 (已結業)

今日一個人去咗美孚搵好嘢食今次想試吓啲平民茶餐廳去到呢間見到好似幾吸引所以入去試吓打開餐牌有好多唔同選擇呢個都係港式茶餐廳的文化麻雀雖小但餐牌五臟俱全每碟野大約$60內啦見到咖喱類都係50幾蚊所以就試咗個咖喱石斑飯因為港式咖喱又係另一種唔同嘅味道嚟到都係分開上咖喱還咖喱，飯還飯。不過啲魚同埋個薯仔擺埋一堆都分唔清邊啲係薯仔邊啲係魚一夾就散晒，感覺唔係太理想港式咖喱一般嚟講啲薯仔都會用油炸一炸有啲脆脆地嘅口感但係呢度啲薯仔應該擺咗好耐入口一Pat爛泥咁由於好鹹好重口味嘅關係所以我都叫咗嘢飲呢刻先發現原來咖喱唔係套餐買飲品要半價再睇返個Menu嘢飲平均都要$20一杯不過見到檸檬可樂都係22蚊半價之後檸檬茶同埋檸檬可樂都係差一蚊當然叫檸樂啦但係我落單嗰陣個姐姐同我講話要加$15我問佢餐牌22蚊半價，都係$11何來要$15，佢就話個餐牌唔update都要加返1蚊，我就好無奈。算啦加一蚊都OK，照叫。不過莫名其妙嘅就係嗰$15究竟點黎係咪自己亂講，但講講下加一蚊就得俾我感覺唔係好誠實總括嚟講今次用餐都幾失望咖喱唔合格，員工又俾唔到人信任應該唔會再嚟推介菜式：冇#平均以下#重口味#可免則免

今日嚟到位於美孚的回味茶餐廳食個lunch午茶時段呢間茶餐廳非常繁忙，深受工程人員或貨場人員歡迎，座無虛席，搭枱率接近100%今次揀咗枝竹火腩飯，價錢$50蚊，嘢飲例湯只可以任選其一，基本茶餐廳質素，一定夠飽肚

叫咗個炸雞髀薯條🍟，等候時間唔算耐。隻雞髀返到屋企都仲係新鮮熱辣，不過就太多油，啲薯條同埋個外賣盒底都係油。味道算OK，隻雞髀唔會炸到乾晒食落仲有肉汁。唔係好抵食 ，加咗凍飲埋單$40 💰

今日趕返工見就快十一點 但又想食早餐拿拿臨落樓下間茶記解決一向都好信任依間茶記 伙記好有人情味過左十一點少少都俾我叫早餐最好叫左個雞扒炒蛋麵雞扒多又林 輕鬆醫好肚返工

去探朋友前 特意到美孚買她愛吃的曲奇餅，一行出店外，天下着大雨 於是找個地方坐坐，避下超大的雨。回味茶餐廳坐滿了顧客，於是入去試試。叫了火腿通粉，蛋牛治烘底 及兩杯奶茶。火腿通粉沒有什麼特別，蛋牛治則非常好，牛肉是滑滑的，蛋仍有少少蛋汁，幾好味。值得一讚的是兩杯奶茶，茶味香濃，夠滑及有淡淡的回甘，很不錯。

中午來買了一個外賣，叫左一個魚香茄子燜米食。外賣等待時間不算太長，很快就可以拿走。這個燜米味道真的不錯。首先，材料十分充足，茄子和肉碎絕對不會吝嗇，每一啖都是肉。一啖入口，滿滿的魚香味衝擊味蕾，令人很開胃，茄子則較清淡，配合鹹魚就剛剛好。此時再配上一杯華田，真是恰到好處。夏日炎炎，吃燜米還是一個不錯的選擇。

今日陪媽咪去瑪嘉烈覆診，之後去左美孚食lunch, 呢間茶餐廳都幾多人，坐埋一邊卡位，我叫左黑椒汁牛仔骨飯少飯同三絲炒瀨粉，配忌廉湯，個牛仔骨係好味既，細骨同林既，三絲炒瀨個味適中，d粉比較碎既，個湯就一般啦，叫左凍檸茶熱檸水。個茶味都濃既，服務都幾好，d姐姐應得好快，所以都ok但係環境係比較迫少少喇，價錢lunch $47一個餐，兩個人食左$96。唔算好便但係個牛仔骨堅好味既，推介！會再去食既！👍🏻

最近去同我個friend 係美孚打波 又係好趕時間咁食個快嘅dinner 所以我就揀左間近地鐵站出口嘅餐廳求其食算 咁我就入左間餐廳叫 回味我入到去就叫左個dinner set 食魚香茄子飯 加杯阿華田 啲侍應上菜都好快 個飯好快就黎到啦 加埋碗中湯 今次係青紅蘿蔔湯 望落都幾足料 除左青紅蘿蔔仲有好大舊豬骨最岩煲湯 而且湯清而味濃 幾好飲 但我冇飲哂因爲我覺得有味精 至於個飯呢 份量都幾大 茄子都幾大舊 食落啲肉碎都幾咸幾有魚香味 最岩餸茄子同白飯 唔錯！

平時喺呢度附近食魚蛋燒賣就多今日就打算打波前是多少少野先七點到都有2/3既檯有人好多人都喺度食小菜我作為一個常餐迷就梗係揀常餐la呢度有兩款常餐 一款就同平時出面見到既差唔多另一款就係歐陸風味d既 見好似幾特別就叫左呢個黎試啦份量都唔係好少牛角包係有烘熱既雖然外皮唔係脆既 但係入面都好鬆軟 而且好夠牛油味牛仔腸好香口 外皮脆既要入去入面夠濕潤 濃味得黎唔會太鹹黑松露炒蛋真係好surprise本身諗住四十幾蚊都比唔到咩黑松露你架啦點知份量足夠搽曬所有蛋上面食每一啖雞蛋都有好重好香既黑松露味羅宋湯通心粉入面有好多配料主要係蔬菜配上一兩舊牛腩湯底調味適中 酸酸地幾開胃對比起平時餐湯既羅宋湯佢少左陣辣味同埋冇咁濃但我覺得用黎配通心粉就剛剛好最後飲埋杯凍檸茶但我唔記得叫少甜 杯野好似糖水咁🙈

係返工之前有時間都會去呢間食早餐，平時上錯野就經常架，講幾次都唔記得你食咩，今次我等左十分鐘都無野上，上到來又上錯，佢仲要鬧返你轉頭話你！真心希望間野快些執！跟同其他人講我麻煩，一b都唔講道理！

位置在美孚地鐵站A出口直出小食店旁邊的，為何它由回味茶餐廳給我叫作回味海鮮飯店, 因我吃過很多所謂的海鮮飯店, 很多也比不上這店, 師傅煮出來的海鮮真的水準一流, 實在不用擔心會浪費了什麼什麼海鮮的擔憂, 大力推介, 小弟當天生日, 請埋本人每位都係二百多少少咋! 自携海鮮加工勁平，堂食了一個椒絲腐乳炒通菜, 味道不太咸, 適中, 相對夠健康, 另外鐵板豬手, 夠獲氣, 連鐵板上, 不過有點肥, 哈哈, 俾老婆取笑我豬手唔肥就假的, 蒜蓉開邊蒸蝦, 基圍蝦的肉質蒸出來恰到好處, 剛剛熟, 廚師用了大量蒜蓉, 豆鼓薑沖蒸鮑魚仔, 岩岩做到肉和殼有少少力就分離的局面, 不是技術是什麼呢, 條魚蒸上枱亦是恰到好處, 呢餐確實正到冇朋友, 又要勁抵食, 仲有一個小秘密, 就是佢地有間VIP貴賓房的, 當然, 其實大家有一定數量既人數, 餐廳亦能夠安排房間的, 不過大家記緊提早預約呀, 黎緊同一大班老友又多一間穩陣的飯堂了!!!

又到晚飯時間，經過吉利徑，這兒以往是經營日本菜的磯陣，現為回味茶餐廳，叫了一客燒汁吉列石斑的晚餐。燒汁吉列石斑 $43粟米忌廉湯不夠香濃，粟米份量太少，似清湯。燒汁吉列石斑兩大塊石斑炸得鬆脆香滑，而且是現炸的，加上椰菜，味道不俗，但白飯份量有點不足。好立克飯後飲料要了一杯好立克，都算香滑，比起快餐店的好立克好多呢！整體而言，以這個價錢吃這頓晚餐，可以收貨了。 

是夜不想在家吃，就來這兒進個晚餐，想不到有意外驚喜。點了一個啫啫雞煲套餐，包括是日例湯(木瓜排骨湯)、啫啫雞煲、白飯一碗。啫啫雞煲套餐 $55木瓜排骨湯以木瓜、排骨、杏仁淆上的老火湯，清甜美味，最重要不油膩，店方頗用心製作。啫啫雞煲雖然不是用新鮮雞製做，但用料不差，雞肉吃來嫩滑，配上豬肝、洋蔥、青紅椒、蔥、蒜頭；加以火路十足，吃來津津有味。白飯超大碗的白飯，差不多是一些酒樓的兩倍，足夠飽肚。餐廳雖不很大，但頗吸引食客，不少街坊選擇這兒「醫肚」，加上位近美孚巴士總站，方便車長午、晚膳；價錢適中，製作用心，使食客回味。

「回味茶餐廳」嘅前身喺隔離鋪位嘅「回味小館」，以為佢執咗，之後原來頂在現鋪（前身喺賣日本菜嘅磯陣）重整旗鼓再做過。之前嘅回味小館曾幫襯過，可惜印象麻麻，今回見佢翻新搞過，應該俾多次機會試試有無改進到，就拉老婆落嚟食番個「回味」早餐。鋪內環境跟舊鋪舒適好多，左右兩排梳化椅全卡位，牆上掛有大電視機，中間拍咗多張6人長枱，時下典型茶記格局。不過，裡面冷氣極之強勁，難得先搵到個近廚房位無咁凍。「精美早餐」選擇A-J共有10款，都喺晌茶記經常見到嘅組合，作風平實，就現場所現，客人大多都喺較多上年紀一輩，晌度刨報紙、嘆咖啡，甚少後生仔、年輕人。F. 皮蛋瘦肉粥餐 $25粥餐配家鄉炒米粉或豉油皇炒麵，老婆揀咗後者。碗皮蛋瘦肉粥綿得嚟，又好似加咗啲米粒咁，總之，啲米粒唔喺完全爆成米花，但勝在料多；炒麵唔油，但炒出嚟，麵質有啲腍，感覺好似啲麵煮過籠，然後再兜一兜就算，而且，無乜豉油香味！G. 健康牛奶麥皮餐 $25麥皮餐除有一碗牛奶麥皮之外，仲有牛油方包配煎蛋 / 炒蛋 / 烚蛋（任擇1款）及火腿 / 餐肉 / 腸仔 / 煙肉（任擇1款）。個牛奶麥皮好淡，事後同個店主反映，佢先話佢啲麥皮喺無糖，要自行加

某日, 老友謝老四急call我出美孚茶餐廳食早餐, 心諗美孚話大唔大, 話細亦唔算細, 茶餐廳來來去去都係嗰幾間 , 兼且茶記早餐有乜咁特別呢???大家約定在麵包舖前集合, 見面後---先鎚佢一拳, 再跟隨佢嘅步伐 ... 行過對面間舖~  依我記憶, 這舖位的前身好似是日式(茶)餐廳, 而旁邊又開多了間凱施餅店!街坊茶記夠旺場, 上班族還是老人家都要搭檯坐 ...謝老四介紹我食西式扒餐, $30 有煎蛋、牛油餐包 , 從豬扒/牛扒/雞扒/吉列魚塊/牛脷裏選擇一款, 再在火腿/餐肉/腸仔/煙肉裏選擇一款, 奉送咖啡/茶 (凍飲加$2) ...唔怪得謝老四要介紹我食, 因為我係出了名的"牛精" , 茶餐廳裏有賣牛脷做早餐, 真係少見!奶茶聞到有好香的紅茶味, 茶味不澀, 質地圓滑~牛脷早餐中最睇重是兩塊牛脷, 其餘的... 蛋是扒爐煎太陽蛋, 味道與質地皆薄弱、香腸煎過、牛油麵包開始有點縮水, 無咁新鮮...牛脷兩塊都算...厚切, 食得出有用 '美極鮮醬油' 醃味, 煎至外乾內軟, 牛脷的獨特味道依然存在, 難怪謝老四講佢有次一次食咗兩份牛脷早餐, 用$60食早餐還要是牛脷早餐也不會覺