回味巴 (已結業)

住咗喺呢頭30年，終於有一間正宗印巴菜，之前呢個鋪位都淨係做啲港式小炒，冇乜驚喜，今次喺澤豐商場開咗印巴菜好驚喜，價錢抵、好味同埋老闆uncle好好客，免費送咗支水同埋杯馬沙拉茶， 我一向都好鍾意飲masala tea， $10杯奶茶都幾抵飲，之後會多啲落嚟幫襯。有三款烤餅揀:naan(厚身啲）, roti（薄身啲）同parathas（香口啲），咖喱都有幾種選擇有雞肉羊肉牛肉素菜同豆，個烤雞髀都幾好食。正宗嘅印巴甜品佢都有，香港人比較少試可以試下，唔會太甜 👍🏾