嚐泰泰國餐廳酒吧 (已結業)

今日突然好想食泰國菜，　於是跟同事到呢間新餐廳試下。一入門口， 店內的擺設好泰國，而且重不停播出泰文歌，好有泰國feel 呀！　因為lunch的緣故，所以只點了以下三款食物： 海南雞飯: 去骨雞肉，肉質極滑，點埋附上秘製的汁．．．一個字….正!　 微黃的油飯， 唔油膩．．．好味到停不了口…. 泰式豬手飯:　個朋友一見到，就嘩嘩聲話同係泰國嘅賣相是一模一樣，不過個份量大過泰國嘅約三倍，食落嘅味道超正宗，肉好‘林’又多汁，味道正，　簡直１００分！　讚．．． (註: 女士記得同人share!) 同埋我的至愛....泰式鳳爪，可以在落單時要求辣的份量，隨你喜歡，味道好！重有飲品及自家製的甜品整體食物都係極好味，水準之上的泰國菜!!!!

琴日去左屋企樓下個間泰國餐廳食左d唔多掂既泰式食物，今日去開灣仔就去左之前食過lunch果間泰國餐廳再食過，上次食過條燒魚好好食，所以再encore多一次，再叫左個豬手飯同咖哩蟹，仲叫左個炒通菜。首先黎左個豬手飯，d豬手好夠味但d鹹菜太鹹，可以淡番d，個炒通菜比起琴日果個差得多，今日又有鑊氣有夠味，咁先係炒菜，個炒蟹好好味，可以重多少少d咖哩味，但都唔錯，而食到最後條燒魚同上次一樣咁好食，下次黎一定再order。總結黎講今餐比琴日貴左d，但正中好多，又夠味。

雖然岩岩先去完呢間小店食佢個晚餐,但係已經俾佢吸引住,可能係因為佢既泰式風味同埋與其他店不同的人情味吧了! 一於中午同一大班同事去左試下佢既午餐,一去到見人都唔唔小,不過就未至於要等位,可能佢都仲算係新開張啦,所以都唔算太多人知道,唔理咁多,一於入去坐低,估唔到既係老板竟然仲記得我,於是我地點左d午餐, 上次食個海南雞,今次一於試下佢個豬手飯,再加多個鳳爪同豬爽肉,再加多個炒通菜,之後等左一陣,唔駛好耐,有陣香味傳過黎,估唔到係灣仔區一點多可以咁快有野食落肚,一於試一試先! 丫~又估唔到呢間野除左個海南雞ok之外,個豬手飯都唔算wor,豬手唔太"林"但係又不失有小小咬口~唔錯! 不過最吸引我既反而係佢個汁,好香,好開胃~我都不禁要問佢拎多d汁黎送飯! 大家唔好諗住一個飯好細,其實都夠一個男人食到飽架~! 之後d小食都陸續登場,印象比較深刻既係豬爽肉,因為佢燒出黎唔想太乾身,仲有d juicy,好好食! 其他都仲keep到個quality. 食完之後,過左弓陣侍仔就為我地送上野飲同埋甜品,我揀左龍眼水,我發現佢唔同其他店就係放龍眼肉就算,佢應該係有自己煲過,因為d色都幾深色,同埋個味道好

這是一間由生活於香港數十年的泰國人主理的餐廳,雖然裝修唔稱得上華麗,但整體上有著一間泰式小店的風味,一入門口可以見到一尊由原木刻劃成的泰國象神和一連串的泰皇畫像,深深令人感受到店主對泰國的情懷! 點了幾款小食,包括: 蝦餅,肉碎生菜包,無骨鳳爪, 味道很是不錯,辣度適中,而味道很有泰國風味,不像其他小店充滿港式口味,到了主菜,我們點了咖哩蟹,冬蔭公湯,泰式海南雞,泰式燒魚,咖哩蟹夠大隻,有肉,咖哩汁用來送泰式薄餅簡直一絕,而泰式燒魚夠鮮,反而冬蔭公湯欠了一點酸味,不過還是可以一試! 最後到了泰式海南雞,如果有食過泰國水門的雞飯,我相信大家可以再此尋回那種味道,再配上附送的湯水,有點點胡椒味,再加上青瓜,有一種清新的口感! 食完以上已經飽了九成! 最後再加上原個菠羅炒飯, 雖然不算特出,但總可為整個晚飯加上一個句號. 而到最尾,老板見我們食得高興更為我們送上椰汁黑糯米, 不是太甜,剛好中和之前的剌激口感. 總結而言,這所小店,雖然沒有華麗裝修,但是為了泰國小店風味,為了與老板交流泰國的趣事, 這小店真的可以一到再到 !