嘉多娜餅屋

营业中

休息中

又係麵包控掃貨時間🍞之前每次都買bagel或布甸包，今次試其他一次過買咗8件產品返屋企🤭▶️ 明太子法包 ($20/2)除咗表面之外入面都有好多明太子粒㗎建議烘熱食，會香脆好多 (就咁食會韌)似一個帶明太子辛辣鹹香嘅蒜蓉包🥖味道唔錯，略嫌油咗啲▶️ 星野海苔鹽可頌 ($20/2)唔好睇佢外貌平庸，好好食表面少少脆🥐內裏有咬口帶粗鹽鹹香之餘又有海苔香味▶️ 咖啡朱古力鬆餅 ($9)聞落咖啡味出🍪配合朱古力碎粒口感唔錯，唔會好乾不過個人鍾意比較似曲奇口感嘅scone▶️ 開心果燒餅 ($10)最後一個都俾我哋買到🥰雖然扁踢踢，但一搣就爆曬餡食到一粒粒開心果碎，同時有開心果醬，多重口感燒餅外皮非常煙靭有拉扯度，都算係mochi👍🏻勝在夠薄▶️ 十勝紅豆乳酪法包 ($25)全店最長最大嘅麵包，擁有性感S型body😂未食已經見到粒粒十勝紅豆🫘非常足料紅豆粒食落帶少少甜且起沙法包烘熱後又脆又煙韌👍🏻入面仲有大量cream cheese!!▶️ 開心果流心撻 ($16x2)啲開心果醬滿瀉💚好重堅果香且厚杰，有啲似花生醬撻皮層層酥，每層薄到成張紙咁，因而咬落香脆▶️ 肉桂堅果包 ($16)面頭堅果極足料，又杏仁又開

聞名已久，但由於喺佐敦唔係一個咁方便嘅位置，所以一直都未有機會試，今日食完泰排檔經過，就買咗佢最出名嘅布甸麵包聽好多人都話好好味，抱有好大嘅期望，點知一試換來好大嘅失望首先個麵包非常之韌，好難咬，而且個布甸好甜，好漏，一個布甸麵包四個人分，一人一啖已經係極限，完全冇辦法想食多啲，而且味道亦唔係話有幾特別，只係可能個做法同出邊有啲唔同另外買咗個流心開心果撻，睇個樣好似都好味嘅，點知食落開心果味唔濃之外，個酥皮又唔係好脆，又唔香，佢亦都唔係流心，佢直頭係開心果醬，完全冇固體嘅狀態，撻入邊嗰層開心果醬係青綠色，同面嗰浸唔一樣色，其實我哋唔知係咩嚟嘅，好奇怪仲買咗酥皮同埋曲奇皮嘅蛋撻，食落去質素遠遠比唔上一啲街坊麵包舖

作為一個開心果愛好者，經過佐敦時，我總忍不住要走進「嘉多娜餅店」 ～ 🤭💕這間小店產品種類上令人目不暇給，基本上每款都定價在三十元以下，對街坊來說親民又吸引 💯 這次，我再次回購了開心果燒餅和開心果泡芙，並額外嘗試了人氣產品芝士包，整體感覺依然令人滿意 😋🔥開心果燒餅（$10） + 開心果泡芙 （$25）開心果燒餅$10一個，大小約手心般大，價格相當實惠。燒餅的外皮煙韌，內餡料主要由開心果仁碎與開心果醬組成。每次咀嚼，都能感受到開心果獨有的堅果香氣，濃郁又不膩～💚 開心果泡芙一個$25，考慮到它的用料和份量，其性價比依然挺高。由於泡芙經過冷藏，建議盡快食用以確保口感最佳 ❄️一口咬下泡芙，外皮酥脆，裡面滿滿的開心果奶油和開心果醬幾乎瞬間爆漿，帶來極致的滿足感。奶油細膩滑順，開心果醬則帶有濃郁的香氣，兩者完美結合。泡芙表面還灑有開心果仁點綴，增加整體的口感層次，每口都讓人感到幸福滿溢 🥰🥰🔥 芝士吐司（$26）除了開心果產品外，這次我特地嘗試了餅店的另一款人氣產品— 芝士包🧀。麵包本體鬆軟，芝士的用量更是令人讚歎，幾乎佔據了麵包體積的一半。這款芝士包的性價比極高，當早餐都非常適合 🍞整體而

曾經有同事推介過嘉多娜既包/泡芙好好食一直都未有機會去試 今日終於有機會黎到喇👏🏻👏🏻👏🏻買左個$26芝士包第日朝做早餐啦當切開一半時嘩左一聲😱😱😱入面勁多芝士🧀 一條可以分成5-6厚件鐘意食芝士既你一定一定要去買😍😍😍

近期開心果既產品真係好紅連呢間咁出名既餅店都要出埋開心果燒餅亦都係限時供應 想食就要留意時間排隊燒餅舖頭就話11點半開賣 不過夠鐘都要再等多15分鐘左右 唔知點解整體都算好食 但唔算好多料不過好油 如果要再咁排半個鐘以上我應該試過就算

麻糬布甸只限佐敦同何文田分店，每日1:30pm出爐，2:30pm去到都仲有唔少貨😆麻糬布甸size偏細，所以唔算平民價錢，不過好味都值得去試！👓開心果麻糬布甸 $13/個，$25/2個面頭嘅開心果醬真係同個色一樣好濃郁，中間布甸質感軟滑，麻糬皮好煙靭，開心果控超級滿足🤤👓朱古力麻糬布甸 $13/個，$25/2個本身有啲怕會係低B朱古力味或者好甜，點知食落係少甜又濃郁嘅朱古力味，有少少流心，又係食完會好滿足🤤👓芋蓉麻糬布甸 $13/個，$25/2個依個味道同樣好出色！原味布甸餡一樣好軟滑，中間芋蓉好香，都一定要食！👓開心果泡芙 $25Size大大個，泡芙外皮係超級香脆，入面開心果醬係爆餡，可惜味道淡，覺得有啲浪費咗咁出色嘅泡芙外皮🥲👓開心果燒餅 $10依款產品喺油麻地店出爐後好快就賣曬，估唔到佐敦店下午都仲有咁多😆燒餅外皮煙靭，中間開心果醬又濃又香口，而且有粒粒開心果碎，如果見到一定要買嚟食！

終於等到熱潮之後去買多一次食啦，呢個嘉多娜出咗好耐嘅乳酪包真係好正！之前食過好多次，係未出名既時候，之後就一直都買唔到，好多人排。等左幾個月，今日行經過竟然冇乜人排隊走入去試吓個乳酪包先。蒜蓉乳酪忌廉包🩷🩷🩷🩷好耐之前買過一次係好大個包，而家個價錢平咗個包冇咁大。食落係幾方便，不過好似個味道同之前有啲分別，個乳酪味冇咁出，個蒜蓉味係夠嘅，可能轉左啲材料🤔🤔🤔不過間唔中食一次都可以嘅👍🏻我覺得值得一試，依家唔使排隊嘅話😂👍🏻五個心心為最高分

呢款喺佐敦點幾兩點出爐兩點半嚟到已經得返幾個omggg✧ 開心果麻糬布甸（$13）欣賞嘉多娜有咁嘅創意同執行力不斷出新品但試完覺得麻糬好硬好乾挖空咗就放開心果布甸面頭再鋪層開心果醬同幾粒碎似意大利開心果醬而唔係正榮鮮綠色嗰種口感比較rich & oily係真實食緊果仁嘅感覺雖然啲醬未多到好似vission bakery咁打側會瀉出嚟但食食下都係會滴(ˊo̴̶̷̤ ̫ o̴̶̷̤ˋ)去社交平台favorityy睇識郁嘅reels><TLDR：$13嚟講都貴 唔會encore

終於可以一試開心果燒餅🤤✨($10)拎上手係暖暖地，咬落去煙煙韌韌，口感唔錯😋重點係個開心果內餡‼️好香濃嘅開心果味😍而且又唔會死甜😌好驚喜嘅個開心果內餡好多，幾乎淡淡都食到🤩🫶🏻

我喜歡係呢間買，不過總是過到不對時候，不是賣曬就是排長龍，今次碰上四點左右出爐，又剛好衹有一條小隊，到我入到去時，剛好一次過可以買哂四種口味，原味，法式布甸，朱古力，開心果，各有千秋，我覺得都好好味，衹要遇上邊款都一定要買來食 🤤

見出爐的3Q酥（含豆沙、肉鬆、麻糬、蛋黃） ，買來試。口感好豐富😋酥皮厚度0.5cm, 鬆脆口感剛好，帶有芝麻香。紅豆蓉少甜，跟肉鬆，旦黃一齊配搭也很特別。最內層是麻薯，不會黐牙。4層口感，咸甜咸甜的配搭，效果唔錯。女士可以share食😆。

最近有幾間餅舖新出咗品開心果燒餅本豬試咗兩間：嘉多娜同名門TLDR：嘉多娜可一不必再；名門不必試1️⃣嘉多娜：開心果燒餅（$10）每日只有12點出嘅一round好快賣哂 早幾日4點嚟食咗白果(৹ᵒ̴̶̷᷄́ฅᵒ̴̶̷᷅৹)可能因為新屎坑所以前面半打半打咁買咬開個餡係開心果醬+白砂糖+開心果粒有啲似民峰糯米糍ʕु•̫͡•ʔु ✧但佢開心果粒係大粒好多💚本豬幾鍾意 因為好有咬口但朋友就覺得好黐牙Overall小甜但都接受到唯一係嫌燒餅塊皮好厚..個質地口感有啲似香蕉糕而且咬落去啲醬咇哂出嚟之後就淨返厚厚嘅皮所以鍾意皮薄餡靚都係揀糯米糍買～

係油麻地地鐵站C出口，有這家我認為最強麵包店，而家喺佐敦有另外一間分店，排隊情況好少少，今晚經過，竟然估唔到仲可以買到布丁麵包，這個就是油麻地店排到傻咗的布丁麵包，亦都是好多麵包店模仿，但係做唔到佢哋個效果首先，先講佢哋嘅法包，軟硬適中，挖空咗中間部份，加入布丁再去焗，食過唔同口味，始終都鍾意這個原味的布丁，蛋味香濃今晚買咗一個開心果泡芙，你哋睇吓入邊嘅開心果醬多到呢，所以有咁多人排隊係有原因，當然佢哋其他麵包都好好味，見到海鹽包都想試

❣️$10爆餡特濃開心果燒餅💚嘉多娜必試名物&隱藏瑰寶😏 原來分店出品唔同⁉️🐭 米奇老豬Vol. 496 🐷［嘉多娜餅屋］相信大家都一定知道嘉多娜嘅布甸包而且最近大熱嘅開心果燒餅 💚但其實佢仲有好多hidden gems 💎今次一次開post介紹比大家！每間分店都有d特別野記住睇到最後 ⬇️.🐖🐖《開心果燒餅》🐖🐖🛑9/10🛑 💰$10/1💰佐敦12點出 油麻地/何文田11點半全部都係每人限買6個㊙️佐敦最易買🤫開心果醬係超超超nutty 果仁油香大爆發🫨唔係溝左白朱古力而過甜果d仲有微流心效果 唔會杰撻撻張口仲有海量開心果碎碎 好脆口開心果濃度💯 開心果控認證 ✅美中不足係燒餅皮略油 不過好煙韌 就算隔夜都keep到而且糯米甜香完全無被開心果蓋過所以個平衡真係好正🤤.🐖🐖《黑芝麻朱古力酥》🐖🐖🛑8.4/10🛑 💰$8/1 $20/3💰🌟佐敦店限定⚠️外層口感似蝴蝶酥 好脆好鬆化核心部分似牛角包 有蜂巢氣孔鬆軟有炒香左嘅黑芝麻 🖤有疑似係芝麻/朱古力crumbles平均分佈被呢d黑色金寶驚艷到😍.🐖🐖《咖啡朱古力鬆餅》🐖🐖🛑8.6/10🛑 💰$8（佐敦） $10（另外兩間）💰呢個簡直係comf

已想不到一間咁普通嘅西餅店，都能夠做到咁出色嘅泡芙，呢個法式泡芙布甸，實在太好味啦，外脆內軟，而且個餡料嘅吉士做得非常之好，小小嘅甜味，而且吉士亦會做得好柔軟，價錢亦非常合理，性價比高。西餅店裏便，款式好多，其他嘅麵包都好好味，但我最鍾意食嘅就係呢一個法式泡芙布甸。西餅店嘅環境，非常之乾淨整潔，店員嘅服務，都非常之好，而且有禮貌，又親切。交通都非常方便附近就有地鐵站，我十分推薦，而且我最鍾意食，就係呢一個甜品。