四季常餐 (德輔道中)

营业中

休息中

「常餐」茶餐廳文化 即係全日供應入茶餐廳食得最多就係沙嗲牛肉麵🍜一個餐有齊湯麵 炒蛋 多士 飲品🥤唔駛諗 又飽肚 「常餐」真係最快捷嘅選擇🤭特濃沙嗲牛肉公仔麵🍜 $52配招牌炒蛋+多士🍞厚厚既西多士烘到外脆內軟 仲有好香既牛油味滑蛋有蛋汁 好嫩滑 沙嗲牛肉麵好香濃不過花生味唔算太特出 牛肉唔會韌麵煮得啱啱好 夠爽口 整體算唔錯😋 💛 四季常餐 @cafe_seasonshk 📍 中環德輔道中88號地舖📍 灣仔軒尼詩道156-162號利榮大樓地下B號舖#四季常餐 #中環黃店 #灣仔黃店 #黃店 #中環美食 #常餐 #沙嗲牛肉麵 #相機食先 #食好西 #hkig #central #food #hkfoodie #foodie #foodieblogger #foodiehk #foodblog #hkfood #foodstagram #hkfoodblogger

Lunch諗極都唔知食咩好，又冇friend子陪我食飯，所以就叫咗四季常餐嘅lunch 外賣拎返公司食咁我今次就揀咗佢哋全日供應嘅常餐，我就叫咗個特濃沙嗲牛肉公仔麵，配招牌炒蛋，再加多士！咁個沙嗲牛肉公仔麵，坦白講就唔係話沙嗲味好濃，咁就係正正常常嘅一個沙嗲牛肉公仔麵啦，但係啲牛肉都係幾嫩嘅！炒蛋亦都非常之嫩滑香口！出奇地我最欣賞係佢個多士，烘得相當之香脆啦！再配合埋牛油嘅香味，食落去勁脆口，超欣賞呢個多士！

在中環找早餐吃，路過見到這間有厚蛋治好似幾吸引，食落都真係唔錯，黑松露非常澎湃㗎！中環電車路旁邊，中環街市前少少，非常就腳的一間茶餐廳。入面都幾闊落舒服，平時都幾熱鬧有需要搭檯，服務員幾好禮貌又周到，用餐經驗唔錯。唔同時段有唔同餐，早餐和下午茶其實差唔多，蛋奶素可以食蛋治。黑松露芝士厚蛋治 HK$45這裡的厚蛋治用蛋包又幾特別，不過如果你想食多士的話都可以轉，用QR Code手機點餐好多客製化選擇。餐包有烘過，酥脆與鬆軟兼備，滑蛋真係幾厚又幾滑，黑松露醬仲有厚厚一層，都幾浮誇啊！

我好鐘意白湯，所以特登試常餐嘅白汁通粉，不過真係有d失望，白汁聞落都香，可惜食落就冇乜味…唯一係佢推薦嘅炒蛋真係幾好食嘅唔想咁熱氣就普普通通order個冇烘底嘅牛油麵包，而唔係食多士

去離島玩之前食返個早餐先，難得依間早餐時段去到11半。成個menu都淨係得幾款嘢揀，所以冇乜選擇困難😂我哋都叫咗特濃沙嗲牛面，但原來要再加錢先有多士同炒蛋🤦🏻‍♂️仲要加$13因為唔知係分開所以冇多士食沙嗲牛麵啲醬好多，唔同一般既沙嗲牛。沙嗲味好濃好好味撈埋落公仔麵一流，但牛肉就冇乜特別。overall比一般茶記好味既

今個星期已經食第二次🤣每次lunch都大排長龍，閒閒地都10幾人等緊，不過速度算快，等十分鐘左右。落單係用qr code，我都係叫番最愛叉燒炒蛋飯，上菜速度好快。首先，叉燒薄切，食落唔會乾，味道岩岩好！再配上秘製豉油，靈魂所在，甜甜地唔會咸，再加上有少少黑椒，食落更加惹味。至於個蛋就好滑，有蛋香味。另外，叫左凍檸茶，茶味都好重，唔會澀。至於性價比就正常，中環lunch 一個飯$60，凍飲加3蚊，冇得挑剔。

嚟到新一年，食個常餐先！今日去開中環，就諗起呢間四季常餐～餐廳平時應該都幾多打工仔幫襯，但因為公眾假期，所以唔算特別多人～我叫咗呢個四季茄牛通配招牌炒蛋多士 ($52)～呢個茄牛通嘅湯真係好濃，濃到直頭係似撈通粉，不過我覺得幾好食，味道帶酸，牛肉份量亦都唔少～而炒蛋真係幾滑，不過略嫌調味重手咗少少～男朋友叫呢個真·忌廉雞湯通配叉燒 ($52)，個湯好香，直頭有少少似罐頭忌廉湯咁濃，叉燒就正正常常，整體嚟講都ok😌喺中環呢個地段，嚟呢度食個常餐我覺得價錢都合理😀

四季常餐早前係中環好想食茄牛通，openrice 咗陣就搵到呢間，原來呢間平時lunch都好多排隊，今次去到冇咩人等位就入咗去啦~四季茄牛通配招牌炒蛋+多士 HK$50蕃茄湯好濃嘅，味道唔會太酸，剛剛好；牛肉亦都唔會好鞋好韌，荼餐廳水準黎講算唔錯；佢嘅招牌炒蛋加多士好有驚喜，炒蛋炒得好滑溜，配埋香脆嘅牛油多士食，勁正~南洋咖哩豬扒飯 HK$62豬排輕輕咗炸過，但油膩感唔重之餘豬排亦都好鬆軟；咖哩好香但冇辣味，薯仔都有兩大件；呢個茶記午餐黎講算好食整體感覺中環少有嘅平價餐廳，質素貞都唔錯；佢嘅招牌炒蛋+多士絕對會再想encore多次

一早就下單 外賣自取 拎到番公司先知出事 炒旦多士 凍冰冰 佢仲出名炒旦 叉燒通正常 暖暖地 但一啲都唔熱 當日過左幾個鐘打去餐廳 佢話你而家先打黎 口同鼻拗 無乜意思 又話發現凍 做乜唔即刻拎番去 大佬 來回兩次 我打工嫁 邊會咁得閒 下次真係送都唔食

🔅四季常餐🔅中環🔅茶餐廳🔅週末食個好滿足嘅早餐，就同男朋友去咗中環食過蕃茄牛肉通粉一口公仔麵，同埋佢嘅招牌炒蛋配多士！呢間茶餐廳好出名～「我去四季食早餐」，好威😂最重要係黃店～我好中意食佢個炒蛋，滑蛋有流心～有牛油香又唔會太膩～ 多士係厚多士！沙嗲牛公仔麵，個沙爹有花生粒粒，但唔係太重花生味～配公仔麵一流！呢個就視乎你中意食邊隻(o^^o) 蕃茄湯都好濃厚～通粉有質感～兩個都係用鮮牛肉去烹調～ 佢冇鴛鴦同茶走～但一杯熱奶茶都好滿足！嚟緊茶餐廳都會喺灣仔開分店，係渣打銀行附近！好期待！四季常餐 網址: https://s.openrice.com/QrbS0UFO900~uZ5MGAA地址: 中環德輔道中88號地舖電話: 26502088=====================#黃店 #中環黃店 #黃色經濟圈 #茶餐廳美食 #茶餐廳 #早餐 #炒蛋 #香港炒蛋 #炒蛋多士 #沙爹牛肉麵 #沙爹牛肉麵關注組

今早要到中環銀行辦點事，有空來嚐嚐四季常餐的抄蛋，那滋味真的回味無窮。自年前退休後，已沒有早睡早起的習慣，也整整一年沒吃過早餐，所以對四季的抄蛋滿是期待的。今日叫了一份常餐，抄蛋多士加番茄牛肉通心粉。先上場的是厚油多加抄蛋，味道如一，蛋色黃、蛋味香，加上厚多士，簡直是人間極品。茄牛通反而是有點失望，番茄味絕對是濃且用的是新鮮番茄製作，可惜的是那些牛肉。記得四季以前用的是滑牛，有幾大片，如今換了是肥牛片，感覺有些不太夾。下次來的話，一定避開粉麵飯，簡簡單單叫抄蛋加餐肉加厚多士便足夠了。

中環有非常多嘅餐廳荼餐廳嘅選擇唔算多呢間菜餐廳嘅早餐幾好味今日就試下個午餐先☺️☺️🧡叉燒炒蛋飯配秘製豉油汁🐷賣相都好靚🤩🤩炒蛋有好多蔥花好香而且炒蛋唔係全熟非常好叉燒份量都唔少配埋秘製豉油汁整體不錯不錯👍🏻👍🏻👍🏻🧡豬扒炒蛋飯配秘製豉油汁🐷同樣炒蛋有好多蔥花好香炒蛋都唔係全熟不過豬扒醃得唔係幾夠味😔😔而且偏肥，差唔多舊舊都有肥膏相比之下叉燒好好多🥴🥴🧡奶油豬🐷呢個超級推薦!!!!!!!!🤩🤩🤩送到黎個包仲係脆架而且仲幾大隻下煉奶同牛油搽左好多每啖食落去都有滿滿的奶油食完會好滿足的🤤🤤🤤推介推介👍🏻👍🏻👍🏻👍🏻👍🏻

週末嘅下午終於唔洗排隊，可以一賭風采真心正先係枱面啲防疫用品，好細心常餐係少不了炒蛋冇得輸，好滑好香夾埋牛油多士，焗到好脆～主角出場沙嗲牛好入味配埋公仔麵簡直一絕至於個弱廉湯通粉湯底都係好rich二揀一係好難揀囉😂😂

星期六，十點零鐘都算多人，要坐門口位。雖然仍可叫早餐，但個常餐沙爹牛肉麵確係吸引。餐廳採用自助點餐，凍飲還可以揀走甜👍🏻。但麵質就冇得選擇，因為好怕麵太淋。到上枱，好彩麵質爽口，牛肉不太多，但尚算夠味😋😋，炒蛋尚可以，不過多士不夠熱同牛油太少。下次有機會，會試蕃茄通粉😋。

今日去咗中環食早餐，無啦啦諗起沙嗲牛麵，就突然之間想搵間餐廳食沙嗲牛肉麵😂😂😂😂咁啱經過呢間四季餐廳，見到佢寫住特濃沙嗲牛肉麵🤩🤩🤩咁就入咗去試吓！！咁因為佢係早餐嘅關係，剩係得一碗沙嗲牛肉麵同埋一杯熱飲，但係都要$39蚊。不過佢個沙嗲牛肉麵真係幾出色，沙嗲湯底真係好濃，比平時出邊嗰啲普通茶記食嘅濃好多！！👍🏻👍🏻同埋啲牛肉都係新鮮啲，唔會咬極都咬唔開，同埋唔會食到一種冰鮮咗好耐嘅感覺👍🏻👍🏻