嚐囍煲仔小菜

营业中

休息中

襯天氣仲涼涼地🌬於是就搵咗間煲仔飯小店嚟試吓 呢間鋪頭仲有米之蓮推介架🙆🏻‍♂️佢除咗煲仔飯之餘 仲有其他小菜可以選擇 所以每到食飯時段都多人等位喎👼🏻--滑雞煲仔飯+冬菇 $86🍚叫咗個滑雞仲加多咗一款餸入去 就係冬菇🍄啦 當堂成件事昇華哂佢啲雞我就覺得都幾滑😋不過就嫌有啲少 以啲飯焦就做得好好🤤完全唔會過燶 所以食落去係特別脆同好香☺️--白鱔臘腸煲仔飯 $88🍚另外一個煲仔飯就好啱食魚🐟嘅人啦 因呢個啲餸反而好多 所以感覺上好抵食😬啲白鱔同臘腸都好好味 不過要小心白鱔多骨 再加上個煲仔飯豉油連埋啲飯焦一齊食真係好正👍🏻--📍 嚐囍煲仔小菜 (西環)西環堅尼地城北街25號地下

The worst dim sum I ever tasted at Kennedy town 腸粉is the worst ,cheap面粉做, 金錢肚 and the sauce are separated And the waitress just won’t stop talking with one of the diner loudly

踏入三月一日，天氣回暖想起我的冬天Eat List，其中就係煲仔飯啦，有小菜有煲仔就唸起嚐囍啦。禮拜日平時6點已開始好多人，差唔多7點到達最近小左人堂食所以等左一陣就有位啦。抓緊時間即order煲仔飯，男友第一次來，好熱情服務員阿姐推薦黃牌既黃金煲仔飯，同埋介紹一定要飲番個螺頭燉湯（$38/位）湯很足料有火喉煲仔飯無得頂 ，有飯焦配上臘味組合簡直完美，另外姐姐撈飯手勢真的很好細心比一個讚之後我地點啫啫煲仔芥蘭，鴛鴦骨（牛同豬）同埋賽螃蟹。三個餸份量好足料，煲仔芥蘭只需$65但份量都好多無偷工減料，我地人一齊食差d食唔曬，哈哈！第一次食京都鴛鴦骨，味道稍為甜，但牛豬配搭創意搭夠賽螃蟹冇諗過份量咁多好適合撈飯。滿足嘅一餐，我哋抱住肚皮走

近年點心專門店崛起，有星級水平，比酒樓專業。舊式點心專門店亦有星級之選，此店環境「地痞」，不雅潔，卻有懷舊感，位於香港第一個住宅區，古早味特濃。晚市是著名煲仔飯聖地，午市是點心星級之選呢。茶不靚的，點心是慢工細心貨，約19元，份量足。試嚐鳳爪便知誠意，約有5件，熱氣騰騰，肥美多汁。懷舊之選是糯米包，渾圓大型，濕潤不乾，臘味變成微粒，化為一體。金錢肚和牛肉一般。最便宜是午餐，40多元，有男人恩物之蒸鯇魚飯。我吃性價比更高的涼瓜魚腩煲。如此便宜，厨房卻會每煲製作，又會先炸魚腩。有湯有奶茶，比茶餐廳更便宜。

明明我記得之前去食煲仔飯 都冇咁多老人家 但可能因為今次我哋係中午時間去 超多老一輩🙊🙊不過佢唔算坐得好迫gip 都OK嘅😎佢啲點心熱辣辣 即嗌即蒸 好好味 完全滿足到我個craving❤️·風味臘腸卷$29呢一個超好食🤤🤤我係之前係一間老式嘅茶樓食過一次 就勁鍾意呢個點心 次次見到menu有我都一定會嗌🤤🤤佢個臘腸係超有油脂得黎唔會太肥膩 唔錯唔錯 而且佢個麵包好鬆軟 食落超滿足🥰🥰·棉花雞 $25呢個我又係超鍾意 佢個雞好嫩 而且係完全索曬味 個棉花又係好好食 每一啖咬落去都會爆汁😋😋·帶子餃 $29本身我地以為佢剩係得帶子 所以就嗌左 點知原來佢下面係有超多🦐所以其實佢係一個巨大嘅蝦餃配帶子咁樣😂😂所以我就冇得食luuu不過我男朋友話好好食 啲蝦好新鮮 好彈牙 而且上面個帶子都做得幾好 大家可以嗌下😋😋·豬潤燒賣 $21蜜味叉燒腸粉 $19個叉燒腸我自己就覺得一般啦🙊🙊無咩特別 係個皮有啲太厚 個豬潤燒賣就幾特別 因為我從來都冇食過😂佢個豬潤都大舊嘅 不過反而我更加鍾意嘅係佢樓下嗰粒燒賣 佢係好似豬肉丸咁樣 勁彈牙 我自己幾鍾意😎·#rbyeat#rby港式#rby堅尼地城·📍西環

辛苦咗成個星期，星期五決定左要食好西！收工都已經9點😢，所以唔係話好多選擇，同事建議食煲仔飯，咁啱見到堅尼地呢間開通宵，就揀佢啦一去到全場都滿，好在仲有張卡位，原來佢係米芝蓮餐廳，即刻有小小期待！坐低即刻嗌兩個煲仔飯先，要等嘛。佢嘅煲仔飯都好多選擇，今次揀咗白鱔腸同窩蛋牛肉餅，見佢哋份量唔算大，所以再嗌咗小菜同點心填下肚先小菜嗌咗蒜蓉白菜仔、椒鹽九肚魚拼鮮同埋啫啫雞煲，再配多籠馬拉糕，小菜整體都好食，份量都剛好啦唔算勁細份，九肚魚炸完都好滑啫啫雞都好惹味重點就到煲仔飯，佢望落比我想像中細碗，打開都幾香，但整體唔算好夠焦香，白鱔幾滑，爉腸唔錯，反而牛肉餅係同平時食既點心牛肉球一樣，我唔算好鍾意佢整體食物都唔錯，但主打煲仔飯，我反而覺得佢小菜仲正🤪走個陣留意到佢有通宵點心，下次通頂或者要飲早茶就可以再戰！

呢間可以話係我同家人嘅至愛飯堂! 咁多間煲仔飯最中意呢度嘅飯焦 連最愛食飯焦嘅母親大人都approve🤤飯焦可以原塊刮起又唔會有陣燒焦味~🐓臘味滑雞飯 (HK$78) 一打開蓋已經聞到臘味香味同啲油香 雞肉好嫩滑😌.🐟鹹鮮魚(馬友)肉餅飯 (HK$80) 好似比較少見有馬友嘅煲仔飯 爸爸特別中意食鹹魚岩哂佢!.🐟白饍飯(HK$80) 白饍食落好滑好肥美係多骨左啲~但呢間嘅白饍真係好肥美仲好厚身 加埋甜豉汁夠哂惹味!.🥬蒜蓉粉絲蒸娃娃菜(HK$70) 本身不太好蒜蓉但呢個又會食唔停😂 有鑊氣嘅一道菜 ! 除左煲仔飯小菜，佢地嘅點心一樣咁掂 已經食過無數次了😂 全部即叫即蒸! 特別推介布拉腸 (齋腸粉)好滑、懷舊糯米雞同黃金糕香港好少地方有得食🤤 

到摩星嶺行完山，睇完日落🌄都7點幾，一行人都開始肚餓，於是到附近搵食。朋友說這間煲仔飯不錯，所以來一試。甫抵達已見長長的人龍，既然一場來到就決定等一等等了差不多大半小時才入座，可能行完山的關係，大家都非常肚餓！我們先點了一個蓮蓉包（裡面有一個咸蛋黃），個包熱騰騰，蓮蓉味道不算太甜，剛剛好。之後再點了個臘味煲仔飯，都等了差不多10多20分鐘才上到菜。煲仔飯的飯一粒粒，唔會有「水」，飯底是焦，味道不錯。如想來食的朋友，要早點來等位，因為真的很多人，有不少等等下都放棄

嚐囍煲仔小菜堅持炭火古法烤煮，在上桌時的每一鍋熱氣騰騰裡，都包含了香脆可口、焦而不糊的飯焦，恰到好處的油分、調料，還有老香港人在幼時秋冬季才能吃到的一份味覺記憶！如何烤製煲仔飯，適合一家大細在節日和平日聚餐

好少係出面煲仔飯仲有小菜點心 成個食飯體驗冇咁單調知道係米芝蓮推介 所以對於佢哋嘅期望都幾高 但係驚喜嘅地方唔係煲仔飯 竟然係小菜好食dd椒鹽九肚魚 好新鮮 比出面大排檔出色好多 唔厚粉 啖啖肉好滋味 茄子蠔出面冇乜幾何食 但幾過癮點心方面 芋絲春卷 超好食 必叫！即叫即整 熱辣辣 芋絲好香 其他點心都好味足料！煲仔飯方面 可能抱住好好食嘅心態 稍為有啲失望 唔係好多飯焦 唔算好香口 但米水比例好好 食到粒粒飯香 但臘味味唔夠重 餸嘅味道唔完突出 但依舊好足料！好夠食不欺場😀

首次品嚐這餐館，一定試食煲仔飯！有朋友推介這問餐廳，前來機次都很多人排隊。味道是這種餐廳的重點。快、靚、正、食完走。點菜有：白鱔+雞肉煲仔飯啫啫唐生菜椒鹽魷魚拼矮瓜鐵板牛柳牛柏葉Service/服務👍🏻👍🏻Cleanliness/清潔度👍🏻👍🏻Taste/味道👍🏻👍🏻👍🏻Ambiance/氣氛👍🏻味道和鑊氣都有。個人不喜歡用太多味精調味。煲仔飯有飯焦，鱔時間剛好。牛柏葉有加入白蘿蔔有清甜的味道。

今天中午我和老公選擇了這間所謂米芝蓮的食店一試，因為平時經過已排長龐，今天一進去便有位。當我們一坐下，有位阿姐已好大聲問飲咩茶?所以我便回答了，但當我看了餐牌後，看見有午餐小菜吃，便不想吃點心了。之後我便同阿姐講我不要茶了，因為午餐已有飲品了，但阿姐話茶已開不能改，跟住我便跟她說我並沒有喝過這壺茶，現在不要，是不應收我茶錢的，真是很不合理，雖然只是$5位茶錢，兩位便多收$10，但我不是吃點心，只來吃午餐小菜，心想真是一間不老實的食店，下次不會再來。味道一般，環境衛生麻麻，職員態度欠佳，完全不是一間好的食店。

平時晚餐既主要飯堂，煲仔飯小菜一定推薦，反而係夜茶就未試過，咁啱夜晚廚房last order 收咗爐就試吓～點心全部都係即叫即蒸，所以都要等得比較耐，記得飲啖茶慢慢等！叫咗蝦腸、小籠包、牛柏葉、鮮竹卷同薑汁千層糕。蝦腸個米漿都做得幾滑，冇糊口嘅感覺；小籠包餡料比較實，味道還可；牛柏葉整幾好食又夠爽口；孫竹卷不過不失味道OK；薑汁千層糕係來貨價錢唔太貴，唔係趕時間又唔怕飲完茶瞓唔着嘅朋友，夜晚宵夜可以多一個選擇！

今天星期四，朋友帶我去堅尼地城食煲仔菜，晚上六點 半入座，七點已經座無虛席。到步才知道是 2018 2019 連續兩年 米芝蓮車呔人推介。先來一碟小炒皇，椒鹽鮮魷茄子 九吐魚 三併，花竹蝦煎米粉，鹹鮮馬友，梅香鹹魚肉餅煲仔飯，鴛鴦腸冬菇粒煲仔飯，金銀蒜粉絲娃娃菜，甜品拼盤: 計有招牌蝦餃、八寶糕、黃金糕、千層糕。小炒王，好夠鑊氣香噴噴，鮮嫩韭菜， 脆銀魚，蝦乾，腰果，送酒一流，不要錯過。椒鹽三拼: 茄子，鮮魷魚，九肚魚，好食到唔識形容，脆漿好薄，茄子，鮮魷魚和九肚魚 都非常嫩滑，名副其實外脆内嫩。花竹蝦煎脆米底，花竹蝦大大隻，米粉煎得脆卜卜，好野味，如果多啲汁就更好。鹹鮮馬友，外脆內嫩，鹹香可口，送飯助酒俱佳。馬友鹹魚肉餅煲仔飯，飯就稍微削咗啲 但鹹魚肉餅真的讓人難忘，上等馬友鹹魚香噴噴，原來老闆除了做食肆外，還在西環批發鹹魚，所以有靚鹹魚供應。鴛鴦腸香菇粒煲仔飯，用臘腸和潤腸切粒 加冬菇粒，鋪上勁多蔥花，上桌時一揭蓋，濃香撲鼻，蝦公米粒粒企身，冇得頂。清蒸金銀蒜粉絲娃娃菜，賣相令人眼前一亮，娃娃菜清甜，配上金銀蒜 粉絲底清蒸，鮮味無窮。點心拼盤: 招牌蝦餃，黃金糕，拉椰糕，八寶糕。

一間位於西環嘅米芝蓮煲仔飯之前喺online買左優惠券因為就快過期所以要快啲用咗佢如果大家冇訂位的話記得要早啲去到因為一到食飯時間就會大排長龍白鱔飯 $80呢度最出名嘅就係煲仔飯係呀煲仔飯都係即叫即煲白線嘅份量都算好多而且煲出嚟嘅飯軟硬適中飯焦軟硬度亦都啱啱好唔會黐實晒個煲邊食唔到海鮮賽螃蟹🦀️ $98呢一個餸我覺得比起煲仔飯更加好食蛋白炒得好軟滑再加上蝦肉碎同埋帶子碎簡直一個豪華版嘅賽螃蟹而且外觀上亦都好吸引味道亦都相當唔錯椒鹽鮮魷 $82椒鹽鮮魷雖然炸得好金黃不過我覺得外層唔脆但係魷魚的確幾新鮮食落亦都爽滑彈牙👌🏻黑椒牛仔骨煲 $95全晚最令我失望嘅一個餸首先牛仔骨嘅份量比較少大概可能只得5-6舊而且牛仔骨嘅肥肉非常多肉質亦都非常堅韌咬極都咬唔開而且整體上都比較油不過係味道唔錯嘅整體來講呢度嘅煲仔飯同小菜都有中上嘅水平而且不設+1服務費真係試得過