四十一冰室 (已結業)

第一次來house 41，感覺很特別，裝修有懷舊feel, 好似回到童年時的冰室。餐單以西餐為主，多選擇，質素有驚喜，食材高擋。可惜，今次亂打亂撞得一個人來。下次同班朋友來，就可試多幾樣嘢。餐廳隔離仲有個香港屋村展覽中心，還有一間特色士多，約埋三五知己食吓行吓傾吓計，可消磨大半天。正呀!

石硤尾對我黎講係好遍遠嘅地方，但成日都想去參觀美荷樓，講左好內，終於搵到個朋友陪我去啦。原來冇想像中咁遍遠，由深水埗黃金行上去。可能平日黃昏去，餐廳較清靜，任影相，坐位任揀紅豆冰好特別，用維他奶，味道較淡，但有豆味。香蕉可可沙冰，都有香蕉味反而朱古力味唔太出。晚餐會跟湯或沙律，蘑菇湯較好飲特色豆腐軟包漢堡，薯條好脆，新鮮炸，記得要點沙律醬，好好味雖然炸豆腐好厚好大件，有豆香，但我覺唔好食，偏乾，淡味，食唔落西班牙傳統烤焗乳豬，都大件及多肉，新鮮炸脆口，雖然偏喊，但記得要配埋附上嘅蘋果醬一齊食，味道好夾，一流另加配朱古力蛋糕同芝士蛋糕，朱古力蛋糕好乾，唔合我口味。但唔知點解芝士蛋糕係朱古力色嘅！？由於此地方較休閑，感覺好舒服，果晚一坐就坐左兩個幾鐘

今晚偶然間經過美荷樓呢邊，見餓餓地就去冰室食下野，冰室外面既環境都幾舒適，於是係外面坐低試下個黑松露蘑菇雞肉燉飯，雞肉嫩滑可口，飯既份量適中而且好飽肚！食完就行下對面既41士多，裏面有賣下d懷舊玩具、零食、日用品等等，而且內部既裝修充滿本土特色，勾起不少童年回憶。

美荷樓計埋今次已來過三次，第一次是因為偶然吳宇森導演的一編文章，講述五三年聖誕夜一場大火，令石硤尾寮屋區的居民家園盡毀，五萬多名市民無家可歸。又憶述當年香港物資缺乏，如何靠自己捱出頭，實現電影夢⋯⋯第一次是去參觀生活館，參觀後經過歺廳，全場爆滿，無緣試吃！上個月頭，有次因為大雨，交通擠塞趕返工情形下路經此處，於是朋友毫不猶豫帶我到此處午餐，呢度是自行攞歺，吃完要記得執好放回清理區。午歺有湯或沙律及飲料配套。環境舒適寛落材料足，蛋味濃，麵質爽白汁偏甜及杰，但鷄肉嫩滑，份量亦king size今天因為在黃金購物，只是一街之隔，朋友再帶我來試下個晚餐，晚上亦不多人，充足冷氣涼浸浸又不會限時，與朋友聚會歡談是必選之地。今晚的晚餐均有南瓜湯，沙律任選一，配一塊厚切甜麵包，飮品要另加8至12元春雞脆香，份量十足，賣相亦砌得好靚，108-抵食燒朱手新鮮即焗，熱呼呼出煙，賣相與味道不比德國歺廳弱，朋友話個酸椰菜味道夠味，質素完全一樣，118- 正！還有啤酒特價18-送nuts, 其他野飲亦大大杯，假期來呢度響行下歎下吹下水充電，簡直一流！

落雨太多天，天空終於放晴，懷著愉快心情外出九龍走走；作為新界人，一向是比較喜歡寧靜，如非必要工作或是購必需品，絕對會減少烈日當空兼假日時遠遠走到九龍活受罪。今天剛好要到九龍買一些電腦產品，覺得平日不是假期，烈日也正好帶來藍天白雲，即管出發到黃金商場吧！必須之事情辦好，才發現街頭上之人實在太多😓😓天氣很熱，只想盡快找一個地方飲杯咖啡，但是附近兩三條街之茶室似乎也全部有人滿滿，而且又特別嘈吵，心裡突然想起多行幾步去一去美荷樓😀😀上次來時，應該是2個月前不巧地生活展館關門才到，決定一定要擇日重來拜訪一下美荷樓之生活館，今日終於如願！環境未致一流，但位於人流如鰂之深水涉區，能有一個如此寧靜，優美之室內外兼而有之環境去悠閑地去享受一杯咖啡，真一樂也，如果不喜歡咖啡，也有冰凍環保庄豆漿（如相），或者可以有其他飲品選擇，或是嘆個全日早餐，也非常不錯！稍後會補回上次吃了全日早餐之食評及照片

好唔好食我就未知，因為未食，但係我就真係等左好叉耐。。叫左一個all day breakfast 同焗豬排飯，等左一個鐘都未黎，而家仲等緊。。。究竟要等到幾時？？zzzzzZzz

週末行開石硤尾、美荷樓一帶，朋友提議不如順道去埋四十一冰室，抖下，食下，慢活下～冰室裝修後地方都依然咁闊落，好多位俾人慢慢揀，揀左個好本土特色嘅「正呀喂」坐低，又慢慢再睇下食乜。諗好就去落單，order完店員先俾左餐湯同飲品我地拎番去，同之前一樣都係玩自助形式。杯香蕉可可沙冰都幾好味，蕉味算突出，同可可好夾。飲完湯，雜錦海鮮炒意粉就泥，意粉彈牙有咬口，香香辣辣，又多餸，雖然唔係咩貴野，不過份量都夠多，幾抵食～食食下個制又響，西班牙烤乳豬拎得lu，呢個要趁熱食，個皮好薄，一咬「嘩好脆呀」仲要好juicy，肉質好嫩滑，只係略嫌有少許雪味，如果處理埋就perfect～香草燒春雞等得耐少少，食完脆皮乳豬再望隻雞，即刻吸引力大減，而且肉質較實，相對無咁好食，但都掩得入味，個燒汁好濃郁。兩碟嘅配菜都一樣，蕃茄甜，椰菜花偏咸，同薯仔一齊食剛好～總結呢間裝修後嘅美荷樓冰室，食物質素都ok，份量夠大，地方又夠闊，坐幾耐都無人理，好啱鐘意慢慢坐慢慢食慢慢傾嘅人泥～

我去了很多次四十一冰室，它給我的感覺好像返回到家的溫暖和有親切感，加上它每次設計晚餐的餐單款式不同！還有它的場地給我回顧以前六，七十年代的人玩遊戲有很多不同(例如:波子棋，飛行棋，過三關等等)

同好耐冇見既fd去reu 諗住去間靚靚cafe影相啦 呢間真係一流 本身唔會打食評 不過咁岩見到咁多dislike真係不得不為佢平反我同朋友行去啦 一望 哇個裝修靚到呢 忍唔住錄左幾段 開心死我 好明顯佈置得好有心思 每個位都好有創意 而且d位好寬敞 坐落都幾舒服之後入去叫野食 叫左個餐 都係$48 大大份 有野飲 我平時都算嘴刁 但係呢個入口完全ok喎 唔可以話好好食 但係真係唔差囉最好既係 我同朋友都坐左五個鐘 完全冇人趕 個reu好開心絕對會再去 極度鍾意呢間野!!

知道美荷樓改建成青年旅舍,有士多,有冰室,同幾個朋友黎試下. 地點確實有少少吊腳,從深水埗地鐵站行過黎都要大概十分鐘. 內裡格局舒適,擺設幾有特色,冷氣都好強勁. 但由於可能近山邊既關係,冰室裡面竟然係有蚊的.閒日晚上,唔洗等位,我們一行六人,點左六份SET DINNER.A餐<香煎大蝦配意大利磨菇忌廉芝士飯> 份量較少,味道普通,不過不失.E餐<燒原隻香草春雞> 好食,燒得夠香,夠脆.F餐<德國咸豬手> 推介,啖啖肉,整得好夠味.值得ORDER!I餐<特色豆腐漢堡> 俾佢個名吸引左~ 點知原來係失望,無味架.J餐<海鮮香辣茄汁寬條麵> 同芝士飯一樣,好細份,味道沒什麼驚喜.佢呢度全自助形式,去櫃檯落餐,取餐,到用餐完畢,收返托盤去車仔上,基本上全程冇SERVICE可言.當晚客人極少,廚房都整左好耐先出菜,奇怪既係主菜上先,再追之下先俾埋前菜沙律. 野飲仲耐,扣分. 環境係可以,適合聊天,但呢個價錢應該可以有更好既選擇.

德國豬手7/10⭐️味道不次於高級西餐廳，真係喜出望外。豬手鹹味適中，陪隨香草，唔講以為係高級餐廳食。最抵死係佢連配菜都有調配味道，抵贊隨餐叫埋南瓜湯，一個字，creamy!因為食完豬手太飽，最後都只係只多兩杯野飲。順便一提，呢到的咖啡不錯沖哦

今日食晏又來測試你有沒有進步，怎知不進反退，今日叫了此通粉，賣相好得，上次食是好好味的，但今次...通粉烚得過淋，食到整口都很糊口的，個汁又冇味，點解上次整得咁好食，事隔個多星期會有這樣大的落差，希望 openrice 能夠新增一個可以俾腦細平反回應的部份，都想聽你怎樣解釋，夠竟發生你什麼事，廚師放假？timer壞了？汁醬決貨？ 唔好淨係得我去批評，對你也唔公平，對嘛

首先，個賣相就已經唔算太吸引，腸仔冇諗過竟然係脆皮腸，仲要食落去係凍嘅，煙肉好似溶左雪就放上碟甘，完全冇煎過，凍冰冰，最慘係要食個炒蛋，凍既，點食呀！食左呢3樣甘難食既野，對個沙律已經冇好感。最後個all day breakfast食左1/3就放棄。以為食完個凍冰冰既all day breakfast 已經好慘，原來仲未係，食完一個鐘左右，仲要肚痾，救命！可能係因為新開張冇耐，食物質素未算穩定，希望佢努力改善一下啦！

熱朱古力完全沒有味道凍咖啡沒有咖啡味道全日早餐 食物全部凍磨菇沒有味道 蛋沒有味道 腸沒有味道煙肉就飲香口膠蕃茄沒有甜味職員收捨餐車打破玻璃瓶隔三十分鐘才有人清理 實在太難食 太失望

同朋友興起走左去美荷樓度行~了解一下當年既環境~由於係下午茶時間，我地去左食Tea~我地一向都鍾意有特色既食店，今次就近近地黎呢度~下午茶款式都幾多下，價錢合理同朋友叫左份炸魚薯條，估唔到又幾好味喎個魚D肉唔會話好似有D整到莓莓爛爛食落好嘔心咁，唔錯！如果薯條係波浪薯條就完美喇！朋友覺得隻碟太單調，用茄汁寫左美荷樓3隻字，成碟嘢即刻唔同晒！我地另外叫左個香蕉窩夫，香蕉當然好難唔好食😂但佢個窩夫做得都唔錯，都算厚身，食落又唔會乾乾地咁，有球雪糕會更好！飲品就冇咩特別，都係咖啡奶茶咁，正正常常啦~！