囍 (已結業)

早陣子要去香港仔，剛好又在Facebook 看到某雜誌的宣傳好像頗吸引又化算，便駕車決定去試試。我們點了最便宜的$118餐，另加一碟J 級手切牛，那就有便宜的餐又有靚牛肉吃。J 級牛的雪花紋漂亮，口感柔軟有油花香。如果已經餓到等不及火鍋料熟，不用擔心，這裡會有一些冷盤熟食先墊一墊肚。這裡的飲品選擇亦不少，不喝凍飲可選豆漿。還有兩隻味道呢！喜歡混醬的我，看多這麼多醬料真的很興奮。火鍋配料都有不少選擇呢。蔬菜的種類太多了吧。我們點的黃金雞湯底很快便送上，雞的份量不少。店員把沙漏給我們作計時用，我們乖乖跟足指示，雞肉果然鮮嫩，而且很清甜呢。加錢還可以有刺身拼盤，而且吃完不夠可再encore ，不過我們沒有加，己經加了手切牛，下次吧。我們的$118 的套餐，可以點美國牛肉、美國黑豚肉、黃金雞。黃金雞最好吃，可以再點。火鍋配料的質素也不錯，蔬菜新鮮，其他配料大部分都ok。最後還有乳酪雪糕作結，飽到捧著肚走。雖然質素說不上有驚喜，只可說是正常，但每人約一百多元，又刺身又火鍋又熟食，還有飲品任飲，真的很抵食。

今日又相約好友去覓食，仲殺到入去香港仔，目的是為了試一下這個日式火鍋放題其實都唔算好遠,係銅鑼灣搭巴士入去一陣就到了門面都幾光猛又簡潔，行上一條小樓梯就到了門口外牆跟入內裝潢都以雞畫作作圖案，環境都幾舒適，仲有好多梳化卡位先點了B餐 $148 ，入面會有任食美國肥牛跟美國黑豚肉仲有任食主角黃金雞，而湯底選了黃金雞木瓜椰子湯當火鍋未上檯之際，已上了另追加的刺身$39/位刺身有三文魚，甜蝦，墨魚等等，都幾新鮮甜美調味位食完之後就出外夾下放題包埋的數十款丸類，蔬菜，菇菌類，豆卜枝竹，麵...等等仲有多款汽水飲品鍋底跟火鍋料上檯了，水滖後放下雞件跟木瓜，砂漏計時再熄火焗一陣就食得了先嘗頭湯，都幾解甜椰香，唔會太重油份，而雞件好新鮮嫩滑，唔會食到雪味肥牛好幾正，牛味都算重,肉多過肥脂，合我心水另外追加了鮮鵝腸 $38爽口脆身，帶一點點肥美而蔬菜都好新鮮記得食埋乳酪雪糕啊

屋企附近開咗間新餐廳，梗係要同屋企人去試吓啦！香港仔附近嘅打邊爐類型唔多，放題更更加係一間都冇！所以呢間餐廳係未開嘅時候我哋已經好期待今日我屋企人終於齊架，可以一齊去試吓啦！我哋揀咗$148餐，有牛肉豬肉雞，仲有自助啊可以自取火鍋配料。最正係個黃金雞，佢哋標榜係自家農場養嘅，味道又真係同出邊食到嘅好唔同。啲肉彈牙好多，真係有雞味，而且仲好鬼滑添，唔會好似出邊嗰啲鞋十十嘅雞。牛肉都唔錯，肥瘦岩岩好，食落無穌味，好食！可以食多幾碟，百幾蚊真係好貴抵！

今日想試呢間新餐廳, 但對它好失望。一入去睇落冇咩問題, D嘢食睇落都ok, 就叫咗個牛肩胛餐(貴D嘅餐) 跟往黎左幾碟牛肩胛, 自己亦出去攞左D嘢食。味道ok唔算好好。跟住再想加多幾碟牛肩胛(無限添加), 點知黎咗四碟肥牛, 我哋要求更換但只係換咗四碟中嘅一碟。我哋再叫另外一個人換, 她話去check check點知她話四碟都係牛肩胛。於是叫她擺碟肥牛對比, 發現一模一樣。 於是我哋叫經理嚟check一check我哋懷疑係肥牛嘅牛肩胛係唔係真係牛肩胛。 最好笑嘅係我哋要求佢拎出嚟嘅肥牛, 經理話佢係牛肩胛, 我哋同佢講嗰啲係肥牛經理好尷尬, 跟住堅持話“我哋餐廳嘅牛肩胛就係咁！”, 所以我哋都冇辦法。最離譜嘅係我哋叫佢埋單畀手寫單嗰陣時佢哋話佢哋冇手寫單仲要收錯我哋錢由695蚊變成965蚊。呢間嘢服務態度又差嘢食又唔係好好食建議大家唔好去食。

我很爲食，所以很留意放題自助餐之類。友人今次帶我去到老遠的香港仔，只因為呢度的放題很抵食。我們放工後，在銅鑼灣鵝頸橋底的橋頭位置，坐所有去香港仔的巴士都可以去到，我會在利港中心那個站下車過天橋，地點就在香港仔中心附近。$148套餐見到個餐牌，唔係好相信自已眼睛...$148有椰子雞湯底，雞肉、牛肉豬肉任食。。。獅頭鮮鵝腸，$38友人見到$38有新鮮鵝腸，說是抵吃。我們點了一個試試。鵝腸用冰底盛上，上放保鮮紙。鵝腸份量很多，顏色新鮮有光澤有彈性。輕輕放湯中一淖，卷起便可吃。以前經常放湯中任鵝腸自由活動，鵝腸縮到細細的，又硬又沒口感。這次沒有浪費鵝腸，輕淖後很彈牙，還有點點油花香。湯底： 黃金雞木瓜湯湯底用農場靚雞、有機木瓜、印尼鮮椰子水。跟據枱面圖示，我們把椰子水滾後便放半隻雞連蓋煮一個漏斗時間，再熄火焗多一會兒。店員解釋是冰鮮雞，用焗嘅方法，雞肉會更滑更又緊緊熟。我見到雞肉呈金黃色，終於明白咩叫黃金雞。而加入木瓜淆椰子雞湯底都是新做法。木瓜的甜香和椰子的清香都夾味，相比坊間的椰子雞煲多咗一個層次，還多一層滋潤。食過X季文昌的椰子雞湯底，都是用漏斗計時。但佢地少了焗的步驟，以滾的方法迫熟

晚餐想打個邊爐見到開左間新野，分幾個唔同PACKAGE。有選擇困難症之下揀左個價錢中間既。湯底係木瓜椰子湯，岩岩滾起嘅時侯個湯D椰子味已經出哂嚟。店方建議食法滾起後放隻雞煲一個沙漏既時間。 果然雞係滾得最嫩滑係呢個時間，食落有埋椰子嘅香甜。除左紙包飲品之後仲有豆漿，正常同黑豆漿都有。 黑豆漿比較少見，而且唔太甜，好啱我。常見既火鍋配料都有，而且重有熟食。鵝腸大條又爽口，冇腥味，口感極佳，值得一試。牛脷，薄切後煮熟左咬落有些少彈性。特選肩胛牛肉 同 美國黑豚肉都係薄薄地，滾兩吓就係最佳食用時間。食飽仲有雪糕/乳酪食，驚奇在於可以用甜筒裝雪糕，可以加係雪糕上既"配件"都幾多。

香港仔終於有一家放題店了。以前經常在這區出沒，一直沒有一家任食火鍋、放題店。每次和朋友仔放題癮起，最近都去到銅鑼灣！因為是新開的店，假日我試過很多人要排隊等位。 所以我們選擇平日去，即刻有位不用餓。 其實我只想重點吃雞和蔬菜，只想點$84 元的靚雞餐，但友人說"打邊爐不能沒有靚牛！"， 最後點了D餐美國牛小排餐。$198套餐，限時90分鐘。包括了任點嚴選牛小排、美國特選肩胛肉、海產盛盤、美國黑豚肉、黃金雞、特選牛脷。然後有蔬菜區任食。湯底參考過觀塘店的食評，主打是湯底 -- 椰子黃金雞木瓜湯。湯底聲稱用自家農場雞、有機木瓜、印尼鮮椰子水煮成，天然食材，不是一滴香色素湯底。對於年紀漸大，愛吃得健康的我是一大優點！雞肉呈金黃色，原來就是黃金雞的由來！等雞熟的時間，我們拿了雪糕先吃。最緊要慳時間，分秒必爭！雪糕有乳酪和原味。聽侍應說，還有機會有抹茶味，那要看彩數了。我喜歡乳酪味，微酸令我更開胃！最窩心是有2個青檸和沙薑，加了雞件同吃會變了海南風。青檸和沙薑是和豉油蔥花放一起拌勻做點醬的。味道酸酸的，比普通打邊爐多了一層風味！在街市買手切牛打邊爐，都會買牛頸脊。牛味會較濃郁。這兒的美國肩胛牛肉

囍😈呢間火鍋店既環境都幾乾淨闊落，擺位清晰，唔錯既👌🏽夠晒大又唔會坐得好逼😀今次叫左個b餐火鍋放題 hkd148 😀佢啲肉係食完唔夠可以再叫，有美國優質豚肉同美國黑豚肉，同埋黃金雞半隻😊湯底叫左最basic既椰子湯😊另外刺身加hkd39!炸天婦羅就加 Hkd 18 ~價錢都唔算貴😀佢火鍋配料選擇都算多，比較意外既係竟然有意粉😨都會有熟食提供😀不得不贊佢既湯底真係好鮮甜好清💥黃金雞的而且又好滑，好香！份量又多！啲肉都算新鮮，滾幾下食岩岩好😀唔會太老太鞋！刺身方面都好肥美鮮甜😊好新鮮！炸天婦羅都好食！有兩隻蝦架😎佢啲野飲選擇都多，最中意飲豆漿👍🏿夠晒健康，唔會死甜。食完仲有個甜品機，可以比你擠乳酪同雪糕💥個人比較偏愛牛奶雪糕，奶味香濃！加埋配料一齊食正架😈

放假入到去港島南區搵Friend，夜晚佢又懶得煮飯，就落左樓下香港仔中心食野。朋友知道我大食，就介紹我去食任食火鍋，重要係間新開既火鍋刺身店。但係今日唔係好想食生冷野，所以就叫左個$148任食就算啦加左碟鵝腸，望落真係超令！好新鮮呀！平時出街打邊爐真係好少食鵝腸，因為好多時都覺得唔夠新鮮。你知架啦，內臟呢D野唔新鮮就真係好難食！但係呢度既鵝腸非常新鮮，可以見到個顏色幾令火鍋其中一個最爽既事就係可以混醬一番，呢度重可以加我最愛的七味粉落去！當然啦，麻醬同辣椒唔少得架啦！薯仔丶芋頭，呢D打邊爐既必備！！！大大碟的滑雞~~~~~椰子汁既湯底，望落幾清下，之後就黎左碟滑雞，蓋上火鍋蓋又煮又焗一輪，嫩滑既鮮雞就完成啦煮完雞既椰子湯味道變得濃厚，清甜得黎加埋D雞湯味咁~唔錯呀！最重要係雞可以隨意Encore😆😆😆食雞都有排食呀！加上任食的肥牛丶豚肉同埋其他配料，$148一個人黎講算係幾抵食頭先講過既鵝腸當然唔少得！証明我眼光好冇睇錯，真係好新鮮，爽脆~煮10秒鬆D就食得，食落口甜甜地，加埋醬油去食，正呀！

原本看了食評真的影響到我想食的心情，其實食物真的是一般，亦無嘜驚喜，但個椰子雞湯底是可以一試，此店最多是菜，需多加其他食物，伙記態度都很好，帶了很多笑容，收空碟亦很快，結賬時收銀同老板都會問返食客意見，努力吧！

「囍」由觀塘開到去香港仔，香港仔店新開短短時間，已經常常爆滿！這幾天到香港仔探朋友，朋友說最近新開不如一試！事先有看過Openrirce的食評，怎麼全是負評，心想不是吧，明明觀塘店之前去過三次，都很滿意！！不過這裡價錢很抵食，吃吃無妨，最平的餐也只是百多。為了避開人潮，我們預約晚上9點鐘，希望可以吃得舒服一點。果然9點人流較少，舒服得多。這裡店面積很大，加上透光的大玻璃，空間感充足。店員安排我們坐在窗口位置，玻璃上還有雞的圖案，很可愛！我們點了個$148套餐，再加$39任食刺身。刺身非常喜出望外！大大片三文魚刺身，有驚喜！三文魚更是厚切呢，咬下沒有雪味，新鮮得來啖啖肉，$39任叫絕對物超所值！第一次在觀塘店吃過這個自家養的黃金雞，就愛上了！吸引了我一而再再而三地回去吃它的雞！雞是任食的，每點一次就是半隻，嘩會否太抵食？！黃金雞和牛肉豚肉也來了！準備開始十下十下啦！牛肉 望落顏色夠鮮，油花和肉的平例也平均，雖然只是$148，但質素絕對有保險。牛肉嫩滑，點豉酒食味道唔錯。豚肉較薄，吃下不會嚡，有陣陣肉香味。印尼直送椰子水湯底，再加有機木瓜，味道很香椰子味。黃金雞肉在椰子水中煮，也沾滿椰子香

今晚同屋企人黎左囍hey涮涮鍋 打邊爐鋪頭係樓上鋪 樓梯燈光都幾好 一入到餐廳就有位白衫靚女經理大叫歡迎光臨 笑容好好 帶我地坐 (卡位)，後來屋企人第一次食唔明點食同個價 於是就問位女經理 佢解釋都好詳細 同好有禮貌笑容好好但其他員工就唔知想點無笑容 服務態度麻麻女經理介紹左個椰子湯底比我地，同問我地會唔會加個刺身 話無限任食既 屋企人聽到任食仲要只係加39蚊 就加左個刺身 但刺身可以有埋北極貝就好 但個湯好香椰子味 真心好食D牛肉豬肉都好好味 仲可以加39無限食刺身 自助食物吧都好多其他唔同野食 有壽司沙律 雪糕乳酪等等但美中不足既就係 有個青瓜薯蓉 好難食同衛生差左小小但呢間值得下次再黎試 但希望下次會有待改善。

一間四不像嘅食肆...溫泉蛋醬燒雞扒飯個醬燒唔知去咗邊，乾燒就有...三文魚海膽飯啲三文魚好乾，飯好多餸好少，啲三文魚同海膽食完都送唔到半碗飯。細節方面做得唔好，就算呢個網標明間嘢係港式食肆都好，食定食就應該要用日本菜嘅餐具，普通木匙羹或黑色膠羹都好掛...用茶餐廳嘅鐵匙羹，實在係有啲好笑。啲侍應都應該train下，問個侍應拎匙羹，明明見到三個人都畀兩支，要自己再去拎；上菜又唔問邊個餐打邊個餐，見到位就放；舉手叫侍應，佢地就兩個兩個傾。成餐飯都唔知嘆咗幾多次氣，個心好攰-_-總之..成間鋪都好唔掂，冇下次！

見到新開左一間火鍋放題，就約幾個朋友一齊試。入到去，叫左個壽喜燒湯，之後到左碟雞，都ok，無咩問題。之後我地加左個刺身任食。食落好唔新鮮，又唔夠凍。牛肉豬肉一般。去一次試下就夠，應該唔會再去。

見佢新開張約埋幾個朋友試下咁就中招八點都大把位因為有人唔食得牛惟有食豬兼魚生單講魚生只有三文魚同甜蝦收貨其他就唔洗客氣同埋每次由廚師父發辦咁就真系唔系幾好因為有d根本差到你唔想食師父d刀功就好水皮成日痴刀d魚兩埋痴埋未切開試左幾次都系咁走去搵下熟食啦點知得咖喱薯仔同炒飯個餃子不斷heat住就又干又硬睇埋果檔火窩生料菜最多亦唔算靚,其他就急凍丸類腸仔好老實,真系無咩好揀,相當無癮未有酒牌,有汽水同盒裝茶任你飲仲有雪糕乳酪機任你撳坐低先送半隻雞,用漏斗計時肉就幾滑豚肉切得夠薄果木魚湯底又超咸又超甜其實用滾水加幾片木魚片好過粒半鐘自動送上帳單好老實講,根本無咩好食三個人食左五百幾蚊真系唔多happy以咁gei材料奉客睇怕都無咩回頭客我就一定唔會再幫襯