四點金飯店

营业中

休息中

今日去將軍澳新都城中心商場購物,  晚飯時間到了, 要找個地方吃飯.  女友對食肆有要求, 要美觀舒適, 又好食.看看 Open Rice, 再四圍望望, 找到四點金飯店, 門外看見潮州食品,  大大隻滷水鵝, 好吸引, 還有不少傳統潮州美食, 於是決定在此食晚飯.  天花掛著彩燈, 非常奪目.座位闊落, 空間充足,我們坐下, 點了鐵觀音茶, 侍應送上酸菜小食, 大家先開胃.看餐牌有多頁, 食物選擇多, 價錢適中.  有散叫菜式.    雖然主力做潮州菜, 亦有粵菜可供選擇.我們點了本周優惠潮州菜, 一元韭菜豬紅  (要連一個主食)一元韭菜豬紅, 即叫即到, 大件扺食 !!潮州菜主食, 滷水鵝肉, 鵝肉厚薄度適中, 油脂甘香.鵝肉夠嫩, 啖啖肉, 部份已去骨.肉質美味, 口感不錯.  豆腐好入味, 調味正.菜膽杏汁白肺湯,   奶白色湯頭味美.  杏味濃, 入口啖啖和暖, 我們連白肺都吃清.鳳梨梅羔一字骨,  一字骨肉連著骨, 烤焗功夫做得好,  香脆又不乾身.  肉質好,  又夠稔, 用上潮陽梅羔蜜汁調味很好, 加上帶酸甜味鳳梨, 更惹味.  好睇又好食.潮州白粥,  今晚吾食至愛的

今日去左將軍澳食飯，餐廳主打潮洲菜，晚市時間人客都唔少！餐牌選擇多，定價中上，味道水準都唔錯潮洲菜必定諗緊潮洲打冷菜，今次黎到反而試下熱炒潮式小菜，手工潮洲菜式！天氣涼涼地，先叫一碗潮洲蠔仔肉碎粥，蠔肉爽甜無沙，每一口都有蠔仔肉，口感豐富！粥底綿密鮮甜，的確出色！小菜叫左我最愛既荔芋香酥鴨件，超滿意！滿口綿香芋蓉，芋香非常突出，香甜令人停唔到口！鴨件炸到香脆，鴨肉完全唔會乾！另外再叫一個椒鹽白飯魚，香口咸香，好岩配粥食

每次去寶林探朋友, 也會去新都城中心食晚飯, 今次食潮州菜, 揀咗 四點金飯店,  店名吸引, 餐廳門外有彩照餐牌多張, 價錢中等.入門看見古雅佈置, 中國人喜慶的燈飾, 感覺喜氣洋洋 !!餐廳 座位舒適, 整齊,  店員招呼有禮.  我和朋友, 各點喜好.  先選潮州 滷 鵝 , 又點了湯, 魚和肉.留意看優惠, 一定要食.如果一家人來, 套餐也合適.朋友較細心, 他說坊間疫症未散, 要多飲清潤湯.即叫兩碗  菜膽杏汁白肺湯,   奶白色湯頭味美.  杏味濃, 入口啖啖和暖, 我們連白肺都吃清.滷水獅頭鵝 (上裝)餐廳主打菜式滷水鵝,  鵝肉出品正,   大碟足料.鵝片有鵝味, 滷得又入味, 味道濃香,  不會鹹.   肉質細滑帶少少膏, 滋味.  豆腐大大塊又夠滑.我愛食魚, 從優惠餐單中選了 涼瓜炆龍躉頭腩煲,熱騰騰用煲仔盛載,  好惹味又香噴噴. 這個龍躉頭腩 肉質新鮮滑口, 好肉少骨, 材料細選,  調味道,  涼瓜炆得剛剛好, 吾會過稔. 這碗 韭菜豬紅 只售 $1   跟涼瓜炆龍躉頭腩煲齊點 (每周優惠酬賓精選), 好大碗 !!   仲意食豬紅者必叫, 豬紅好滑配韭菜, 

一早行完鴨仔山，差不多中午十二點,睇時間要食lunch啦，路經寶琳，睇見有一間潮州酒樓，便入去醫肚。我們叫了水晶蝦餃、蔥花炸兩腸、懷舊棉花雞、蜜汁叉燒包。水晶蝦餃啲蝦好爽，個皮好薄，好味的。蔥花炸兩腸，粉皮好滑但是個炸兩唔脆。懷舊棉花雞，冇乜特別同出面一般酒樓一樣。蜜汁叉燒包，咸多麵包鬆軟。整體嚟講食物質素一般，因已經好飽，沒有試呢個韮菜豬紅。環境裝修乾淨整潔喇, 服務員態服務態度OK。不妨一試。下次我會試下個韭菜豬紅及蠔烙。星期一至五，十一點前入座免茶錢。

門口看到晚市孖寶及套餐，又有潮洲打冷餸。而且㕑窗掛了一隻隻雞和鵝，好吸引呀。飯店的裝修，都是中式酒樓型式，掛了紅燈籠，枱上有枱布。坐底後叫茶，還比了一小碟鹹菜。潮洲鹹菜的味道，特別開胃，好好味。廚窗的雞好靚，所以孖寶要了半隻貴妃雞和沙茶牛肉芥蘭。半隻雞都好大隻，雞肉實又滑，加了蔥蓉，真係好好味，餸飯食一流。沙茶牛肉芥蘭，牛肉肉質軟又滑，個芥蘭好爽嫩，沙茶醬掛在每件牛肉上，炒得好靚，再加分。這間飯店餸大碟，連飯都好大碗。見到好多食客都叫三餸一湯套餐，下次叫多個朋友嚟食先。

今日有幸再到來品嚐潮州午餐~之前疫情下發現了此店被吸引發現此店時是因為門口永遠有一批人在廚窗外看.原來它有外賣是潮州食品！！！你哋睇下！！！我買過外賣.九菜豬紅.我會走九菜自己另加落去.主要食豬紅！它的豬紅是真的豬血據我專業的廚神姨媽试後.不況可以試下！今天我們主要試它的點心~因之前食過已不錯.記緊一定要叫waiter給你辣椒油.好正中的潮州辣椒油！我們叫了一些點心.蝦餃好爽全部是蝦不能不試的沙律名蝦角.我一向不食炸物.但這個真的要破例媽媽話试下抄飯.叫了芋頭海鮮抄飯好足料及抄得爽身最後來一碗綠豆爽！這個爽比較淋身

許久沒見的舊同學們，說要趁假期日子來一場敘舊飯宴，因而是日便隨他們來到四點金飯店光顧。餐廳環境寬躺闊大，設計上使用了大量燈籠、掛畫、屏風作裝飾，令裝潢呈現古色古香，甚具中國色彩的風格。滷水雜錦拼盤雜錦拼盤分別有煙韌鮮甜的魷魚、脆爽鮮香的紅腸、獨特香濃的鵝腎，三款食材均滷得入味，新鮮正宗。澄海滷水獅頭鵝肉獅頭鵝肉肉質瘦中連帶著小許肥肉，入口咀嚼時滑嫩香醇，鵝味十足，且滷水味道鹹中帶甜，充斥滿整個口腔。粟米魚肚羮魚肚含有豐富膠原蛋白並具有養顏護膚之效，將其配搭上粟米、雞蛋等配料，即可製成豐富量多的羮湯，食用口感爽甜鮮嫩，香滑彈牙。 招牌手撕鹽焗雞手撕鹽焗雞呈現金黃色澤，入口肉質鹹香四溢，嫩滑鮮味。而海蜇則灑上滿滿的芝麻和少許辣椒粒調味，咀嚼時厚實煙韌，爽脆可口。蠔仔肉碎粥肉碎粥用料相當充足，食用時每口皆幾乎包含有蠔仔、肉碎、冬菇粒等，令口感甚有嚼勁，而整體則是鮮甜清香。潮州炸蝦蟹酥外型呈圓狀和長形的蝦蟹酥炸得色澤金黃亮麗，入口則酥香爽脆，鮮甜嫩彈，讓人再三回味。乾撈海皇粉絲煲海皇粉絲煲上桌香氣撲鼻，配料用上了彈牙清甜的鮮蝦、爽脆清新的蔬菜、嫩糯回甘的瑤柱絲製成，再配搭充份吸收食材精華的粉絲

將軍澳區大大話話咁多商場，好似好多餐廳咁，但好多時去到食飯都唔係好揀得落手，最後黎黎去去都係去個幾間，又黎返之前食過嘅四點金。芥末白切墨魚片 ($98)用咗墨魚身切片，所以比較紮實。 因為冇用滷水調味，所以成塊都白雪雪，主要係靠個醬汁提鮮。 要讚嘅係個Wasabi真係有生磨嘅感覺，係靚嘅Wasabi味，配埋唔太咸嘅豉油，令到清淡嘅墨魚片都滲出鮮味。香煎芝麻餅 ($74)一入口就充滿芝麻香，成塊都煎得好脆，韭菜肉餡帶少少胡椒香氣好香口。 總括黎講就好似將韭菜餃沾滿芝麻煎香左咁，幾得意值得一試。潮州炸蝦蟹棗 ($120)有少少令我諗起去飲嗰時食到嘅炸蟹鉗鬆軟版，平時鍾意食手工炸蝦丸炸墨魚丸嘅朋友應該會幾鍾意，一路食一路感受到師傅今朝啱啱整起嘅手藝。福果芋泥 ($28)芋泥做得好好，軟綿綿香芋頭味得黎唔會太甜，味道完全唔假，仲有少少白果喺面，口感幾豐富，係老人家都會鍾意嘅傳統味道。

今日同朋友食lunch , 去左間潮式酒樓, 門面見到潮州打冷菜色,滷水食品都非常吸引, 食小菜晚飯都係個好選擇,一坐低即刻叫特色潮式點心, 叫了韮菜粿,用了水晶包的皮, 韮菜肉餡味濃, 再叫了蠔仔烙$42, 蠔仔都大粒，粉漿唔多，蛋味好香，喜愛佢一小碟有兩塊,可以留肚食更多點心, 見到有點心套餐, 叫了蝦餃併炸兩, 蝦餃皮好薄, 蝦肉爽口, 唔肥膩, 炸兩份量都大, 腸粉皮夠滑,想食脆口點心, 沙律明蝦角, 外皮脆口，沾沙律醬食, 夠開胃, 蝦肉同樣爽口。甜品叫了潮州馳名糖水, 綠豆爽, 綠豆邊夠多, 還有清心丸, 味道清甜。

疫情下想去d好坐嘅潮州餐廳都唔係咁多選擇，記得食過四點金都可以，今晚做足功課揀哂多好評既菜式，發現呢度出品都幾高質。滷水鵝掌翼 ($92)上次黎試過滷水鵝覺得正正常常，掌翼估唔到好有驚喜。 首先係好入味，鵝翼肉質煙韌有肉味，鵝掌都炆得好夠時間，膠質軟腍入味，滿足哂鐘意損骨人士嘅要求。 底下仲鋪左滿滿嘅滷水豆腐，好足料。潮州炸蝦蟹棗 ($120)意想不到咁好味，我覺得應該主打做呢度嘅招牌菜。 分別有蝦蟹棗各四件，老實講味道分別唔大，但好明顯食到自家製手打蝦蟹滑嘅味道，蝦棗更加食到一粒粒蝦肉，真材實料。 本來以為點蜜糖汁好奇怪，但又真係好夾，會想為咗佢再嚟。蠔仔肉碎粥 ($50)一碗嘅份量一人都分到幾碗仔，蠔仔做得好好，嫩滑到好似僅僅熟咁，完全唔會腥。 仲有好多肉碎、菜莆同土魷絲，好惹味。招牌蛋散 ($28)自從上次飲茶食過麻麻地嘅蛋散之後一直有少少心掛掛，好彩今晚食到好食嘅蛋散，熱辣辣好鬆化。 除左一般嘅煉奶之外，仲灑左紅糖，甜味更加有層次。

我同Mcmug上次午餐食過呢間餐廳啲點心，覺得都幾好食，尤其嗰個韭菜豬紅，抵食又好味。今次就食下佢晚餐嘅小菜先！上次食過蛋散後，Mcmug就念念不忘，覺得佢係蛋散界嘅表表者，今次都要叫返回味一下！個蛋散真係好好食 ，芝麻黃糖混合煉奶。香！脆！甜！我哋可以專程為咗食佢而再嚟！鳳梨梅羔一字骨，一字骨啲肉都唔會太肥，酸酸甜甜都幾開胃。呢度嘅蠔仔餅唔係廟街咁炸到脆卜卜，佢係一種比較厚身嘅蛋餅，味道較淡，好大份，好似Pizza咁一開六，我食咗一件都飽飽地，我哋盡晒力都係食淨一件。多人黎先叫會好啲。蠔仔粥唔會好咸，蠔仔脹卜卜，一碗都幾多，兩個人食都好夠。食材都算新鮮，坐得都舒服，坐下傾下唔覺唔覺就兩個鐘了。我哋會再嚟幫襯！蛋散😍

好耐無一家人出街食晚飯四點金主打潮州菜門口的玻璃櫃展示一排潮州小菜鵝肉片大大塊肥肉不多 清蒸沙巴躉拼蠔餅套餐都幾抵金黃蠔餅炸到剛剛好 不會太多炸粉漿煎封龍躉扒淋上美極豉油 有少少鹹春菜煮到好淋 碗細但份量多一蚊嘅韭菜豬紅最後甜品有芋泥和綠豆爽

二時開始下午茶時段，大中小點$20，點心質素不俗。這天我們一行15人，點了大量點心，各人捧腹而回，還有點心吃不了要帶走，結賬連茶位加一每人$65，超值。叉燒餐包：外皮柔軟，內饀好味道，包子暖暖的，好吃。糯米卷：一籠一條，個子極大，同樣外皮柔軟，內裏的糯米很香很軟，我吃了1/4個已很飽。牛肉腸粉和叉燒腸粉：腸粉皮很軟滑，餡料放得滿滿的，兩款腸粉也好吃，豉油另上，貼心。豆豉蒸排骨：排骨多得驚人，肉質和味道不俗。杞子桂花糕：甜度適中口感佳，不會用筷子一夾就裂開。紅油抄手：一碟有很多隻，饀料滿滿的，味道不錯，可惜不夠熱，而且辣一點更佳。沙律明蝦角：外皮不夠脆，而且有點油膩，幸好饀料取回不少分數，蝦很大，又爽口又好味道。鳳爪排骨飯：這個比較低分，雖然味道不錯，不過鳳爪、排骨和米飯都不多。總括來說，這店的點心質素算是不俗，大抵上份量也多。想一提的是，這店入口左面有一櫃檯，供應牛腩、咖哩豬皮魚蛋、韭菜豬紅等美食，可外帶。我買了一盒韭菜豬紅，只是$20 ，份量真的很足。

今日放咗工喺將軍澳寶林新都城買完野，經過四點金飯店，朋友話依度有地道既潮州小菜食，所以就決定試一試。一望餐牌，果然好多選擇，潮州滷味，有粉麵飯，有泡粥，有潮州海鮮及海產。因為我地得兩個人，所以就決定叫三個餸加兩個白飯。食潮州菜當然唔少得滷水雜錦拼盤，好豐富，有滷水鵝腎，滷水大腸，滷水墨魚，紅腸等等。每一樣都浸得好入味。金華火腿茸津白，金華火腿好香，帶出咗津白既鮮甜沙茶炒牛肉，沙茶醬好香好有味，菜心同牛肉都好嫩潮州前菜

傳統潮州飯店 位置都好闊落我哋五人行俾咗張六人枱佢都有好多套餐選擇我最後揀咗個308套餐再加小菜散嗌不過我哋五個人都比較細食埋單都係每人百零蚊😜佢而家有個優惠係小菜加一蚊有個韭菜豬紅不過最有驚喜嘅係佢個甜品蛋散