嘹咋咧

营业中

休息中

今次去左銅鑼灣渣甸坊有間新開嘅陝西菜館❮嘹咋咧❯(btw 間嘢個名真係唔識讀)。 因為本身唔喺好肚餓， 所以只係叫咗一個肉夾饃、一個乳香雞翼油潑扯麵、加六隻韭菜豬肉餃。 首先上碟的是乳香雞翼油潑扯麵， 因為肥妹偵探怕辣嘅關係， 所以我哋只喺叫咗微辣。 d麵一食落去， 好鬼煙韌彈牙， 加埋佢d香料配菜， 辣辣哋真喺好惹味。 三隻乳香雞翼大大隻， 南乳夠哂香， 炸的金香可口。 再嚟碟韭菜豬肉餃， 外皮完全鎖住餡料裡面的香味， 喺連醃肉嘅豉油同酒香都食得出， 真喺冇得頂。 最後嚟嘅喺肉夾饃， 夾饃很脆， 口感相當不錯， 而包住嘅肉餡非常柔軟， 假若味道再咸多少少就更佳， 始終個外皮喺冇味的。 總括而言呢間唔識點讀嘅新嘢都喜出望外， 初初本住伏就伏嘅心入去試， 點知唔伏不特只，重入埋我哋既回頭list , 如果閣下呢排去食， 仲有88 折優惠呢，行完銅鑼灣見攰攰地， 就入去食好(陝) 西啦。

同事lunchtime建議黎呢間新餐廳試試黎之前上openrice睇過下食評，知道呢度有款好得意既油潑扯麵，成碗面就係一條面黎既，睇到已經好想試，所以去到諗都唔使諗就叫左。Lunchtime有lunch menu, 但宜家做緊優惠正價餐牌88折，計起上黎其實價錢一樣，正價餐牌仲多選擇。我叫左碗油潑扯面配乳香雞翼。食物黎到就諗住食左d菜先，點知餐廳負責人睇唔過眼，話d面凍左就撈唔到，走黎幫我撈唔係太中意醋味既我都覺得好好食，唔太酸又唔太辣，唯一就係比較膩，食左一半已經食唔落另外仲叫左糍杷，超級好食!走果陣，負責人可能見我食剩左，仲追出黎問碗面係咪有咩問題咁好態度邊度有

OT完要食下辣野過過癮🤗 呢間係渣甸坊排檔隔離嘅西安菜 岩哂鐘意食下麻辣小菜嘅朋友☺️ 不過今晚食左個面就閃了 麻辣手工面好彈牙呢 配上即炸嘅雞翼 湯底可以揀辣度😚 #嘹咋咧

行行街收到傳單，係香港少見嘅陝西菜，心郁郁走入去試吓！店員服務好殷勤，笑容滿面，感覺好親切！由於只有2個人，所以都叫唔到太多嘢，試咗潼關肉夾饃、炸豬扒、酸菜魚同埋香茅青檸蜂蜜，希望下次可以試到更多菜式！潼關肉夾饃：即叫即做，大約等咗8分鐘，上檯嗰一刻好驚喜，係熱辣辣脆卜卜㗎，腩肉有肥有瘦，好香好好食！炸豬扒：不過不失，中上水平。酸菜魚：強烈推薦！個湯好香，係煮到奶白色嗰種，又唔會太酸，真心好味！而且魚肉好滑，仲有薯粉墊底，加分！香茅青檸蜂蜜：蜂蜜唔會過甜，而且係用新鮮青檸+香茅，好清新！從未食過陝西菜，估唔到咁有驚喜，是次光顧感覺幾好，而且店員好友善，見個水壺無水又會密密加水，仲會因應客人嘅口味去推介菜式，要表揚！

因屋企人行過見到這間菜館幾特別，我們就試吓。食物：羊肉餃子、炒花生苗青瓜仔稻草肉夾饃因為第一次食青瓜仔同花生苗，覺得這個菜式非常特別。因為我們不吃辣，老闆給我們辣椒醬自行加上去試，漿料很大芝麻味道。好吃的。羊肉餃子是即叫即包稻草肉賣相很好的，我們以為是東坡肉。夾饃味道其實都唔錯，但是我們覺得太油膩，可以用小油的製作法會更好。環境：他們有一個大鑼鼓，其他擺設也幾舒服及有特色。今天去時已經有聖誕裝飾了。因為我們下午茶時間才去，環境非常清靜。其他：會源源不絕的提供清水，這是對我來說很重要的。水入邊加了薄荷葉，看，飲不出有薄荷味道，但是看來很靚。老闆見我們不太懂得菜式，也會過來解釋一下陝西菜。

行行下銅鑼灣見到有人派leaflet，話有88折，於是去試下呢間新野。見到啲菜式都知是陝西食物，傳單上都好多內地用語。最具特色的是肉夾餃，當然要叫啦，1個$28分成2塊食，價錢合理。外皮是手抓餅的皮，髮脆可口。內裡足料，很香陝西的民族風味。趁熱食是非常好食！間餐廳都幾講求衛生，筷子頭是一次性的，自己安裝。「入鄉隨俗」，當然要叫最特色的麵食。我叫了芹菜豬肉餃子配油撥扯麵。一碗麵是得一條麵！多麼了得的工藝！麵條有咬口，加上啲醬汁，是好食的。餃子足料，味道都不錯。

嚟間新店之前食過一次都算不錯，鬍鬚老闆服務不錯。不過我哋今日再幫襯已經另一回事啦！我12:15坐低，當時只有兩張枱嘅人坐咗係度，我哋12:23叫嘢，諗住冇乜人應該好快啦，點知等咗半個鐘先有得食，咁都算啦照食啦，點知我叫嘅雞亦油撈面，三隻雞亦入面係全生㗎，因為我哋趕住番工話唔要啦，退咗佢啦，我另外碗麵只係食咗兩條啫，嗰度其中一個女服務員話落咗單就唔可以退，我哋整過佢你咁喎佢真係當我哋洗做得閒係度等，跟住佢話計我淨麵價，講到好似皇恩浩蕩咁喎，好似係我錯咁，但我只係食咗兩條，佢話唔可以退就可以改，兩條麵收咗我$40，我真係好嬲，唔洗食都一肚氣。今時今日咁嘅服務，點會有回頭客呢

F1出口沿著卓悅隔離條巷行入去就見到，好容易搵。來自陝西的老闆娘細心教導廚師做出正宗的陝西菜小桌擺設精緻，餐具整潔乾淨，提供檸檬水。價格合理，嘢食好味😋，會再約朋友去食

無意中發現一間公司附近新開張的陝西菜館，便過來試下。叫咗肉夾饃同油潑辣子面，評價就係一個字：正！老闆娘係陝西人，她家的肉夾饃外皮酥脆，肉質鮮美多汁，好食過香港其他陝西餐廳好多！必食推介！新張期內仲有八八折。油潑辣子面，辣子的香味同面完美融合在一起，味道超讚，就係份量少咗點仲有好多其他陝西美食，下次再食過仲有一點，筷子頭係一次性的，可以裝在筷子上面，個design好特別

收到閨蜜whatapp銅鑼灣最近開了一間正宗陝西菜,咁就膽粗粗一行四人去試下,原來新張期內仲有7折. 店舖雖然細同埋比較難搵,喺銅鑼灣渣甸坊排檔後面,卓越轉入去..但係試好嘢梗係要有啲冒險精神㗎啦.我哋點了著名的羊腿,羊肉夾餅及其他小食.價錢一啲都唔貴.味道不是想像中那麼辛辣.我哋啲港女都可以食到.原來聽過靚仔講,可以order辣同唔辣,大辣,小辣.最怕你唔食得辣,要辣嘅幾辣都有.一般冇特別講就會畀小辣.仲有一個用糯米整嘅甜品,貌似薯條但係唔記得叫乜嘢名啦,可以點糖漿或黃糖來吃,大家可以試下,比較另類的甜品.