四季‧悅 日本餐廳 (遠東金融中心)

营业中

休息中

見買一送一，又好評如潮，於是相約替友人慶祝生日。一坐低，台面有印有四洲集團既濕紙巾歡迎你，職員會遞上QR code比你落單，然後全晚除了上菜同遼遼可數既執碟之外，你會同職員保持住充足既社交距離。價錢反映質素，d野食叫完會立刻出現係你面前，我幻想到應該係廚房係入面好似自助餐咁幫你夾夾夾。飲品menu最精彩，全版有90%都係四洲集團出品，其餘10%就係可樂雪碧。仲有清酒、梅酒、熱茶、水自己斟。今晚叫得最多既係中華沙律，其他都真係無encore既動力。講幾樣野食comment下。牛舌：叫左一塊，係你去凍肉鋪一條個d。炸豆腐：係我有生之年食過最驚為天人既豆腐，外皮似鼻涕，舊豆腐係完全無味！鰻魚：正常，薄薄小小的一小塊銀鱈魚：應該每片厚度不多於1cm，面積不大於15cm。味道正常其實咁既價錢，去食爭鮮都無咁嬲。

疫情前訂過一次位，但因為第三波疫情開始嚴重而停左晚市所以取消左booking，諗住終於可以黎試下呢間有幾正，黎之前見到食評好似唔錯咁，見呢加做緊買一送一優惠就黎試下，點知一食就伏左。 首先，刺身 壽司 不過不失，個別刺身略為腥咗小小，但手卷黎到紫菜已經淋哂。 第二，熱食黎已經凍哂，銀鱈魚係咁多樣熱食較為好食。可能個人口味唔同，大蝦 雞翼 胡椒味較重。 另外環境方面，比起其他大型放題黎講 環境比較舒適，座位比較闊，疫情下部分座位都有隔開。總括黎講，質數同價錢不成正比。

襯佢有優惠同老婆之前去試左次 幾滿意所以今日再去食多次 都保持到質素 食得幾開心 比個贊佢 所以留個評食物質素同平時食開大字頭喜字頭係有分別其實都應該話哂原價4百幾 如果啲料同2百幾既一樣 就搵鬼食先講環境 佢嘅位唔迫 (最憎去野迫餐死) 加上依家2人限聚令 2個人坐一個卡位 食3個鐘都舒服 食物黎講選擇唔喺多 但無所謂 本人我鐘意貴精不貴多 首先依間日本野佢個重點絕對唔係刺身到 係燒物 我會再食佢都因為佢個堆燒物 真要表揚下佢個廚: 首先西京燒 燒得岩岩好 肉質肥美金香叫左3 round 質的都保持到第二燒魷魚圈 依個估唔到佢咁好食 熟個時間把握得好好 一啲都唔韌 好嫩口 而且調味都好好 之後到鵝肝 都算唔錯 個面脆入面軟 好夠香 重要喺唔騷 比我岩岩去完嘅酒店自助餐有過之無不及 另外第一次去食個面包底係淋既 第二次去有改善 脆左 唔錯跟住個燒左口魚壽司 我本人一向都鐘意食佢都燒得幾好 燒得夠唔夠個魚香差好遠依樣野第一次去食比第二次好 可能

初初揀呢間係因為有齊我鐘意食嘅鵝肝、銀雪魚、海膽、帶子同埋梅酒。點知去到原來無咗海膽，真係有啲失望。不過其他都ok, 帶子好鮮甜不過係壽司所以食埋舊飯就好快飽。銀雪魚好味encore咗3次。鵝肝好明顯係炸嘅唔係煎，又係有啲失望。攪到食咗幾舊就已經好漏。梅酒飲咗一瓶就唔想飲，因為太甜。其他嘢食中規中矩，無乜驚喜又唔會難食。買一送一嚟講就值囉，但如果得7折8折之類就唔抵幫襯。我本身唔食紅豆，但雪糕類3款入面有2款都有紅豆，我唯有主力食雪米茲另外有個牛奶紅豆雪條都好味，不過我剩係食咗牛奶嗰part.

抗疫期間放寬晚市堂食的買一送一日式放題，急不及待去品嚐，每枱之間全間了板，兩人一枱坐非常舒服，剌身依舊很鮮味，尤其鮮蝦刺身ichiban,燒鵝肝也很正，但唯一冇了海膽壽司，燒銀雪魚西京燒及雞翼及荔枝煙串燒推介必吃！眼看都差不多滿座！香蕉天婦羅也好味，個人喜歡南瓜天婦羅多過番薯天婦羅，壽司細細件易吃又不會太飽，軟殻蟹手卷吃了一個又一個！飲品方面個人覺得梅酒太甜所以加了雪碧中和下！最尾吃埋個生果盤加雪米糍

原先一心諗住為品嘗海膽軍艦去試嘅日式放題, 訂位後通知沒有海膽軍艦供應都算, 都諗住去試一下其他食物例如鵝肝多士, 燒銀鱈魚, 刺生, 壽司....睇下餐牌食物種類比一般日式放題已經少選擇.點了刺生只有雪味, 帆立貝壽司又薄又無味, 象拔蚌壽司有腥味, 鵝肝多士點了沒有來過, 牛肉鍋好咸, 飲品方面沒有椰子水供應, 甜品方面雪條可以成條溶的, 雪米糍個皮勁硬, 其他食物都非常一般. 另外Openrice上寫接受AE付款, 店員一句AE唔收, 態度差沒有禮貌.極之沒有誠意嘅日式放題.

知道有買一送一優惠，預約6:30但早了半小時到達，可惜要等到6:20才能入座。 電子落單，用手機掃描QR code便到達落單版面，一次最多選擇30件，落完可即刻再落。放題提供免費清酒，梅酒及汽水。第一轉刺身：甜蝦，玻璃蝦，油甘魚，希靈魚，吞拿魚，魚生新鮮，夠光澤，味道鮮甜。第二轉刺身：馬刀貝，赤貝，北寄貝，立魚，魷魚，墨魚，八爪魚。刺身與第一盤一樣咁有質素。海膽軍艦壽司滿滿的海膽鋪上壽司飯上蔥吞拿魚茸軍艦，超多吞拿魚茸，滿滿的。清酒煮蜆芝麻雞翼及炸蠔：剛剛炸好，熱辣辣。天婦羅件件新鮮熱辣，超好味。蒜蓉燒帆立貝：每隻入邊有兩粒帆立貝，一食再食。燒鵝肝，鵝肝雖然細件，一淡一口剛剛好，高成本甜品，樂天糯米糍，樂天抹茶紅豆牛奶雪條（高成本甜品）

舊同事約我食午餐，喺金鐘，佢話想食呢間四季悦，呢間四季悦分開兩邊：一邊係坐得舒服，有服務員，會收加一服務費；另一邊係自助形式，買完會有一個編號，然後有店員送上午餐，但午市套餐價錢就實惠啲，我哋兩個梗係揀後者啦。芥末角切魚生丼定食$98呢個定食已經包埋麵豉湯同埋餐前小食。商業區食午餐，呢個價錢不過不失。先講個麵豉湯，冇乜特別，不過不失。但係個魚生飯，賣相幾靚，雜錦角切魚生份量唔少，配上軟滑嘅珍珠米，不失為一個填飽肚的午餐。

呢度原來星期一至五有早餐，仲要唔加一，今日特登去一趟，九點到其實已經坐滿晒客，探完熱有位自己坐，枱面有菜單，日本餐廳吃早餐都係第一次食。今日先試西式早餐，找天試港式，兩人埋單$100非常抵食一定會再嚟。煎雙蛋火腿茄汁焗豆配多士$45。蕃茄湯通粉餐$55. 坐窗邊仲有靚景睇。

回想對上一次黎食 都2年前既事主要因為佢地既海膽 因我地一家四口都很喜歡一來到當然先叫來吃海膽仍然好吃 唔腥 但包住的紫菜就十分失色 唔脆 感覺唔新鮮 好似放左好耐咁 但想不到 (但都encore 左3次 看看會唔會只係第一次先係咁 結果每次都失望)其他方面 沒太特別 刺身 只覺油甘魚好吃 其餘只是一般想吃 糖心蛋 竟然冇牛舌都幾好味 又夠腍飲品方面 梅酒好好飲 其餘我喜歡他家的咖啡 椰水都唔錯甜品都一向沒期望 因沒些選擇不過父亲節有買一送一優惠 都可以接受不過我估我應該好耐都唔會再去食啦

六月做緊父親節優惠買一送一，$498買一送一好抵食，有燒鵝肝入口即溶，海膽壽司鮮甜無比好新鮮，甜蝦比起其他放題店大只而且好甜，仲有我最鍾意嘅燒銀雪魚同鰻魚都大大件好肥美，基本上都好正用了新鮮上成，只係款式比較少，但好在就係take幾多嚟幾多而且上菜很快，沒有漏單

朋友咁啱見到openrice coupon有買一送一優惠，於是去左試下。人大左其實好少再食放題，始終認為放題普遍質素一般，但今次見到有無限點海膽壽司，覺得都幾吸引，結果試完後，我認為係我食過咁多次放題中最好食最有驚喜既一次！海膽份量一啲都唔姑塞，而且食得出海膽係新鮮既，我自己一個都食左八件！非常好食！另外佢既蔥吞拿魚腩同左口魚壽司都有質素👍🏻👍🏻刺身選擇唔係話好多，但都夠滿足。重點推介係燒銀雪魚！平時出面食都要差不多一百蚊，呢度係任食！而且十分入味，叫左足足三次！天婦羅都好味，就算你叫一舊，佢都會俾個汁你，相當貼心。甜品就一般般，但有新鮮水果揀。同埋飲品有椰子水，都好大方。買一送一後埋單每人三百左右，非常抵食！

本著期待買一送一優惠兼鍾意食海膽所以去試，點知好失望。茶碗蒸、甜薯- 味道唔錯，同出面日本餐廳差唔多刺身- 除左三文魚同油甘魚，其他都唔好食，係嗰種雪左好耐，雪到冇晒味嘅感覺。口感係有嗰款刺身應有嘅口感，但食落係冇乜味。熟食- 燒蝦 都係冇蝦味 未試過食燒蝦要點豉油食；汁燒魷魚勁難食，口感係帶有麵粉嘅質感，完全冇魷魚味。清酒煮蜆味道唔錯。壽司- 海膽壽司算係全晚最正常嘅嘢食，本身驚會腥/苦，食左咁多舊都冇呢個情況，味道都算唔錯。左口魚壽司都係出奇地冇香味，平時食係會有油香，但佢係有油冇香，得面嗰陣面頭灸熔咗嘅鹽味。飲品- 種類好少，睇睇下先發現全部都係四洲自己出/代理嘅飲品，再諗諗下就知佢地啲軍纜都係用四洲紫菜嚟包。總結係大部分食物味道令人失望。

The admiralty shop has good view and no time limit from 6:30 till 10:00.I doubt if over 100 choices as promoted.Sashimi is okay. Fried oyster is hot. Somehow, you don’t worry time when you are rush. ‘Cos foods are just a bit warm onlyFor any others, what you paid what you get.If you want spend some time in a convenient place, why not here. Justified.

水準一如以往嘅好，重要五月份有買一送一優惠，十分抵食。 有海膽軍艦，叫幾多黎幾多唔會自動減量,食客都多，座位8，9成滿，但唔會逼，食物種類唔叫多，但勝在優質。同埋鍾意佢食野時間長我地7點半食都10點幾關門先叫我地走。聚舊一流!