嘉華冰室小廚 (已結業)

佢嘅食物質素其實唔差，價錢都唔算好貴。但宜家落餐愈嚟愈死板，我唔知係佢個system 問題定點 ? 嗌焗飯唔俾轉汁，茄汁就一定豬扒，白汁就一定魚柳，最離普係連飯轉意粉都唔得🤷🏻‍♂️🤷🏻‍♂️🤷🏻‍♂️🤷🏻‍♂️你以為佢宜家無焗意粉，但佢又有焗肉醬意粉🤷🏻‍♂️🤷🏻‍♂️ 依d 咁基本嘅野都咁死板，選擇變相大減 , 真心希望佢可以keep 返正常

嘉華冰室小廚沙田瀝源街6號瀝源廣場2樓RB2號舖呢間冰室環境闊落 夜晚都好多人幫襯呀門口係有包買 不過夜晚就收左🥹招牌麻辣雞煲🐣呢個煲仔細細 入面雞份量都唔少 件件雞都啖啖肉☺️洋蔥同辣椒仔都炒到好香 BB辣 個汁好惹味 所以咬入口都好入味呀!!😚🌟特級西冷牛扒鐵板餐+薯菜🥦係扒房食鐵扒餐係小時候最喜愛既西餐大大下發現愈來愈少呢D餐廳 呢到居然重拾兒時味道🥰西冷份量唔少 肉質保持到水準🤤牛都入口好嫩 大概切開都有7成熟😝而且好細心薯條🍟係另上見到個個都有叫粟米斑塊 望落去真係好吸引呀!!!!真係好想試下 所以我地叫左1個人小菜 Ha😆每一塊斑塊🐟係炸過再淋上熱辣辣既粟米🌽汁呢個汁好多 好重粟米🌽同蛋花🥚既味仲配埋咸檸7同好立克😆好足料杯野飲都餐牌(QR Code)有孖寶小菜(A+A, B+B或A+B)可以俾你慢慢睇😎@lemonmediahk

閒來到沙田逛商場，偶爾在商場的角落有間裝修得不錯的冰室，平常吃得比較多各地美食，心血來潮便進去幫襯地道冰室餐廳😆。晚餐選擇除了一般茶餐廳會見到的鐵板扒餐，咖哩和炒粉麵飯之外，這間冰室的招牌竟然還有特色烤魚😯，一時忍不住食慾，便叫了招牌烤魚，乾炒牛河和無骨海南雞飯。👉🏻招牌烤魚想不到在冰室竟然還能有整盤烤魚架在gas爐上加熱慢煮，魚是用原條炸過的鱸魚，特點是保留魚的結實肉質和鮮味。一梭梭的魚肉配上四川麻辣湯汁，麻，鮮，辣三種滋味，同時湧上舌尖，互相搶戲但又不會被掩蓋，吃得出廚師的技藝相當不錯🥰🥰；配料相當豐富，有津白，萵筍，蓮藕，芽菜，豆卜，薯粉，附著湯汁一起吃，相當過癮；另一個重點是價格相當便宜，比起在烤魚店吃便宜一半，性價比極高👍🏻👍🏻。👉🏻無骨海南雞飯海南雞不錯，有雞味而且肉質嫩滑❤️，雞油飯也很香口，令人食指大動，不斷一口接一口。👉🏻乾炒牛河廚房相當大方，牛肉給很多片😍，河粉炒得有鑊氣，即使冰室內冷氣足夠，河粉擺了一會，還是透著熱氣😆。這餐最令人驚艷的確實是招牌烤魚👍🏻，比起在烤魚店吃到的不遑多讓，冰室的價格卻能吃到烤魚店的水準，性價比無得頂，下次想吃烤魚也定必會來這裏覆桌😎。

🍽餐廳：嘉華冰室小廚多謝@lemonmediahk的邀請，今次試食的是新開張的嘉華冰室小廚。🍤椒鹽鮮魷雖然在戒炸物，但還是屈服了給椒鹽鮮魷，鮮炸所以溫度剛剛好，乾脆爽口，外皮薄薄的，也不蓋海鮮的鮮味。🍲金銀蛋上湯肉鬆浸時蔬我喜歡它的上湯不會重口味，湯底鮮甜，份量十足，皮蛋、肉碎以及通菜，吃得很滿足。🥘川味烤魚主角烤魚來了，配菜有薯粉、蓮藕、雜菜等，薯粉吸受了湯底精華，少少麻少辣，不會過於重口味。美中不足的是魚肉不夠滑和入味。➡️地址：沙田瀝源街6號瀝源廣場2樓RB2號舖

今日就去咗嘉華冰室小廚食飯, 估唔到喺茶餐廳入邊都可以食到烤魚🤣我哋就叫咗個招牌川式烤魚一上枱就覺得超級大份, 魚肉嫩滑, 麻辣香味適中, 辣度岩岩好, 仲有唔少配料包括薯粉, 萵筍, 蓮藕等等配埋特濃朱古力, 朱古力味夠唒濃郁香滑😋個特級西冷牛扒鐵板餐(配薯菜), 牛扒五成熟, 煎得啱啱好, 一切開非常粉嫩, 肉質紮實, 配埋懷舊紅豆冰,勁豐富另外, 再叫多左個法蘭西多士, 西多士入邊塗抹花生醬, 面頭仲有勁大舊牛油, 加埋糖漿, 超級邪惡🤣

呢間餐廳位於沙田瀝源邨商場入面，餐廳有賣多款唔同種類麵包，西餅，同埋入面係賣小菜既冰室，入面用左綠色餐椅同埋圓形枱為主，我地叫左一條$188好抵食既烤魚，份量超大條，魚肉係即炸既外脆肉嫩，都幾多配料有蓮藕，薯粉底，萵笋等等，辣度可以自己揀，加熱左就可以食好方便，仲叫左一份鐵板鑊仔牛柳，牛柳好多塊都幾淋，配薯菜薯條仲係另外上好大碟，呢度仲有其他晚餐小菜同碟頭飯俾客人揀，飲品叫左杯紅豆冰都幾大杯呢個價錢都幾抵。

週末同老公去沙田行完街，突然間有啲想食啲辣嘢😛咁啱係我OpenRice 睇到呢個嘉華冰室有烤魚食嗰日我哋去係下晝五點避開食飯時間，環境坐落去比較闊落好舒服川食烤魚$188原條魚炸到卜卜脆配埋麻辣湯底超足料，配料都好豐富，有薯粉，豆卜，蓮藕，萵筍，娃娃菜等等。薯粉吸晒啲湯汁超正如果一大班人，你可以嗌埋雞煲添乾炒牛河乾炒牛河，分量超多嘅，炒到變乾身唔會咁油真係好有鑊氣，牛肉份量都好朱古力脆脆都超好飲又大杯

.前幾日去開沙田行街，見到瀝源商場開左間裝修幾靚既冰室《嘉華冰室小廚》，睇menu個陣比門口張烤魚海報吸引左，見性價比超高，一於就入去試下啦我叫左佢既招牌烤魚同麻辣雞煲，條烤魚一上檯已經勁驚喜，完全冇諗過$200吾駛有敢大條，仲要原條炸過黎，配埋川味麻辣湯底，真係超惹味，值得一提佢吾駛加錢，$188已經包埋5款配料，包括：蓮藕、萵荀、娃娃菜、豆卜同薯粉，全部配料份量都超多，勁有誠意，豆卜煮左一陣吸埋湯汁食，真係超入味，忍吾住食完一粒又一粒，魚身超厚肉，絕對夠曬2個人share食，嘆完條魚仲可以食埋吸曬湯汁既薯粉，超滿足啊😍另外，我仲叫左麻辣雞煲，第一次試先叫左小辣，上菜已經聞到濃濃既雞煲香味，惹味之餘，雞肉都係啖啖肉，撈埋雞煲汁黎送飯真係冇得頂啊

本想在離港前吃港式餐廳，但體驗十分失望..和朋友叫了海南雞和叉燒油雞飯，叉燒非常瘦、不好吃，油雞一般、不多肉，我看見沒有付蔥油，便叫侍應給蔥，但回頭給我我卻是姜蓉，完全沒有蔥。至於海南雞，雞的味道可以，沒什麼腥味，但我真的第一次看見海南雞給雞醬，是泰式甜酸醬的那個雞醬，不是海南雞本有的橙醬。隨餐附的奶茶更加誇張，本身已經沒有隨餐附送飲品，要加$9才有熱飲，送來的奶茶居然只有8分滿，離譜！味道我叫了多奶，就是普通茶餐廳的奶茶，不過不失。用餐環境尚可，我和朋友坐的是卡位，兩人坐卡位算非常寬闊，冷氣很強，怕冷的人不要坐卡位。總結體驗，食物質素讓人失望，價錢也不是特別抵，不建議。

瀝源街坊又有好消息啦，開咗間冰室小廚，門面幾靚，座位喺梳化凳都好舒服，又有小菜又有雞煲，價錢又唔算超級平，不過質素高都抵食👍🏻🌟招牌麻辣雞煲 $98有得揀辣度叫咗小辣，麻香味重，每一件雞件都啖啖肉，唔會碎濕濕，用咗辣椒同洋蔥一齊炒香再加啲芫荽，好惹味🌟孖寶小菜A+B $178佢有個小菜套餐， A同B區都各有20+樣揀，包白飯2個，中西湯兩碗，飲品兩杯，幾豐富抵食枝竹豆腐火腩煲火腩仲多過枝竹豆腐，都幾足料，腩肉夠晒肥超級邪惡，枝竹同豆腐都索晒汁好入味香煎鹹魚肉餅煎得金黃香脆，肉餅厚身夠肥，好香鹹魚味，送飯一流🌟蒜茸牛肉炒時菜 $64本身諗住叫個菜健康一下，點知肉類份量都係好多🤣 蒜蓉汁好香唔會過鹹，仲好多蒜泥🤤

【沙田區】【嘉華冰室小廚】過瀝源嗰邊有啲嘢做，以前可能係同戲劇有關，借佢個社區會堂排戲。之後退出咗戲劇界，就過嚟呢邊做核酸，之前試過出境要喺呢邊做核酸檢測證明。不過今次係同體育相關，去香港特殊奧運會嗰邊做啲嘢，都係緊要嘅。喺沙田泳池附近巴士站落車諗住行前過馬路行過對面，感覺到有兩對眼好眼甘甘咁望住我。一睇原來係兩位同事，仲要係平時會食開飯嘅，真係好巧合，佢哋游完水準備食飯問我 join 唔 join。我做完嘢，就即刻趕過去加入啦。嚟到呢間新開嘅茶記，用 $53 叫個常餐嘅「招牌沙嗲牛肉麵」轉米粉，加埋配菜「火腿奄列」同「丹麥多士」都係極平庸嘅質素，加 $3 飲凍「特濃朱古力少冰」，都係冇乜特別。用 $8 食埋「手工酥皮蛋撻」，都係一般。佢哋就食 $60 嘅「咖喱牛腩飯」跟「中湯」加 $3 飲「凍檸茶」同埋 $58 嘅「焗粟米雞髀飯」跟「中湯」加 $3 飲「凍奶茶」。佢哋都好似冇乜感覺咁，求其食完一餐咁。夾埋三位 $188 埋單，我就未必會想再嚟食多次喇。。。（地址：沙田瀝源街6號瀝源廣場2樓RB2號舖）#1amfoodie #foodie #hkfoodie #thatfoodieth

服務：店員服務態度極差，入咗間店冇人招呼，但前台有人叫咗七樣嘢只係嚟咗四樣手機落單叫咗一支藍妹，冇嚟到就問店員（白色襯衫嘅店員）點知店員話呢度冇啤酒賣，唔好意思都冇句直接取消咗張單仲叫咗半隻燒鴨，又係手機上面有顯示，而且落到咗單，但張單上邊冇顯示，再問返個店員（同一個人）店員唔係話幫你加返，而係話我哋冇點到，諗住冇所謂再叫返，點知佢又話燒味檔師傅收咗工（ 8:00左右）但係我哋手機落單嘅時候又落到，投訴原先喺手機上睇到售罄結果三個人只係食到三碗嘢同一支嘢飲而且好似趕住收工咁（ 8:30左右）其他客人想坐卡位話冇得坐嗰邊要清潔，結果客人走咗都未見佢哋清潔食物：上餐快，但啲嘢唔夠熱，雞軟骨唔熱，仲話係送酒小菜，但係都冇酒，衰過快餐店環境：算乾淨，客人嘅傾偈聲都冇啲店員動作聲大，同一樣嘢整跌兩次

第一次比差評，入咗間店，收銀枱有人但冇人招呼，撳咗張飛等咗一陣都冇叫過飛，問個店員係咪要等叫飛，冇回答過，就叫我哋坐，咁部機攞嚟有咩用？第二件事，叫咗支藍妹，手機落完單，張單上邊都有，結果問個店員，個店員話我哋呢度冇啤酒賣，唔好意思都冇句直接取消咗張單，第三件事，叫咗個半隻燒鴨，都冇嚟過，再問返店員點知話係我哋冇叫過，諗住冇所謂啦再叫返，點知又講燒味檔個師傅收咗工，當時只係8點鐘左右，手機落單嘅時候仲有，投訴完先顯示售罄

週未去完沙田源禾路打完三個鐘波梗係想食好西嘆下去左附近瀝源廣場既呢間茶記小炒見到佢食物種類都幾多，比佢門口張烤魚吸引左同幾個朋友二話不說就入去試左，叫左個乾炒牛河、無骨海南雞香茅飯，當然唔少得招牌烤魚！原條炸魚都幾香脆，配埋川辣湯底，夠晒惹味配埋豐富配料，有薯粉、豆卜、蓮藕、萵苣同娃娃菜，夠晒豐富大滿足！都係$188，一班人開心share，性價比高！值得一試！如果有埋配料自己加，有埋幾枝啤酒就更加好！

本身睇到食評話服務同食物都唔好，諗住新開就試一試，可能未必咁差，點知就真係中伏食物質素, 服務和環境都非常差食物：- 食物同menu上所寫嘅唔同，完全無預先通知顧客- 食物難食，肚餓都食唔落服務：- 問叔叔侍應拎杯水，唔會應你， 提一提佢就話聽到轉頭先，話依度無水云云，實際上係hea應你，完全無跟進。斟水位唔係佢講嗰度，喺係另一邊，自己走去拎無咁嬲。其實依位叔叔侍應如果忙碌中，大可指示顧客自己拎水嘅位置，而唔係唔出聲扮聽唔到， 拎杯水咁小嘅事都唔識處理，真係好令人失望同驚訝。- 隔離枱等咗一個鐘都未有嘢食黎，叫咗侍應三次，都無講一句有無跟進/要等幾耐。依度嘅侍應係完全唔想同客溝通，最基本嘅禮貌同交帶都冇。- 侍應執枱同擺放物品非常大力， 非常嘈吵， 食一餐飯有幾次俾佢地嚇到成個人彈起。環境：- 枱/櫈同地下都係紙巾垃圾，新開咗無一個月，已經好污糟。- 千人抹枱布無限輪迴，睇見都驚