嘉多娜餅屋

营业中

休息中

已買了好幾次，難得有麥香的麵包，不是市面連鎖的空氣包，口味選擇不少，有西式也有中式。個人喜歡芝士軟飽與合桃芝士包。講明健康原料冇化學嘢令人放心之餘，好味及價錢非常合理。支持小店。

去油麻地睇戲，早左好多四圍貢，行到渡船街附近，口痕，見到有間餅店仔，櫥窗d蛋撻好靚仔，嘩，$3.5一個，香港仲有咁平既蛋撻既咩？入去發現阿姐分開一盤酥皮，一盤曲奇皮，就買各1個試下，唔理大街大巷，一大啖咬落去酥皮蛋撻，嘩，直頭打低好多稱皇稱霸既蛋撻店！酥皮蛋撻：size算比一般的細dd，個酥皮層層疊的，塊塊鬆脆香口，又唔會油淋淋到成手成嘴油。個蛋心又滑又燙嘴，彈性和厚實度啱啱好！👏🏻曲奇皮蛋撻：size同酥皮一樣，蛋心一樣好食，個曲奇皮OK，未至於似個酥皮咁驚喜！老婆餅：都好食，唔會太甜，但元朗的實在太好食。加油！睇完戲立即掛住個酥皮蛋撻，即刻行返去買半打俾屋企人試。兩個都係$7蚊雞，抵到爛，等如果d名牌蛋撻1個，最緊要好食好多！

法包$11 平民價錢但高級質素真係外脆內軟，有別於X1既所謂法包 燶到乜咁⋯好似比上次買仲長左😨👏🏻絕對吾會將貨就價 而且佢標明吾加添加劑 食得開心又放心👍🏼😜