嘉嘉餐廳 (已結業)

好日唔去荃灣西果邊， 今日去陪朋友食飯，去咗去公司樓下食！膽粗粗就是下佢個口水雞味米線啦！好快啲嘢食就到啦， 又估唔到佢畀咗成四分一隻雞我喎！ 勁大碟！ 隻雞好滑！但係佢個口水雞一啲都唔辣！分量就好足夠好大碗，我都食唔曬！$48一碗好抵食！

今日同同事出咗去食飯， 去咗有線員工飯堂， 唔使出示員工証，外人都可以入嘅。 選擇都好多，有常餐，特餐，午餐，同埋湯飯，燒味，等等…… 見到對面個男人食蒸蛋飯，好似好好味咁，然後不停喺度搵餐牌，都搵唔到 ，後尾我們見到原來除咗檯面上面的餐牌外，仲有兩份另外的，就係健康蒸飯餐， 然後同事就算軚，叫咗一個鳳爪排骨飯，凍檸茶，仲有例湯添。是一碟飯一碗鳳爪排骨，都好多，幾靚幾吸引呀。同事話辣辣地但都好味的。檸茶四片檸檬，正常味道。我食番茄牛肉湯飯，都好大碗，好多料，牛肉好多，唔鞋身好味，蕃茄好甜及也好多件，仲有菇同紹菜，少少胡椒味道，好味的，食完唔會口渴，應該沒有好重味精，飯的份量也好足，夏天食可以冇咁乾。仕應效率好高，好好。

係荃灣番工成日食，平靚正，餐牌日日唔同，今日叫左個雞排飯，好快就有，快手食完番office重有半個鐘訓，而呢度重有免費例湯任裝，四十蚊內搞掂，不過lunch時間比較多人，成班同事未必搵到位，同埋冷氣好凍

到荃灣工廠區工作，食過下午茶先呢間鋪超大間，見餐牌下午茶抵食熱狗+凍O茶$20普通熱狗包，焗下會好D，腸夠熱，但冇乜特別，有D生菜絲及沙律醬，不過頂肚就不錯。凍0茶夠大杯，冰量適中，檸檬三片，茶味夠濃夠淸

雖然住得近，但有線大樓的食堂嘉嘉餐廳，我還是首次吃，反而其黃竹坑的分店就到訪過。簡簡單單，要了個炒公仔麵餐，是海鮮炒公仔麵。份量頗大，是工廠區飯堂的特色，總之一定食飽你。然而，質素就唔好要求咁多，如這客炒公仔麵，很油，卻又無厘鑊氣，海鮮如魷魚、蝦等都是沒半點味道，只是填肚子的水準。餐飲要凍檸茶，夠凍，同埋幾甜，我倒是沒所謂。埋單要$43，都唔平，呢個價錢附近有好多食堂選擇。