嘉寶漢堡 (嘉寶大廈)

营业中

休息中

疫情之下，冇得入食肆食，餐餐一係外賣一係自己煮，自己煮已經煮都唔知煮咩好，突然諗起嘉寶漢堡，對上一次食已經係上年，諗起都興奮！雖然等單比較耐，因為實在超多人光襯啦！！太好啦！我叫咗最簡單嘅芝士牛堡，好有口感，入面舊牛都超好食，抵食之餘仲要好味又有良心，喺邊度搵呀！屋企人食BBQ味！佢話始終都係芝士牛堡最好食，純粹想試吓BBQ味過癮追加小食+$10就有香脆粟米片雞塊，聽個名幾得意，不過外賣返屋企就冇咁脆了，下次要即刻食左先！升級套餐+$15就有一個小食同嘢飲，抵食！整體感覺食完一定會再返嚟，太好味啦！

嘉寶絕對係我香港最愛既burger店之一，性價比超高之餘，款式種類又超多，而且仲有好多小食可以order！-呢日嗌咗：蜜糖芥末菠蘿豬柳漢堡 配 炸燒賣Honey mustard超惹味 配上甜甜地既菠蘿 成個配搭超惹味 而且非常juicy開胃！🥰-芝士大啡菇牛堡 配 薯格 （/10）大啡菇超級爆汁 牛肉煎得好香 而且好有肉味 啖啖肉好正！

比起美式漢堡 小編更鐘意港式漢堡唔單止配料既選擇比較多 醬汁更係多元化肉類有牛、豬、羊、雞等 仲有素食選擇可以自由配搭自己最鍾意既漢堡口味今次要介紹既係人氣港式漢堡小店 佢地有三間店 分別係葵涌，尖沙咀同西營盤其中西營盤係外賣店 價錢同其他店會有點唔同今次小編就試晒三間 質素同樣都咁高汁呢#芝士牛堡漢堡扒係成個包既靈魂表面煎到微微焦香肉質鮮嫩又夠JUICY加埋半熔芝士同埋爽口既生菜蕃茄口感非常滿足#黑松露芝士牛堡麵包外皮烘到香脆裡面口感鬆軟塊牛肉很厚黑松露味非常突出為成個漢堡昇華不少#脆薯牛堡 新鮮塊薯餅炸到脆卜卜另外有得配合個人口味加配料個人就會加多塊芝士組合出自己鐘意嘅配撘而且價錢黎講真係超值#炸鴛鴦燒賣估唔到漢堡都有燒賣食魚肉燒賣唔粉 有咬口豬肉燒賣肥瘦適中咬落有肉汁雖然兩隻都好味 個人都係偏好炸魚肉燒賣多啲#粟米片炸雞外皮香脆 小食嘅好選擇

之前成日都聽聞呢間嘢好好味，不過又無咩動力轉登搭車過黎食，今日路經此地一於黎試下叫左一個經典芝士漢堡餐，裡面有菜，芝士蕃茄，漢堡肉，同埋應該係千島醬？？裡面嘅菜超級新鮮翠綠色兼非常大塊而且牛肉煎得香之餘又juicy,諗返起都流口水。 薯條方面佢係比一般粗薯條更粗，個人口味偏好幼薯條多d,不過佢其實係炸得好好味的總括而言，有水準，有心機，超抵食有機會必須Encore

#黃店🇭🇰葵涌-嘉寶漢堡好鐘意食漢堡既我終於試到呢間黃店啦～～之前都好多人排隊🤣不過今次我都係外賣自取返屋企食～仲食到成棟山咁高🤤佢係港式漢堡 ～大家有好食既漢堡都可以推介俾我啊🥰👅芝士牛堡 (⭐7/10) $33食牛堡要有芝士先正㗎嘛👍🏻佢係正常size既漢堡，但啲芝士好正好多咁，仲要有少少溶既感覺，覺得重芝士味正啊🥰夠牛都好厚，好有牛味，唔會有so味～～雖然唔算話好特別 但係呢個價錢嚟講抵食呀🍔🤤小食方面屋企人表示燒賣炸得有小小乾～～如果真係先買可以配埋蜜糖嘅話，成件事應該冇咁dry，會好食啲😍🎏地址: 嘉寶漢堡 (葵涌)1.葵涌青山公路葵涌段499號嘉寶大廈地下A&B號舖2. 尖沙咀寶勒巷9-11號和益中心地下#hkig #foodie #hkfoodblogger#likeforfollow #likeforlikeback #香港 #followforfollow #food #yummy#likeforfollow #followme #eat #食好西 #吃貨 #likeforlikes #blogger #hkfollows #葵涌美食#葵涌黃店 #嘉寶漢寶 @kabo

葵興 - 《嘉寶漢堡》第2次食呢間burger～應該好多人都有食過不過我記得幾年前第1次果陣冇咁驚喜😣今次就覺得好值得要再食性價比超高啊☆ ☆ ☆不過唔好撞正放飯時間食～我都係係下午茶時段先食到芝士牛堡(💰33)正常芝士漢堡既味道唔算特別牛食落冇咁juicy，但係個醬救左佢好多舊牛都算厚實，咬落唔鬆散個芝士見到都覺得吸到啊～重芝士味價錢黎講算真係值得一試👍🏻惹味辣醬蛋雞堡(💰33)大大個一啖係好難咬得哂成個burger辣醬味就唔係好食到～ 大部分都係沙律醬既味好鍾意佢唔係用雞扒整，而係免治雞肉漢堡扒好好食啊舊雞🤣 好juicy！個煎蛋係會流心既，食落成個包都會好香蛋味原來加蛋既包係咁驚喜不過我就想佢比返啲辣味我😳😳值得一提burger包好鬆軟好香～上碟係熱辣辣生菜🥬好好食，應該有特登揀過大大塊好爽口♪(´ε｀ )加套餐只係💰15 (有汽水，薯條)薯條粗幼適中，外脆內軟以往港式快餐店啲薯條都係麻麻地但係呢個估唔到係好食既🤣🤣而且份量好多～要2個人先食得哂另外亦可以加錢轉蕃薯條或者炸燒賣

嘉寶漢堡都聽唔少人介紹嘉寶，今次見去葵涌就試埋佢👍🏻佢大部分漢堡都係$50左右，平時食個m記都差唔多價，依間絕對係良心價🙆🏻‍♀️🌟孜然香辣羊堡（加蛋加芝士+$10）$37 +$15升級套餐平時出面好少有羊堡，見依間有就試下。我好貪心咁加左蛋同芝士🧀🍳，勁邪惡呀🤤 咬第一啖啲蛋汁漏曬出黎，無諗過係半生熟蛋🤩🐏🐏羊都好香，有羊味唔會唔知食緊咩咁，但又會好騷。但我就唔係好食得出佢辣😂🌟芝士牛堡 $33 食漢堡當然要試最經典既芝士牛堡啦！咁先試到真功夫嘛🐮牛都幾厚，夠厚先食到啖啖肉，咁先夠滿足❤️ 有肉汁唔會乾爭爭每個漢堡都有生菜、蕃茄等配料🥗配料都唔馬虎，生菜唔係霉菜，新鮮爽脆！🌟炸燒賣每份有8粒左右，份量都唔少。有蛋黃醬同茄汁提供🥫 炸燒賣外皮炸到鬆脆，唔會硬曬，入面好軟糯。我仲意點埋蛋黃醬，咁就再升華💗💗我今次係平日兩三點左右去，都有唔少堂食同外賣🤓相當受歡迎👏🏻📍 嘉寶漢堡 (葵涌)葵涌青山公路葵涌段499號嘉寶大廈地下A&B號舖

@kabo.burger 之前日日放工都經過嘉寶，都見到好多人喺出面等👍🏼👍🏼朋友有介紹過都係堂食最好味😋不過我就通常都買外賣返去食🥡睇個包既賣相就知道好食過麥xx 十萬倍啦🍔勁多料🤤牛肉咬落去好juicy☺️☺️最鍾意咁多芝士🧀加錢可以轉薯格🍟尖沙咀都有㗎😃近近地可以去嘉寶漢堡 (葵涌)葵涌青山公路葵涌段499號嘉寶大廈地下A&B號舖

*芝士牛堡($33)好juicy，超級大個！大到唔可一啖咬曬咁多層😵😵😵食完個包已經飽咗🤰🏻*黑松露芝士牛堡($46)毫不留手嘅黑松露醬，好濃嘅黑松露味（煤氣味！🤣每個包可以加$15轉套餐(小食+飲品)*薯條 係粗薯條🍟🤤少少鹹味，炸得岩岩好，出乎意料好味 👍🏻 *炸燒賣好脆不過無咩味，下次應該唔會再叫🙊*薯餅($8/塊)好味過麥xx🤣🤣🤣值得一讚嘅係套餐飲品可以揀支裝水👍🏻埋單$125，果然係好平又好味

嘉寶漢堡好多人都推介過，小編終於搵到機會試下😆大部分漢堡都係$50樓下🤩出餐時間都算快。老實講 你話係咪好驚艷一試難忘？的確唔係，但當m記都賣4x蚊 全日早餐都要100蚊起嘅時候🧐嘉寶漢堡呢個價位真係算幾有良心。🌟脆薯牛堡 ($40)麵包有烘過而且幾足料👍🏻塊漢堡一啲都唔乾，薯餅都好脆。最impress小編嘅其實係啲生菜🥬睇得出係新鮮而且有揀過😊唔係俾埋曬啲頭頭尾尾黃曬嘅葉。🌟套餐 - 炸燒賣 (+$15)炸得幾脆唔會係乾硬果種，有少少椒鹽做調味，正！味道：🌕🌕🌕🌕🌘環境：🌕🌕🌕🌑🌑價錢：🌕🌕🌕🌕🌗

呢間絕對係encore完再encore既漢堡包小店呢段時間又禁緊夜市堂食，好多小店都需要我地既支持架，所以今日再一次黎到嘉寶漢堡食個包先💛💛買左外賣就返去架車到開餐啦！🚌📎餐牌有牛雞豬蝦可以任揀，仲可以追加配料今次我地就揀左2個包+轉左一個套餐📎蜜糖芥末菠蘿豬堡 $27咬落口啲汁已經出哂黎，好juicy 又好味💦💦💦27蚊黎講真係性價比好高 📎芝士牛堡 $27呢款漢堡就無豬個款咁juicy，不過牛就好有味，再配上邪惡既芝士🧀，一流！呢間小店真係值得食完一次再一次，人均3-40就可以搞掂一餐飯🍲🍲🍲

差唔多每次去葵興葵芳嗰頭，都總會循例去嘉寶買個漢堡包食下，佢嘅漢堡包除咗肉口芝士香濃非常有肉汁之外，佢嘅炸薯條都係必食之選，唔怪得知每次排隊等包都係要預咗時間先至好去買，甚至乎有時買到返屋企凍咗再叮返熱佢都好好食，有時係唔識講點解呢一啲漢堡包餐廳可以做得咁出色？但係有時遇到一啲漢堡包餐廳又可以收得你好貴，但係又俾唔到有質量嘅嘢你食，咁其實雖然簡簡單單一個包，你去麥記買咪算囉，點解要搞咁多嘢呢？不過，都係果句啦睇吓你想要咩囉？總之成個嘉寶漢堡你係返唔到轉頭囉！走先喇係咁先喇下次再傾啦拜拜！

首先要呼籲一下, 這良心漢堡店在葵涌的大本營這十四天也不能夠提供晚市堂食, 原因嘛! 你知我知, 單眼佬都知. 同路人可以多多支持一下. 見到它在九龍新分店比之前規模更大, 再加上港島區的新分店, 到時港九新界也有, 都咪話唔犀利! (笑)今次品嚐的是它在葵涌大本營之蝦牛堡, 蝦肉以大塊的炸蝦餅表達, 口感爽彈而且蝦肉在蝦餅含量度相當高, 鮮味比金拱門高得多. 漢堡扒表面焦香而內裡不會過熟, 肉汁豐富, 重點是鬆實感夠平衡, 不死實也不會一咬即散. 麵包口感同樣外脆內裡鬆軟, 如果汁醬再多一點就更完美.少少批評的是炸芝士條其中一條表面穿孔, 內裡芝士雖然沒有炸燶, 但如此影響了整體的賣相和口感. 支持以外商家也可改善一下, 做到盡善盡美, 自然就是”你好, 我好, 大家好.”

一個人去食嘉寶，好彩都唔洗排好耐就入到去。叫咗蘑菇芝士漢堡加薯條同可樂。個包大大件，漢堡多汁同個包鬆軟，味道一流。薯條亦都炸得香脆仲要好大份。整體性價比高，食完飽到嘔。

都幫襯左好多次，平時跑完步經過嘅話，唔係好肚餓又唔多人等位嘅話，一定會幫襯佢。跑完步食返個芝士牛肉漢堡，真係一個超級大嘅享受，佢嘅價錢完全對得住佢嘅食物質素，塊牛超級好食。