Carnival Seafood Restaurant

重陽節前一日要拜山，星期日係大埔搵個12人聚腳地方唔易，冇大有細，又有得附近泊車，仲要搵個唔太貴既，都要唸餐死，就係富亨邨搵到個茶樓，叫半席都夠食。我地9個大2小1個B，仲有盒碟飯食唔晒，雖然加咗一個豆腐。半邊蝦好新鮮，西芹蝦仁都好爽，金薯咕嚕肉稍為甜，而且薯多過肉，拼盤就一般啦，小炒皇都好有鍋氣，其他不過不失。雖然啱係嘩一聲咁好味，但食得飽，坐得舒服，唔太多人，唔趕客，員工有一半都好人，埋單每人都係咁110蚊。佢係餐仲包6罐啤酒或者汽水，仲有熱茶任飲。仲有免費泊車，…Read More

長假期的最後一天，一覺醒來已9點，肚子開始打鼓了，便與媽媽到樓下開餐!嘉年華的歡樂早茶，只要在10點半前落單，就可享優惠。特價點心的選擇也不少。這天點了以下幾款：蒸牛肉腸粉 - 腸粉皮不算薄，但很滑，牛肉餡有粒粒馬蹄肉，熱辣辣大大碟，是合格有餘的腸粉雞包仔拼馬拉糕- 同樣熱辣辣大大件，包外皮輕軟，餡料還有菇粒及少許菜絲；馬拉糕非常鬆軟甜而不膩，放涼了吃也滋味素粉果-以為透明的外皮會很糊，但放涼一會仍可全隻完整夾起。3隻粉果的饀料極不平均!其中1隻只有沙葛粒和少量木耳絲!而正常的一隻則有雜菇，芫荽，沙葛等饀料，饀料有很香的麻油味，味道帶甜。山竹牛肉- 馬蹄粒不少，正正常常的味道燒賣- 有冬菇和大大粒蝦肉做饀料，配切粒少肥豬肉和蟹籽，質感爽口。作為屋邨酒樓，嘉年華的點心質素不錯，新鮮即蒸，真材實料，味道亦大眾化。但服務應作改善，首先早茶需要自己搵位，很是不便，建議星期六日假期安排叫籌!另外待應很少，開位、加水、落單皆要等等等再等。…Read More

屋邨酒家唔係間間都好食。呢間就真係唔錯，菜餚味道好之餘價錢又合理。今次就食「芝士焗龍蝦伊面」同「片皮鴨兩食」同通菜等。呢間嘅芝士焗龍蝦伊麵係真心正！每次黎都會叫。因為佢既芝士醬好香濃而且汁又滑，配伊麵真係一流！而波士頓龍蝦個size麵都唔會細隻，食落都幾彈牙同蝦味十足。八十幾數貨仔完全唔會差呀。每次都食到舔舔脷！真得推薦。今次仲叫埋片皮鴨，隻鴨就尚算ok啦，但燒得唔算太脆，食落就不過不失啦。不過鴨肉又幾足料。價錢都合理嘅。我地仲叫埋個「兩食」中嘅炒鴨，呢個真係麻麻啦，完全係浪費錢。真係無咩肉食。又貴，下次唔會再叫。雖然個兩食有點失望呀，但呢間酒家好多菜餚都好值得食嘅，不過就唔係次次都有影相，下次再寫其他菜式啦！…Read More

今日同朋友去咗嘉年華酒樓度飲個午茶！本來都滿心歡喜但係入到去又冇人帶位，企左係到成兩三分鐘仲要招手先至有服務員帶我地埋位。搞到其他客望住好尷尬，但明明個場一d都唔忙！呢個小食係未食之前諗住問佢可唔可以取消，但係佢話冇得的時候，我同朋友兩個人 即使唔食同花生，都要夾硬俾錢嘢食種類唔算多不過都不過不失啦，鳳爪朋友覺得太鹹但我自己覺得OK。芋心煎堆個皮好厚，仲要好似整完好耐咁，勁凍！整體感覺真係一般，唔會再食！…Read More

家常便飯又唔想煮，黎呢d屋邨酒樓就最好，價錢又合理。叫左碟雞，味道不錯。雜菜煲都幾抵食，而片皮鴨之前黎都想叫，但當時可惜賣哂。食呢個要起碼預45至60分鐘。咁d鴨片得就大小不一，厚度同肉嘅比例都唔同，但隻鴨嘅味道係幾好，但d皮就好一般。個兩食就真係唔得。…Read More

同屋企人去食晚飯，想食d家常便飯，嗌餸食飯個d，最後就近近地去左嘉年華食。呢度係一間屋邨酒樓，晚市唔單止可以嗌餸食飯，仲可以打邊爐添。咁睇完一輪餐牌，就叫左黑醋咕嚕肉、啫啫豚肉芥蘭煲、栗子炆雞、乳鴿。本來想叫片皮鴨，可惜遲左，搞到無得食，只好下次早d黎。咁個黑醋咕嚕肉，入面有好多薯仔。但汁唔多足夠，但勝在無骨。啫啫豚肉芥蘭煲就較一般，芥蘭較硬身。栗子炆雞唔係好得，雞又少，栗子亦都唔多。最多係d基松茸，但味道麻麻。乳鴿都幾好食。白飯較硬。…Read More

如果住富亨基本上都走唔甩去呢間酒樓食飯今次叫左一個自選套餐，包2個餸另外仲加左2個小炒鹽焗雞味道偏濃，但雞皮幾脆，份量岩岩好半隻雞最鍾意呢碟黑醋咕嚕肉，甜甜地好開胃（但好熱氣）豬頸肉介蘭用了啫啫手法去煮，好入味沙巴仔煮得不會老，好食…Read More

屋邨酒樓，價值唔貴，鍾意食蝦的我，一於食齊龍蝦，大蝦！味道幾好！兩個人點左3個菜，食到超飽！芝士焗波士頓龍蝦伊麵，龍蝦啖啖肉，好爽口！醬汁超多，每啖伊麵都充滿芝士忌廉醬，好creamy。鼓油皇煎焗大蝦，賣相吸引，未食已覺得大蝦充滿鼓油香味。食落外脆蝦肉超有味，可能無叫白飯，覺得有點鹹！鮮竹魚腐浸時蔬，清清D, 味道偏淡，可以中和味道香濃的鼓油皇大蝦鹹味。白菜仔上面有幾粒白雪雪的肉丸，食落質感軟綿綿，有少少似棉花鷄的魚肚，原來就是魚腐。…Read More

經常會與爸爸媽媽到樓下樓酒叫這個雞煲。在酒樓來說這個雞煲做得已經很不錯，辣有少許，麻也有少許。這裏很優勝的地方是他會再附送一大碗湯，當我們吃完雞可以加這個湯，這樣才不會越吃越淡，如果只是加水實在太不專業了。 我來不及拍照已被我爸爸媽媽吃了一半了。。。 海蝦也是每次必點的，大隻之餘又非常生猛！ 手打墨魚滑爽口彈牙 金菇很滑！蘿蔔由一開始時放進去到最後吃的時候取收了所有精華！！Very good！…Read More

早早的母親節飯聚，試過黎 1 次 lunch 飲茶，今次試埋個晚飯啦，生生性性喇。我好想飲湯呀，係屋企好少機會煲依類湯，但屋企人完全無興趣，算數。阿媽無啦啦買左張乳豬卷，只係百六蚊一隻囉，叫左唔好貪平，咁既價錢我一早已無任何期望，所以好安心無壓力，哈哈。燒乳豬全體，大家都覺得好似屋企隻肥歌基呢，身材基本上一模一樣，好搞笑！燒乳豬全體，侍應阿姐搬隻豬出黎比大家拍照留念，留下遺照後就用鉸剪將佢分屍喇﹗乳豬係就係夠大隻，百六蚊似乎好抵食，我都預左質數唔好得去邊。肥騰騰，厚厚既皮下脂肪，上面蓋住係一咬即碎即散既乳豬皮，應該係翻燒過，所以唔夠香脆。撇開肥膏同碎皮唔講，其實肉質都好嫩滑，肉味濃帶少少肉汁，味道都唔錯架喇﹗剛才連膏連皮一齊食，油膩感爆棚，四五舊滯晒，剩返半隻又要打包返屋企，炆冬瓜會好好味。魚湯碧綠斑球，其實我想食新鮮蒸游水海魚，阿媽係都話唔抵食，要 order 依味餸，唉﹗是鬼但啦。斑球味道同感地都不過不失啦，雖然啖啖肉，但都預左會鞋口。莧菜底夠鮮嫩，配上魚湯幾好味噃，滿意。啫啫通菜豚肉煲，問清楚係咪水通先，係水通喎，有口福﹗即刻落 order 啦。滾熱辣啫啫聲上枱，好鬼香呀 ﹗係銀蝦醬味道，見到好多銀蝦仔呀﹗香口惹味到不得了 ﹗水通非常爽嫩鮮甜又多汁，大大紮塞入口先夠滿足，嘩哈哈﹗再試吓卷住豚肉片同吃，更加冶味呢 ﹗豚肉片肉味濃，腍得黎又不失咬口，好好食。到低係日本豚肉？定係大陸豬肉呀？無所謂，最緊要安全新鮮好味。上湯焗波士頓龍蝦跟伊麵底，原價 HKD138 加伊麵要 HKD30 囉，個伊麵太貴喇麻。全晚既餸麻麻地又鬼咁悶，我點都要 order 樣精彩架喇！阿媽又係度對侍應問長問短，我一向要食的話點都食架啦，唔好煩。嘩，勁多汁喎，我都鍾意汁，但有點過火。伊麵腍劈劈，腍到夾唔到，我連掃兩碗落肚，飽左﹗上湯味香濃帶甜，不濁不嗆，過關。波士頓龍蝦夠新鮮，重秤足料仲啖啖肉，鮮味結實而十分爽彈，海鮮味非常特出，美味可以添食。燒乳豬全體、魚湯碧綠斑球、啫啫通菜豚肉、上湯焗波士頓龍蝦跟伊麵底，四個人計埋茶錢、兩個白飯都四百蚊有找，又唔係難食，真係超值喎﹗…Read More

阿媽話稻香全部點心依家轉左大陸工場做，劣質又難食，又怕會用黑心原料，以後都唔幫襯喎！所以山長山遠去富亨飲茶囉，貪無咩食客又易搵位。我話貪平就真啦，鬼死咁隔涉，火車站又無車去，又要我搭的士啦！初到貴境，環顧四週，雖則唔係話爆場，都坐左八九成啦，正常酒樓格局，廁所衛生可接受啦。睇睇點心紙有咩新奇野先。好似好多野揀咁喎，仲見到鮑魚同乳豬勁平，係咪真架？咩質數先？脆皮燒腩仔，估唔到您又做得幾好喎﹗雖然層皮只係脆脆地仲有少少開始變軟，但勝再夠天然，無翻煎再翻煎，而且仲暖笠笠上枱架。入口一點都唔肥，層次分明，脆皮、瘦肉、脂肪、咸肉，多種口感，味帶咸香又唔會太嗆，好味﹗沾上芥辣醬更添姿彩。蝦春卷，唔多食到有蝦喎，肥豬肉？味道一般，都脆口但無咩餡。魚翅餃，賣相好靚，原來係香茜魚翅餃﹗中伏添，但我已經成舊啪左入口，差少少吐返出黎呀，好采忍得住。唯有格硬吞落肚，再飲大量茶沖淡陣味啦 ﹗我一食芫茜就反胃架喇，不過都值得一讚依家仲有酒樓係做懷舊點心呢，極花功夫。蟹籽燒賣，雖然賣相甩皮又甩骨，但難得足料無搵笨噃，瘦肉多、肥膏少，肉味濃郁加上蝦仁鮮爽，口感結實唔會一咬散開，濕潤充滿肉汁，好味道呢，誠意之選 ﹗豉汁蒸排骨，跟大部份酒樓既通病一樣，排骨都好肥又好多肥膏呀﹗但點解用係排骨飯既又會靚好多，而且肥瘦適中呢？專登揀過架？睇面頭似乎好靚，點知下面全部肥騰騰﹗瘦肉味道唔錯又帶甜，但太多肥膏全部要咬走，無咩肉食。乾炒牛肉河，阿媽推介話好食喎，點知河粉炒到碎濕濕要用匙羮食囉。如果我自已叫的話就會走蔥走芽菜，依兩樣我都唔食架，依家揀到傻左﹗味道非常一般地普通，中規中矩，無咩好講，不試也罷，紅磡合記茶餐廳好食百倍、有鑊氣千倍。碧玉紮，個名就改得勁優雅勁動聽喇，唔知係咩黎呢？睇點心紙細細張相我一直以為係用竹笙卷住架，阿媽又點頭話係，點知黎到只不過係腸粉皮囉，勁失望﹗試下新野都無妨既，拆開睇睇好鬼齋噃，雞蛋、皮蛋、小棠菜、冬菇，外加蛋白芡。淡味到意想不到，我真係想要豉油囉，豆瓣醬應該更好。格硬吞左一隻，剩返隻等阿爸阿媽搞掂去，試一次便夠。…Read More

一向幾喜歡來這間相當偏僻的酒家食晚飯，外表平平無奇，原來用心製作，價錢相宜。可惜平日晚飯好冷清。一家人(8人)預計了兩隻乳豬，非常香脆吾算肥，大家都食到吾停得口，仲以為有得打包，骨都無哂！跟住上海鮮卷和上湯煮菜，海鮮卷係酒樓拿手野，正常都無問題，好食！上湯煮菜就麻麻地。炸蝦丸好彈牙，食兩粒都吾夠，正！主菜係芝士焗龍蝦，大家睇相都知幾大碟，呢度有兩個份量，只係＄168，抵食到呢！味道都幾好，但更係吾可以同西貢比啦！但以一般酒家來講都算不錯啦！糯米蟹同樣有驚喜，兩隻羔蟹吾算好多羔，但都好鮮味，糯米飯韌度剛剛好，食到停吾到！只係＄98咋！跟住仲點了榣柱蛋白炒飯，正常味道啦！食咁多野，埋單先8XX，真係好抵！…Read More

今日有緣路經那打素,順便搵個朋友食個午飯~!由於醫院附近舉目無好食店,所以朋友建議去呢間酒樓,仲話唔洗搵位,平日應該冇咩人~於是我就大安旨意咁差唔多夠鐘午飯時間先去,點知...酒樓要上二樓,地方都好大,一望入去張張枱都有人坐緊,於是就諗住搵個知客帶位,點知一路上都冇人理我,原來呢到係用自助式搵位方法,即係你睇啱邊張枱就坐埋去,就會有人黎招呼你,如果唔係,就唔會有人理你...行左兩三轉都未見有吉枱,心知不妙,於是問左個侍應,點知佢居然話:你想坐邊咪坐邊囉~搭枱都得架!於是我就搵左張有3,4位,已經有人坐緊既大枱,之後真係好快有個阿姐走黎,同我開茶同寫咭,仲係張咭到寫左個A字~我相信係佢地既識別碼...之後上菜既時候,阿姐都唔係睇張咭個A 字,而係企喺則邊叫..A枱邊到呀?! 由於我係第一次黎,食飯時間又少,所以朋友推介少少佢平時食開既菜式, 四川担担面 - 講明係四川風味,我緊係旨意佢有D辣,點知一D都唔辣,要另加辣椒油先有味,D面煮到淋晒,好可惜~ :(蟹子燒賣皇 - 上枱時感覺上好似打完風一樣,個樣好唔得體,食落啖啖肉,味道唔錯, :) :)素菜餃 同蝦餃皇 - 上枱時仲係熱辣辣,出晒煙咁~正~食落口餃皮呈半透明,唔會太厚,仲可以見到入面D餡,唔錯~ 炸雲吞 - 嘩~真係想喊..食落好似用萬年油炸咁,而且仲炸得有少少過火,上枱時已經唔熱,食落好油膩,而且好似得塊雲吞皮,入面一D肉都冇,可惜! :( :(紅油抄手 - 又一令人生望之咋~以為會有D辣味,點知佢只係冇湯浸的雲吞加左鼓油,就算,味道都唔太好,上枱又唔熱! 日式餃子 - 上枱唔熱都有少少預左,點知佢唔熱仲要硬皮,點左鼓油都好難入口...差~ :(手拍青瓜 - 成餐飯最精選水準之作~ 食落去似係即叫即拍,而且好新鮮,魚露同麻油比例調得好好~好開胃~! 途中我地想要多少少辣椒油,阿姐就話:呢D你要自己去大排檔拎架~!去到大排檔,有4,5樣醬料已經放晒喺到任君選擇!拎多拎少都唔會有人阻你~!我就喺咁咦每樣拎左少少試味!總括黎講呢間係一間好自助既酒樓,由搵位到拎調味料到埋單都係自己一手一腳做,可能要訓練一下呢區D長者既自理能力掛,可算係用心良苦.…Read More

弟弟結婚的大日子, 作為姐夫的我, 也在此再一次恭祝他們白頭到老, 幸福快樂.是晚飲宴的食物就認真麻麻, 大路的都是龍蝦, 翅, 雞, 麵等等, 只想講講以下一道:奶黃流沙包: 7分, 想不到的竟然有奶黃流沙包吃, 包是鬆軟的, 不過流心度不足, 奶黃的甜度還算合適.是晚服務是無乜, 要添飲是等極都無, 主家席也如此, 那其他呢?…Read More

朝早9:30 a.m.係大埔墟站集合,因為又要做義工,探訪大埔區既老會員,今次義工大約有10人,每2人一組,今次我同Julia一組,之前都未試過咁既組合架.今次負責人係阿卓,佢首先派發簽到紙同埋車馬費,之後再分發老會員d資料,之後,齊來影張大合照,再等埋阿燦車黎既物資.就開始四散啦.今次搵既地方,我同Julia都唔識,最弊既係...今次連地圖都冇,只可以靠把口...問人囉.好彩都俾我同Julia搵到,而且仲好順利,我地一共探訪了2家,2家都好好傾,傾到差唔多一點,我同第2家既會員講,我地要去食飯啦.跟住我地打番俾負責人阿卓,睇下我地要去邊度食晏,佢就叫我地去富亨邨既嘉年華飲茶.去到...又係我地最尾,點解每次做探訪,我都會最尾架.不過唔緊要,其他義工已經叫了食物,我地一去到,已經可以食啦.見到枱面有d乳鴿,我唔食既...但見到佢地食得津津有味,即係好味啦. 而我一開始就食碟炒飯,唔..d飯唔錯,但係d菜粒,點解有d苦苦地既.杏片流沙球,裡面個餡係芝蔴,好香,個個都話好味道,唔會太甜...正 其它點心都算係咁,幾好味,唔錯.…Read More