四季文昌 (已結業)

黎開太子, 我係OPENRICE 搵下附近有咩好食見到D COMMENT 同相都幾吸引, 又係老公至愛既打邊邊, 所以黎試下~先黎一個 "小龍蝦海鮮拼盤", 包括有:- 生蠔: 滑、爽、海水味濃，唔腥~- 蝦刺生: 夠鮮甜~- 新西蘭托托蜆: 個名好攪笑, 食落好新鮮~- 青口: 充滿著海洋既味道~- 魷魚: 好滑，好爽~- 新西蘭小龍蝦 :個身好似瀨尿蝦, D似好嫩, 好甜~- 愛爾蘭麵包蟹: 有一種難以形容既甜味, 蟹膏多到蟹蓋每一處都有, 而且勁甜. 蟹肉填滿著整隻蟹~食完個豐富頭盤, 就黎依度既特色 "椰子文昌雞鍋" 好得意佢地用漏斗計時，個湯超甜，超香椰青味。再食椰子同雞，D雞勁滑，肉嫩我地剛才揀既「蕃茄海鮮湯底」, 就係我地食完椰子同雞後加落個湯度.我地個點左個拼盤有: 菇菇、菜、蕃茄、洋蔥、南瓜、石班魚.- 蔬菜好鮮甜, 加左洋蔥令個湯底好甜- 石班肉好彈牙打邊爐點少得老公鍾意食既 "日本山形和牛西冷"依度既牛西冷顏色鮮紅肉嫩，重牛味再黎個文昌手打丸拼盤:墨丸.蝦丸夠彈牙~墨汁丸味道好重墨汁味~黑松露丸勁多黑松露味~日本豆苗好攪笑, 成棵出黎, 超新鮮, 食個時先用剪刀剪

椰子的營養價值高， 椰子水含有果糖，蛋白質，維生素C,鈣質物質，有助解渴去暑，生津利尿等等，所以依家都有好多火煱店都用左椰子水做湯底，加埋文昌雞你都唔好話唔正啊！ 朋友見到新西蘭小龍蝦海鮮拼盤，$368有新西蘭小龍蝦4隻，愛爾蘭麵包蟹，生蠔6隻，甜蝦，新西蘭托托蜆，青口同魷魚。唔好睇新西蘭小龍蝦(Scampi)個子少少，但佢非常甜，原來佢主要生長在南極和新西蘭之間既海域，比較乾淨，做刺身都唔驚！ 麵包蟹勁多膏，多過大閘蟹很多，橙色的膏很香，有啲綿綿感，所以無大閘蟹食無損失的！魷魚刺身很creamy，面很爽口！ 同上次一樣，選了椰子雞煲補一補，記得雞唔好煮多過7分鐘，會太鞋同硬，唔好食！ 朋友點了手工卜卜脆響鈴,新界魚塘白鱔片, 鮮嫩爽脆珊瑚蚌, 日本直送舞茸菇， 手掌咁長蟹柳肉。文昌手打丸拼盤，裏面有墨丸，蝦丸，墨汁丸同黑松露墨丸。仲有最特别既日本真送豆苗，可自己拎起剪刀，直接向豆苗剪下，豆苗仲見到剛爆開既豆同根，夠矖新鮮，青味挺濃的！ 椰子菠蘿特飲，椰子風情同椰子沙冰，椰子風情較為特别，下面係碗蝶花特飲上面係椰奶，唔似顏色靚，飲落有

一直以椰子雞火鍋做生招牌既四季文昌，繼續以椰子雞鍋做底，推出「一鍋二食既火鍋新食法」，嘆完美味的椰子雞鍋後，再額外加款全新既主題湯底 ─「蕃茄海鮮湯底」或「四川麻辣湯底」。食吾到辣既我就揀左蕃茄海鮮湯底，湯底加入椰子雞鍋後，散發出椰子雞湯味道既同時多左蕃茄既鮮甜香氣，一次過滿足兩個火鍋湯底願望！頭盤係小龍蝦海鮮拼盤 $368入面有新西蘭小龍蝦、愛爾蘭麵包蟹、生蠔、甜蝦、新西蘭托托蜆、新西蘭青口、網紋魷魚真係好耐無食過咁新鮮既海鮮拼盤！出面既青口大多數都係無味，呢度食到青口既鮮甜，實屬難得！最出色既係麵包蟹，未食過有咁多膏既蟹，真係超正！而且肉質都非常結實飽滿，鍾意品嚐蟹膏既朋友吾好錯過～今次點左半隻椰子文昌雞鍋不愧係廣東八大優良品種之一，肉質非常嫩滑鮮美，雞味濃郁！原來佢地仲會精選飼養期150到180日既文昌雞，保證客人食到鮮嫩既雞肉！果然有返咁上下質素保證，吾怪得咁多人黎食呢個雞鍋～雞鍋湯底係椰青水同椰子肉製成，煲滾時一打開，嗰陣香噴噴既椰青水味就不停散發！我試飲一啖，覺得香甜而細膩！之後就落雞肉，旁邊有個沙漏，就係計時器，沙漏倒過來7-8分鐘，雞就熟透可以食得喇！沙漏一數完，店員會

要數優質雞種，相信大家都認同海南文昌鷄是其中一種，因期肉質鮮嫩，雞味濃郁而著名。位於旺角百滙軒就開了一間以文昌雞為主打的"四季文昌"，以椰子雞鍋聞名，同時食材也非常新鮮優質，今晚我們兩口子就來四季文昌大吃一餐⋯四季文昌裝潢雅緻，步上樓梯就好像進入圖書館一樣，餐廳內佈置也花盡心思，有種復古的味道，面積闊趟，有卡位也有大圓桌，無論兩口子撐枱腳還是家人聚餐也是絕佳選擇﹗四季文昌在餐牌上也花費了不少心思，內容不單是菜式選擇，還有文昌雞的典故、各式蔬菜的營養價值等等，絕對不是單純的餐牌，而是可供給閱讀和長智識的書藉﹗菠蘿沙冰(左)$38 Asahi 500ml(右)$68坐下後先點了飲品，菠蘿沙冰要大讚，因為很多時飲沙冰到最尾冰溶掉後就會很淡，喝沙冰的經驗告訴我沙冰是會越喝越淡的，但這杯菠蘿沙冰卻沒有這種情況，即使冰溶光後，味道依然保持；Asahi啤酒不用多介紹了，500ml一杯足夠打邊爐呢﹗新西蘭小龍蝦拼盤，送來時2層滿滿的很壯觀，上層有大大隻愛爾蘭麵包麵蟹和罕見的新西蘭小龍蝦，下層有生蠔、甜蝦刺身、新西蘭托托蜆和青口，還有紋甲魷魚，大大份2-3人份量售價只是$368，個人覺得非常超值而且高質

秋意漸濃，最近嘅夜晚開始越黎越涼，呢啲天氣除咗記住要着多件衫之外，當然唔少得指定動作<打邊爐>啦！個腦即刻腦根急轉彎飄過四季文昌嘅椰子雞煲，上次同朋友食過一次覺得好正，所以決定要再encore啦！就嚟生日，緊係要捉埋阿哥一齊去...負責比錢！呢度環境真係好大好舒服，好多大書櫃。書全部都係書，啱晒我呢d偽文青！見到餐牌有海鮮拼盤，拿拿臨整返個冷盤爽下先，我哋叫咗個小龍蝦海鮮拼盤for兩個人食($368)！一上枱見到咁大盆真係嚇親，好誇張啊！海鮮拼盤包羅萬有，有新西蘭小龍蝦、愛爾蘭麵包蟹、生蠔、甜蝦、新西蘭嘅蜆同青口，仲有紋甲魷魚！淨係食個頭盤我哋都食咗一個鐘，好癲！不得不提呢度嘅小龍蝦，新西蘭小龍蝦主要生長係南極同新西蘭之間嘅海域，而呢帶嘅海域正正比到佢哋最天然、純淨同冇污染嘅生活環境！所以佢嘅肉質亦都係好細嫩，食落好鮮甜而且有彈性！食完有點渴，叫咗兩杯小清新嘅飲品！Hainan Island ($88)好易入口嘅一杯cocktail，滿滿嘅水果味荔枝mix蜜瓜果酒，帶點金橘味點綴，幾特別！四季文昌椰青($42)椰青就夠曬甜啦！戲肉來了！登登登登..椰子雞煲！望落去只係簡

一間偽文青打邊爐之選環境好好feel，有不同書架,不同的書籍裝潢有不同文青要素的裝置,令人不覺得係火鍋的感覺再加唔同特色cocktail，想被撿屍，放棄治療😂只係個名都已然玩味不足價錢不算貴的椰子雞，各種食物都新鮮好食最鍾意隻小企鵝,好可愛,食得好開心

原本我个fd生日，然后佢就比较重要复古feel跟住上午搵到尼间转修好靓，好文青同复古feel就带佢去啦去之前我bo左位噶，点知去到系个接待台系没人！！跟住就走入去啦，原来出面近门口位系没开位，开入面噶，入面真系好多人，然后我就话bo左位啦，跟住d侍应话没位，要我地等。。。。。几无奈下，原来bo位都可以没位，不过最后都好快开埋门口噶果遍位。系尼度d也食一个餐两个一起食都几多下，个汤料系加埋金吉，辣椒同沙姜都系没咩味之后食到后面就开始约黎约辣omg，不过好彩点左的饮品，d饮品都装饰物错，但要搅拌下，先有稍微甜同酸味，后面系越饮越没位！个鸡真心无错下！好少火锅食鸡系甘嫩噶！

一入去已經覺得全間鋪面設計好熟面口，諗返原來同大陸同仁四季一樣，連杯碟碗都一樣，如果唔係子公司都抄得幾十足。我係個輪最先入到去既，叫完野食等左15分鐘都未有野食，其他枱都已經上晒。追左一次就只係上一樣，漏單既數量比放題更加多。員工同個唔知係咪老闆既人不停行黎行去，望左好多次都唔識幫手追。我枱面既位置十分舒服，每次都得一碟係到。呢一刻我入左座1個鐘，我只係食左個雞，芝士丸加個日本豆苗。

「養生」係豬小姐尼排嘅熱門用詞！ 儘量唔食生冷野 唔飲凍野 唔食煎炸野……我做唔做到？您地估下？ 我已經好努力試緊架啦嗚嗚椰子雞煲都算係打邊爐中嘅偽養生啦呱今晚邀請左兩位sis陪豬小姐齊齊扮養生「四季文昌」位於太子 近巴士站 地理環境佔據著優勢！一條樓梯直上餐廳 沿途會被「書牆」圍繞 好一個藏書閣！壯觀得尼有心思 文青feel甚濃 影相呃like一流地方闊落寬敞 每個corner 位置都有唔同嘅裝飾同佈置 集壞舊 書卷氣息於一身設計上認真花左唔少功夫 餐廳環境方面已大殺豬小姐唔少菲林不知心思是否只在於裝潢環境上 對於食物方面認真有點失望首先order左湯底先 我地揀左半隻竹笙椰子雞鍋已有椰子肉在鍋內嘅椰子水湯底先用大火滾起 再加入竹笙及文昌雞以慢火煮七分鐘先飲一啖湯 聞落充滿椰子香 不過食落係淡而無味咁清椰子水嘅清 雞嘅鮮甜完全失蹤 只剩下淡淡的味道……可幸文昌雞爭一口氣 肉質嫩滑彈牙 雞皮爽脆 雞味非濃但亦有「雞」味再點上加入沙薑 辣椒 野生青金桔嘅秘製豉油 有提鮮作用 還不錯火鍋配料我地點得比較少 只order了牛魔王拼盤同埋盆景蔬菜 因為有點小食加煲仔飯牛魔王拼盤賣相吸引！將牛嘅

今日約左2個朋友去旺角一齊行街，見到差唔多晚飯時間啦，咁就梗係又要搵野食，見到四季文昌，咁大家都話試下，咁又係gogogo啦，一入到去，環保確係唔錯，我地被安排坐係卡位，都坐得舒服既，服務就一般般🤷🏻‍♀️，講真，個湯底我覺得麻麻地，並唔係太出色，但其實料都幾新鮮既，但唔會令人有再幫襯嘅衝動😅

上次來已經覺得裝修幾特別，而且坐得幾舒服，佢啲坐位放得唔會好迫，仲點係凍氣夠大(可能佢預大家打邊爐) 可舒上幾次都覺得食物好一般，所以少左來。知道佢轉左menu, 咁就當然來試下跟湯係雞湯，飲得岀唔係湯包，而係真材實料煮，所以味道唔會話好濃。米線上面放左啲生蔥，本身我係okay食生嘅，但係佢應該係已經放左好耐，所過又嗰種乾晒嘅感覺。而啲木耳就大件事！一入口就發現唔對路，有洗潔精味最後我成碗米線都要過水食...菜心好靚！雞唔肥，雖然有啲煮過頭，不過一樣食得岀係無味精，係原來嘅雞味無叫飲品，之前加$6係無限添飲，而且沒有了。

好耐之前朋友介紹食過呢間邊爐，印象中都幾好食，今次又返黎試下啦！呢到既裝修好有文青feel,似cafe多過打邊爐，環境好relax! 叫左4人餐,主打文昌雞！湯底好清甜，雞好滑，食完雞後仲有肥牛，三文魚,冷盤，丸，菜，最後仲有煲仔飯食！不得了，食完好飽,每人都係$170！好抵！

朋友上網搵到呢間打邊爐, 我見地點大家就腳, 上嚟OR睇d食評同相又好似唔錯, 而且又有得book位, 於是嚟試下咁啦~ 不過佢firm枱果陣話遲到唔會留枱, 心諗呢間嘢有乜咁巴閉? 原來真係好多人食, 雖然佢話限時, 但夠鐘果陣冇人等位, 佢都唔會趕你走, 由得你食, 因為大把人早過我地嚟, 但我地夠鐘佢都未走, 所以我地都可以慢慢歎~  原味椰子雞嚟呢度係必食, 因為冇得你選擇, 個湯底係指定椰子雞, 差在你叫原味定加其他料, 而我地係選擇原味~ 由於係指定, 所以每張枱都已經放定煲湯响度, 不過好奇怪, 個煲就超大, 但啲湯就得1/3煲左右, 硬係覺得佢唔夠水囉~ 不過就好香椰子味, 但有D椰子肉, 甜甜地又鹹鹹地咁, 幾得意~ 日本直送野菜籃唔知佢係真係日本直送定街市買菜啦~ 係就係幾新鮮, 但唔知有冇洗過, 都有d污漕嘢, 唔係洗得咁乾淨~ 個菜籃都好多款式, 有d菇、菜、蘿蔔片、蕃薯片之類, 樣樣有d, 唔駛只係得一款菜咁單調~ 玫瑰黑豚腩片只不過係將d腩片卷成玫瑰花形, 賣相係靚d, 但我覺得佢都幾貴, 而且超肥, 肥膏2/3, 瘦肉1/3, 開頭都成片成片放入口, 但實

草根姐妹👩🏻👧🏻知道最近四季文昌慶祝一周年推出$5生蠔🐚一於趁呢個機會試一試。一上到去俾個餐廳環境嚇一嚇，餐廳個佔地好大，裝修得超靚！有別於一般打邊爐食店❤️一嚟先叫左個2人餐加一打生蠔😋生蠔 ($5/隻)生蠔細細隻，相對爽口薄身，較為淡味，不過呢個價錢真係冇得投訴d咩🐔2人份原味海南椰子文昌雞鍋（$398）Original Flavot Chicken Suite for 2 people呢個2人餐包椰子雞鍋、前菜、刺身、打邊爐配料、肥牛同煲仔飯🍚。原味海南揶子文昌雞鍋個湯底好味到犯規！落左椰子肉做湯底，個湯睇落好清，但飲落充滿椰子嘅甜同雞熬制嘅精華，係幸福嘅感覺👼記得椰子要食埋‼️又滑又香甜嫁❗️由於俾足成隻雞你🐔，大份到2個人都食唔哂🙌草根要打包分兩餐食🙊至於雞肉就比較淡味，近雞脾位置夠滑，其他都較嚡口，扣左d分🙁所以亮點落左係椰子到。挪威三文魚刺身三文魚刺身肥美柔軟，加上厚切，啖啖肉😛正！野生泡椒脆鳯爪前菜係泡椒鳯爪，超級超級辣🔥🔥🔥食到草根個口噴火，不過鳯爪夠調味又夠爽脆，一流！😜邊個要來挑戰一下？紐西蘭雪花肥牛肥牛切到大大片🐮肉上面嘅雪花分佈平均，可惜牛肉本身牛味不太濃火鍋配料：