四季冰室 (顯徑商場)

营业中

休息中

【沙田區】【四季冰室】去顯徑嗰邊做嘢，做完就梗係嘆茶。不過我一兜友就嘆吓「西茶」好喇，即係檸茶、奶茶呢啲。見到呢間，二話不說就入咗去坐。坐低之後侍應都好好人，話仲有幾分鐘就有下午茶，會抵食啲。真係好貼心嘅服務，坐咗呢一個鐘左右，發現好多侍應都好好。我就叫下午茶嘅深海吉列魚柳系列裏面 $42 嘅「原條吉列魚柳」拼「漢堡扒炒牛乳滑蛋」同「牛油厚多士」半件，個餐牌好熟，好似成個集團啲茶記都用緊。件魚柳又係好似萎縮咗咁，不過其他嘢都 okay。餐飲我飲「熱奶茶」，都係正常茶記水準，唔差嘅。咁樣就梗係唔夠我食，叫多份麵包系列 $29 嘅「香脆奶油豬」，飲「熱杏仁霜」。又估唔到佢呢份奶油豬又幾好食，煉奶同牛油都夠，個包煎到香得嚟又有啲軟腍腍嘅位咬吓咁，幾好。而嘢飲嘅熱杏霜就正正常常，冇咩特別。咁樣埋單 $71，唔算貴嘅價錢。。。（地址：沙田大圍車公廟路69號顯徑商場A翼1樓208號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：深水埗區分店：1am0894#1amfoodie #foodie #hkfoodie #thatfoodiet

我哋喺7月29日去食早餐，嗰日仲要黑色暴雨，本來淨係想同屋企人簡單食個常餐，點知成個用餐體驗好差，食得好谷氣，主要原因係侍應態度極度惡劣，服務質素非常低劣。當時我哋落單講咗想要常餐，但侍應以極不耐煩嘅態度回應「冇喎」，完全無解釋原因，態度冷漠亦毫無禮貌。我哋都唔明白點解冇，就唯有再轉第二款，點知佢又係一樣話 「冇喎，今日星期二呀。」講嘢態度又差，好刻薄。然後當揀好之後，我哋話想要一杯奶茶同一杯咖啡，佢又語氣好古怪咁講句「唔係奶茶就咖啡㗎啦。」完全唔知佢意思係咩，語氣好似責怪我哋咁，令我同屋企人都一頭霧水，基本嘅溝通同尊重都冇，係好差劣嘅人。到食完飯，我哋想再買個三文治外賣，同侍應清楚表示之後，佢竟然話「咩呀？聽唔明喎」，我哋再清楚講多次拎走嘅，佢先話「哦~外賣下嘛」，態度好明顯係玩嘢，非常唔尊重。總之呢間嘢啲侍應服務態度極差，人品係非常低劣，完全唔應該喺服務行業出現。冇禮貌、冇耐性，令人感覺好似去受氣咁，其實食物係咪特別好我都唔記得，因為成個用餐過程已經破壞晒體驗。奉勸大家如果唔想影響心情，等佢成個餐廳換過一批侍應先再考慮幫襯，至少我會等佢換過一批唔係呢班低劣嘅侍應之後先至再幫襯。

中午去食嗌咗兩個燒味粉，一個燒鴨燒腩仔瀨粉，一個叉燒燒鴨河粉。粉麵嘅份量大，但係啲燒味差，本身份燒味嘅量已經好細，每一嚿都斬唔斷食燒味就係諗住食佢啲肉，燒鴨直程覺得佢係一嚿大斬到極細俾你，$5銀都大過佢，燒腩仔個皮唔夠脆。60蚊都唔算平，呢個質素覺得冇下次

閒來經開都會嚟食炸髀西多，下午茶盛惠$41，因為天氣真係太熱，放棄咗首選嘅茶走，飲凍奶茶少甜。炸髀非king size + juicy貨色，勝在腌製夠味，炸得夠香脆。西多係足料大件，加上邪惡牛油同糖膠，新鮮炸出嚟好難唔好食。凍奶茶相對嚟講較失色，唔夠凍！上餐時摸到不銹鋼杯身仲係熱嘅導致杯茶偏淡唔夠味，個餐未食完啲冰已經溶晒。服務方面屬正常水平，冇過份嘅失分位或者超卓嘅得分位，招呼同上餐速度都係合理範圍內。

前一日同你訂燒味，都買咗兩舊水，全部都唔使斬攞去拜神，錢又識得收，開咗門口多個鐘，成間舖都係職員收銀都兩個，問佢可唔可以幫幫忙淨係攞返一隻雞同埋一嚿燒肉，嘢又唔肯做。個呀姐第一下佢話師傅未返工，第二下「我都唔識答你」，跟住miu 我。 可能唔係佢哋定嘅規矩，不過我覺得好僵化囉，同埋如果佢老細咁驚啲職員偷燒味嘅話咁你應該要叫個師傅同間鋪一樣時間返工囉，冇理由開咗間鋪嘅個鐘都未有人斬燒味？你啲食客唔使食燒味？ 玩嘢。你哋set啲咁嘅規矩可以，而我係一個食客同俾錢果個都有權反映一下。我都好無奈繼續要等足成個鐘！

下午茶時候，來到沙田探朋友，約了朋友先到她屋企附近tea一tea。🟣燒腩仔、豉油雞米粉燒腩仔外皮咬下去很香脆，豉油雞是雞脾位，雞肉嫩滑。🟣燒鴨、切雞瀨粉燒鴨肉質有咬口，切雞小小肥，瀨粉比想像差了一點。🟣熱利賓納、熱菜蜜甜甜地，一邊食一邊飲，不錯！

這次的用餐體驗真是令人大失所望。幻想與現實：幻想：現實👇1. 牛乳炒滑蛋：原本期待滑嫩的炒蛋，但實際上端上來的是乾炒碎蛋，感覺不出落鑊時有用牛油或牛乳，而且完全沒有調味，完全失去了應有的口感；2. 煎火腿：本應是煎火腿，卻呈現出像水煮火腿的感覺，毫無煎香味；3. +3蚊嘅奶油脆豬：麵包沒有烘烤，上碟的竟是全白麵包，無奈...4. 午餐肉蕃茄通粉：盛載通粉的碟邊沾滿湯汁，給人一種不整潔的感覺；總體來說，這次的用餐經歷非常糟糕，完全不推薦這家餐廳。如果餐廳不進行改善，我將不會再次光顧。

新式茶餐廳裝潢 環境可以(⁎⁍̴̛ᴗ⁍̴̛⁎)座位設計 環境光猛 座位之間有空間感so far so good 環境上尚算舒適 中午蕃茄通常餐約$60 價錢偏高 偏偏店員服務水準 完全不達正常水平(´･_･`)一行二人 店員放低比一杯水就離開了（或者可以理解一杯水用嚟洗餐具用途吧）當我哋諗好點餐內容叫店員5分鐘都無人落單 兩手空空的店員直失直過 頭也不回 舉手示意落單睇唔到 唔該落單也聽唔到 定位做街坊生意既但禮貌欠奉 服務體驗一般

食物的味道不錯👍，沙菜牛肉麵極力推介，但，坐正角落頭經常被服務員無視🙄 ，點餐時會很麻煩😡，而且服務員都會一同視而不見，聽而不聞，若有點餐時，需用很多旳時間，令外，有些飲品🥤會太過甜，糖漿下得太過多了。不太乎合香港人的口味，但也會有小部份的大人和小朋友喜歡過甜，整體來說，食物的味道👅，衛生等方面，大致上都沒有什麼大問題👍，就是，如果真的不好彩，坐在角落頭，我真的寧願不吃😡😡，如果可以選擇的話，我絕對不會坐在角落頭！！

焗嘢等得耐我明，但要等25分鐘，催單先有?落錯咗外賣都算，雞扒變平啲嘅豬扒，同落單嗰個講，話「同收銀講囉」，一副懶理嘅態度。同個收銀呀姐講，好hea咁望咗一眼，就話係雞扒，但之前食過間嘢啲雞扒係冇骨，講咗半分鐘佢先補返差額，出門口嗰刻聽到佢講咗句「痴線」，呢個係一間餐廳應有嘅服務態度？

夜晚八點幾諗住叫個燒味飯，個人本身唔舒服就冇落樓下附近d酒樓買，見佢哋個燒鵝講到自己幾咁隱世幾咁正就決定試吓。一個燒鵝四寶飯要價接近$100，經過外賣Apps叫到嚟真係一睇嚇咗我個大跳，個飯就好大盒，得四舊仔燒腩仔，四粒燒鵝，加埋四片紅腸（我求其揀間煎釀三寶嘅紅腸都厚過佢）。我喺大圍買任何一間$50燒鵝飯都唔止呢個份量，而且味道並無任何驚為天人嘅地方。講真試咗呢次，以後呢一間集團嘢唔會再有第二次。

今晚想鋸個扒🍴，點了懷舊鐵板餐。✨招牌黑椒牛柳（$98）奉送是日餐湯，牛油厚多士（半件），總括性價比幾高。我選擇配薯菜、洋蔥汁，牛柳份量都多🐂，牛肉味道和口感都很好，薯條很多。

今朝去食早餐. 一入到門口就有位靚女姐姐微笑帶我入座. 我話我想坐卡位. 服務員小姐也盡量安排. 一座落就有服務員主動送上一杯水. 好過其他餐廳. 跟住又主動問我需要吃什麼早餐. 細心聽我講吃的早餐. 我話要多杯熱水. 服務員也極時比到我. 成個餐廳環境也吾錯. 坐得又舒服. 食物品質也吾錯. 值得推薦的一間冰室😊👍🏻

服務態度超差，完全不似一間服務食客的食店，食物簡直垃圾，入邊嘅員工簡直不可理喻，完全當你係狗入來餵狗糧一樣。叫嘢食叫足15分鐘冇人理，落單時你講食乜佢完全聽唔到，完全冇心聽取客人食乜，上菜時衰啲講句就嚟飛上台，呢間咁嘅餐廳簡直係趕客。叫員工完全聽你唔到。現今嘅香港多一間呢啲咁嘅餐廳。想令到人留港消費真係好難。其實講咁耐，真係想講呢一間餐廳嘅服務態度真係好差。

今日難得兩公婆一齊放假🏖️便去樓下冰室食早餐！意外發現平日都十分舒服！因為我通常都在假期先幫襯一下！進入門口就有位四眼妹妹問我幾位！然後就帶左我地卡位坐！都十分體貼！我當然要試試沙嗲牛肉通！通粉來到夠熱！牛肉好夠沙嗲汁！奶茶都調教岩岩好！我向侍應生要杯熱水！都好快就比我！總括早餐🍳服務我本人就很滿意👍食物都不錯👍其實我好少去冰室食早餐！我今次去實在令我感受到茶餐廳文化！很多都是街坊鄰居！有機會再要幫襯！