囍慶酒家

营业中

休息中

今日同老公, 媽媽, 5個月大仔仔去飲茶, 老實說, 價錢中上.不過, 點心出色, 流沙奶黃包真的流沙; 燒賣大粒好食; 炸雲吞的檸汁香甜; 椰絲白兔仔唔太甜讚. 仲有其他未能盡錄.炒野就ma ma....汁太濃, 味一般, 索價偏貴- 班腩南瓜炒河.overall decor, service 都good ~

午茶食物選擇有限, 但富有特色. 點了:- 煙腩肉: 別看它的賣相麻麻, 吃下去可不簡單. 汁是chesse汁. 煙肉包著的是豬肉和蝦肉. 蝦肉還是爽的.- 南瓜班腩飯: 班腩是炸了再炒的, 跟一般的不同. 南瓜餸飯的味道也十分特別.服務也不壞. 人少. 以酒樓的level算靜. 裝修整潔乾淨. 座位甚有空間感. 還有大電視和露台. 有車的話, 來這裡飲茶, 一絕(泊2個鐘也只是$8, 車位又大).

我本身都條科學園做野！一向都對呢間野感覺一般，又貴又細碟就係佢既特色！不過有時公司食飯又冇時間去得遠時咪幫襯下囉！食中午飯，點心、粉麵飯都唔錯既！點知....十月一日有屋企人生日，諗地方食晚飯果時，唔知係時運底定大腦栓塞，景然腦中閃過呢間野出黎！算啦！反正有車，而果度又段估唔會爆既，咪試下啦！明知貴架啦！一家食飯冇計啦！咁訂左7點鐘啦！果日都準時到啦！見到大概有3-4成檯有人坐咁啦！立即叫菜，其中一樣係北京填鴨，仲有條海班，其餘都係普通野咁啦！果時都未夠7點半，佢仲好快手咁網左條魚出黎！以為呢餐都可以食得安安樂樂啦！點知好快出事...點左菜唔夠十分鐘，有個部長走埋黎話北京填鴨冇晒啦！唔係化，咁快賣清！佢仲話最好預訂哦！算啦！唔食呢樣食第二樣啦！咁又點左另一樣，過左一陣，另一個樓面又行埋黎話其中一味菜廚房冇整哦...心知不妙，以為自已黑仔啦！叫乜冇乜！今次唔再點菜啦，冒求盡快上菜啦！都搞左成15分鐘啦！咁等下等！唔知過左幾耐，見有碟帶子炒西蘭花上檯，果然聞名不如見面，勁的骰，我地8個人一人夾一淡，唔洗一分鐘，清碟！破左我地家庭食飯清碟最快紀錄！以為好快上第二碟，又過左唔知幾多分鐘，第二味

這裡位置是偏僻隔涉了一點，不過乘小巴($5)由沙田火車站前往也算便捷。點心的選擇和味道俱佳，可算是吃得稱心滿意。我們四人行點了皮蛋瘦肉粥、芥末鮮竹卷、地瓜蒸排骨等點心，還有一款用蘿蔔片包著魚肉的蒸點，上灑了火腿蓉的，頗美味; 另點了一客雜菇太極湯粉，湯底沒有油膩，很清新，吃得放心。PS 是日週末全場滿座，老媽眼利看到坐在斜對面的電台主持陳任。

最鐘意星期日朝早同屋企車入去飲茶。地方寬闊，環境清幽。唔駛同老豆阿媽開大口朧講。點心不是話太特別，勝在人少，即叫即做，慢工出細貨。招呼又好，因為人少，一對一服務，香港地地少人多，真係好難星期日搵到D咁正地方飲茶。老豆咁奄尖都話正。

茶市食物品質尚算不錯，所以特意安排往這裏吃晚飯，但的確有點失望，似乎尚有很多地方雖要改善。二人飯點包括以下菜式(1) 上湯龍蝦伊麵($128) ：龍蝦新鮮，但伊麵份量太少了。每人唔夠兩小碗。(2) 海參鵝掌：味道不錯，但海參煮至略溶，狀甚恐怖，份量也非常「精緻」，鵝掌有點乜頭乜骨。(3) 夏果帶子蚌片($128) ：果仁鬆脆，但帶子炒至有點焦黃，起初仲以為是玉子豆腐，蚌片更無端端變了墨魚片，( 經理話雖然菜牌是這樣寫，但亦會變的，有點唔老實) 幾經交涉才換回蚌片(4) 濃湯瑤柱雜菜：菜上面浦滿了一層厚厚的油，用來保暖嗎？健康意式還不太好最後要提是他們的上菜時間…很慢…，足足等了35分鐘，還催了幾次才有得食。註：往科學園可以搭巴士272K或小巴，私家車泊車六元一小時。

在科學園上班，無可避免會來這兒飲茶。環境幾好，食物非常一般，價錢不便宜（若不是公司付帳，請願到大埔飲茶好了 ）。最深印象：- 腸粉有點潺- 菜心好老，食淨半碟- 紅油抄手，不好吃- 用普通辣醬加在餃子上

入睇展覽, 順便食午飯. 12點零到, 即刻有位, 入到去發覺都滿座咁滯, 1點多D都有人等位. 估唔到呢度咁新都咁多人知"訂". 佢地一邊好似一般室內酒樓咁, 而另一邊就好似露台咁突出去, 不過就唔係室外, 係商場內, 不過因為全部玻璃外牆, 還有幾層先到頂, 全部自然光, 空間感很大, 又靜, 唔似一般酒樓咁嘈, 好舒服. 點心都幾多款, 而且很精緻, 最好味係叉燒飽, D叉燒餡好好味JUICY, 係咪好奇怪呢, 一D都唔乾, 另外煎腸粉幾特別, 用粗身腸粉, 煎香一面, 又唔會太焦, 又唔太油, 豉油同醬汁另上, 好香口. 其餘點心都好有水準, 似走高檔路線. 但價錢又唔係好貴, 炒粉麵都係$60-70碟, 不過碟頭就一般. 如果去慣沙田飲茶,唔嫌隔涉, 可以一試.

朋友帶路黎呢度飲茶, 點心水準過得去. 其中南瓜餃係南瓜切碎做餡, 質地爽口, 有別於同通常食到腍身既, 有新意; 小籠包都算皮薄多汁; 上湯腐皮卷係無炸過既, 腐皮好香, 餡就一般; 腸粉最唔掂, 夾起爛溶溶咁既; 而燒腩仔就熱同脆, 不過太肥.由於地點比較隔涉, 消費比一般酒樓平少少, 仲有免費泊車, 星期六日仲有折, 詳情可打電話問問. 住得近果頭又楂車既話, 可以試試.