嘉寶漢堡 (和益中心)

营业中

休息中

恆常嘅長龍店今日lunch嚟到居然唔使等有位🤩點左B5香辣煙肉蘑菇芝士牛堡，即點即整熱辣辣😎重點係個汁！勁香超級惹味，直頭想另外叫嚟點薯條🤤至於塊burger patty都不錯嘅，不過就唔好預期係美式中間粉紅好juicy嗰種，但質地都軟嫩唔會乾柴嘅。跟餐叫左薯條再加左雞翼，薯條係粗條，個人喜好問題一般般，而雞翼都無咩特別不過不失啦一定會再嚟食返個B5！下次要再試埋佢嘅sweet potato fries 同炸燒賣👍🏻

呢間餐廳係好似快餐店咁，先係counter 落order ，再自己攞嘢食嘅！最令我有驚喜係impossible 素肉芝士漢堡，因為impossible 素肉本身成本都好貴，食過間間餐廳都比好少份量，估唔到呢間餐廳係會咁不計成本，比咁大舊impossible 素肉，真係好感動😂😂食落口真係同真嘅牛肉係冇分別，加埋佢有啲洋蔥醬汁，令到成個漢堡包好惹味，一啲都冇罪惡感！朋友叫咗個黑松露芝士牛堡，牛肉漢堡處理得好好，漢堡唔會好乾身，咬落去爆曬啲牛肉汁，同埋啲生菜好fluffy，咬落去索索聲，唔會軟瀨瀨咁瞓喺塊牛肉上邊😍😍小食方面當然叫咗炸燒賣啦，好香脆，超多粒爭啲食唔晒☺️👍👍食完嘢記住自己執返啲托盤啊，因為店舖都係以自助嘅形式運作！😊😊

嘉寶漢堡香辣煙肉蘑菇芝士漢堡 套餐(薯格)炸燒賣價錢💲: $52+16/ $12好味程度😋: 4/5服務🍴: 3.3/5環境🗾: 3.3/5性價比🥢: 5/5回頭率😚: 4.3/5-講到夠平民貼地，點會諗唔到嘉寶漢堡🍔 佢地搬左去大鋪之後真係好坐好多，變返間有規模的快餐店咁😬 之前食過一次覺得好抵食，所以如果咁啱係附近肚餓我都會首選佢。-今次叫左香辣煙肉蘑菇芝士漢堡😳見到咁多餸真係太吸引。包就稱唔上好大個，同埋佢地的包身偏硬同粗糙，雖然有烘過🧐入面的漢堡扒用牛肋條剁碎而成，食落牛味足，煎得好香但小小乾😌 呢個包最緊要係其他配料！煙肉煎到有小小脆身，蘑菇同洋蔥都炒得好香！洋蔥甚至係有甜味🧅 加上熱融的芝士，真係好滿足🥰 不過呢個包偏重口味同有D辣，鍾意濃味的先好叫呀🤪-套餐揀左脆薯格，因為個人鍾意薯格多過薯條🍟新鮮炸出來，香脆有調過味，正🤩 炸燒賣都係我次次會加既野，因為佢外脆內煙韌😚$12有成6-8粒，幾抵食。個質地我好中意，如果佢比個汁或者可以加啲椒鹽既話會更好😆 整體性價比係冇得輸，味道上面都絕對係平均水準之上，所以大大力支持💛

一直都想試下人氣店【嘉寶漢堡】，不過佢未搬舖之前店面實在太細，每次經過都見到長長嘅人龍所以放棄。見佢早排搬咗新舖地方闊落咗，就揀咗weekend嘅中午時份過去食lunch😋🍔【黑松露芝士牛堡】漢堡中間夾住松露醬，估唔到連埋芝士同牛肉一齊食都幾match喎👍🏼牛肉同麵包...以呢個價位嚟講算係不過不失😌【烤菇芝士牛堡】雖然烤菇味比較啖，不過好juicy😯每咬一啖都有汁滴出嚟，攪到成手係...非常狼狽🤪呢度跟餐小食除咗例牌嘅薯條之外，竟然有炸燒賣😳😳😳個人覺得D炸燒賣係成個餐最好食嘅嘢😂雖然新舖環境比起舊舖大咗好多，但繁忙時間都係覺得有D迫😓而且自助醬料位/ 餐具位就喺正垃圾桶附近，客人食完嘢嘅餐盤同垃圾都放到勁近...衛生情況有D唔理想🥴

港式手工漢堡包黃店💛呢到既漢堡有好多選擇由牛🐮雞🐔豬🐷蝦🦐羊🐑素食都有！我都揀左黑松露芝士牛堡 $52升級套餐+16配炸燒賣 罐裝汽水🥤價錢吾算平 不過上到黎個包都幾大份即叫即整所以熱辣辣黑松露味好香 再有沙律醬味道好獨特啲芝士重要溶溶地 加埋一齊好爽好夾咬落去啖啖咁juicy鎖住左啲肉汁 但吾會硬晒無口感推介！炸燒賣我覺得可以再架啲椒鹽等個燒賣無咁dry📍嘉寶漢堡 (尖沙咀)尖沙咀寶勒巷9-11號和益中心地下

經過漢堡店既時候會發現長期排哂長龍😆無論係未開店定係就關門既時候依然好多人😆今日終於有機會黎食啦 排左10-15分鐘左右就可以入到去order😌今次點既兩個漢堡都好好食😋以下食物嘅名稱因為我都唔係好記得所以自己比個名俾佢 大家可以參考吓其他人嘅食評或者餐牌嗰度睇返🤣黑松露漢堡真係好香黑松露味 熱辣辣 食落去覺得佢食材好新鮮👍🏻跟住係大啡菇芝士牛肉漢堡作為一個極鍾意食菇類既人 呢個漢堡簡直開正我個範 覺得個漢堡好多汁好好食 不過芝士味未夠重但都已經好好食😋😋😋跟餐既炸燒賣同薯條都好好食第一次發現原來炸燒賣咁好食 以前既我真係錯過左好多美食🤣佢既薯條食落去係充滿薯蓉既 又係我鐘意食既個一款薯條 真係十分滿意🤩之後係一款追加小食 粟米脆片炸雞塊食落去好香粟米味 不過無太大既驚喜 下次再黎食應該唔會加呢款小食總結黎講 如果經過我一定會再黎食 真係好好食 推介大家都黎試下

嘉寶漢堡 尖沙咀店前排搬左新店，而家係寶勒巷既新鋪大左又靚左，即使好多人排隊，都好快就搵左位👍🏻🍔 BBQ 菠蘿雞扒堡（$40）入面夾左炒洋蔥絲/生菜/蕃茄/雞扒，雞扒煎得好juicy 皮又脆😋加埋塊菠蘿直頭食到成手都係汁。除左BBQ 味之外，仲食到少少酸梅醬既味道，酸酸甜甜又有少少辣辣地幾開胃👍🏻🍔 黑松露芝士牛堡（$52）牛肉漢堡扒好juicy，唔會好似一般出面既漢堡咁乾爭爭👍🏻👍🏻👍🏻黑松露醬好多😋😋一拎到已經聞到好香，另外個麵包好似食到有加牛油同蜜糖煎過嘅香味💫 下次食會+$18 加個烤大啡菇👍🏻之前食過覺得應該會同黑松露好夾🥤 套餐（+$16）要左炸燒賣，炸得好脆，面頭加左d胡椒鹽

無食一排，嘉寶漢堡原來已經由金巴利道嘅小店，喺同區寶勒巷繞身一變成為千呎快餐店。唔洗再因為同時間太多客人排隊光顧而被迫叫外賣。座位闊落咗之餘仲有埋洗手間，喺寸金尺金嘅尖沙咀實屬難得。今次叫咗黑松露芝士牛堡$52加$22配薯格同柚子梳打，另外再單點一個蜜糖芥未菠籮豬堡$40。餐廳入面亦設有洗手機，方便大家用餐前可以洗洗水。茄汁，蛋黄醬同餐具則以自助方式。過咗無耐，提示機就響起可以到櫃位取餐。黑松露芝士牛堡絕無馬虎了事，麵包表面有微微烘焊，再塗滿松露醬，令香味四散，漢堡扒肉味香濃多汁。蜜糖芥未菠籮豬堡，芥未加菠籮根本就係絕配，不論小朋友還是大朋友都肯定愛不釋手。最難得一件事係雖然由细舖搬大舖，但並未有將成本轉嫁比消費者。

仲係細店果時成日夜晚都會賣到無曬材料，而家細舖搬大舖多左放貨嘅地方，希望唔會再咁易摸門釘啦。不過地段旺左舖面又大左，無曬食材嘅機會好似有增無減，唯有寄望佢未來開多D 分店啦💪🏻。🌖L2)香辣煙肉蛋羊堡🍔羊肉漢堡真係好少見，係葵涌總店時見到已經即刻order，食過返尋味，再黎食多一次😁。羊肉漢堡有羊味得黎又唔算羶，煙肉同蛋更加添多重口感。配上BBQ醬味道微辣夠醒胃，分量適宜唔會太咸👍🏻。🌗B2)黑松露芝士牛堡 🍔芝士牛堡無乜驚艷GE感覺，但我偷用左好多黑松露去點薯條，話佢平庸好似對佢唔多公平😛。➕$16升級套餐有罐裝汽水同小食一客，可選薯條、薯格、燒賣、炸燒賣等，我叫左薯條🍟另外再加BBQ味雞翼，雞翼醬汁味道偏重，食GE時候請自行減少醬汁。原本想叫埋炸燒賣，點知無貨🥺。Btw佢個logo設計得唔錯，一眼就知賣乜同叫乜名。

嘉寶漢堡 🍔排左20分鐘又食左20分鐘⏱好queue 多人一直都好長Queue 黑松露芝士漢堡$52+16轉餐啲黑松露多到好似唔駛錢咁芝士半溶，漢堡扒就ok la...中規中矩，麵包有烘過，整體幾好食跟餐嗌咗薯條，熱辣辣，新鮮即炸，小心熱氣另外加咗一份炸燒賣$12有8粒，都比我想像中多喎而且落左好多椒鹽，都幾惹味個皮炸到吹卜卜，入面魚肉軟淋淋！（個人認為）燒賣最好食應該係炸，而唔係蒸😂整體來講，都排得過嘅

行過幾次見呢度有間獨立漢堡包店經常有人排隊幫趁，今日有時間就嚟試吓…… 幫趁的主要是年青情侶居多，我雖然一支公但掹車邊都扮吓年青…… 点左個芝士牛肉漢堡，extra加了煙肉，套餐跟薯條及零系可樂，盛惠$64元，預左佢會比金拱門貴的了…… 倒茄汁要自助响店內坐位對面，離柜位有少許距離，首次到訪如果唔坐入面真係唔會知…… 薯條係傳統粗條，似係原個薯仔切成，但又係急凍的那種，入口有点粉，且炸得唔脆！ 漢堡包咬落去牛肉比較散，冇咩牛味，內加了炒過的洋蔥及醬汁，但仍未能提升整體的味道…… 失敗！如果我集合全港我食過嘅漢堡包來做個評級的話，這裡的出品應該會是在金拱門之下了…… 真不明白為何仍有這多人來幫趁…… 🤦🏻‍♂️🤦🏻‍♂️ 最令我吃驚就是隔離枱一對情侶也是点了套餐，跟餐的並不是薯條而竟然是燒賣？OMG! 😱😱

喺尖沙咀睇完戲朋友話要帶我食好西🥰🥰🥰原來就係食嘉寶🍔想食好耐㗎啦開心🥳食左烤菇芝士牛堡個包極足料極厚一啖完全咬唔曬🙈🙈🙈烤菇唔會好乾身牛肉大大塊加埋芝士生菜蕃茄咁多嘅配料食完好滿足😍加$16仲有小食同嘢飲性價比唔錯喎！炸番薯條有少少甜味食落又唔會好油膩個人幾鍾意嘅💕炸燒賣同埋沙律就正正常常啦同出面一般食到嘅都差唔多一個人平均幾十蚊就食到咁多嘢正👏🏼👏🏼👏🏼可唔可以開多幾間分店呀？係咁我就可以隨時食啦😎

剛剛開舖排隊出到街外 十幾個人到啦十分鐘到就排到，點左餐俾咗錢會俾個call 機你等響就可以拎啦香辣煙肉蘑菇芝士牛堡牛肉食唔出肉味唔Juicy蘑菇又冇乜味啲菜係好新鮮但整體都食唔出咩味道普普通通🤪凱撒沙律套餐+$21啲菜好新鮮好多芝士都多好多，但係略嫌醬多咗少少太鹹啦黑松露芝士牛堡睇人哋又話啲黑松露醬多到爆漿流出來其實本身我以為呢個係比錯左嘅芝士漢堡要用力按中間咇啲醬出來先至會見到食到有黑松露味但係仍然都係食唔到有牛肉味合格嘅薯格個人唔喜歡，太鹹啦！而且有啲韌唔夠脆！套餐加$16其實綜合質素來講係合格嘅但係就唔係特別高質如果經過唔知食咩都可以食下不過如果要特登嚟食同埋排好耐隊嘅話呢我覺得就唔需要牛肉始終都係欠缺肉味同埋唔夠Juicy而且個包太扁啦!

新鋪睇落黎乾淨又舒服正常快餐店裝修有自助餐具/醬汁counter唔花巧 好明顯係真材實料 唔係靠打卡呃like搵食12點幾已經要排到出面好彩鋪頭大咗好多 人手又足夠好快就有得食+16蚊 可以轉套餐 有野飲同小食（薯條/薯格）最意想不到的係咖啡幾好味快餐店黎講真係超水準                                                                                                                                                                                                                                                                                                                           黑松露醬好香~呢個漢堡好有實力！ 食完呢次以後可以成日黎買外賣喇好味又抵食             

牛肉好厚身同軟熟多汁呢個價錢黎講好抵㗎啦連埋野飲同薯條都係$54餐廳仲有消毒洗手機好方便，消毒完手就可以直接用手食薯條🍟大家記得食完後自己執返自己啲餐盤去丟，因為無staff 去執太既