囍 (已結業)

母親節，諗住全家試吓香港仔新開自助火鍋放題 。得到一個超失望的經驗 。首先訂位已經亂七八糟，經驗態度超差，訂8點要9點先入得，其實預左無可能即時入得，但都無可能訂左8點or 訂左位嗰啲都未入哂，佢同我派walk in仲要個號碼後過我嘅入先，呢個都由佢，但係無端端有個人同經理講話佢等左好耐，個經理又真係比下張枱佢喎仲不停同我講下張枱係我，咁樣亂派位都得嘅，經理仲態度超差。有樣野都要讚下嘅，入面野食都過得去，同侍應妹妹嘅服務很好。但外面派位嗰經理已扣哂分。

話說見到新開張即興同屋企人去試下，奶奶下午已經去book定夜晚8點鐘枱 過左15分鐘個員工話好快執緊枱，但啲客仲坐系到 之後再等 又過左1陣 再問有位未？個員工話佢地切可蛋糕 ！Book左位應該留反枱比啲客 冇book位就入得 成件事好吾公平囉

店員一d禮貌都冇，上碟慢到爆，等一隻雞等咗一個鐘頭囉！，要豬比咗牛肉，真心建議大家唔好去食，因為真的不好吃，要吃就食最便宜的a,b餐吧，不會太好吃呀，要我比個分數的活是-100分

諗住新開去試下，點知一試就唉…分開有唔同餐收費不同果日同老公叫左$148個餐還加$39刺身放題，有肥牛、豬肉同埋黃金雞。咪道都可以，野食真係麻麻地，自助區冇咩野食可以比你選擇。或者午餐可能好啲

見新開張，諗住試吓，一入到佢坐低就知“乃野”，Bar枱供應食物少，墨丸好粉，蟹柳“淥”好耐都係好似“塑膠”咁，都吾咁食，壽司居然冇豉油，wasbi供應，蔬菜都吾多款，仲有D午餐肉，紅腸，薯仔，芋頭li類平價野供應…………飲品得幾款供應，居然夠膽死冇汔水囉 ，檸檬茶都冇，真係吾知乜鬼放題????D牛又吾新鮮，一碟得4塊，咁孤寒不如改做散叫啦?D侍應十問九吾知，冇服務可言，一句講晒，冇下次，等執:返到屋企仲肚疴:

見係新開張，於是走去試試，結果大失所望。開張前睇過觀塘間店既食評，應該唔錯，於是抱有一定期望，結果....叫左個的壽喜湯底，好咸。配菜選擇尚算ok, 最大問題係肉類黎得超慢，唔知係有心定新開張問題，叫左六客既肉,最終90分中既用餐時間，只係上左兩客比我，追得多我都唔好意思，另外，十點左右雪糕乳络都已經無曬，全感覺全餐只係食丸同菜。希望佢係新開張問題啦，否則無下次。順帶一題，哩個鋪位，之前無間做得長，希望佢會改善啦，香港仔無火鍋放題，如果質素ok,都可以頂得住既

新店開張，諗住一試，午飯時間，零等位，零帶位，自己揾，大把位。坐低5分鐘， 以為自己透明，最後先有個 服務員攞杯茶埋格，問食乜？食乜？都係全部定食，叫咗一個拉麵加兩款小食。再等15分鐘，先嚟一碗拉麵。食完拉麵，小食都未到，再等多十五分鐘。 服務員同我講，整緊，唯有再等再過十五分鐘。前後一共五分咗45分鐘，兩個小食都唔到出嚟。唯有谷住啖氣嗌埋單，跟住經理同我講話廚房未準備好， 未準備好就唔好畀客人去叫啦。再講嗰碗拉麵，一個字鹹，鹹味係足夠， 實在太好味「精」。 有啲過份。 麵質麻麻地。總括嚟講，可以唔使幫襯，「灰」。 雖然叫碗拉麵，有前菜同麵豉湯，都係一般至麻麻地。