嘉年華海鮮酒家

之前已經嚟過食兩次晚飯，兩次都覺得啲嘢食好唔錯。個人私心大推魚香茄子煲，同埋炒西蘭花今次係第一次係到飲茶，味道同晚飯一樣都係非常唔錯。好 Standard嘅酒樓點心味道。叫咗個福建炒飯，嚟到發現原來係乾炒，自己睇Menu 睇漏咗個乾字，哈哈。個炒飯幾有鑊氣，而且幾惹味。份量好大，三個人食咗八小碗。鳳爪、炸蝦春卷都好有水準。春卷爽口而不油膩。屋邨酒樓嚟講覺得質素真係唔錯。絕對會同屋企人再會再過嚟飲茶。真心推介呢個酒樓…查看更多

佢嘅食品都唔算太特別，始終由於佢位於大埔邊皮嘅位置，因此點心即叫即蒸，起碼唔論你係咪即刻蒸定是搵個爐熱住，都算夠熱，已經可以加分。銀針粉放湯，尚算帶少許呀彈牙，不過味道就欠奉，因為都只見到有雜菜以及火腿。山竹牛肉普普通通，不過不失，尚可的質素。反而魚翅餃餡料比較多，而且那些粉絲狀魚翅帶點彈性，好似比上次端記吃的更加好。因為你附近都係啲老人邨，因此都有很多長者不是會來飲茶或吃早餐。可能因為佢係早餐嘅緣故，因此每個點心以及茶記都比較平，次次都叫了起碼8至10個點心，大約都只不過係200多元，比起平時午餐出去其他酒樓吃平得多。:)而且內裏都不算太擠迫，即使見到有啲長這個是我們帶同小朋友來到，都不算太過擠擁。…查看更多

今日嚟到間酒家試咗幾款必食推介😋，我一入到去，就嗅到陣陣食物香味，大家鐘意嘅「芝士焗龍蝦伊面」真係一絕啊！伊面煙韌得嚟不失滑嫩，龍蝦肉嘅鮮美好似跳舞咁活潑喺我脷中，嗰啲芝士味，佢仲濃到化不開咁，真係口口都想再嚟啊！呢度嘅「片皮鴨兩食」，皮酥肉嫩，一啖一啖都係滿滿嘅滿足感。煙韌嘅鴨皮，香氣四溢，配埋沾醬，咕嚕溜嘟！簡直係食神黎咁投入。但話晒話，第二食嘅炒鴨就差啲，雖然肉質唔錯，但比較一般，欠缺咗d驚喜。平時食得多冰冰涼嘅通菜，今次試咗呢度既炒通菜，新鮮，爽口，咬落去水噹噹嘅，而且完美保持咗通菜嘅翠綠色澤同彈性。真係爽口開胃優勝！整體嚟講，呢間地方絕對係食客嘅天堂，返嚟我鐘意啲精緻，有滋有味嘅平民美食啊！食完仲想再食，呢啲係我正！😍👍🏻🍰…查看更多

繼續Seafood Loves Sake限定套餐 x 特撰白鶴特別純米酒山田錦選用100%山田錦，味道香厚，口感清爽，從滑順柔和的口感開始，係口中逐漸膨漲帶出山田錦特有的芳醇風味，尾韻輕快俐落。我自己就建議凍飲，因為酸度會適度增加，令到酒質輪廓更鮮明，呢款酒適合配搭各種鮮味菜式。而佢嘅限定套餐菜式包括- 叉燒王- 半肥瘦😝 送到黎熱熱地好正- 葱燒活鮑魚 - 鮑魚又淋又有咬口，整得好好👍🏻- 龍躉球 - 啖啖肉嘅魚，大人細路都啱食- 啫啫芥蘭 - 好香，啲配料送飯一流…查看更多

好耐無入新界食飯，今次去到大埔食左嘉年華海鮮酒家，佢地既套餐都好抵食！包括左4樣野，其中有佢地好出名既叉燒王，叉燒juicy多汁嫩滑，一咬就開，唔會乾爭爭的，如果有白飯配埋就更好啦！barbecue pork真係香港人名物，極度想介紹比所有外國旅客🧳之後又有葱燒活鮑魚，好香口！份量亦都唔少。魚方面，有龍躉球，好有獲氣，肉質鮮甜。至於蔬菜🥬 最近想食得健康d，呢到就有啫啫芥蘭，唔會好dry 無味，反而多汁食落口感豐富！推薦🫶🏻…查看更多

呢幾日 日日都唔同地方食飯因為me time holiday開始呢期愛上飲sake冬天飲又正 夏天飲又爽叫左個set1) 叉燒王雖然份量唔太多但前菜來說 就差不多了而且都好入味 唔會太肥/太瘦口感very good2) 葱燒活鮑魚人人都話食鮑魚 補元氣葱燒煮法夠惹味如果多d配料就更好了3) 龍躉球當然唔少得 大小愛吃龍躉球食落啖啖肉 配埋sake尤其不同4) 啫啫芥蘭呢個連煲仔 上菜熱辣辣食時 都要吹多幾下係港式味道 真係happy上來要飲多幾杯今次呢個套餐 x 特撰 白鶴特別純米酒 選用100%山田錦 味道香厚口感清爽 冷暖飲用風格 各有特色適合配搭各種鮮味菜式…查看更多

而家啲酒樓都好多新嘢，大埔街坊酒樓，職員介紹咗個限定套餐，食物都唔係重點，重點係嗰支酒，特別選用日本清酒，仲要係高級嘅清酒，而佢個限定套餐價錢又唔貴喎，咁就梗係要試下啦。Seafood Loves Sake. 限定套餐1) 叉燒王 老字號嘅酒樓叉燒唔會差得去邊， 最重要係睇嗰個份量，分量夠曬，掂2) 葱燒活鮑魚鮑魚燒完都唔會好韌，大細啱啱好一啖一粒。3) 龍躉球龍躉球肉片厚實，紋路清晰， 食龍躉最鍾意佢，啖啖肉， 口感味道係另一個層次4）啫啫芥蘭鑊氣夠冇得彈❤️特撰 白鶴 特別純米酒 山田錦❤️限定套餐支酒選用左白鶴，白鶴為純米酒，味道香厚，口感清爽，冷暖飲用風格各有特色，夾中菜能提昇中菜的鮮味。趁住而家仲有呢個限定套餐一定要試下！…查看更多

要填用餐時段，我都唔知係叫早餐定午餐，早上10點幾埋單，收銀員同我講係午市要收午市價錢？！早兩個幾月，單上價錢細細隻字寫住‘星期六日假期每款加$2’，今日價錢單又改左，星期六日假期9:30前結單叫早市，9:31後結單叫午市，有無過份d??9:31叫做午市？？有人坐緊等執檯既就慢慢執檯、無人坐既檯就執檯先，呢間酒樓真係好得！！酒樓做街坊生意多，係咪街坊就易呃啲？！…查看更多

今日放假遲咗起身唯有揀屋企附近呢間酒樓先可以飲到早市特價。如果唔係茶癮起又太晏起身一定唔會揀呢間酒樓！首先服務態度非常惡劣，枱布污糟叫佢玩都完全唔想玩，黑晒面，仲要專登大大力放低啲嘢。跟住我就點左兩個孖寶1.客家茶粿樣子不討好，但食落去幾特別幾煙韌鹹鹹地都算幾好食。2.蟹籽燒賣完全食唔到有客！淨係食到肥肉，而且啲肉好鞋好鹹好難食。3.狗仔粉嚟到近乎凍連微暖都稱唔上，仲要根本唔係狗仔粉只係普通銀針粉，好林又好難食。4.客家釀豆腐以為呢啲咁容易整嘅應該唔會好難食點知啲魚肉又腥又咸好難食整體黎講啲野真係好難食…查看更多

我就叫左生炒骨同埋梅菜扣肉(無加飯或者其他野ofc)，平均每碟$75，但點知返到去打開，感覺好似比人食過定點，一碟都唔夠一個人食(大約一個人分量)。食物既味道就ok既，梅菜扣肉味道重口味左小小之外(可能個人問題)。食完之後，都要食返個杯面填飽肚。Overall來看，我先唔講職員態度，但從食物既分量，到味道來看，我會比3/10左右，因為真心好貴～(利申：疫情下明白食肆辛苦，所以諒解點解咁小食物，但真係小左啲)…查看更多

我哋太貪心，因為太抵食😛2個人叫8個點心，平日12點前比較優惠👍🏻唔記得影孖寶點心紙，A孖寶揀2樣=$24B孖寶揀2樣=$26早茶優惠計12點前入單，比其他酒樓計埋單較好🤩🤩🤩🤩呢份蘿蔔糕夠大件，食到蘿蔔肉粒，食完唔口渴因為本人對味精超敏感，值得推薦👏🏻👏🏻👏🏻春卷炸得香脆可口😋炒米粉較為遜色😞潮州粉果$14（小點）牛肉腸粉都唔細份燒賣豬肉肥瘦均勻$13，抵👍🏻山竹牛肉球，不過不失六福點心拼盤$29⋯⋯真係好抵食+好食😋…查看更多

要數香港屋邨酒樓，一星期嚟足7日，好似聯誼會咁飲茶傾偈，唔使約嘅，街坊都系到時到候就會落嚟，每次一嚟到這個大埔富亨邨商場，自然對這屋邨酒樓有種歸屬感，每天都有三五個長者在門前排隊等開門，系奇景嚟，其實食咩都唔緊要，最主要有個地方坐下，留約二個鐘，傾到更上下咪走，要講就是這間叫（嘉年華酒樓），一種昔日屋邨情懷，回憶無價，現今少有鄰里街坊情，酒樓以熟客為主（1）燒腩仔要數香港地道美食一定有燒味，美食處處的大埔區原來都有不少高質又平價的燒味店，最初以為平價就無質素，這想法是錯誤的，其中一道推介是燒腩仔，取五花腩部位，皮香脆卜卜，咬落去好似食薯片咁脆，肉質鬆軟，肥肉不會太肥膩，肥瘦肉比例均勻，肉味唔太鹹，炭火香氣突出最正，價錢合理，食多碟都唔會肉痛以前吃燒肉，不是阿媽拜神買來的，便是斬料，怎料到今時今日吃燒肉會成為潮流，說的是燒腩仔，流行程度由酒樓點心紙，高檔粵菜館到五星級酒店都找到它的蹤影，有些還以它做招牌菜，鐘意它的原因很簡單，肉夠香滑，脂肪香口又不太膩，而且切成一粒粒，一口一件，吃時還可選蘸芥辣，更加野味，現很多食肆都有燒腩仔供應，個個標榜皮脆肉嫰，事實很多都不合格，不是食落有豬肉羶味就是皮不夠脆，有水準真不多，鐘意食燒腩仔的我當然不放過（2）狗仔粉記起童年回憶，細個跟屋企人去飲茶食的銀針粉，但今趟試的是狗仔粉，外型都是圓碌碌，像狗的尾巴，估計稱為叫狗仔粉，湯底有蝦米仔，冬菇，蔥花，豬油渣，菜脯，雖然材料簡單，價格相宜，但當加有最鐘意食的菜脯，食起來別有風味，雖不會太鹹，但蔥花味道較重，很香噴噴好開心見到這裡有充滿香港情懷的美味狗仔粉，所以亦不防試下呢間酒樓手勢，真系好懷念嘉年華海鮮酒家大埔頌雅路6號富亨商場地下6號舖…查看更多

今日去到富亨飲中午茶，今次坐近有中國風+日本風嘅紅色裝修 位置枱。一碟椒鹽魷魚鬚，一鍋芫茜皮蛋魚腐米線。 飲飲茶慢慢吃， 差不多半小時之後，2:00 到下午茶時間，有一位女夥記好熱心提我哋，如果唔太肚餓可以等多陣下午茶，點心抵食好多。我哋當然睇下午茶有咩抵食？？樣樣都好吸引，結果我哋叫咗個碗懷舊狗仔粉$13 ，家鄉蒸豆腐$13， 陳皮紅豆沙$10薑汁蕃薯糖水$10， 芒果布甸。估唔到米線炸班腩都大概有五至六件又香脆，又唔腥，湯底都好鮮味加埋啲芹菜， 簡直可以俾我哋全部食曬。 碟鮮魷好爽口 ，炸得好香脆。下午茶狗仔粉都唔失禮，銀針粉配冬菜蝦米好惹味。蒸豆腐好滑。芒果布甸係一條錦鯉魚形狀，有少少芒果肉配淡奶好香滑。碗薑汁蕃薯糖水夠曬薑， 好好飲，番薯有煲得夠淋。 紅豆沙就差咗少少，未煲得夠起沙，但甜度適中。…查看更多

估唔到屋村酒樓，居然咁好品質；食物用料上乘、價錢合理，絕對值得推介👍🏻不過我唔係住附近唔會成日嚟，咁啱朋友叫到嚟試試先發現，唔一定要去有名氣之大酒樓，呢度非常出色。魚肉釀青椒唔太燶煎得均衡又唔油膩，味道不錯香蔥手抓餅比我想像更好吃，煎得乾身唔會太燶；有啲蔥點啜食落香口大大隻蝦放係蝦腸，仲要每一件都有隻大蝦🍤真係好小見，真正抵食夾大件👍🏻香煎涼瓜鯪魚餅食落唔覺有魚腥味，家人唔喜愛涼瓜之苦味都食到🤗黃金脆豆腐細細粒易入口😋外脆內軟唔係死實實，食完想繼續食杞子桂花糕有淡淡桂花香味，晶瑩剔透蕃薯糖水有兩大件，細細碗確係唔夠喉，不過一人份量還可以馬拉糕唔太甜，夠晒鬆軟；每人一小件剛剛好…查看更多

爸媽係都要黎依間酒樓，不停話抵食，點心難食，而且環境迫夾殘舊，衛生一般，位置隔躡行到我傻，平又如何啫。燒腩仔，除了皮脆外，咸到癲，油到傻！叉燒切雞，不是白切雞嗎？勁咸雞肉，全部雞胸皮薄肉鞋。咸咸肥叉燒，肥都乾鞋硬，劣質。鮑汁雞腳，水汪汪只有豉油味，浸雞腳唔係炆雞腳，白雲鳳爪般爽口。稻香炆得更色香味，更膠黏好食。滷水鵝掌翼，翼瘦猛猛細細，肉質韌韌而幼嫩不足。掌非常爽脆，清淡滷水味道。咸水角，平庸普通，先油後脆再嚥嚥韌韌，微量肉碎添點味道。炸雲吞，室溫不是新鮮即炸，還算脆卜卜，沾上咕嚕汁酸酸甜甜，不過不失。炸魷魚鬚，點解有殻既？原來係層厚厚硬硬炸粉，我當然剝左殻先食啦！魷魚鬚爽彈彈牙，咸鮮可口，不計脆漿係好食的。雞絲春卷，食得到雞絲，蒜味強，脆卜卜滾埋酸咪咪喼汁，還可以。蒜香長春卷，餡料份量少到彷彿沒有，咬緊春卷皮。唔似蝦肉，腍劈劈似肥豬肉，食極都唔覺有蒜味。百花釀魚肚，雖然有點酒味，食得到蝦膠極不新鮮，師傅想蓋過腥味異味實在太天真喇！錦繡雞紮，終於發現有味食得過，皇殷浩盪呀！魚肚爽滑爆汁，火腿咸香彈彈，冬菇厚厚水潤滑嘟嘟，雞柳嫩嫩結實醃味甜味，讓嚥韌腐皮捲著享用，幸福滿意。北菇棉花雞，魚肚質素跟雞紮不相伯仲，綿綿滴汁魚肚，厚厚不腥不鞋。硬掘掘乾爭爭雞柳，整件塞進趙到我牙骹軟。半塊冬菇清香，厚厚滑嘟嘟。魚肚鴨腳紮，雞紮的變種嗎？魚肚、芋頭條，冬菇碎、火腿，感覺怪怪的。鴨腳沒什麼汁能釋放，所以魚肚乾乾的。鴨腳一向瘦瘦無肉食，食其爽脆滷水腳皮。琴晚宵夜重份量，排骨飯加個牛腩河再加雞紮，依家晏晝三點都未肚餓，是但食少少啦。豉汁蒸鳳爪，熱熱的加分不少，芡汁沒有凝固一舊舊，醬汁特濃帶甜，蒜味豉味惹味，損著爽皮腳趾開心愉快。豉汁蒸排骨，半肥瘦啖啖肉，香甜無肥膏。鮮竹卷腐皮，乾硬味道一般。鍋貼，居然係韮菜餡，點解唔寫明係韮菜呢？如果食唔到韮菜會浪費食物，我花掉三十年光陰才能夠克服得到，不再反胃打冷陣，而且越食越愛。雖然餡少少皮厚厚，但落味真的討人喜歡，韮菜爽甜多汁，間中食到零星肉碎。潮州粉果，油淋的果皮包著勁多蔥勁多花生，只一啖已受不了！全數歸老爸享用，媽妹都不吃的。蟹子燒賣，激咸燒賣！連咸得下既阿媽都要浸完滾水洗洗去先食到。勁多肥豬肉一咬就散，強差人意。早前質素免強還可以，現在莫講跟銅鑼灣曉廚軒相比，就算稻香都較高質。過橋米線，魚腐加腐皮加菇菌，淡茂茂。順德魚湯米線，魚湯米線？淡淡的湯底，足料有魚有菇有肉有菜，跟米線齊齊掃入口，味道還可以。乾炒豚肉河，我雙嘴脣好鬼潤啊，紙巾一抹全部油，有吸油紙就更好。我已講要全走，走芽菜走蔥，最後原封不動。賣相大方得體，顏色明亮啡色。河粉炒得完整不散碎，滑溜而結實，值得一讚。靚就靚但無味道淡茂茂，而且鑊氣欠奉。豚肉彈彈，美甜有咬口。星洲炒米，我食一定會叫全走，不過屋企想有洋蔥、蔥段、芽菜，無緊要我可以慢慢挑走交比他們處理。難得一遇的高質、足料、乾爽、味濃，拍手好味道，蛋香肉香咖哩香要添食添食！…查看更多