四湯八麵 (已結業)

食過也做過，之前和朋友剛好看到這間小店不用排隊，便決定嘗試一下，價錢大概就是商場價100左右，但質素比樓下food court還低，紅燒牛肉麵微辣，面份量較多，味道麻麻…稱不上很難吃，但絕不配100蚊一個餐…之後有空剛巧見這裡請侍應便去做了一陣子，感覺像員工收銀當自己老闆的語氣，同時想不被批鬥就要和部分長工阿姨埋堆…旁邊茶木、錦麗味道和性價比都更高，所以多數時間都是那兩邊大排長龍…這裡卻能一小時都空無一人，先不說味道，想必部分也是因為服務態度問題…有待改善

專登去APM買嘢，順便試吓這間新開的食肆，普普通通的午餐，食物還可以地方就有啲滴水侍應做嘢就比較粗心大意，因為我見有個小朋友等食物時就瞓咗喺媽媽大髀上，但個侍應竟然喺佢頭上第嘢食，如果小朋友突然起身應該成碗湯麵招頭淋，到時就大家都麻煩，因為當時小朋友同媽媽是坐高枱位，所以我睇得比較清楚。扣哂分

同事有心事，所以放工即慶去吃飯暢談。在創紀之城揀了一間小店，開放式門口，寬敞闊落，燈光柔和。內裏裝潢簡約，感覺舒適。設有四人卡座、兩人座，還有單人高枱，適合不同人數的需要。晚餐包有飲品、頭盤、主食和甜品，都幾豐富，當然也可單點。****************************頭盤五選一，揀了醬油小棠菜，翠綠清清嫩，不會太油或太鹹，不錯！另一款是麻辣蓮藕片，又薄又爽，弄得入味，麻辣度剛好，辣得來又不會太搶喉，好吃！****************************十一款主食中，朋友揀了一碗宜蘭紅燒牛肉湯麵（$96），有滷牛腱、濃汁牛筋丸、紅白蘿蔔、小棠菜，大大碗，份量好足！上海幼麵白滑，口感不錯；湯麵色澤濃，味道香，兩者同吃便最佳！滷牛腱大大塊，腍嫩入味；牛筋丸彈牙爆汁，味道香濃。****************************我選了無骨泰滷豬手飯配溏心蛋套餐（$92），份量十足。米飯粒粒分明，加了滷汁和雪菜碎，添上鹹香，好吃！溏心蛋賣相一流，香滑兼富蛋香，可惜只有半隻，實在不夠喉。滷炸豆腐和滷豬手都滷得非常入味，豬手已起骨，啖啖肉，豬皮油潤滑溜，跟白飯拌勻同吃，好

前兩日去左APM，見8點幾好多餐廳都收左，呢間仲開緊人又算多，點知就中伏😂我地叫左兩個晚餐，小食要左豬皮蘿蔔，滷水雞翼，點知兩樣都係滾水白烚再淋汁，雞翼同豬皮完全無味得黎，仲食到成陣滾水味，衰到連個汁都係淡茂茂😨然後話係晚餐Set，但野飲杯杯都要加10幾蚊，諗住算啦要左杯免費跟餐既「季節時令」飲品，點知黎到原來係一杯烏龍茶😂大佬阿烏龍茶有分時唔時令架咩? 點解唔誠實D寫茶算? 凍飲仲要加3蚊。好奇想知D人點評價上黎睇下，但見到間野原來咁多「唱好」，仲有幾篇野話文青餐廳，呢間餐廳不論裝修同食物都無樣野文青喎，食物求其，搵人唱好都咁求奇，點搞😂

第一次來四湯八麵，看到餐牌有海南雞飯，又有湯麵等等，簡簡單單和弟弟吃個便飯！有晚餐套餐也可散叫。晚餐套餐很划算，飲品+小食+主食+甜品😳🔸海南雞配雞油香飯配養生湯：雞肉肥美嫩滑，飯也幾香，鹹鹹地的雞油撈飯好味😋🔸麻辣滷鴨血豆腐：少少麻辣，鴨血味道不錯🔸宜蘭紅燒牛肉湯麵：內有牛筋丸，牛腱；牛筋丸多汁，滷水牛腱肉質不錯，紅燒湯香濃。🔸滷味雞翼：單骨雞翼好容易咀嚼，味道不會太濃太鹹，像家的味道！🔸甜品是帶有椰香味的奶凍，味道又幾好，不太甜。

跟同事行apm 順便食埋飯，在四樓見到四湯八麵，門口餐牌都有我哋想食嘅嘢，就進入開餐囉。晚餐包左小食、主食同甜點，飲品是茶，若選凍的便要加$3元。我地點左不同的食物一齊分享，咖哩牛肋肉配糖心蛋，牛肋肉煮得有水準，有煙韌性，薯仔🥔都煮到好淋，咖喱汁濃而不辣，啱晒配飯食。福建蝦配上海麵，食材豐富有青口，大蝦-蝦肉爽口，配料仲有肉丸、豆卜同雞蛋🥚，豆卜索左鮮蝦味的湯汁，香口又juicy，麵質爽滑都唔錯。小食要了咖哩豬皮蘿蔔，味道微辣，煮得很淋又惹味。小棠菜，爽口新鮮健康。

經過APM朋友話有間新嘅麵店試一試，點不知價錢貴之餘質素又唔好，滷水雞翼雞翼非常之大浸雪味，紅燒牛肉麵牛腱肉唔夠淋湯底一般，藥膳排骨麵湯唔夠熱，排骨一浸雪味，如果1個餐收$110，絕對不值得！ 店內明明有位嘅，但係久久唔安排入座，走去問收錢櫃檯小姐說，我不知道的我只是收銀，所有坐係由樓面安排，但後尾收銀小姐又走出嚟做樓面嘅工作，咁其實佢係收銀定係做樓面呢？但係佢話自己只是收銀其他嘢他不知道喎 一間小店可以食物出品唔得，服務亦都唔可以，咁其實佢哋仲有冇用心做嘅呢？不過以後都唔會再幫襯😑😑

今日接朋友係觀塘放咗工之後去左apm度搵嘢食，有一間未試過嘅台式湯麵舖，就同朋友入去一齊食嘢👭🛎 $96 晚市套餐D01宜藺紅燒牛肉湯•配手作麵 配 醬油小棠菜~紅燒牛肉好入味，湯底唔會過鹹，白蘿蔔清甜無渣，麵線好有口感，幾好食！濃郁嘅牛肉配上清新嘅小棠菜🥬，係一個幾好嘅配搭。🛎$92 晚市套餐D05番茄麻辣湯.配 自家製慢煮叉燒配手作麵🛎 跟餐 季節時令熱飲跟餐飲品係烏龍茶☕️，凍飲加$3，食完湯麵之後解渴一流。🛎 跟餐 季節奶凍杯甜品係奶凍杯🍮奶味濃郁加上口感冰涼，最緊要唔係好甜！喺夏天食完飯之後係極美好嘅點缀。🌐 環境/服務鋪頭光線明亮，搭配唐風裝飾，環境整體嚟講頗為整理。落單用網上點餐系統就可以，唔收加一服務費，上菜速度亦都十分之迅速。店員態度幾友善，見到我哋食曬主菜就送上甜品！

私房烤雞髀 配雞油香飯 . 溏心蛋烤雞髀比較乾身，但味道唔錯，有雞味，又唔想柴; 溏心蛋尚可。雞油飯幾香，但都係比較乾身，要看看每個人既口味，我就還可以接受，但未到喜歡。最後送一杯熱茶，整體上算不過不失，可能呢間餐廳既麵食會更好。

去到APM發現一間暖木色系裝修配襯綠色吊掛嘅盆栽裝飾嘅餐廳，感覺令人好悠閒寫意，於是就走進店內試一試四湯八麵。晚餐形式以飲品+小食+主食+甜品為套餐今次點咗兩個套餐，包括：宜蘭紅燒牛肉湯麵（台灣扁麵）+桂圓紅棗薏米水+麻辣滷鴨血豆腐+季節奶凍杯海南雞配雞油香飯（配藥膳湯）+有營檸檬薏米水+麻辣蓮藕片+季節奶凍杯先上咗前菜，麻辣滷鴨血豆腐，豆腐入哂味，鴨血夠滑麻辣蓮藕片夠爽脆宜蘭紅燒牛肉湯麵嘅湯味濃郁，牛肉夠淋，連不起眼的配菜蘿蔔都好入味！海南雞配雞油香飯嘅雞好夠份量，最重要呢度嘅海南雞雞肉嫩滑程度及味道媲美我喺酒店$3xx食嘅海南雞，而雞油香飯充滿雞香蔥油味，真係想食多碗。嚟呢度食真係唔好錯過海南雞呀！

裝潢清新，價錢合理。只係飲品方面，見所有檸水、檸茶都要加十幾蚊，就唔加錢叫咗佢杯「季節時令熱飲」。估唔到，原來係.............. 飲落嘅口感係熱茶一杯。唔知如果加$3轉凍飲，係咪即係凍茶一杯？XD但食物方面質素不錯的，食咗個宜蘭紅燒濃汁牛丸湯麵，幾好食嘅。都可幫襯。

午市時間，我與同事去了apm，見到這間小店有特色湯麵拌麵，又有私房飯，所以就入去試吓。 餐廳以開放式設計，整潔明亮，提供有台式、南洋菜等，午市套餐帶廿多款，飲品加主食，價錢由$5x-8x，亦可以追加小食宜蘭紅燒牛肉湯麵手作麵可以選台灣扁麵、上海幼麵或蛋拉麵，我哋揀咗台灣扁麵，喜歡其煙韌有口感，配料除了有牛肉味濃帶嚼勁的滷牛腱，還有惹味的濃汁牛筋丸。自家製慢煮叉燒拼滷肉飯•配溏心蛋用咗比較肥嘅叉燒加上慢煮，非常軟腍，滷肉味道剛好，拌飯一流追加了藥膳濃湯餃子🥟，可選韭菜餃或梅菜豬肉餃，湯底有淡淡藥材香，梅菜豬肉餃飽滿，鹹味剛好，食到爽口嘅梅菜跟餐有茶及升級桂圓紅棗薏米水

“南洋咖喱牛肋條飯配溏心蛋晚市套餐”($98)“番茄麻辣湯麵配慢煮叉燒”($73)Apm開咗間叫四湯八麵嘅餐廳主要提供各款麵食同飯類而晚市更有套餐提供當中包咗頭盤,主食,甜品,飲品首先點咗份南洋咖喱牛肋條飯配溏心蛋🐮牛肋條肉質腍滑,完全唔韌☺️而且好入味😋咖喱唔會話好辣,但就好香好惹味☺️送飯一流😝頭盤小食點咗沙嗲豬皮蘿蔔,味道都好唔錯😚甜品原本係奶凍杯,但當晚冇供應🙈變咗做菠蘿椰子沙冰,十分清爽😆飲品就加咗$12點咗伯爵檸檬茶🍋另外單點咗個番茄麻辣湯麵配慢煮叉燒🍅🌶🐷個湯底比想像中辣🥵愈食愈過癮🤣配料仲有滷鴨血同豆腐😍慢煮叉燒食落同睇落去一樣有點乾😂不過味道香香甜甜係ok嘅🤣

約了bff 睇戲，開場前就到APM吃個下午茶。 逛了好幾間餐廳，最後就來到4樓的「四湯八麵」試試。 茶餐的選擇多，價錢由HK$38起，已包一杯季節時令熱飲，當然，可以+$12-$18將飲品升級為有營飲品。 無骨海南雞配雞油香.配養生湯海南雞入口啖啖肉，雞皮爽滑，雞肉嫩滑，肉汁挺豐富；雞油香飯入口有濃濃蒜香，口感油潤但不肥膩；養生湯很好喝，藥材香味超濃郁，喝後整個胃都感到暖暖的。 古法藥膳餃子湯麵 (梅菜豬肉餸)餃子皮落餡多，味道有點像家裏做的梅菜豬肉一樣，只是變成了餃子模樣，而麵條口感挺彈牙，配上香濃的藥膳湯底，非常加分。 咸蛋黃單骨雞翼雞翼炸得酥脆，內層肉質嫩滑，容易脫骨，入口有滿滿咸蛋黃香味。 炸墨魚餅墨魚餅送上來時熱辣辣，口感超級彈牙，很香口。季節時令熱飲及桂圓紅棗薏米水季節時令熱飲就是高山烏龍茶，茶味非常濃郁，味道清新香醇；桂圓紅棗薏米水味道香香甜甜，紅棗香味突出，非常潤喉。

觀塘APM $100樓下的餐廳選擇不多，這間餐廳餐單比較健康價錢又實惠，餐廳設計乾淨企理。麻辣滷鴨血豆腐辣味幾溫和，鴨血軟熟，豆腐亦吸滿了汁。醬油小棠菜有甜甜地的醬油味，加上小棠菜和梅菜粒，味道好夾。藥膳燉排骨湯麵湯底味道幾香，很像台灣的藥膳豬骨湯，清淡得來又有種涼爽感覺。配料有兩條排骨和肉丸及扎肉片。私房烤雞髀雞油香飯，雞髀烤得香脆，外皮呈現金黃色，中間保留到鮮嫩的質地，略嫌調味較淡。鹹蛋黃單骨雞翼鹹香味道濃郁，蛋黃加埋香炸雞翼真係香口，油份唔算太多不太肥膩。椰汁奶凍杯好重椰奶香味，非常高質的奶凍！