嘉寶漢堡 (嘉寶大廈)

营业中

休息中

💛性價比超高🍔 Burger之選💛今次趕時間 但都要買返個 #外賣 #煙肉磨菇芝士牛堡 $44由於小編唔食得辣 所以轉咗要 #嘉寶醬煙肉🥓同磨菇呢個組合冇得輸🤣 煙肉煎到好香脆 塊牛肉漢堡扒好juicy 好厚砌🤤加$15 可升級變套餐可揀一款小食+汽水或熱飲食🍔當然配🍟啦😍 仲要係 #粗薯條 #iloveit 可再加$10 #追加 小食揀咋 #炸芝士條 可惜就係外賣 到食嘅時候已經冇咁熱辣辣攪到芝士條冇咗拉絲😭=====================#黃色經濟圈 #yellow葵興 #yellowburger #hker #hongkongfood #香港加油 #食好西😋 #互推互追互讚 #nofilter

食過幾次呢間野 都覺得性價比幾高今次又再去食先講缺點先🌟呢間分店嘅位置真係好唔就腳 除非你搭到門口D巴士線 如果唔係點都要露天行一輪 如果炎炎夏日去就真係好唔討好🌟以平價快餐黎講 裝修 衛生等都算企理🌟入面位唔算多 如果繁忙時間黎 可能就要等一陣位啦 不過都好快嘅👍🏻叫左一個餐 另外單點左一個包-黑松露芝士牛堡+脆薯牛堡餐入面跟小食同飲品小食揀左薯條 另外佢都有炸燒賣 薯格揀 好有本地特色👍🏻🌟包唔算好大個🌟最欣賞佢嘅地方就係佢唔會搵張紙包晒成個包 我怕食多啲快餐店搵錫紙或者紙 包實個包 令到個包濕漉漉 出倒汗水👍🏻呢度係搵個紙兜裝住 另外用左一個半密封嘅包裝裝住個包 既方便食 亦保持到質素包嘅份量唔算好大 一個正常女仔食量size 兩款包嘅餡都大同小異 都係個款包面 加同一款肉 蕃茄同生菜唯一唔同係醬汁或者一啲配料🌟欣賞佢嘅蕃茄唔會出晒水 麵包鬆軟 漢堡扒有經過調味🌟黑松露芝士牛堡🌟🌟黑松露味好濃 🌟但就有小小搶左牛嘅味道 🌟但整體都係唔錯🌟脆薯牛堡🌟🌟入面塊薯餅係脆嘅 唔會好似x記咁 🌟食落口食到唔同材料嘅層次🌟搭配左有小小辣味嘅醬汁 似係千島醬個種🌟其他餡料都係同黑松露芝士牛堡大

由於店舖位置唔係平時太多人會去既地方，所以真係咁岩去開做野先食到😂😂平日既話想食好耐架啦 ，成日聽人講呢間性價比超高舖店位置都算幾多，不乏學生哥🤣雙層芝士牛堡 加$15就可以多袋炸燒賣😋😋一黎到，嘩！好大個😂😂😂勁驚食唔哂包本身有烘過，唔會太硬，牛肉肉質唔硬，多汁！成個飽都好厚實，絕對對得住佢既價錢👍🏻我既重點係炸燒賣，真係炸得好好食，唔會硬到得個皮，而係食到燒賣本身既肉！食厭左薯條🍟，可以叫呢個👍🏻👍🏻

好耐之前食過1次等咗好耐，之後一直長期經過都幾好多人等位同等外賣，今日再次黎挑戰- 等…..ORDER黑松露芝士漢堡($46)加$15轉SET，薯條同可樂外賣等咗20分鐘，比之前快咗少少拎住已經聞到好香打開，而家漢堡有盒裝，牛肉漢堡無筋好juicy，黑松露大器俾好多，每一啖都食到食到松露味，好香好好食，一邊食一邊滴汁，食完好想再食，一D都唔會滯，亦唔會口渴而粗薯條小食袋裝，炸到好脆，份量好多，略嫌食到底時鹽多咗鹹少少，堂食應該會好D鹽唔會聚底隔咗1年再食，依舊好好食，味道同食物品質保持水準，印象中好似無加價，良心，難怪人龍依舊長長!

嘉寶漢堡本人很久已聽過他的大名😆但一直未有機會去試試他們的港式漢堡🍔得悉葵涌開設了分店，本人當然要拜訪一下啦😛.惹味辣醬蛋雞堡套餐漢堡結構好簡單，只有雞、蛋、蕃茄和生菜當然少不了他們的惹味辣醬，醬汁與餡料非常配合，真的很惹味🤤，雞很juicy很香，食得好有口感👍🏻薯條新鮮熱辣，整體不錯👌🏻

每次放工時間搭車經過葵涌都會見到嘉寶漢堡店門口一定排哂長龍，開頭都奇怪係咪真係咁好食呢？搞到心郁郁想去試。早幾日途經又好好彩無人排隊，咁就即刻order咗個芝士漢堡同黑松露漢堡，我想講唔怪得咁多人排隊啦，原來真係好好味，好juicy又唔乾，個塊漢堡扒勁厚，薯條有別於其他快餐店，厚實好多，勁有口感，下次真係要encore..👍🏻👍🏻👍🏻

每一次經過嘉寶漢堡都一定係排長龍我相信都應該好多人食過佢嘅價錢大約$30至$50 一個包就唔算好貴 亦有更平嘅選擇已經食過五款嘅包最鍾意佢夠新鮮出爐嗰包仲係脆脆地而啲餡又熱又有溶化嘅感覺特別鍾意食牛肉漢堡同埋雞嘅漢堡有一款雞嘅漢堡入面有流心蛋添蛋漿爆曬出嚟 好惹味😝😝而牛肉嘅味道都好濃郁加埋芝士溶化咁 食到舔舔脷🤪可惜食過幾次都係冇薯格可以揀全部都賣晒薯條都係新鮮炸出嚟唔錯唔錯反而覺得外賣比堂食仲快有次外賣只係用咗8分鐘就拎到啦

今日落開葵涌,去咗間成日大排長龍嘅漢堡包店食午餐, 門外排隊的人龍依然係絡繹不絕, 我今次就叫咗一個安格斯牛肉漢堡, 另外加薯條成為一個套餐。 呢塊安格斯牛肉十分新鮮, 入口充滿牛肉味兼入口即溶, 而且塊牛肉都相當大塊, 配上佢獨特嘅醬汁惹味可口, 而係外觀方面,佢用竹籤串連咗成個包以免啲配料散曬出嚟外面,實在好有心思兼十分美觀。 而係另一方面, 呢間店嘅薯條比喺出面嘅大型連鎖店嘅size更加粗大, 薯仔味更加出, 難怪間舖成日排滿曬人。

香辣煙肉磨菇芝士牛堡（$44），辣味適中，幾惹味，兩片大大塊煙肉，大量磨菇片，漢堡牛據聞是手打的，都有肉汁，食落較軟身，麵包鬆軟。黑松露芝士牛堡（$46），大大pat黑松露醬，頗香，同漢堡牛都幾夾。加$15變套餐，有小食+飲品。薯條份量都幾多，而且炸得不錯，熱辣辣脆卜卜。另外再追加兩樣小食$10@。炸芝士，一般貨色，比較普通。香脆粟米片雞塊，即係炸雞塊+粟米片表皮，好特別亦好味道，之前未係其他地方食過，唔錯。下次試吓豬或者雞，甚至海鮮都可以。

今日去試下呢據聞無錯嘅店，下單時滿心期待，等了差不多四十五分鐘，已經餓到想死，因為無人叫過外賣號碼，出面等班食客三五成群談天，我估佢地傾計快樂得不知時間過，所以我地竟然無人入去問下外賣得未。終於就在快熬了一個鐘後，忍不住入去問下消息，結果發現外賣一堆一堆擺買一齊，就係無人叫號碼，已經開始憤怒，之後問幫我睇號碼OK未個店員：「其實係咪要自己入黎拎？」果陣心裏只想問清楚，費事下次再係外面傻傻呆等一個鐘無人理會。結果店員馬上卸膊：「呢層無清楚。」OK，以後都唔會再黎買嘉寶，免得吃不到之餘，又要苦苦不知自己在店外等些甚麼，你以為自己在等廚師的精心烹調，其實你在等店員不知甚麼時候才出現的良心叫號🤦‍♀️

終於經過見到唔駛排太耐，即衝拎位。見到咁多選擇，樣樣都好正咁，最後我自己揀咗蝦牛堡配薯格，一次滿足兩個願望。個包烘過好香，漢堡牛肉好厚身又多汁，配埋脆口炸蝦餅一齊食成個口感感覺勁豐富；配料嘅生菜係原塊生菜，爽口又新鮮，好有誠意，唔係碎濕濕生菜絲。薯格都非常香脆可口，好鐘意。朋友揀咗芝士牛堡+薯條，我見到都覺得好吸引架，成塊芝士溶咗舖滿咗落漢堡牛到，好正。薯條係粗身個隻，唔錯。呢個價錢有呢個質素性價比極高，值得一試。

「嘉寶漢堡」個名聽就聽得多，岀晒名多人排隊。難得今日經過見無乜人等，就等我試下有幾好食先😂😂漢堡既種類多，有牛、雞、豬、蝦、羊和素。我簡左芝士牛堡+$15升級套餐（小食有薯條、燒賣、炸燒賣、薯格、番薯條加$4和沙律加$4）。飲品有罐裝汽水、支裝水、熱飲、凍飲加兩蚊。芝士牛堡入面有一塊芝士，牛堡咬落去好Juicy，麵包很鬆軟。😊😊小息我揀咗炸燒賣，炸得香脆，口感偏向彈牙，律好吃😊😊😊^_^

之前有重用膠籃，而定無左，轉曬外賣紙盤😭😭本身已經好似好多膠，而家仲加重左🥲🥲不過佢係有鋁罐分類係幾好，不過都要靠大家幫手，因為係要自己dum垃圾的如果可以分埋透明膠袋就會更好叫左2個包都好似蝦堡咁好食。薯條明顯比之前少左好多😢😢

估唔到隔咗一個星期又嚟食嘉寶漢堡，今次食嘅係位於葵興嘉寶漢堡嘅本店。座位位置相對上冇尖沙咀分店闊落，但環境都係十分之衛生。但因為外賣比較多嘅關係，由點餐去到送餐都足足用咗25分鐘先完成。整體食物性價比高，味道不錯，有少部份可以改善嘅地方。牛堡：牛肉肉汁多，十分juicy但漢堡醬汁略嫌不足薯條：香脆好味！凍檸茶：茶底不夠濃

呢間漢堡店比較隔涉，喺葵涌光輝圍附近，最近的地鐵站係葵興/葵芳。但係平時我都有去開和宜合道運動場，平時巴士成日經過，今次終於有機會一試神店🤣🤣嗰晚8:30先去到，唔使攞飛可以即刻入座，見到Menu選擇都好多，豬牛羊漢堡都有。始終試burger餐廳，牛堡最能試到功力🧐食物來到時，滿心歡喜，睇落都幾靚仔，麵包仲脹卜卜，似好新鮮。但係食落，就發現牛漢堡扒非常普通，談不上好食，不單止如網民所說沒有牛味，塊漢堡扒仲要好鬆散、好稀泥。平心而論，麥當勞嘅安格斯牛堡 shake shack 比佢更好味10倍。可讚的是，蕃茄唐生菜好新鮮，索索聲，整個包感覺是清新的。雖然價錢係抵，但係真係一般般🙃不過孜然羊堡聽落幾特別，睇吓有冇機會試吓，不過預期肉質應該差不多。