四小福

平時行過都見到呢間店，但總係沒咩衝動入去。今日行過又想食下小菜，就入去試下喎！見價錢又幾抵，估唔到有驚喜！1點未夠入到去，入面都有位坐，而且有梳化位，坐得都幾舒服，去到點幾，個店都full full地了。同朋友share食，叫左個回鍋肉，另外因爲朋友唔食辣，所以叫左個清炒薯絲42蚊一個飯，加野飲，抵呀！個飯好大碗就，好夠飽個回鍋肉炒得好香，好夠味，唔食辣的朋友都食到個清炒薯絲就真係好清，嫌單調左少少…查看更多

食物質素唔錯，款式夠，唔太食得辣都ok今次閒日去，唔洗等太耐。門口有得坐住等。等左大約5分鐘就可以入坐。今次3個人，叫左4個送，開頭以為全部食辣 因爲有時經過門口，見到門口啲海報感覺係食辣既川菜。但入到去睇下個menu. 好采都有好多款係唔辣，或者可以要求小啲辣，太太中意食辣，佢就十分喜歡咁岩張枱對住個電視，加分叫4個送，都唔算等好耐，食住涼菜等，個四季豆 同雞煲好味，有誠意。下次試埋佢地既火鍋價錢方面 合理…查看更多

好食嘅川菜呢頭附近冇咩出色嘅川滬菜 前幾晚突然想食辣嘢 決定去四小福一試。餐廳除咗炒小菜 仲有雞煲食 今次我地選擇咗炒小菜。由於同行嘅友人唔太食得辣 最後淨係嗌咗口水雞一樣辣嘅餸 其他都係唔辣嘅。呢到嘅菜式比我想像中出色 較濃味個黑豚腩肉好好食 好送到飯 個羊肉都唔錯 係有少少鞋口但係冇羶味不過擔擔麵太淋 淋到爛 唔知係咪煮耐咗 另外個口水雞都唔夠嫩 有待改善下次會再來試試其他辣嘅菜式。價錢方面個人接受到 而且份量都唔少 值得一試!…查看更多

星期日晏就帶貓貓去大埔噓沖涼...等緊既途中就係附近見到依間四小福川菜.我地點左炸子雞，包心菜，麻辣雞絲同担担面. 包心菜係鐵煱上 仲會點住火保溫 . 我地點大辣。依到既辣好香口同夠辣。炸子雞同平時食有點唔同，佢地用雞柳，所以完全無骨.炸得好香口麻辣雞絲都幾粗身配青瓜好開胃仲有熱情果茶，唔會太甜，夏天消暑一流唯一美中不足係担担麵，湯底唔錯但面太淋4樣菜加2杯野飲都係2百幾蚊下次再試下佢地既水煮同雞煲仲有侍應都幾有耐性去解釋菜單同上菜幾快…查看更多

同家人見有新開的雞煲 入去一試😙重慶雞煲超多雞！勁足料！正常辣對我黎講都幾辣但好惹味停唔到手😂😂😂就算加埋湯打邊爐都仲係好重味！推介牛小排同豚肉入口嫩滑 質素幾高另外小菜有驚喜口水雞好好好好食😍😍😍隻雞又大份d汁又正如果可以撈飯就正了😍😍😍你湯底唔辣的話留黎點送都正！拍青瓜 水煮魚 雞柳粒都唔錯！重點係好大份！😂😂😂另外姐姐服務唔錯 幾醒目！成日幫我地換碟 原諒我掛住食冇咩影相整體都推薦大家大試！！…查看更多

昨晚和老婆經過四小福門口看餐牌，觀看大概2分鐘後，侍應阿姐走出來，話這裏是全大埔最好吃的雞煲，可入來試試無妨，心諗就憑呢一句就試試啦。 入到去看餐牌後，就叫了個重慶麻辣雞煲半隻$128。例牌吃完雞煲可加湯打邊爐，打邊爐配料逐碟計但價錢算合理，雞煲大概25分鐘後到(等得有點耐)，期待阿姐果句"全大埔最好吃的雞煲". 但食咗幾舊雞後，只屬普通沒驚喜，如果比起八妹雞煲的質素仲差成條街，食食吓發覺這是全隻雞煲，最後老闆娘也知夥計落錯單，都收返我哋半隻雞價錢。 最後一讚老闆娘的服務態度很好，經常能保持甜美的笑容去serve每位客人，要讚👍…查看更多