嚐仙

营业中

休息中

食完晚餐，想食個糖水，見未食過依間，就試下啦店舖係自助嘅形式，自己買再自己拎～鋪頭唔算大，枱都唔多，坐得唔算舒服賣相芋圓同珍珠都無味，就算配埋糖水底，都唔知食緊咩

香港人習慣飯後甜品，當然我都唔例外，呢日同朋友食飽飯後都搵間甜品舖食吓甜品！呢間主打仙草同芋圓嘅甜品舖，晚飯後嘅時間都幾多人排隊我同朋友一人點咗一份甜品再加一杯珍珠奶茶▶️雙芋仙草奶凍 - 芋泥，芋圓，珍珠，紅豆，好豐富，配搭嘅味道ok嘅▶️黃金地瓜泥仙草奶凍 - 地瓜泥，芋圓，珍珠，紅豆，朋友叫嘅，地瓜泥口感軟糯▶️黑糖神仙珍珠奶 - 黑糖嘅珍珠奶茶其實會較甜，建議少甜，除咗珍珠再配上仙草，飲落好有口感，不錯嘅選擇！總結：食物質素不過不失，價錢尚算合理，但舖位就較細，坐到有擠逼感，還好冷氣好夠，坐近門口都唔會覺熱！

天氣仲係好熱，入黎呢間店冷氣好夠。點左個冰有仙草、寒天、紅豆、珍珠、芋圓。個仙草幾好食，而芋圓個味唔夠濃，個質感咬口就爭d。但起碼唔洗等咁耐就有位。建議叫凍仙草，試過冬天點熱仙草係會秒溶晒既

黃金地瓜泥仙草奶凍 $45超好味😋已經唔係第一次幫襯，今次食飽飯行過就買外賣食，依然冇令到我失望，不過拎嘅時候發現店員比漏咗奶，要問佢拎返，好彩有check，如果拎到返去先發現一定好唔開心😂覺得落奶先好食😋地瓜泥好大球，好香地瓜味！芋圓都好煙韌好有咬口😆 仙草係真係仙草唔係冇味嘅涼粉😂😂😂 份量都比得多，食落又唔會好甜，落咗奶撈勻先至夠perfect！ 不過外賣等得時間有啲耐，可能係即叫即做嘅關係☺️

嚐仙 (尖沙咀)食完正餐但想揾個地方坐底傾下計，睇ｍｅｎｕ好似都唔錯咁就入咗去。但入咗去先知啲位好細，一邊只坐到兩個人，我地三個人就好迫坐到。雙芋仙草奶凍，$45材料：手工芋泥 三色芋圓 紅豆 珍珠 仙草食咗两款甜品，呢款比較好食，都比較多人推介。手工芋泥好綿密又唔會太甜，仲有三色芋圓都好好食。配料多可以試多啲唔同口味芋泥牛奶冰 $43材料：芋泥 紅豆 珍珠個賣相真係幾吸引，芋泥下面係牛奶冰。芋泥味道唔錯，但係芋泥份量比起冰太少，冰本身真係好硬而且又冇咩味。所以食咗面個層之後就好淡。唔推介呢個。 人均: $50以下📍尖沙咀金馬倫道19A號地舖#台灣菜 #甜品 #糖水 #芋泥 #芋圓 #黃金地瓜泥 #仙草 #牛奶冰

早前同兩個friend去尖沙咀食晚飯，為咗想繼續傾偈所以直落甜品😍🧒🏻🧒🏻🧒🏻當晚去到舖頭外面已經係9:15PM，但店外仍然排晒長龍，幸好我地9:35PM就成功入座，可以趕喺10點前食完走人🤣1）黃金地瓜泥黑糖凍（$45）材料有芋圓、地瓜泥、紅豆、珍珠，我哋就係為咗食芋圓而入嚟呢間舖頭嘅，可惜咬落佢哋既芋圓就無咩番薯或者地瓜味，但好彩口感、煙韌程度都可以🧐 2）熱招牌燒仙草（$48）材料有芋圓、芋泥、紅豆、珍珠(對，遇上一個甜品的材料好相似🤣)可能我哋食完凍嘅黑糖凍再食呢個，就覺得相對地無咩甜味🤣

晚上唔想食飯，想食甜品，仲要想食芋圓，揀了嚐仙，假日仲要夏日之下更加多人幫襯，排隊大約排半個鐘先有位，果然好受歡迎。小小的店子，環境都幾狹窄坐得迫，甜品及飲品都有不少選擇，不過來得呢到都想食雙芋。雙芋仙草奶凍，$45，第一次幫襯，試下招牌雙芋，有齊手工芋泥及芋圓，賣相似雪糕的芋泥，入口綿密有芋香味，紫色、黃色及橙色的芋圓，分別是芋頭及雙色地瓜而成，口感煙韌，甜度恰好。仙草滑溜又冰涼，仲有紅豆及珍珠，口感豐富，有一杯鮮奶油伴食增添味道呢。招牌燒仙草(芋泥、芋圓、珍珠、紅豆)，$48，小機的。食物味道不俗，下次有機再戰。

約咗朋友食完飯，想去食糖水。但成個尖沙咀好似所有人都想出去食糖水咁。間間都爆滿。本來想去食鮮芋仙但係佢嘅人龍實在太長，見到附近有呢間都係食仙草，人龍又唔太長就去排隊。晚飯時間，都要排個鐘先至入到去食。我哋嗌左兩個冰。好失望。啲冰水好大塊，完全同隔離嗰間係兩回事。味道一般。仙草係好嫩，嫩到好似水咁，份量又非常之細。一碗嘢裏邊整得面頭嗰1cm係料。布丁又係好水，我明白仙草同埋布丁要嫩滑，但佢地過份水啦。食過一次就夠，唔會再去。奉勸大家排隔離嗰間算啦。

見到咁多人喺門口排隊，又見係台式甜品專門店，所以就決定外賣你試吓收銀員動作偏慢，只係幾個人排隊落單，已等4-5分鐘先排到。落咗單之後喺門口等，等咗15分鐘，前我一個號碼嘅外賣單已經可以攞走，但係遲遲都未到我個號碼，於是再等多5分鐘，我問店員係咪Miss咗我張單，佢冇應我，淨係問裏面嘅職員到底點，好明顯就係將我嗰張誤俾咗其他人。店員之後冇道歉，只係叫我繼續等，又唔講等幾耐，結果又等咗10分鐘，先攞到外賣。結果用咗30分鐘時間去買一碗甜品外賣，好激氣，無禮貌，不會再光顧

📣芋圓控注意❗️|台灣過江龍質感手工雙芋仙草奶凍🍠😋🍠🍠 雙芋仙草奶凍 ($45)配料有三色芋圓，芋泥，紅豆，珍珠，仙草，比例平均，打底為黑糖冰，個人認為珍珠略多，而仙草可以多啲做打底😆😝芋圓煙靭有嚼勁，咬落帶有原料味道😋芋泥非常實正，未算好濕潤綿滑，不過撈埋仙草汁就平衡翻口感😙仙草滑溜彈牙，富仙草味😋紅豆粒粒分明，軟腍甜蜜，加埋其他配料食啱啱好☺️極度建議落奶精，雖然係artificial 但真係令成個口感昇華🤣 温度雖凍但唔會超冰涼，適合唔係好食得凍嘢嘅朋友😉🍽 整體來講主角芋圓幾有水一，可以一試，但份量唔多，性價比唔算高🥺門面空間有限，座位略為逼📍嚐仙尖沙咀金馬倫道19 A號地舖

夏天最啱就食涼爽冰凍嘅甜品 💓今次推介尖沙咀嘅台式甜品店 😊🔸️嚐仙店舖座位唔算多所以要堂食嘅朋友 就需要稍等一陣la～⭐ 雙芋仙草奶凍 ＄45紅豆味濃沃 加埋牛奶好夾 芋泥唔會太甜 👍可惜美中不足係芋圓冇咩味道 🙈整體嚟講夏天食好適合 有80％台灣的感覺😜推薦指數：⭐⭐⭐⭐⭐ 杏仁布甸1號 ＄49鍾意食杏仁嘅朋友可以試一試 🌟布甸嘅杏仁味濃郁可惜果肉部分太甜🙈推薦指數：⭐⭐價格：⭐⭐⭐⭐環境：⭐⭐⭐味道：⭐⭐⭐衛生：⭐⭐⭐⭐整體：⭐⭐⭐⭐嚐仙尖沙咀金馬倫道19A號地舖

尖沙咀食甜品嘅地方好似越來越少，同朋友行街食飯之後，行吓行吓就覺得口痕，想搵啲甜嘢食下，走過隔離街，見到呢間黑蚊蚊嘅店，裝修好似己有風格，所以行去睇吓，覺得餐牌上嘅食物都算吸引，全部都係紅豆仙草之類嘅台式甜品，種類其實唔算多，不過好奇心之下試吓我哋兩個人，其實一早食到飽晒，只叫咗一碗，佢哋都冇最低消費，都唔錯。芋泥紅豆湯， $44 ，另外加咗湯圓，加埋都50幾蚊，覺得質素唔係好值呢個價錢，我覺得只值$30。紅豆沙唔算好綿，偏甜，湯圓係普通超級市場買返嚟嗰種，冇乜特別，芋泥唔夠香，唔知咩嚟咁。總括而言，質素中間，價錢偏貴，估計唔會再嚟

雙芋仙草奶凍芋圓依種食物真係會一食難忘仲好難停口依一日就去左尖沙咀依間 嚐仙 一試 當晚都有4-6人排隊不過地方唔算大 加上佢地即叫即整 好快就有得人食 所以 一般食完就走等位都唔需要好耐當晚我地試左 雙芋仙草奶凍 有芋泥 芋圓 同仙草 係面配黑糖冰底 整體 唔算好甜 芋圓煙韌 有咬口 芋泥軟滑 仙草正常 不過我地起初以為奶凍係布丁但原來係一杯凍的花奶同埋佢地好似無最低消費 我地兩個人share一份都ok 咁就啱晒食完晚飯過嚟食一碗糖水啦

勁多人排隊，朋友介紹，點都要試吓😃 先點餐付款，再俾個牌你入去搵個位等黃金地瓜泥仙草奶凍 $45地瓜泥好滑😻 珍珠凍凍地好有咬口，奶凍係自己另外加，可以調適合自己嘅味道紅豆湯1號 $45裡面有芋圓、珍珠、小丸子🍡 紅豆湯唔太甜👍🏻 味道剛剛好，呢個超讚👍🏻👍🏻

食完飯見早又去啪個甜品😆😋朋友試過話正，就跟佢去試吓😂去到門口都要排一陣。之後揀好食乜就比錢入座，叫咗兜黑糖凍，都幾大碗😆個黑糖凍好好食！好滑！又夠晒味，唔係得個甜字！夾埋個紅豆蓉一齊食，口感好夾🤤🤤好食！芋圓都好食！👍🏻👍🏻推介另外杯鳳梨茶，就冇乜烏龍味，不過都好多果肉！都Ok😆-雙芋黑糖凍 $42-玫瑰烏龍鳳梨茶 $29