回到味來 (已結業)

數天前，朋友很想吃雞煲，我們左選右選後，選了這間回到未來。先是被它的名字吸引，而我也被它一個甜品吸引。我一向對雞煲印象不討好，因為覺得只有濃鹹味，但這次完成改觀。我們點了一個麻辣雞煲，半隻，中辣。一上菜，那份濃香的味道已很撲鼻，我再仔細觀察、嗅一嗅、吃一吃，它用的香料很多，難怪的惹味，單是辣椒也有只少三種，包括辣椒仔、尖椒及大小干辣椒，是很搶味而鮮的辣，也因此它沒有外而所吃的滿滿辣油，吃下是很天然的辣。除了辣椒，還有大小蒜、香葉、花尖八角、香麻等。雞肉很嫩滑，每一口都充滿濃汁。特別的是，它教食客們調醬料用3分醋7分豉油，真的很香又不滯口，大家日後可試試。加湯後，為了不浪費那惹味的湯底，我們點了三樣"吸湯"食物: 芋絲、油麥菜及冰豆腐，三樣都很新鮮。當中，我最愛冰豆腐，真的很重豆味也有一層層口感，連湯一起吃，太豐富了。最後，我們點了兩款甜點甜一甜，先是非常吸引我的臺茶水中花，它是薑茶豆花，但其豆花不是一大片豆腐而成，卻是充滿手工的一朵雕琢而成的花形豆腐，在薑汁中飄浮著，美也好吃﹗還有一碗蛋白杏仁荼，都是足料而濃郁的﹗真的真的很滿意﹗這是一間我會再次回去的食店﹗高分推介﹗

朋友推介我地黎食呢間新開既火鍋私房菜。地方比我地想像中大，好乾淨整齊既感覺，燈光都好開明（好多打邊鑪地方太暗了）。首先，我地簡左「藥膳紅燒牛肉」湯底，好香藥膳味，但食落一啲都唔苦，幾清淡，慢慢愈煮愈濃。啲紅燒牛肉仲煮得好軟腍，好好食啊！之後我地叫左好多野食，都好有驚喜！滑雞真係好滑好滑好嫩！豚肉正正常常。雙併滑，好彈牙爽口，食得出係自家手打既！要推介既係豬肉片同牛肉片，薄薄一塊，特別係牛肉，好有牛味，食完啲牛味仲停留係口內。老闆話，原來佢係汕頭有親戚做農場，用自家牛肉足料咁整牛肉片牛丸，100%牛啊，唔怪得咁有牛味，真係要試下！仲有，響鈴真係即炸架，熱辣辣，好香脆！手工菜肉餃，都好足料好入味！老闆好有心，因為係新開張，佢好主動走黎推介我地有咩必食，食完仲問我地有咩可以改善，有傾有笑，認真聽我地既意思，睇得出你好有heart，想經營一間高質既火鍋店，老闆加油啊！

復活節假期難得同幼稚園朋友聚舊第一回適逢有朋友介紹呢間雞煲火鍋還掂大家約喺旺角呢頭一於黎呢度恰下恰下啦！可能因為我地早到所以人流唔算好多呢度環境有啲似日本餐廳嘅感覺座位卡位亦夠寬敞店員服務亦好熱心主動介紹菜式而餐單款式亦都好多有唔同特色小食而醬料亦有好多款我地最後叫左麻辣雞煲、正宗汕頭牛系列、桶蠔、鹽水鴨同埋薑茶水中花麻辣雞煲我地因爲唔太食得辣所以叫左小辣雞煲好足料之餘仲有爆多芫茜！有麻香之餘雞件亦煮得好入味雞件肉質亦夠嫩滑唔會有雪味正宗汕頭牛系列(牛丸、牛根丸、牛餅)店員推介標榜100%純牛肉牛丸本身充滿肉汁而且好彈牙牛根丸口感較實牛味較重愛牛人士必食牛餅口感食落好爽滑有啲似越南扎肉既感覺桶蠔一份有7隻每一隻蠔都大大隻好肥美鹽水鴨本身醃好既鴨件鹹度剛好肉質亦夠嫩滑唔會因爲醃過而變鞋開胃菜必食薑茶水中花最後甜品要極之讚揚師父既刀功豆腐可以切成一絲絲且唔爛係十分之高難度而薑茶味道好濃郁用黎暖胃一流

得知旺角新城有新火鍋店進駐，二話不說就帶埋屋企人去食，質素的確唔錯！（注意係新城，唔係新之城😂）前菜，十分爽口，唔知是甚麼東東？混下醬先！湯底選了頗少見的當歸鴨，食材包括鴨肉、當歸、川芎、熟地、等中藥材，屋企人話揀個健康一點的湯底，滋補養生，營養價值又高。特級牛柳粒＄98呢個有驚喜，牛味重，肉質軟腍，唔覺意淥耐左都唔會變擦子膠，good!手打墨魚滑＄78食得出係用新鮮墨魚肉打成，推薦！蔬菜拼盤＄48芋絲＄28朋友的最愛，索晒當歸鴨湯底，滋味！總括黎講，回到味來係一間有誠意嘅火鍋店，價錢合理，食物有質素，一定有下次！

<回到味來 , 食落真係幾回味 >😀呢間回到味來係一間裝修幾舒服既邊爐鋪 有唔同湯底選 食物質素唔錯 😀🍴招牌藥饍紅燒牛肉 🐂 🌶 168 蚊一上枱已聞到啖啖藥材香 , 有洋葱 八角 蓮子辣椒 大葱等🍀湯底清甜 帶點胡椒香 牛肉好有口感 煙靱得黎帶點肥肉 唔錯 要黎打邊爐都係一個好選擇 😍🍴回到味來牛拼盤 🐂 158 蚊有牛肉丸 牛筋丸 牛肉餅三樣野都好正 牛肉餅整得好薄 有d似札肉 肉味香濃 牛筋丸好彈牙 帶點筋既口感😀 而牛肉味濃夠肥味 十分出色Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#回到味來旺角彌敦道 594號 旺角新城3 樓 ~~~~~~~~~~~~

朋友話見到新城有間新開火煱店口碑幾好，今晚happy Friday 一於就一起去試試店內有很多特色湯底，有水煮牛肉湯，當歸湯，南瓜海鮮湯，我們就決定試麻辣雞煲。先來一小碟開胃小食，酸酸甜甜店員服務笑容都很好，在等湯底期間細心遞上豉油配料麻辣雞煲 半隻 小辣好香！店員讓我們先等大概5分鐘，然後他就來幫我們炒幾下，食得！啲雞好嫩好滑，炒得剛剛好，不會過熟。調味都要一讚，辣得黎不會蓋過雞的鮮味，而且不會太咸。另外，雖然我們只點了半隻，但比平常吃到的份量多，食極都有。食左大半倒就請店員為我們加湯，打邊爐！雪花肥牛本來也擔心會不會好肥，但結果沒有。肥牛片挺厚身，油脂分佈平均，牛味出色，朋友都大讚蔬菜拼盤份量好多！不同種類的菜，菇，粟米等都有，而且因爲本身雞煲不太油，所以淥菜都無問題。日本蟹肉棒 淮山都是個人私心火鍋推介，特別係淮山，入味到呢今餐大滿足，已經想好下次要再試南瓜海鮮湯底

今日凍凍地，嚟到旺角同朋友食飯，又唔想等位，見到依間打邊爐又有雞煲食，就同朋友三個人上咗去試啦我哋首先嗌咗個雞煲，佢比出邊雞煲冇咁濃味，唔會比啲醬汁覆蓋晒雞嘅味，而且食多幾舊都唔會覺得特別鹹之後就加水開始打邊爐啦，我哋見依度有原條花膠，而且都唔係好貴就好就叫咗一碟試吓啦，黎到嗰陣時花膠真係大大條，而且係原條上，我哋放咗落去煮大約20分鐘，就已經食得啦，花膠煮得好淋，吸收埋湯嘅味道，好好味呀，而且份量都唔細，每人起碼食到兩三條另外值得推介嘅就係佢嘅鮮炸響鈴，即叫即炸，所以大家食嘅時候要小心啊，因為佢炸到好鬆脆，一挾嗰陣時好容易爛㗎雪花肥牛，你見佢嘅油脂分佈得啱啱好，而且唔會話切到好薄，好有咬口我地仲嗌左其他配菜，都唔錯～

今日同屋企人黎打邊爐，估唔到晚晚打邊爐嘅我地都感到驚喜呀！湯底有好多選擇，令人花多眼亂，最終選咗比較特別的👇🏿湯底：當歸鴨 $158首嚐當歸鴨湯底，除左賣相有點恐怖外一切都很好😅😅肉質仲愈煲愈腍，非常入味，推薦比大家👍🏻👍🏻雪花肥牛＄168份量都幾多，肥瘦分布均勻，質素唔錯。正宗汕頭牛筋丸100%純牛肉＄98鎮店招牌「正宗汕頭牛筋丸」😳😳真心好得‼️100%純牛肉，十分彈牙，牛味充足，唔叫肥牛都要叫呢個呀😂豬紅＄32香甜粟米＄38打邊爐最怕粟米唔甜，好彩呢度嘅粟米夠甜👍🏻👍🏻

去行信和，行完肚餓，隔離就有得打邊爐就入左。個名幾特別，回到味來，有種新派嘅感覺。環境是舒適的，每枱之間都是有空間，裝修亦比較新系，絕對不是茶樓個種傳統派。叫了這個藥膳紅燒牛肉火鍋，小小辣，對我唔食得辣嘅絕對接受到。另外叫咗拍青瓜，超級開胃(⁎⁍̴̛ᴗ⁍̴̛⁎)店員推介了純牛肉丸，確實有別於平時食嘅牛丸，整粒好鮮肉味，咬落係好實。疏菜包好抵，最重要係其心思去整，好似一朵花，有三粒大菇。響鈴都不錯，不是平時食的，再脆啲。叫了海鮮，這個是大蜆，是日時價是78元，份量是多的，而且粒粒都大粒(´▽｀)，好鮮味。如果有機會，再叫多些海鮮，點餸火鍋嚟講是抵食的。

Happy Friday 岀旺角鬧市相聚是一個好地點，多美食交通又方便藥饍紅燒牛肉鍋，經介紹下得知由台灣引入，再經改良，藥材足料，牛腩很淋又入味手切牛頸脊(細)，淥幾秒就啱我食，牛肉味很突岀，唔 un 炸魚皮，新鮮即炸，又薄，就咁食都很脆，左口小食芝士魚豆腐，咬開還有流心芝士咇出嚟，小心燙口窩筍片成為打邊爐又一新寵，入口爽甜，吸晒湯的精華幾突別，竟然有凍蟹食，肉質飽滿，$48只 唔貴，又可以滿足我食慾配料可自行添加，另店員介紹我地可以溝他們的自家調較的酸醋，三成醋加七成的豉油食食物用料新鮮小插曲：回到家後發現信用卡仍遺忘在店內，致電到店舖查詢時，他們二話不説立即送到我屋企樓下真貼心

行完信和，比我發現佢，位置就係信和行過少少嘅旺角新城，呢到其實有好多唔同嘅選擇，但見到個名咁等別，就上去試試，這裡是吃火鍋的，選擇都有幾個特色火鍋，今晚就要了個麻辣雞煲(半隻)$158，少辣口味，貪佢有少少刺激，雞煲內雞肉嫩滑軟熟，夠晒味道，雖然未係件件雞都係啖啖肉，但絕對唔會唔夠吃！而今次就點了個丸拼盤$78，手工鮮蝦雲吞$48，前者有三款不同嘅手打丸，個人較喜歡墨魚丸，夠晒彈牙爽口，而個鮮蝦雲吞就用料十分，入口時重有隻彈牙爽口嘅蝦肉，兩種食物都係配埋個麻辣雞鍋去滾嘅時候！不得不提嘅皮蛋肉鬆豆腐$38，一半肉鬆一半皮蛋，中間重有件好滑脫脫嘅豆腐，一啖香滑皮蛋，一啖肉鬆，真係另一番風味！就腳方便，行完信和搵食另一選擇！

趁天氣仲會有時涼，一定要再去打邊爐，自從知道家人喜歡食，有機會都會捉佢去食。搵一間近屋企嘅，家人唔駛周圍走。環境好舒服，有卡位坐，完全唔迫（有啲鋪頭平常為左可以多啲位，搞到好迫）我地早到咗，未係好多人，可以食到晚市第一輪。同家人食都係食得清淡啲，食下蔬菜同海鮮咁。開始之前緊係撈醬先啦，好喜歡呢種木器皿。佢有兩款湯底幾特別咁，一個係藥膳紅燒牛肉，另一個係當歸鴨，兩個都有用左中藥去調製，而我地揀左紅燒牛肉呢個，湯好濃，唔係淡口個種。響鈴我最愛，佢似係自家製，好脆，同平時食嘅係唔同。好多舊冰豆腐，仲以為會唔多，好彈牙，好好味。又係我最愛，係雪花肥牛，佢啲比例係好平均，滾一下，食落好好味，真係一分錢一分貨嘅。叫左游水蝦，我地食個日係98元，好多隻下㗎，出黎個陣仲郁緊。size都可以叫中蝦，都啖啖肉。我家人又係好喜歡南瓜，呢間無慳皮，真係厚切，煮耐小小，溶溶地，好正！職員時時都好細心睇下有咩需要，而且每次都會加上湯，好好呀！之前一直都係食下啲任食任飲，單點嘅呢間係唔錯，無嘢係好得過家人滿意嘅笑容，呢種記憶唔介意「想回到過去」（純粹係因為鋪頭名諗起呢首歌啫）

今日約咗個好耐無見嘅大學同學食飯聚一聚，佢揀咗呢間回到味來，話見到呢到打邊爐有好多出面無嘅湯底，好特別！！！我哋最後揀咗當歸鴨，感覺好健康，啱晒我哋兩個女仔😎😎😎當歸湯底和鴨係分開上嘅，鴨好大碟，相當足料👍🏻👍🏻👍🏻打邊爐緊係唔少得肥牛啦，雪花肥牛相當新鮮，牛味頗濃，不錯😋另外叫咗一蔬菜拼盤，賣相唔錯，菜洗得好乾淨，食落都好新鮮，值得推介仲叫咗一份烏冬同韭菜餃，烏冬幾彈牙，韭菜餃好大粒，味道都ok😋本身有d擔心湯底太重藥材味會唔好食，但原來當歸做湯底打邊爐同配料都幾夾！😋😋😋呢間餐廳食物質素高，加埋裝潢舒適，幾適合朋友聚會，下次一定再黎😍😍😍

本來我男朋友收六點，約好左今晚打邊爐。點知佢要ot，但我又好想打邊爐，於是今晚我決定打個”一個人的邊邊”XD店員表示新張期間送一碟藕帶，醃製過嘅藕帶酸酸辣辣而且咬落爽口！湯底我叫左麻辣湯（$128）好多時香港嘅麻辣火鍋湯底都係得個樣，望落就紅卜卜但食落就一d都唔辣！呢到就唔同喇，我叫小辣已經好夠香同辣，建議餐廳加多個BB辣度for唔太食得辣嘅客人XD另外，值得一讚係，店員時不時自動自覺黎加湯，而且係加麻辣湯。唔似一般餐廳加清湯甚至係滾水，咁樣就唔會愈打愈淡味！由於我自己一個食，所以只有叫蔬菜拼盤（$48）、足料韭菜餃六粒（$38）同埋一罐可樂（$14）蔬菜拼盤將d菜擺成花形，入面有金菇、鮮冬菇、白菜仔、粟米等等唔同嘅新鮮蔬菜。d菜吸滿辣湯，正呀XD而足料韭菜餃鮮美多汁，我諗就算用清湯碌都一樣咁好食！食到七七八八，我竟然仲想食野，我係咪太低估自己食量呢XD但依家冇理由叫多碟牛肉食姐，咁又太多over喇。於是我叫左甜品-薑茶水中花（$38）佢係由師傅人手即時將豆腐切成花，”豆腐花”驟眼睇就好似朵白色菊花，令我諗起”白菊開時最不眠”呢句詩。”豆腐花”嘅滑加上薑茶嘅微辛味，為我呢個”一個人的邊

上openrice睇到個名咁得特別，就被吸引而黎，睇下點樣帶大家回到「味」來。火鍋湯底選擇都幾多，老闆主力介紹【藥饍紅燒肉同當歸鴨】贈送小食- 竊帶，酸酸辣辣，非常開胃。師傅手調醬料，老闆仲建議7成醬油，3成香料嘅比例係最好，同埋加啲白醋可以消除油膩感，相當貼心。湯底方面，我地揀左個店舖招牌湯底，藥饍紅燒肉。湯底材料十足，藥饍味很重，牛肋條炆完再炒香，非常入味，而且炆得又夠淋，超級好味，極力推薦!食完成個人感覺熱辣辣。手切牛頸脊油花遍佈均勻，肉質超嫩，牛味很香，賣相又吸引。手打墨魚麵，宜家唔係好多舖頭有得食，難得一見，必得要點啦，墨魚麵煙韌爽口彈牙，墨魚又新鮮。必食推介- 正宗汕頭牛根丸100%純牛肉 & 正宗汕頭牛餅100%純牛肉加牛餅，全港首創! 全部用牛大腿肉而製，牛味香濃，爽口超彈牙! 口感豐富魚皮餃新鮮，粒粒精美可口。打邊爐又點可以唔飲啲野，點左個來自法國百年蘋果酒同Vodka Pineapple，酒味唔會太重，但有點點果香味。甜品薑茶水中花，係豆腐花拼薑湯而成，賣相超吸引，師傅刀工很好，豆花花瓣一片一片的在薑湯中盪漾。