囍運冰室 (鴻祥大廈)

营业中

休息中

因為剩返唔多時間，所以揀左最近band房既餐廳食少少野就走。哩間餐廳好似係新開冇耐，裝修好靚，有兩部大電視同埋兩部大mon餐牌，餐廳老闆都幾重本🤣餐廳入面既侍應姐姐都幾有禮，收銀姐姐都好有耐性介紹返餐牌跟餐飲品既問題，就算比錯左人都好有禮貌咁講聲唔好意思，讚！👍所以我就揀左XO揚州炒飯同凍奶茶少冰，杯奶茶黎到先，我就好期待咁試左一啖，成杯奶茶正係得甜味，唔知係咪甜過頭，茶味完全飲唔到，啲奶好似唔係用淡奶似係用奶精咁既味一樣，叫左少冰結果都係成杯冰，哩度唯一失望既地方。炒飯都好足料，睇落都好有鑊氣，雖然炒飯有少少偏鹹，但唔會太乾都唔會太油，叉燒同蛋都有好多，蝦都有六七只，而且蝦食落都幾新鮮有蝦味，生菜都切得夠細，就連蔥都係新鮮唔係變成乾蔥咁，唔似其他茶記炒出黎咁一係又油，一係又乾又鹹啲蝦又冇味唔知食緊咩咁，所以總括黎講都係唔錯，埋單都係67蚊唔算貴，應該都會再黎。

🥢旺角新開冰室 特濃朱古力🥢而家冰室越開越多，近日發現旺角有間新開冰室裝修有趣，霓虹管燈寫上潮語，多卡位坐得舒服，一於試試🥢特級餐蛋菠蘿油 $23 🥢菠蘿包size特別大個的，上檯是有點嚇人，包內有一片午餐肉，一隻煎蛋，咬落包空氣感很重，漲卜卜的，不會太飽，表面很脆口，其實就咁叫一個普通菠蘿包更抵食，（小$6,大$9) 🥢雪山特濃朱古力 $25🥢超級多冰夠曬凍，特濃朱古力味道不錯，面上有一圈忌廉，拌勻後飲更滑🥢鮮茄牛尾湯稻庭烏冬 $60🥢首先牛尾湯是可以的酸酸甜甜的，但是熱度不夠，只是暖的，影響口感，炒蛋是3.6 牛奶炒，所以很滑溜，茄汁豆都是凍的，其他腸，魚柳沒有特別🥢地點方便，坐得幾舒服之外都算ok 吧，霓虹光管燈影相幾有趣，食物質數無咩特別之處

係cafe坐咗成日傾project，總要搵正餐食。見附近有間新開的冰室，門面幾光猛，於是入去試下。室內有唔同色溫既燈膽，營造出光猛既感覺。未有細心睇清楚餐牌，不過好似宵夜餐先包野飲，其他既只能散叫。最後點咗個XO醬楊洲炒飯，我覺得飯粒幾乾身，只係味道仲差少少，可能落得唔夠多XO醬。最鐘意呢款裝凍飲既杯，唔知點解硬係覺得用呢隻杯裝會凍d。