影片
以上资料只供参考，请与餐厅确认详情
今日经过上水中心，见到间舖头话系慈善基金赞助，就入去试吓啦。点知入到去，间舖头室温非常高，一啲冷气都冇🥵🥵谂住唔紧要啦，就叫嘢食，餐厅系用有特殊需要嘅人士做卖点，个收银都系一个非健全人士，佢几好笑容，不过就收钱比较慢。唔紧要，慢慢等😐叫咗碗牛腩米线，啲汤咸到一个点！个老师傅，仲口多多，我叫米线，佢竟然话唔好，鼓励我叫饭食，话佢啲饭好好食😳😳！其实客人，食乜，关佢乜嘢事呢？🤔另外，唔知点解，厨房员工完全冇卫生常识，整嘢食嘅时候，竟然连手套都唔带手套🤦♀️🤦♀️！不过，值得一提，餐厅里面有位女士，非常好笑容，而且指导有特殊需要员工非常细心。 总括嚟讲，只要餐厅注意一下食物味道，水准，同埋员工嘅卫生常识，依间餐厅，都可以试吓嘅！否则，免了！☹️
继续阅读
呢排行过上水中心见到有间社企新开张主力做外卖，有鱼蛋烧卖，又有炒粉面饭，仲有好多款手拉肠粉！今日终于揾岩时间试下啦！师傅多才多艺，乜都有得食，今日就叫左个星州炒米同咖哩大鱼蛋，再用特价加樽金茶王奶茶试下先！星州炒米（$45）：即叫即炒，好有效率，仲好有水准！炒得好干身而且份量十足，啲配料食极都仲有！咖哩大鱼蛋（$10有6粒）睇见都流晒口水，个咖哩汁好够味只系小小辣，大家食唔到辣的话都可以放心试吓。顺带一提，店铺其实系志在提供工作机会比有需要人士，希望大家都黎支持下啦！
继续阅读
最近都知道呢个位会开新铺，昨晚太太就买左梅菜叉烧肠粉(20蚊)外卖回家食，都几好食，肠粉皮够薄，叉烧香口，所以今日收工返屋企时入去试食左咖喱鱼蛋猪皮三宝，鱼蛋都大粒，味道正常，咖喱汁唔错，同老板娘佢地倾左一阵计，最后再买左份香茜火鸭丝肠粉返屋企食，下次会再试佢啲炒粉面饭！
继续阅读