嘉寶漢堡 (和益中心)

营业中

休息中

平日多人到無意慾去排隊, 今晚趁嘉寶收舖之前, 走去買左個外賣返屋企試下. 我買左個蜜蜂芥末菠蘿豬堡($40), 另外加$16加薯條同可樂. 可能走了15分鐘路程返屋企, d薯條已經腍曬. 當我滿心期待打開個burger時, 一打開, 就發現個面包燶左,個食慾即場減左20%. 不過店舖都細心地用條竹籤"吉"住個burger無咁易散開. 除左個面包燶左, 個burger其實好食~豬堡再加塊菠蘿, 勁juicy, 淋埋芥末漿, 再將個burger昇華整體成個餐的性價比高, 是值得推介的港式burger.

星期日一早 老公突然話想食burger即刻上網周圍搵下即刻就搵到嘉寶漢堡！估唔到星期日3點幾去都仲咁多人雖然唔洗等位 不過都9成滿晒 我就叫咗個烤菇芝士牛堡 配炸燒賣 +C老公叫咗黑松露牛堡 配薯條 檸茶叫完唔洗5分鐘 食物就做好啦 都好快手！ 老公個黑松路漢堡都幾重黑松露味啲醬都幾多 味道都算夾不過就覺得普普通通 無乜特別 薯條係粗薯條 味道就一般般 雖然夠熱 但偏淋身 我自己鍾意脆身果種多啲不過佢有得自助加茄汁同蛋黃醬！係蛋黃醬！令到成件事即時好味左！ 到我果個炸菇芝士牛堡就真係估你唔到首先佢份量好大 好厚身我個口開到最大都咬唔晒個包 連啲菇個包都幾鬆軟然後一食落口 啲汁係多到洗流晒出黎好juicy 完全唔似其他連鎖店乾爭爭咁然後塊芝士都係半溶狀態 好好食！炸燒賣呢個真係都幾加分雖然佢只係普通魚肉燒賣但係能夠係一間西式漢堡包店 食到炸燒賣其實係好開心仲要佢啲炸燒賣係熱辣辣唔會凍冰冰 同埋唔算硬身因為出面好易食到啲翻炸完又翻炸 炸到硬晒既燒賣！ 另外佢地嘅野飲都好地道有檸茶 檸水咁 加上汽水係罐裝呢個都加咗分！整體雖然貴過連鎖漢堡包店少少但佢嘅細節位絕對對得住個價錢٩( 'ω' )و

嘉寶漢堡｜尖沙咀由葵涌食到出尖沙咀大受歡迎嘅嘉寶漢堡，最近喺寶勒巷開咗新鋪，新鋪更寛敞光亮，坐得好舒服💖🍔 BBQ菠蘿雞扒堡 $40  加炸燒賣汽水+$16漢堡包烤到外皮脆口內軟，而且唔會好個包唔會好厚身，菠蘿有成1cm厚，雞扒大塊到個包都蓋唔晒，大大個一口咬落去菠蘿汁加肉汁會爆出黎，唔小心會食到成手都係😂🍔香辣孜然羊堡 $44  加薯格汽水+$16羊肉好厚身，羊㗎濃郁而Juicy，鍾意食羊肉的人一定唔會失望😉📍尖沙咀寶勒巷9-11號和益中心地下

聽左嘉寶既大名已久💛 所以今日特登泥到食lunch 位置唔算難搵 餐廳都好modern 今日點左黑松露牛漢堡 蕃薯條同薯格兩個配菜我地都好喜歡 炸得岩岩好 漢堡包店既靈魂係漢堡可惜我同同行友人都對個包有d失望個包皮好散好粉個牛無咩牛味 亦都無咩調味可言但黑松露醬算多食物整體泥講3/5分 不過不失 但未至於要吸引到我想再返泥食 因為依個價錢我試過有其他更好既選擇值得一讚既係員工好attentive 見到污漕左同埋食完會即刻走過泥幫你

一向買開葵涌店，今日去開尖沙咀見到有就買外賣。唔似葵涌店，尖沙咀店冇乜人，堂食地方大好多，人手都多啲。雖然每個包比葵涌店貴6,7蚊，但完全唔洗等，所以都ok，照買。攞包果時都覺得奇怪，點解買四個包得三個盒?以為因為有兩個一樣嘅包所以放埋一齊。。。點知俾四個包錢得三個包。我好嬲！諗住打電話去問下，但永遠冇人聽。。。申訴無門，只好寫編食評反應。今時今日咁嘅服務，個包有幾好食都冇用。希望可以努力加油做好啲。

同朋友們一齊黎嘉寶食晚餐！我叫左芝士牛堡+蛋，非常唔錯！牛肉非常juicy!!漢堡入面有兩隻汁，非常夾！好好！拍得上其他貴價漢堡！❤️另外小食食左薯條薯格同埋番薯條。薯格同番薯條都好好食，推介，但薯條就一般般，每條薯條大細不一，整體都係有啲淋。Overall來講超級推介呢間餐廳！

🌕🌕🌕🌑🌑🍽芝士牛堡 ($40)😋兩塊包都烘得好香脆，有牛油味🙂牛肉好軟腍，唔係紮實嗰隻漢堡扒🙂牛味唔濃，都無咩特別調味🙁落左好多千島醬，浸淋晒個包🌕🌕🌕🌕🌑🍽脆薯牛堡 ($40)🙁同上一模一樣嘅牛肉漢堡扒，無咩驚喜🙁薯餅炸得比較油，唔夠香脆，少少油味🙌🏻除此之外無咩特別，薯餅又唔係好出色，唔使特別試🌕🌕🌕🌕🌑🍽套餐 小食加飲品 (+$16)😋薯條薯格都好新鮮，即炸熱辣辣😋薯條連薯皮，有薯味🙁薯格比較鹹，食完過一排好口渴🌕🌕🌕🌕🌗🍽凍咖啡 (+$2)😋奶味濃，好似用係沖奶茶嗰啲淡奶🌕🌕🌕🌕🌑🍽罐裝汽水😋都有好多款揀，Coke Plus、Jolly Sandy都有‼️下次再食一定會嗌少醬👍🏻見到有人食蝦堡，入面有原隻蝦，唔單止係蝦膠，下次試👍🏻有提供啤酒，都斟得幾靚

由尖沙咀舊鋪搬到寶勒巷，店鋪大左 位置都多左～但lunch時間都係長期滿坐 唯有外賣嘉寶有多款Burger選擇，仲可以加$16轉套餐(包飲品同小食)⭐️⭐️⭐️⭐️⭐️鍾意食羊既朋友可以叫孜然香辣羊堡($44)！🤤成個包都好juicy，唔乾身個汁仲辣辣地 同個羊好夾 會愈食愈開胃小食除左薯條 ， 仲有炸燒賣揀～都有8粒嫁 份量一啲都唔少如果唔夠仲可以加$10追加小食 推薦香脆栗米片雞塊 (3件)外層係平時早餐栗米片，炸到超脆🤤

OpenRice寫12:00開，我11:50到左，去到12:00門口已經有7至8個人等，但去到12點仲見到員工施施然準備，由得D客人在街上32度🌞在出面等到12:13先開門😞 如果openrice營業時間有出入，希望可以更改🙏🏻其實客人預算12點開門，係已經ready買野😞我前面個太太講到唔會再來，因為佢覺得服服態度差，但我真心入到去職員態度都OK。我員能就是待客之道有待改善😊食物包整體好味😋除了芝士條是空心

嘉寶漢堡我諗好多人都識得啦，出曬名高質得黎價錢貼地，一路都冇機會去試，見佢尖沙咀搬左新鋪，鋪頭大啲，諗住應該唔洗排隊排得咁誇張，就約左朋友去試，果日平日晏就去到，都要排一陣隊點餐，餐廳入面都坐滿曬人，果然真係人氣店舖☺️不過好彩唔係排左好耐。  嘉寶有好多款漢堡都好出名，好似佢既菠蘿雞堡、烤菇芝士牛堡、蝦堡，今次我同朋友都嗌左佢既黑松露芝士牛堡，好好味好正🥰 1️⃣黑松露芝士牛堡（$52）漢堡係即叫即做既，所以點左餐之後都要等多一陣先有得食🍔一見到個漢堡，覺得佢比我想像中厚，包係有烘過既，黑松露醬比得好慷慨，基本上每一啖都可以食到濃濃既黑松露味🤤牛肉唔算好重牛肉味，不過厚身，配埋融融地既芝士、蕃茄、淋左少少沙律醬既生菜，同埋超香既黑松露醬，好好味👍  呢個漢堡如果係出面啲漢堡店到賣我諗起碼都要八九十蚊，呢度真係勁抵食🤤  2⃣️薯條+凍伯爵茶（升級套餐+$16）（凍飲+$2）本身想食薯格或者蕃薯條，但係店員今日呢兩樣都冇😔咁唯有嗌薯條食啦，薯條好少見係咁粗既。粗身同扁身啲，不過味道就冇乜特別。伯爵茶係分開冰同茶，都幾好，可以自己浸濃啲啲茶先再倒落杯冰到🧊  3⃣️炸燒賣+凍檸茶（升級套餐+$16）（

係尖沙咀做完野都8點幾9點，超肚餓，呢個時候行過寶勒巷，見到有間食店，落地玻璃，令到門面都幾光猛，就吸引左過去。舖面都幾大，原來係少有既港式 漢堡專門店。緊係入去試下，所有食物都係即叫即整，熱辣辣，香噴噴，比起其他大型連鎖餐廳，預熱住口感真係差得遠。我叫左個脆薯牛堡餐，牛肉又厚又大件，加埋塊脆卜卜薯餅。覺得佢最好係有埋蕃茄同生菜，對比起平時其他連鎖快餐少得可憐既蔬菜，呢個真係有益D🤣。薯條係粗身，堅好味👍🏻下次食漢堡包識得 揀嘢食。嘉寶漢堡尖沙咀寶勒巷9-11號和益中心地下

星期日又係時候出動搵好西食😋經過尖沙咀 發現嘉寶漢堡搬左 舖頭大左 容納到好多人 假期去都唔洗排隊😊依然保持高質漢堡🤤🌟 芝士牛堡 ($40) / 是拉差芝士蛋牛堡 ($44) 🌟Burger麵包非常鬆軟 係烘底麵包🥯牛肉juicy入味 有厚度 有口感 絕對冇hea食客🤤軟淋淋嘅牛肉加芝士 融為一體好正😋底層加埋生菜 大大減低肥膩感 好似韓燒加生菜進食嘅感覺😙唔好太濟 又感覺上相對做到飲食均勻😜成個burger好大個 我一大啖咬都咬唔晒 非常足料🤣🌟 薯格 (+$16升級套餐) 🌟香脆薯格 唔好炸得太硬 一食就知唔係用萬年油炸😋 未至於好出色 同市面薯格味道差唔多但依然係食burger時小食首選🤤🌟 炸燒賣 (+$16升級套餐) 🌟好特別嘅炸燒賣😙 炸粉好薄 表面輕微嘅香脆感增添食burger時食燒賣嘅合拍炸完嘅燒賣唔會太硬 保留到原汁原味可以一試😎我個人對比薯格/炸燒賣嘅情況下 認為薯格比較優勝🤩整體嚟講 burger層次豐富 整得十分出色價錢唔貴 Cp值高 想不停回購🥰❤️大家經過尖沙咀 又試食抵食burger不妨一試🤩

🍔大滿足嘅漢堡🍔推介指數 ❤️❤️❤️❤️❤️寶勒巷除咗有唔少食肆仲有唔同嘅娛樂場所，出名夜生活嘅地方。响1997年曾經發生香港史上最嚴重縱火兇殺案。當年香港電影公司改編成電影，傳聞拍聞期間發生有唔少靈異事件，直至而家間中都有發生。靈異事件，信則有不信則無，都係講返食先！嘉寶漢堡飽已經由金巴利道搬咗去寶勒巷，地方大咗好多，座位闊落，價錢仍然大衆化！漢堡選擇有牛、雞、豬、蝦、羊同素，可以追加配料加蛋加菠蘿加薯餅，加HKD16升級套餐配指定小食一款同飲品，想試多啲仲可以優惠價再追加小食！✨B5 香辣煙肉蘑菇芝士牛堡新鮮即製份量十足，牛肉味濃郁，煙肉唔會過燶，蘑菇好新鮮，醬汁剛剛好，整體啖啖juicy，大滿足！✨C3 BBQ菠蘿雞扒堡BBQ汁夾有洋蔥，菠蘿多汁唔乾身，雞扒肉質軟滑，大概有菠蘿減少罪疚感，好滿意！無聊度一度，個雞堡成罐汽水咁高😂✨薯條：味道較叫淡，但粗薯條份外加分。✨薯格：比薯條更出色，本身已經夠味，鹹鹹哋又脆口。✨飲品：凍咖啡味道平穩，值得一提汽水係罐裝唔係平時其他快餐嘅汽水機汽水，又加分啦！高質素嘅香港人漢堡包，絕對值得一試、再試！尖沙咀邊有CP值咁高㗎？唔食包都仲有好多小食試，例如

好耐之前已經想食葵x嘅店， 次次見到好多人排隊都卻步， 今次經過門口見到啱啱開門，，人又唔多， 所以就試下。 買咗黑松露牛堡，加16蚊套餐，炸燒賣 啲牛的確非連鎖快餐店好， 但係咪真係非常好食呢？？？？我就覺得言過其實。 不過60蚊左右食一個咁嘅餐，都值得嘅， 唔會食垃圾冰鮮牛。a simple lunch..... 重點：只係等咗五分鐘😁😁😁😁😁 依家人越嚟越多，就唔夠膽包啦 總括嚟講：可以返check嘅，如果人多就不了🙈🙈

呢日搵到間好吃漢堡餐，個包大之餘又多饀，唔夠仲可以配埋啲小食。炸燒賣是必點的，外脆之餘又唔乾，番薯條梗係要點埋啦，熱辣辣吃、加上甜甜地，會吃唔停口！B5 香辣煙肉蘑菇芝士牛肉堡個皮會有少少燶，唔冇影響到啲味。我鐘意食少少辣，所以對啲鐘意，但又唔食得辣嘅人嚟講，都係唔錯嘅選擇。牛肉唔會好咸，仲會有少少淡，勝在有煙肉同辣醬搭夠番薯條炸燒賣，好懷舊嘅味。p.s 店內有洗手機，啱晒食之前同後，方便洗手👍🏼