四季冰室 (顯徑商場)

营业中

休息中

顯徑邨民:平時已經服務態度差，哟野又唔係咁好食又貴，夜晚8點幾去好似趕收工咁，9:00就要埋單，你地好似收10:00架啵。好啦，初三19:00等位15分鐘唔緊要，初三食飯話加一都唔緊要啦，等足40分鐘都未有得食，火都黎！！唔要取消走人！！！

行過顯徑商場見到間門面比較光鮮嘅茶餐廳就走入去試吓，入去已經冇人帶位只係🫵下你算，坐落未到晚上九點，個啊姐就行埋黎話依度收十點，要叫快啲叫，本著唔好阻人收工嘅原則叫左個鐵板餐日式鰻魚拼雞扒、羊架，同埋有個類似全日早餐。羊架又老又鞋口 唔似煎似炸多啲 意粉凍嘅。完全唔好食。鰻魚超級超級鮏又有雪味，好難食可以話未食過咁難食嘅鰻魚，雞扒正常雪貨。全日早餐揀左個魚柳，我相信佢係全餐廳最正常嘅菜式。味道唔差同快餐店差唔多。佢都仲有特餐常餐炒麵通粉餐。

作為屋邨街坊生意，如此多劣評，也一樣沒改進。入座不要寄望有何服務，只有安排入座時熱心，下單之後，就什麼都不是。食物等一下，看著遲入來的都在吃，自己的還沒有，只能呆等食物，都不會去追單，應答一下就行開去。見餐牌餐食幾吸引，入座就知如何貨不對辦。一個餐肉粒蕃茄濃湯餐，跟3.6牛乳滑蛋火腿及半份多士，這個滑蛋完全一點都不滑，有無用3.6牛乳炒蛋也完全吃不出。半塊多士係凍的，也不脆，火腿也沒煎過似的。只是跟蕃茄湯轉公仔麵還好，午餐肉粒是厚切的，蕃茄湯底雖然味道是甜也算是濃厚，但味道還能過得去，也能吃到蕃茄肉。一個餐食連凍飲要$52，物非所值。

呢間嘢標榜燒味好食，垃圾，價錢仲好貴食個四寶飯$76連嘢飲，$76食啲咁難食嘅嘢我真係覺得食樓下嗰間榮發，第一次試過已經唔係好掂，諗住俾多次機會佢結果令我都係失望🙍‍♂️以後都唔會幫襯。

久違落去同屋企人食早餐，幸好今日起身起得早，唔使等就可以直接入去！可能因為顯徑站冇乜嘢食啦，所以其實都係滿座嘅。一家大細男女老幼都有齊晒。沙嗲牛肉麵沙嗲牛肉麵都係一般般，肉嘅份量都適中嘅，鹹淡程度都可以。當然個人比較重口味，就係自己加咗辣椒油啦！🤣🤣🤣五香肉丁麵辣辣地真係好好食。份量適中，冇話特別少特別多。茶餐廳唔係唔飲茶走呀嘛！佢啲煉奶真係冇同你客氣，真心覺得好飲。不過今餐有啲甩漏就係屋企人杯嘢飲少咗，要追咗好耐。

今日來這裡吃早餐，之前間中也有光顧，通常不會在茶餐廳坐很久，三十分鐘慢慢吃完已埋單（有些食客比我更快）。今日唔好彩，遇到個失魂姐姐，求其將食物送到同桌剛點餐不久的食客。而我個麵已吃到尾聲還不見腿蛋多士。過了一會催促侍應，侍應例牌講句“嚟緊嚟緊”就算了。再過多一陣我真的時間有點趕，於是再次催促跟進，依然都係回應“嚟緊”。我明白侍應工作繁忙，但可否專重客人的時間？因一個無帶腦上班的姐姐擺錯給鄰桌食客，而令較早來的食客苦等，還不懂補鑊盡快去跟進此事，由得食客慢慢等。結果由落單開始45分鐘後，腿蛋多士終於到了，快速倒落口就要離開，因為已經遲到了。

今日就來到大圍顯徑商場新開嘅四季冰室 環境都幾好 卡位坐得都舒服 今次試試佢個早餐 餐牌大至都係個啲 一餸面配兩個餸跟個方包 叫咗沙茶牛肉意粉 煎蛋餐肉多士 凍奶茶 個餐都來得快同埋夠熱 欣賞嘅係餐肉個度厚切碎上 正嘅 香口熱辣辣 即叫即煎 同埋都欣賞佢用哩隻杯裝凍飲 一來夠凍 二來唔用飲管就咁飲都幾爽 大家都知用紙嘅飲管係幾咁方便架啦 🤪其他食物都不過不失 正常味道 早餐個度就冇咩特別同其他驚喜 同埋個人覺得而家啲所謂嘅冰室開到好似連鎖快餐店咁 只係個名唔同 食嘅野價錢大至上差唔多 好似冇咗原有嘅味道

諗住去食個午餐飲杯奶茶，叫左個隱世乜四寶飯，個咸蛋一’撩’開成堆蟲走岀黎，見到即反胃，叫個侍應過黎，一句吾好意思收走盤野就算，連杯奶茶都計番個正價…真心無下次，不知所謂

晚餐諗唔到食咩就去APPS揀下呀見到呢間冰室未試過又少少想食炒粉麵呀就揀呢間啦點左~排骨炒河呢個一打開勁大碟咁好多排骨呀又算幾多豉椒汁撈云佢食左啖覺得幾惹味呀D豉汁好濃好重口味啱我呀排骨算合格唔會太肥呀~黑椒牛柳絲意粉呢個預期會好香好惹味但反而無呢個感覺佢係有黑椒炒既但唔知點解唔夠香好似唔夠穫氣咁牛柳絲份量幾多感覺意粉反而少過配菜咁~雞扒炒烏冬呢個同炒意粉差不多感覺又係唔夠穫氣雞扒有四五件烏冬正常呀

喺嗌貴店嘅暗然銷魂飯裏面都明白半肥瘦嘅叉燒應該10分矜貴都特意標明乞求貴店能夠比幾舊肥嘅叉燒最後外賣嚟到舊叉燒硬度攞滿100分最後希望貴店收到其他嘅外賣會看看客人標記係乜嘢盡可能滿足感謝

之前都成日去食早餐,因為都尚算ok,杯奶茶都飲得下,但係最近一次去下午茶,杯奶茶唔知乜嘢黎,飲左啖放棄了!至於服務,街坊餐廳都冇乜冀望啦….不過比較特別就係門口黑衫後生啲嗰個小姐,叫親佢落單都唔應扮晒睇唔到咁囉

行山終點是顯徑記得多年前同親戚初三行山後，在顯徑村商場的顯徑茶餐廳食tea。我記得茶餐廳裝修舊。舊茶餐廳已執了我見1點半勁多人排隊賣點是隱世燒鵝唔錯喎，燒鵝唔錯。其他燒味都好味

同朋友去四季冰室餐廳食飯😋因為我同朋友都係蛋控❤️所以我哋都叫咗滑蛋飯1.滑蛋孖寶飯 $56 （牛肉+海蝦）好好味，牛肉同海蝦配搭，蛋包飯唔會太老，份量真係好大，牛肉汁好濃郁👍🏻 蝦肉爽脆，好鍾意食呢個飯😆牛肉亦都好嫰，一個飯有晒我想食嘅海鮮同埋肉😚✌🏻2.滑蛋自家叉燒飯😋$54朋友話叉燒好厚好味😋大份到佢差啲都食唔晒👍🏻大家經過就去試吓呢個滑蛋飯啦～真係正宗嘅滑蛋飯❤️又平又抵食配埋杯凍奶茶就係一個好滿足嘅一餐了🥣

同朋友係附近睇醫生順便過對面一齊食個lunch, 見新開張過嚟試下。見到個蕃茄通粉張相好似幾吸引，於是order....點之一食就想講粗口，甜既？！仲要係食得出落左大量砂糖去煮！到底識唔識煮茄通ga? 個廚房佬肯定係老人家，個啲老牌茶記個羅宋湯先會係落糖煮，而家都2020年啦，仲落糖煮茄通扮「鮮甜」😡😡唔識煮茄通就去勝香園偷下師啦！賣成50幾個通粉，個通粉仲要用埋最cheap個種通粉，同埋個北海道牛乳炒蛋唔滑，多士都只有半片，ok啦，反正唔食。另外叫左焗意粉，個意粉發到豬頭咁，差！另外waiter態度mama, 同埋而家疫情，執檯都唔順便清毒，上完菜再求其過黎幫你執檯，真係好唔衛生，Bad!

今日要去左大圍顯徑搵朋友食早餐。朋友推介左呢間四季冰室，佢個早餐都係30幾蚊好抵食。😍最特別係佢杯凍奶茶，好好飲！茶味好香，牛奶味濃🥳🤤住喺大圍顯徑嘅朋友，不妨一試🥰