四季甜品 (已結業)

今日專程西灣河,吃完簡單的車仔麵之後,就行來這條街,明記仍未開門, 所以就試一試這間甜品.我們選擇坐樓上因為空間比較多,坐得舒服一點.一坐低二話不說就點了榴甘歲月, 即是榴槤+楊枝甘露+venilla雪糕,等了大約8分鐘,我們的甜品到了. 先飲一口西米露糖水,唔...唔夠凍,味道ok唔太甜,用料有西米粒,楊桃,芒果, 不知為何芒果比較淡,榴槤亦然,可能本身未夠熟,所以榴槤無咁香.店舖的員工都好友善,下次可以再來試試其他甜品

很少給予負評，唯獨這家，難食到我可以未吃完已經丟了。原本是想在明記買的，卻因為看到清心丸，而轉而幫襯，誰知白白浪費了$18！在店外等了很久，看到芝麻糊是翻叮，心已經涼了一截。回到家，打開怎麼顏色很黑，那種黑和明記的完全不一樣，四季的黑是像粉開出來的；一吃進口，一陣怪味，和明記的芝麻香是兩碼子的事。再吃一口清心丸，沒有煙un的感覺，吃起來軟軟無力，完全不是清心丸應有的口感；明顯是煮過火了，整碗糖水都是錯配，粉開的芝麻糊再配過火的清心丸，怎可能不負評﹖最後兩個人分吃一碗也吃不完，唯有把剩下的，送往垃圾桶。同是甜品店，立見高下，以前從不覺得明記的好食，更甚的常說搞不懂為什麼明記常排人龍，但原來當有了比較，自然會明白，有時有得選，總比沒選擇好。

良久前曾到此店一試糖水 印象中是十分稀 份量少 不值得,所以再沒光顧因為昨天阿姨約我,媽和妹來 一吃午餐 便有再光顧的機會上次一試糖水,令我失望 ; 是次再試飯類,有點期待 也有點怕 : /章魚肉竹筒飯 配 芒果蘆薈沙冰 這個確實是用竹筒盛著 可惜沒有竹筒清香味道 外表是有點趣味但吃食時是只覺普通。芒果蘆薈沙冰甜度適中 也下了不才蘆薈粒咖哩焗牛肋骨波菜麵 配 芒果蘆薈沙冰 ~$37烤焗的時間適中 能看見咖哩面上有小處位置焦了不錯可惜咖哩的味道太鹹了既然是咖哩 為何要下這麼多鹽??!吃罷的時候感到十分渴香茅豬扒烏冬 配 雪糕紅豆冰 ~$37碗內先放烏冬再放上芽菜然後放上豬扒確保豬扒不會吸收了湯而不脆了豬扒確是即炸,粉漿薄 仍脆的可惜試一日豬骨湯底令人大失所望 同樣是十分鹹 味精太重了吧雪糕紅豆冰,比正常濃杰 甜了一些總結此店的飯麵飲品大部分都是過於濃味 不是太鹹 就是太甜吃罷了總感到十分渴 自從社會標榜健康飲食後也良久沒遇到此情況實在要檢討檢討。

本身想食明記, 但可能因為新年/太夜 (11:45pm)明記已經收左, 所以唯有黎呢間食..明明見到入面有位, 但個店員就要我地等左15分鐘..入到去見人地食緊紫米露, 等左咁耐, 咁都要試下啦點知個店員話冇紅豆沙, 紫米露又賣晒.我問佢咁到底有咩呀, 佢竟然話:"er... 糖水冇晒喇.. 只有... er.. 係lor"咁就走左去, 而我完全唔知佢講左D咩其實如果一間甜品舖係冇甜品食佢一見到我等位就應該講啦... 激死...大家都係食返側邊間明記好好多

之前來過吃晚飯,一般,不多講喇!今次是講甜品.榴甘歲月--->(榴槤+楊枝甘露+雲呢嗱雪糕)三種食品都是我鐘意食的,加在一起就便好上加好啦!雪花冰--->每款味道,佢都會給它起一個名字,幾有心思,可惜我已忘記了我吃的是什麼名字了.不過名字再好也沒用,恩食品的質數極需改善.配料尚可以,但主角的味道偏淡,而且質地鬆散.與天后甜品的雪花冰相比,就是硬同軟,濃與淡的分別.雖然平$5,但用料實在太慳皮啦!希望四季能認真改進,否則好難同附近的甜品店競爭.

去完EXP食飯,行落西灣河諗住"續場"...四丁友本身諗住食明記,後尾有人提議四季...。果時九點幾新明記爆左,舊間明記都有幾檯,反而四季得兩檯唔夠五個都心知不妙。坐到入去,落order,見o的甜品有新式(綿花冰)又有舊既(eg糯米糍),諗住穩穩陣陣就叫左個朱古力奶凍食 。其餘三個就叫左杏仁茶、木糠布甸同個黃金時代(芒果沙冰、雲呢嗱雪糕)好快落完order唔哂兩分鐘就上左布甸同奶凍,其餘人既魔爪自然伸出黎試食個奶凍...味好淡...入口又唔滑溜, 如果冇o的朱古力漿mix 黎食基本可以話係超淡奶味其餘三個都話ookk,都叫入得口(點知原來四個入面得呢個食得落口)跟住大家繼續試食木糠布甸...呢個係我食咁多間木糠布甸以黎，第一間食到我面都扭埋一舊...入面果o的木糠食唔到碎碎地(正常應該俾種feel你係食到糠),但佢o的好似食軟餅乾咁,布甸又似食緊海綿蛋糕..跟住再上黃金時代..一人試左一啖, feel唔到係沙冰,仲要好似飲緊芒果汁, 但係係溝左好多水既芒果汁．\/．表姐話好彩舊雪糕入到口，但佢食完雪糕成碗都冇再食過杏仁茶冇人敢試喇跟住...得叫左果個人自己飲...佢話好稀,溝水黎啦應該

24日的晚上往西灣河的一個教堂, 參加一場mass, 之後便和老媽和2個鄰居一起在這裡吃晚飯, 可能是平安夜的關係, 人不多, 我們叫了一個鴨胸飯, 一個鴨胸意粉, 一個北孤鴨胸竹筒飯, 一個肉餅竹筒飯, 一碟炸大腸, 一碟三色布甸, 一碟芒果羅米磁和一碗芒果涼粉, 也可以說是大客吧~ 食物ok啦, 這個價錢 (大概30-40一個主菜), 不會太難入口, 更難能可貴的是, 所有東西都是熱的~ 那個炸大腸尤其做得不錯~ 至於甜品, 真的是比較一般, 只是如果以做街坊生意的角度來看, 我又覺得問題不大. 給那些年輕人一個機會吧!

同朋友仔食到食糖水,傾下計...我仲諗住佢榜上有名d野一定唔會難食啦~救命. 我叫左個豆腐pudding +芝麻糊,再講多一次, 係佢地榜上有名好有人氣...嘩咩黎架? 我食咁多甜品... 都未食過一間食左2啖就唔食,,芝麻糊已經難食, 仲差過我沖o個d..個pudding 一食就e哂咀..真係好難頂... 下次請我都唔去!!!

試過明記，一般般，想試下新野！去左隔離既...... 四季.........嘩 Four Seasons 呢。一入去佢比左個食晚飯餐牌我… 不妙，做甜品做得好，就唔洗做餐啦！左睇右睇…都係叫我至愛，生石磨芝麻糊！奇異既事發生啦，話說我面對廚房…見個小姐攞左個筲箕，跟住勺d 芝麻糊去個筲箕到隔..... 真係唔敢相信，你臨比個客先隔，好恐佈，已經無再期望 d 咩…一黎到，好大碗，比出面多差唔多一陪。用隻匙一勺，ooooooooooo........ NO....... "結打打"，入口仲好滑，不過係開生粉出黎果種滑，仲有少少異味添…食左兩匙…真係受不了，放低 15 蚊，碗野好似未食過咁，行番過去明記… d 伙記面不改容，可能已經慣！全港最搵笨難食糖水......坐亞望冠，恭喜恭喜.......

初頭見到佢開,諗住good啦.. 明記之後，甜品有多個選擇..又見佢有ｄ西式選擇，試下啦．第一次，叫左個焗西米布丁，冇咩特別，ok啦．久唔久一次．點知第二次．外賣左焗西米布丁＋椰汁馬豆糕．個馬豆糕一擺落口，酸既！之後當然好嬲，落去換啦．　嘩，ｓｏｒｒｙ都冇句之餘．淨係問我地 "咁你要退錢定換野呀？"，想打發我走．毫無ｓｅｒｖｉｃｅ，付態度都好麻麻！！我地都係退返馬豆糕個＄咋ｗｏｒ，唔係黎攞著數，唔係黎乞囉！呢世都唔會再去！

昨晚同朋友去左食宵夜,不嬲去開隔離明記,皆因睇明記門口個勢,無一頭半個鐘都入唔到去,而隔離既四季就鬼都唔多隻,就入左去啦!!點知,我地一行七人,1.有人叫左蜜瓜涼粉,點知蜜瓜'宿'既,叫佢換過渣渣,點知好似水咁;2.有人叫左炖海底椰,點知上枱時個女仔話'炖海底椰',但一睇係炖鹹檸檬,再問落單既男仔,佢話佢明明係落炖鹹檸檬.真係神奇.3.炖品賣$20,但係,係超級迷你版.4.最後叫佢俾兩杯水,大家唸住水唔會有事啦掛,D水竟然有陣怪味,又好似檸檬味咁.唔怪得鬼都無隻啦.下次寧願等一個鐘都要去番明記啊!!!!!!!!

大家睇我之前既食評，都應該知道我幾滿意呢間店舖既～但尋晚．．就發生ｄ令我幾失望既事囉！！尋晚，我同朋友一如以往咁去左呢間舖度食甜品～我本想食未試過既石板街布甸，但由於已售罄，所以只好轉做榴槤布甸。朋友就叫了一個名稱不太記得，只記得有很多水果及亞塔子的一款甜品。另外，我們還叫了芒果糯米糍ｓｈａｒｅ食～最早到的是芒果糯米糍（６粒）（＄１５）我同朋友一人３粒～但當我食到最尾一粒既時候．．．．我就食到粒芒果有陣好怪既臭味！唔係酸味！而係臭味！我即刻吐了出來．．再同該處的職員講啦～但因為佢都話唔到事既．．佢就落去樓下同佢ａｒ　ｈｅａｄ講啦～得到的回覆就係．．芒果糯米糍是用同一批芒果所做，如果有事的話，就全部都會有事，而唔會得一粒有事！我知道如果我為難那位職員是沒用的，因為佢都話唔到事！所以我就算喇．．當我唔好彩！！但我希望四季甜品的負責人明白！佢地今次咁做，好似係做到我要專登呃你咁！我冇必要呃佢地＄１５囉！！佢地今次既做法，好明顯係耍我囉！！亦令我對呢間店舖失望！失去信心．．．．食左粒有臭味既芒果後，過了一陣．．榴槤布甸來了！但我只吃了一半．．已經再吃不下去！因為我口裏仲好似有陣．．．嗰ｄ味！只

我住太古城, 所以間唔中都會去下西灣河~平時去開西灣河食既多數都係明記既甜品~貪佢又平, 又大碗~我有fd 試過呢度~佢話呢度d 野食都唔差~所以, 決定一試啦~佢熱食既選擇比明記多~湯河(雙拼) 都係$25有好多湯底選擇, 粉類選擇幾多~(金邊粉, 烏冬仲唔駛加錢!!)我最常食既係‧咖哩魷魚+香蒜雞亦烏冬(咖哩湯底)魷魚大大片, 好入味~雞亦炸得好好, 好香口~另外, 呢度唔少得既就梗係食佢既甜品啦~我近排愛上佢既: 芒果豆腐布甸大大片芒果肉+芒果醬: 好正!!豆腐布甸: 比普通豆腐花結實~ 好好味! 食到豆味!講到呢度既環境..之前我次次去都係坐下面地舖既~有一次, 我去到見地舖坐滿晒人~d 職員就叫我上樓上坐啦~原來坐樓上仲好呀! 地方大D !仲有電視睇XD衛生都幾好~如果同明記相比, 我覺得呢度乾淨過明記!

我覺得佢比明記好得多,環境新鮮,衛生一流。推介甜品:西米布甸,榴槤布甸

上次去食糖水...只係好簡單既腐竹薏米糖水...都等左10分鐘呀...問題係成間野得我一檯客之ma...