四季芬芳

营业中

休息中

七月頭的晚餐時段，我與友人在門口等候入座，雖然餐廳內已有一半客人埋單離開，可是員工們都專注於聊天，未有清理枱面及安排入座直至我們再詢問。點餐時侍應告知大部份菜式都已賣光，茶是溫的，湯和荷葉飯是不錯的，不過小菜只嘗到鹹味。

第一次來，不多客人，但係隔離麵店好多人🤨🤨叫乜好呢，碗碟有點懷舊feel 食🐍蛇羹la , 味道鹹了一點，加配菊花脆片配料，但脆片好堅固，不脆卜卜。加在蛇羹裏，😔😔😔😔更加不要軟海鮮陳村粉，仲差過腸粉。陳村粉厚粉到不得了，食不下，我們完全浪費了，成半碟沒有食龍井茶葉雞，雞配龍井茶葉不錯。排骨煲仔飯$100左右，一個煲仔飯，居然有唔少鱔片，鱔片好食，但排骨好咸😑🙃。可能職員少所以不停要搵人落單，倒水。不過我問職員拿辣椒油，他們都忘記，問了幾個人，他們居然不知道有沒有辣椒油，定還是有辣椒醬。

今日行過入來試下。差不多200蚊的油浸筍殼魚又腥又多油。唯一可贊煲仔飯香，白鱔新鮮好味。擺設當然也好精緻但呢個價錢唔應該食條又腥又未炸透的魚囉！仍有好多空間進步

星期日 3:00入座 隨即下單重點 餐廳未有野食的客人得我地同隔黎枱！等足40分鐘 連同隔黎枱客人催左一次先上左一個湯？？？？？催多一催先再黎埋個飯..味道仲要差等咁耐野食仲要差成咁 真係忍唔住要為佢開個食評再多一陣隔黎枱客人既海南雞飯終於到 等左成9個字既海南雞飯🤷🏼‍♀️最後本人仲未來黎個餐直接取消不要再等落去應該等到出年仲要反問番我落左咩餐唔係呀嘛？你無落單嫁？check唔到嫁？你而家full house勁繁忙呀？！然後跟手俾埋張單你 錢又識收得咁快 🤣大哥 個飯都未食到三啖絕無下次

今次係見到雜誌介紹,所以到來試試. 裝修好中式,好靚好特別,茶壺好特色.由於有距離及人數限制,當晚好濶落.原來這裡可以點隔離餐館的食物 (另有食評).咁大個牌寫住”蛇王芬”一定要食蛇啦. 一心嚟食蛇,原本叫椒鹽蛇碌,侍應話無,咁改叫蘆筍炒蛇片喇,又話無,當時大約下午6時,心諗”乜咁好賣?一開晚市竟然百無?”再問有無蛇羹,已經同自己講,又話無就走,終於有喇! 於是點了一碗,加個家鄉雜菜煲同一份排骨白鱔煲仔飯. 一個好精緻嘅托盤裝住碗蛇羹,另上有碟一開三(脆脆,菜絲同白菊花+檸檬葉). 先試咗啖無加配料的,又真係好足料。個人比較中意只有傳統的配料脆脆同白菊花+檸檬葉, 加個菜絲即刻覺得似食街邊魚肉翅.雜菜煲保溫效果好勁,同朋友又映相又傾計又有其他餸慢慢食,再加上場地冷氣開放,啲食物依然保持滾熱,封面的油功勞不少,亦又因為它,食物都油膩咗.叫雜菜煲都係想清清哋啫!又一個用托盤裝住上嘅,今次係煲仔飯. 侍應送來時才倒鼓油.鱔片肥厚,排骨偏肥, 煲仔飯本身都算油膩,可能加上兩款食物本身又有油份,所以個飯更油!由於商場設計關係,廚房同食肆分開咗,傳菜員要行經一段商場走廊至可以送食物到食肆,感覺唔係

糯米飯蛇羹可以，但都係試一次就不會回頭的餐廳。兩點多去到，可能是星期六關係都要等十張臺。 等了大概半個鍾安排入座，但要坐中間share table，中間的臺沒有椅背坐得不舒適，後來見隔離有人走，問店員可否轉臺，都肯換臺，算幾好。但換臺後本身前一臺的茶壺並沒有更換，和店員說了都只係拿去倒水再加番茶就算。我亦眼見之前我地坐的那張臺也是喝返我地壺茶。坐到咁耐，發現張張臺都無換過個茶壺，如果你之前個臺客掉佐d野落去，咁點算?收了$10一位茶都洗下茶壺丫食物方面叫了糯米飯+蛇羹，同糯米飯+例湯，蛇羹ok，但例湯就太咸。糯米飯好食0既。由於覺得個木盒唔乾淨，將個碗拿了出來吃得更自在。

好耐冇出街逛下，原來新城市三期轉哂新裝，行到尾搵食，竟然有蛇羮～天口興喎…蛇王芬名字响噹噹，蛇羮質素有保證，仲有至愛生炒糯米飯，一於幾熱都要補！食咗先算～地方闊落食客坐得疏，可放心用餐，因疫情冇搭枱，被安排自己一個覇哂中間六人大圓枱添。茶係伯爵茶earl grey tea，飲落好香好滑，比普洱更好減膩，收十蚊茶錢都抵飯先到，好啱口味唔太鹹，又夠乾身啱啱好，蝦米臘腸膶腸都有齊。想等埋蛇羮影相先，點知漏咗單，按捺不住食咗半碗飯蛇羮好正，花膠雞絲蛇肉啖啖都係料食完冇喉嚨痛喎，正！正！正！咦… 大大啖食忘記咗挑蛇肉試食原套餐價錢58，轉蛇羮加38，茶錢連加一埋單117。總結係值得再黎食，不過期望禮貌搭夠的服務生要再熟手些了～離開時見到d野… 係咪特登架？！門口同vip房門都係咁喎～

這是蛇王芬和天天雞飯的香港代理商在新城市的Crossover, 天天雞飯在那裡也將其他新加坡食肆放在一起, 彷彿成了一個充滿東南亞風情的Foodcourt, 而四季芬芳的菜式充滿港味, 就成了這Foodcourt的異數. 沒有蛇羹而變成了竹絲雞羮, 味道和口感分別不太大, 但令怕蛇等野生動物的食客, 能感受蛇王芬的傳統菜式, 也是她走年輕化的一步. 點了煲仔飯, 就是少了一陣炭香, 但在大商場的廚房裏就沒有法子用炭爐. 豬肉類的處理比我想像中更好, 例如是蝦醬五花腩的肉香和醬香, 還有肉餅的口感軟糯中間帶爽口. 至於牛筋條和牛筋原條上感覺甚為厲害, 用上麵豉醬處理也夠入味, 如果牛筋條能煮得更腍身就更好.

睇到個名唔咁試，因為本身唔食蛇既，朋友特別鐘意飲湯，睇左佢個餐牌有其它野食，仲有魚食，決定一試。3個人叫左4餸1飯3碗湯，湯好正，夠味，冇味精，啲水鴨都俾佢煲到骨都就熔，正！ 筍殼魚大細岩岩好，唔會太多又唔會唔夠食，皮脆肉嫩，小青蛇原來係將青瓜整到成條蛇咁，好精緻，個酸辣又可以，潤腸蛋角，搭配有創意，不過食落去就當然係潤腸還潤腸啦😂😂脆皮雞真係脆皮既，我以為自己食緊乳鴿添，仲有個象拔蚌仔荷葉飯，好入味，唔錯唔錯，下次可以黎試其它菜式👍最尾仲叫左份甜品，潤喉露好似食緊馬蹄露咁，唔甜，幾好，個桂花糕清甜，棗皇糕好軟熟，好有紅棗味，佢仲用氮氣上添，又療癒一下，加分❤️❤️

讚1. 燉湯同煲仔飯都超足料，鱔魚排骨煲仔飯超級足料，成煲飯都係排骨同鱔魚，燉湯同樣足料，而且唔油膩2. 環境幾闊落，就算遲下無禁檯令，呢間都係新城市內少有既闊落環境彈1. 火喉麻麻，煲仔飯太太太濕，汁液太多，烘得唔透身，所以點關蓋，啲飯都係濕既

沙田新城市呢輪裝修後新開既餐廳之一，今日就黎試下新野，午餐時間有set lunch, 都幾多選擇架。花膠太史蛇羹+生炒臘味糯米飯+郊外油菜 ($98)一心唸住份量好細，但估唔到個蛇羹份量都幾大碗，又足料，好食喎。生炒糯米飯唔算好大碗但係炒得幾乾身幾多臘味，油菜就揀左菜心，成個餐都幾夠食。自選三餸一湯系列 ($68)老火靚湯+土魷肉餅+鮮滑雞+菜心三餸會係一款素菜另外兩種主食啲既餸（有肉類海鮮同臘味三大款）揀好左既餸會一併用一個煲上，當然你唔好唸份量會係勁多咁啦，始終$68你都試到幾款野。老火湯係幾出色架喎，肉餅同雞都唔錯呀，肉餅有大半塊，幾舊雞咁。想講下呢度既裝修都幾靚，幾有心，用既餐具都幾華麗。另外小插曲係初頭叫既蝦醬腩片好似有啲問題，同職員講返，態度都勁友善地即時幫我地換左另一款野食，無任何質疑既地方，感覺唔錯。

衝著蛇王芬這間百年老店的聲譽， 再加上餐廳的裝修幾前衛同特別，所以決定一試。我們一行二人，餐廳都幾細心，入座前提供即用即棄式紙袋畀客人放口罩。 很可惜，這些都是門面功夫。 當天入座率未到一半，但我們眼見所有的四人枱，(其實是兩張兩人的長方枱合併而成)，都已經隔開坐滿，所以職員指示要我們坐在兩張枱的中間位置。 因應近期疫症情況緊張，再加上枱與枱之間比較淺窄，枱有一邊是要和隔離枱的食客“搭枱”。 於是我們便向職員提出要求，問可唔可以坐餐廳另外一邊的四人方枱， 職員表示因為用餐當日是星期日的關係，不方便讓我們坐四人方枱，於是我們表示用膳不會太久，很快便會 結帳離開，職員再用當天是星期日的藉口，拒絕我們。 於是我在三表示，其他食客可能都有我們同樣的 concern 之下， 職員才很不耐煩的安排我們坐中間的圓枱，難道星期日就不需要注重衛生？？？我們打開餐牌之後，發現價錢和菜式都是一般 food court 的質素。 其中一個三餸一湯的套餐有啲取巧，其實是把三小樣餸平放在一個煲裏面， 碟菜心又卓到老哂，算吧啦，呢個價錢。 但係我最唔滿意係佢嘅服務態度同埋衛生情況。 先講我叫了一客蛇羹套餐，個盛載蛇

「蛇王芬」為超過百年的老字號食府，始創於1895年，並於1940年於香港落地生根，向來秉承「食不厭精、膾不厭細、新舊交融、以謝饕友」之精神屹立不倒，現想將百年老店「蛇王芬」更年輕化，也倡議「香港製造」，冀望能更廣泛地繼續發掘到更多粵菜之美好給本土客人，亦同時承傳歷史名食和家傳戶曉的港府菜式，讓它們代代相傳下去。今日係蛇王芬同天天飲食集團共同創造嘅品牌「四季芬芳」響沙田新城市廣場第三期首日試業，襯未有傳媒報道，都係快啲試咗先。點咗淮杞圓肉燉竹絲鷄、灌蛇湯百花丸及生炒臘味糯米飯。淮杞圓肉燉竹絲鷄，如果有飲過中環老字號「蛇王芬」嘅燉湯，我諗都唔需要多介紹，因為真係足料、好飲又夠滋補，連盛住盅湯嘅紅色器皿都有構思過的；淮山補肺益腎，健脾止瀉，益精補氣；杞子養肝明目；圓肉就益心脾，補氣血安神，治虛勞羸弱、失眠、健忘、驚悸、怔忡；烏鷄滋補肝腎，益氣補血，滋陰清熱，調經活血，止崩治帶，治心腹痛。(網上資料)灌蛇湯百花丸(最少點2粒)，呢個係新出品，我印象中同店員都話暫時係得呢度有，橫掂最近興龍珠抗疫，見到咁似龍珠，唔係唔點呀？呢度有啲菜式玩fusion，有支小管已直接插住百花丸上，等食客自行將醋唧入