四寶食堂 (啟德零售館3)

营业中

休息中

Coldplay 嚟咗香港咁大件事，我梗係要入啟德感受吓啦！果然係香港十大建設之一，整個啟德區吸引感覺有活力，優美又寧靜。睇show前食啲嘢，啟德零售館3 有好多餐廳選擇，我哋揀咗茶記坐低，食完散步去睇show。這裡的裝修融合了傳統與現代的元素，給人一種溫馨而舒適的感覺。整體環境明亮，掛著一些香港風情，讓人不禁回想起昔日的茶餐廳情懷。養生燉湯蟲草花淮山杞子燉排骨色澤清透，湯底清香，喝上一口能感受到濃郁的食材鮮味，十分滋補，適合健康養生的朋友。小菜胡椒大蝦粉絲煲蝦肉鮮嫩，粉絲吸收了湯汁的精華，味道濃郁，胡椒的香氣適中，刺激又能提味，讓人一口接一口。皇室咖喱牛腩煲牛腩煲的賣相令人垂涎，咖喱醬汁濃厚，牛腩軟嫩入味，搭配香米飯食用，簡直是完美的組合。山楂汁脆皮拔絲咕嚕肉小菜的賣相精緻，色彩繽紛，每一口都能感受到新鮮的食材，搭配的調味恰到好處。色澤金黃，脆皮外層包裹著甜美的山楂汁，咕嚕肉的口感酥脆，甜酸適中，讓人回味無窮。雞批酥皮香脆，內餡多汁，搭配特製的醬汁，味道豐富，非常適合作為小吃。招牌瑞士汁炒牛河炒牛河的賣相誘人，牛肉嫩滑，河粉炒得恰到好處，瑞士汁的甜味與鹹味交融，吃起來十分過癮。朱古力

休息天到啟德食早餐，位置多，望到跑道，夠陽光。早餐選擇多，有健康養顏餐選擇，好特別，但無試試左最基本的通粉，面包出色，通粉好大份，最後都係食唔晒，夠足料飲品叫左檸檬茶，少甜，但都係好甜。餐飲有待改善。下次可以試下奶茶位置坐得舒服，環境好，可能係閒日無人等位，可以坐耐啲，無人打擾值得一試

今朝一早要去啟德有個活動，咁就約埋7點去食早餐啦！大家都一致推介四寶食堂，咁餐廳都好早7點就開門了，坐低見到個餐牌，比較起其他茶餐廳都好有特色，而家就點左個鮮茄薯仔排骨湯通粉，見到個精選餐包係迷你波羅包，由於興趣不大，都係點左個油包。咁早餐都好快到啦！鮮茄湯都好入味，最愛嘅薯仔都好有口感，唔會話煲到溶左，排骨粒份量都好足，而蕃茄目測都有半個，湯味道都夠濃，而排骨都好多肉，最後就成碗食晒了，由包餐廳就採用左厚包，成個早餐都好豐富，最後飲埋杯齋啡，好滿足的一餐早餐。

啟德不錯的中檔茶記今日去啟德行下，以為新開的什麼海濱美食廣場，起碼有d野好食，行過大部分無開，其他做午餐好似吾適合，最後系個水牌見到哩間系啟德零售館3期價錢同評價都幾好，咪試下。味道(4分)水門雞飯配胡椒冬瓜湯(轉雞腿$80)3.5分-胡椒冬瓜湯無乜胡椒味，如果只叫冬瓜湯會高分d.- 雞腿可能只有最多2/3隻雞腿，雞皮好爽滑，雞肉就熟左小小，吾夠滑。- 雞油飯真系吾夠水，幾硬，好在味道OK。喜哥蔥油豬趴煎蛋飯($70)4分-豬趴真系又大又厚又帶肥邊，味道特色，-飯同樣比較硬。檸檬水正常，朱古力比較甜環境(4分)-市內光猛，高樓底，座位寬和帶精神的橙色，窗外是綠色草地運動場，舒服。衛生(4分)- 木筷子都是比較光滑的。抵食(4分)-綜合味道，環境，地理位置，味道，應該有4分以上

成班侍應閑聊：全部都唔搭枱....由得佢哋喺出邊慢慢等！其實假日客人唔想搭枱...都唔係一件大事！服務態度可改善，其實成班侍應喺入邊講，坐喺度嘅客人亦會聽到👂食物一般菠蘿包都OK

睇show之前醫肚先😋 餐廳裝潢用色豐富大膽並且加入運動元素，以單車作為裝飾，整體感覺寬敞明亮，活力十足🌈👍🏻豉油皇龍鬚炒麵，套餐加$28有燉湯🥣 當日係雪梨雪耳無花果燉瘦肉，湯底清甜滋潤冇味精👍🏻 炒麵份量十足，簡單的食材，炒得夠熱夠香夠爽口，每條麵條上色均勻，廚師功力深厚👅👍🏻花雕醉雞翼有濃郁的花雕酒香味，入味肉質彈牙，帶點杞子蟲草花清香，水準唔錯😬紅酒野菜燉牛尾煲，份量好多，牛尾燉到又腍又滑又離骨，食唔到酒味反而帶點甜味😋 配白飯一流，極度推薦🧡

呢間野D食物質素只係中規中矩，都係一般茶餐廳水準，不過個價錢就比茶餐廳貴30%左右，明白嘅，地段問題，貴咗嗰30%當交租啦。晚市套餐大約$100一個，條魚明顯就唔算好大條，連埋碗飯再加埋個燉湯，收貨啦。

今日收工又同朋友黎左最近人氣好旺嘅啟德站，因爲之前喺呢度一間茶餐廳食過抵食好味嘅嘅蒸班仔，今晚就encore睇下有冇新驚喜。今次又叫個蒸魚套餐，加左個煲：🍲 沙嗲牛肉粉絲煲（$78）一上枱就聞到濃郁沙嗲香，牛肉份量足且嫩滑，唔會韌，最驚喜係粉絲吸盡沙嗲汁之餘仲保持彈牙，仲有啲爽脆銀芽同洋蔥增加口感。略嫌偏油（但唔油又唔夠香），送飯一流！ 🐟 花雕雞油蒸海鱸魚set（$108）👍🏻👍🏻成日話食白肉比紅肉健康，但好似我呢啲唔鍾意揀骨嘅人黎講，真係冇乜選擇，呢間茶餐廳嘅鱸魚就冇揀錯了，師傅開魚手工一流，成條魚冇碎骨，而且新鮮無泥味，肉質嫩滑，師傅蒸嘅時間掌握得幾好！唔知係咪用左雞油，成條魚更鮮甜美味，如果酒味再突出啲就更完美。同區少見有咁足料嘅蒸魚，值得一試。 跟餐仲揀左：蒜泥黑毛豬黑毛豬片肥瘦適中，食得出係靚豚肉，蒜泥爆得夠香，不是用生蒜泥，食落惹味但唔會過鹹，而且有一大pat,唔怕一忽有一忽冇～ 總評✅ 優點：價錢合理（人均$100左右）、份量足，地方闊落乾淨整潔，服務員有禮💡抵食指數：★★★★★（5/5）

今晚係四寶食堂食晚飯，叫咗幾個餸，真係好惹味！😋首先，我哋叫咗個土匪鮑魚雞煲🐔🦪！雞煲真係好惹味，味道啱啱好！🌶️👍🏻 雞肉嫩滑，鮑魚爽口彈牙，好適合配飯🤤 我哋仲叫咗個燉湯🥣，清甜滋潤，好啱飲！👍🏻然後，我哋叫咗個XO醬西蘭花炒蝦球🥦🍤！蝦球爽口彈牙，西蘭花新鮮爽脆，XO醬嘅香味好突出！我哋仲叫咗個蒜泥白肉🐷🧄！白肉🐷薄切，配上蒜泥🧄，真係好開胃！最後，我哋叫咗個上湯浸時蔬！時蔬新鮮爽脆，上湯清甜，好健康！👍🏻飲品方面，我叫咗杯鳳梨百香果冷泡冰紅茶，同百香果嘅味道好夾，酸酸甜甜，好解渴！👍🏻

街坊價食勻多國地道風味！零售館隱世親民茶餐廳鳳梨百香果冷泡冰紅茶百香果籽香甜上癮，甜度天然，酸甜味香濃鮮油奶多士牛油厚度大！烘到微焦脆，煉奶牛油溶成黃金比例雞扒炒旦迷你餐精緻版下午茶，雞扒入味，炒旦滑嫩，雞扒煎得香，肉質嫩滑黑毛豬炒烏冬鑊氣小炒！黑毛豬肉嫩，烏冬炒至乾身不油，彈牙好吃，醬汁蝦香滿滿泰式肉碎蘭王旦飯流心蘭王旦篤穿，旦香濃厚，棒！肉碎辣度溫和泰港日西式味道，滿滿人氣，吸引港式茶餐廳驚喜！經典紅豆冰懷舊

對四寶茶餐廳一向都有信心，今次經過啟徳，當然要試下。印象中餐牌好似同之前港島食過有唔同，啟徳呢間好多小菜選擇，樣樣土好吸引😍🌟胡椒大蝦粉絲煲：大蝦真係夠大聲，個粉絲好出色，好夠乾身👍🏻🌟拔道腩水門雞（半隻）：係出色，雞肉好嫩滑彈牙，好有愛味，配埋醬汁一齊食就更正👍🏻🌟山楂汁脆皮拔絲咕嚕肉：呢個都好出色，個汁酸酸甜甜，咕嚕肉啖啖肉，吸晒啲汁，送飯勁正🤗🌟蒜茸炒時蔬芥蘭：炒得好有鑊氣，蒜蓉味好香，芥蘭保持住爽脆😍除咗食物質素高，價錢亦都好實惠，可以加$28轉餐，可以揀特飲（咸檸話梅七+朱古力雪山），仲有埋燉湯，加白飯，好滿足😌

餐廳環境開揚明亮，貫徹以ᴛɪꜰꜰᴀɴʏ ʙʟᴜᴇ的裝潢為主調，再以橘紅色作配襯，營造出年輕活力的氛圍感🩵🧡餐廳除了有一般茶餐廳的菜式外，另外也提供不少的小菜或套餐，味道不比大排檔遜色👅✂︎ ❥$𝟭𝟬𝟴 XO醬西蘭花炒蝦球：蝦球用了新鮮的大蝦，肉質爽口彈牙🍤 XO醬令其口味變得惹味無比🫶🏻✂︎ ❥$𝟵𝟴 山渣汁甜酸脆皮咕嚕肉：酸酸甜甜的咕嚕肉讓人即時胃口大開，旁邊還有新鮮的菠蘿作伴碟，新清多汁🐽🍍✂︎ ❥$𝟭𝟭𝟴 湖南土匪鮑魚雞煲：滋滋作響的雞煲，雞塊沾滿了濃郁的醬汁，惹味十足🐥🔥 鮑魚不算大，不過煮得相當幼嫩🫶🏻✂︎❥$𝟴𝟴古法避風塘椒鹽豬扒：一端來已傳出香氣撲鼻的味道😻 豬扒的份量很多，而且肉質不會過硬，相當不錯🫶🏻✂︎隨套餐分別配搭燉湯或小食：𓏲𓏲 🥢精選養生燉湯：滋潤清甜，多喝也不覺口渴🥣𓏲𓏲 🥢沖繩醬油煮牛筋：牛筋煮得軟嫩，味道濃郁🐮𓏲𓏲 🥢花雕醉雞翼：雞翼已充滿花雕酒的氣味，酒香迷人🥃🐥✂︎鳳梨百香果冷泡冰紅茶：套餐另+$𝟵，冰冰涼涼酸酸甜甜，清新解膩之選🍍🧊

啟德零售館新開咗好多唔同餐廳所以就同朋友去嗰度食晚餐😍有間高質茶餐廳，✨四寶食堂我哋見到有好多款式嘅小菜~所以我哋就去咗食😋✨胡椒大蝦粉絲煲$108大蝦十分之大隻，有好香嘅胡椒味食落去仲有啲蝦膏😍仲有粉絲墊底粉絲仲好入味，好食✨鹹蛋蒸肉餅 $98有兩個鹹蛋黃，肉餅亦都唔算好油膩送飯好岩👍🏻✨ XO醬西蘭花炒蝦球 $78蝦球爽口，再加埋XO醬去炒，香香辣辣令到西蘭花更加惹味✨湖南土匪鮑魚雞煲$88雞肉好香，好入味比平時食嘅雞煲冇咁油，同埋醬汁有冇咁辣，同埋高醬汁有冇咁辣另外有幾隻鮑魚BB😍✨白飯燉湯套餐燉湯係木瓜排骨湯😍好清甜好好飲飲完好滋潤喉嚨😚好食指數⭐️⭐️⭐️⭐️⭐️

餐廳有多張大大卡位，座位非常闊落，坐得舒適。喜歡這港式餐廳每天都有不同燉湯，而且超有水準，高質得來價錢卻很平民！是日精選養生燉湯是五指毛桃蟲草花海底椰燉排骨，燉湯非常足料，味道濃郁，啖啖椰香，滋潤得很。花雕醉雞翼是道開胃冷盤，酒味很入味，皮爽肉嫩。花雕雞油蒸海鱸魚十分出色，可媲美酒樓的質素，蒸魚很大條又新鮮，蒸得恰到好處，魚肉超嫩滑，豉油美味佐飯一流！山楂汁脆皮拔絲咕嚕肉令人喜出望外，醬汁如糖漿般濃稠，還真有拔絲效果，甜味也調校得宜，咕嚕肉口感特別，外層脆皮而内裡肉質鬆化，嫩滑爽口，沒有一般雪藏味的幣病，大有水準！拔道腩水門雞只是半隻卻很大碟，雞件肉質比一般切雞更鮮美嫩滑，而且件件無骨啖啖肉，配以特製醬汁很是美味。胡椒大蝦粉絲煲熱騰騰香噴噴，有多隻超大大蝦份量十足，粉絲吸滿超濃胡椒醬汁也很惹味。雪山紅豆冰和朱古力雪山超大杯，忌廉滿滿，入口香滑。鳳梨百香果冷泡冰紅茶，果味與茶味均夠濃郁，兩者混合得恰到好處，清甜解膩。蛋撻是酥皮款，口感酥脆，蛋味香滑。

今次去啟德揀返四寶食堂，平時北角都食開，質素係有保證。門口附近見有烘焙室，熱辣辣香噴噴既菠蘿包蛋撻，新鮮出爐。今次重好lucky坐到入面窗邊的卡位，可以望住體育園的田徑場食野，好正。保持特色Tiffany Blue的裝修，加埋靚靚田徑場，打卡一流。茶記必試：菠蘿油-菠蘿皮好鬆脆，包夠實在，唔似一陣風，牛油略嫌細d，但啱我。蛋撻-撻皮鬆化，熱辣辣上碟，唔錯。熱奶茶-質地絲滑，唔會苦澀。另外再左：吉列豬扒配蔥油撈麵-豬扒有驚喜，肉質好食。蔥油都好夠香，唔會過分左。瑞士汁雞髀-瑞士汁充分滲透雞髀。花生醬粒粒西多士-厚切西多士，花生醬唔會慳😋朱古力雪山-唔太突出，但打卡開心想食港式野，四寶食堂盡對係保證🙌🏻