四寶食堂 (已搬遷) 新店位置

收銀阿姐態度惡劣 找錢嗰陣找少100蚊 同佢講翻 佢鬼死咁惡咁鬧翻我轉頭 唔肯認錯不得止連唔好意思都無一聲 呢種服務態度真係唔掂 D嘢食就仲過得去 價錢都算合理 不過嗰阿姐嘅態度唔改下 就一定無下次

在電氣道近AIA廣場有間新食肆，開左無耐，門面望埋去都幾靚喎，望下門口餐牌價錢適中，於是入內試試新野，呢度有中式炒粉麵，又有西式意粉焗飯，估唔到pizza都有，晚飯時間都頗多人，我地一行六人，都係等左一陣就有位喇，食物大家一人點一款來share食，呢餐晚飯好抵食消費唔使一百蚊第一次來食好有驚喜，值得再來🌿🐥🍞🍚香草烤雞磚頭焗飯，呢個飯係用個麵包中間盛載著飯，頂層係雞扒，有芝士茄汁焗出來，除左食飯之餘可食埋個包🥔🥖🐖🐤美式什扒，呢個什扒餐份量誇啦啦，有雞扒、豬扒、珍寶腸、薯仔，豬扒十分之大件又厚，但肉質好夠稔，薯仔大大個，98蚊個扒餐，有咁既份量真係好抵食🥚🍝溫泉蛋卡邦尼意粉，呢個意粉味道整得唔錯，朋友大家一致都讚好味道🍕夏威夷簿餅，佢既size唔係好大，切開有六小件，餅底好簿好鬆化，細細件，好似小食咁，食一件絕對唔會有飽既感覺，但小食多滋味🐴瑞士汁干炒牛河，河粉長度唔係一條條的比較粹散，而且味道略嫌淡左啲😐🌾🍜蟲草花湯浸芥蘭，碧綠既芥蘭好嫩好清甜，湯浸既蔬菜比炒菜更好味，又唔會好似炒菜咁肥膩

如果將呢間新四寶同舊四寶相比，最值得欣賞既一定係裝修同高水準早餐。呢一頭最多人食既茶記真係要數四寶同半島，其他既質素都麻麻地，連鎖既大快活更加係令人好失望。講番呢間新四寶，呢一個沙嗲牛肉麵餐真係無得頂！點解咁令人印象深刻？全因為佢既奶油脆豬！呢間既奶油脆豬係我食過咁多間之中既number 1，真正做到鬆化香脆，而且奶油份量恰到好處，唔會太多太甜但又唔會太孤寒唔夠味，所以黎食野，緊記要試脆豬！另外沙嗲牛既味道都同一般茶餐廳唔一樣，呢間既味道偏帶咖哩味，我自己就幾鐘意。

上星期行過見到呢間野好似幾企理，於是入去試下，叫左個肉醬意粉配巴馬火腿沙律，估唔到港式茶餐廳都食到正宗西餐既味道。而且用料足，一分錢攞到唔止一分貨！而佢地個奶茶亦一D都唔遜色，完全拍得住出面嗰D所謂得獎既金牌奶茶！我覺得絕對可以一試再試！除左lunch, 我仲見佢地晚餐既選擇好似都幾豐富，有中有西，西既有扒，磚頭焗飯，仲有pizza, 意粉類; 中式又有小菜，咕嚕肉，炸蠔餅同紅燒乳鴿都好似好吸引，不過要叫多幾個朋友先可以試晒咁多野！

最近新開的茶餐廳一間比一間裝修得華麗，這一間的門面非常吸引，落地玻璃，配上份綠色木門，忍不住要入去試一下😍😆我們叫了午餐嘅瑞士汁豬頸肉牛河，同埋馬拉炒飯配煎肉餅。一向係乾炒牛河擁躉嘅我，幾乎喺香港好味嘅乾炒牛河都試過，大家知道好味嘅乾炒牛河一般都要$100以上，這個只是幾十蚊仲要有嘢飲嘅瑞士汁炒河，出奇地好味，踏上新鮮嘅配搭豬頸肉，不是太甜，而且炒得非常均勻，每一條河粉也沾到瑞士汁的滋味，忍不住將全碟也K.O.😜😜另外肉餅炒飯也是另一驚喜，比得上一些出名嘅東南亞餐廳，CP值非常高。下次有機會要試吓佢哋令一間附近嘅餐廳，聽聞食品不太一樣，但是也非常吸引。

伙記服務態度勁差，沒禮貌。經常叫食客轉換坐位 。未上菜已換位一次，食緊途中又被要求換枱！非常過份，完全不尊重食客！食物質素普通，只是返叮熱就上枱，完全不是即叫即整，非常失望！絕對不會再光顧！完全不尊重食客！

常餐炒蛋多士幾出色，炒蛋好滑又有牛奶味，多士熱辣辣，脆皮咖！叫左蕃茄牛肉通粉，個湯夠燶郁，牛肉通粉又唔會太淋，飲曬成碗湯。同事叫左泰式肉碎公仔麵，配沙嗲串燒，十分惹味😋 打工仔飯堂又多一個選擇👍🏻

四寶新店，座位尚算寬敞，人流很多。星期六午餐叫左個 「椒鹽豬扒上海菜飯」，豬扒肉質鬆軟，椒鹽辣味恰到好處，味道唔錯，重有5、6塊豬扒，份量都唔少。不過，菜飯略為遜色，菜飯口感較為乾淨淨，唔夠軟綿，沒有飯香。

約咗班朋友食番個相識十周年晚飯，今年以經濟實惠要去港島區慶祝為題，就齊齊去咗呢間飯堂試下，叫咗黑椒金薯牛柳粒，咕嚕肉，燒乳鴿，避風塘軟殼蟹，煎蠔餅，蟲草花浸時菜，食堂炒飯，最好笑嘅係個個掛住食連相都唔記得影，真心講每道菜嘅味道都真係唔錯，乳鴿，軟殼蟹，蠔餅，炒飯真係個個都食到停不了，食完乳鴿阿姐姐仲會自動黎幫你換碟，真係茶仔價錢高級服務，HeHeHaHa咁食完餐飯之後先記得問其他人有冇影相留念，點知一個二個都話要掛住食冇影相....大家嘅即時反應都係(啤.......)，咁就過咗個相識十周年

環境幾迫下，而且基本上一個人去一定要搭檯，因為餐廳太細，仲要係迫係同一張唔係好夠位嘅檯，食野黎講我最怕去呢種餐廳，隔離位稍為傾過黎已經食得唔舒服。環境窄、唔好坐對間餐廳黎講幾致命，因為香港人居住環境已經細，食野個種想闊落啲係正常嘅。試食當日嗌嘅下午茶餐等左三個字，仲話係即炸豬排，但食落唔脆唔香口，等三四個字完全唔值。 🍞食物方面🍞【雜綿蛋包飯】當日賣哂招牌蛋包飯，試下雜綿，味道唔錯，上面嘅蝦有點綴到。【炸豬排肉醬意粉+炸豬仔包】炸豬排劣，淨係覺得食緊炸粉，唔香，仲要唔係好脆。肉醬意粉普通，但我食左一兩啖肉醬已經唔想食。炸豬仔包稍為好啲，起碼食落脆嘅。🌿🌿🌿🌿🌿🌿🌿🌿🌿🌿食物：炸野唔掂，淨係黎食蛋包飯好喇⭐️⭐️⭐️環境：好窄，要搭檯，檯好細張⭐️⭐️衛生：麻麻，污糟毛巾抹檯⭐️⭐️服務：麻麻，落單後等勁耐先黎⭐️⭐️⭐️抵食：普通⭐️⭐️⭐️

一直覺得北角有好多野食，直到喺北角返工，食晏成了問題。因為真係太多野揀😄。今日公司啲人都唔見左，一條友食晏。2點幾先出去，我會行遠少少🚶‍♂️，本來諗住食一間近期話題叉燒，午市都完啦，點知離遠就見到10個人喺門口等位，即時放棄，轉戰附近一間新開既茶餐廳。老實講，間茶餐廳門面好靚好HIGH END咁，有啲似BELON🤩！但外牆係薄荷綠色💚，入面環境個色調，餐具都襯返啲色，而且坐得💺幾舒適既。2點半有下午茶🍵餐牌，大概10多個選項。我揀左泰面套餐，包一碟香辣肉碎媽媽湯面🍜、沙嗲豬肉串同蒜蓉脆朱及飲品🥤。係普通公仔面🍜底，個湯酸酸地，微辣相信所有人都接受到，有少少淋左既洋蔥，個人覺得唔錯吃既。但碟面上既肉碎先係靈魂！肉碎上係撤左少少辣椒🌶️粉，微辣幾開胃既，重中之重係當中係冇啲咬唔到既肥肉(平時食生菜包好多都溝左好多肥肉)，而且係冇任何碎骨架！雖然個麵裡面冇其他餸，都覺得夠晒。VERY OKAY！沙嗲豬肉串係凍既，沙嗲頗甜，重花生醬🥜味，但一啲辣味都無架！豬肉串口感一般，冇咩肉味，靠個甜沙嗲醬充撐下；脆朱🐖一丁點脆都冇，而且亦係全凍☃️的，蒜蓉係OK既，但我竟然都係食唔晒。總括係唔合格🤦🏻！我係估

今日行過四寶飯堂 發覺好多人排隊 於是走入去試下 點咗個雪菜肉絲米粉 沙爹牛肉麵 白汁蝦皇意粉 沙爹牛肉麵好好味 白汁蝦皇意粉啲味道可以比美高級西餐 東咖啡及凍奶茶都幾好飲 價錢都好優惠 下次再行過炮台山一定再去試過

經過好多次都無試! 终於今日因為大雨所以入左去試下。叫左一個下午茶 - 迷你星州炒米, 盛惠$36。唔夠兩分鐘碟野到左, 咁快到都知出事, 碟野係炒定, 微波爐叮翻熱嗰隻!!!成碟野既料係求其有2隻蝦, 3舊义燒喺則邊, d葱係又黃又梅.......總言之100% 唔係即炒! 質素差過 7-eleven 叮熱嗰d! 中伏程度係 10/10, 真係好離譜! 一定唔好叫! 簡直令我以後都唔想食星州炒米!!!唯一可取係杯凍奶茶, 不過都挽回唔到碟咁差既星州炒淨米

一直都係舊四寶嘅常客，今次佢地係大街開新鋪就當然要支持下啦！新鋪大咗好多，裝修又靚，唔講真係差啲忘記咗佢係茶餐廳😂入面係咁樣嘅，如果佢賣啲靚樣甜品，我諗都真係會有好多人嚟打卡🙊menu選擇都多過舊嗰間四寶是日午餐仲有個蒸飯 好吸引！可惜我落單嗰陣已經賣哂😟不過我都照叫咗個午餐，係蜆肉忌廉意粉，五十幾蚊有野飲，依區嚟講都算正常價位蜆肉忌廉意粉賣相都幾靚仔架，不過味道就略嫌淡咗少少下次再嚟試埋個番茄湯通粉！

今晚一行6人諗住快食然後去睇戲，啱啱經過呢間新開張既‘四寶食堂’就入去試一試啦，點知......真係有驚喜喎🤩呢間裝修都幾靚幾舒服，原來係‘茶記’嘢嚟，但係佢既晚市又有幾多不同既選擇🍕🍝🍛喎！我哋叫咗好多款一齊試，食物賣相好得意幾特別，個個都相機食先😂，味道亦都不錯幾好味👍🏻大家都覺得有驚喜😋值得再嚟再試埋其他款式！不過可能係啱啱新開張，食物出品耐咗小小，張單又有小小亂！期待下次再嚟既時候會有改善啦🤗