嘉華冰室小廚 (已結業)

喺附近返工㗎，唔知好晏食lunch嘅時候都會嚟呢一度食下午茶，下午茶嘅選擇都好多，但係呢一間都偏向比較多人，所以每一次食下午茶呢都可以確保自己有位嘅，而佢嘅選擇上面我都會係揀熱狗呢一個茶餐，因為佢個熱狗真係好出色㗎，佢個出色位置就係佢熱狗腸呢係非常之大條，係超出咗佢本身已個包既程度，佢個腸處理得好，非常熱外脆來軟，而佢個包就係有烘底嘅，但係就唔會烘得好脆，包就有少少甜味嘅，入邊有蕃茄生菜，個口感呢整體係非常之好嘅，另外仲會加埋薯條啦，都係茶餐必備嘅，非常值得一試

今日去瀝源見到間新開冰室:嘉華入去order左份仿鮑通粉餐，味道唔錯，多士烘得啱啱好，有水準，環境夠大，都坐得舒服，服務態度唔錯，竟然會攞水俾客，抵讚宜家香港有呢D服務態度已經少之又少

去買個外賣腩叉，返到去發現比錯咗燒腩仔，打去問有冇得換返….聽電話個阿姐話冇得換返架，燒腩仔仲貴啦！（一副益咗你嘅態度）即是比咗錢買自己想食嘅野，佢是但比啲貴啲嘅野你都冇問題😉希望阿姐你日後全家都受惠啦！

今午上完課路經此冰室，友人提超多人排隊買麵包，見沒人排隊，便直接入內坐下，吃過下午茶。💥麵包套餐$21~~菠蘿包微暖，包軟皮脆，不太甜，整體合格😄~~奶茶太重奶味蓋過茶味😑。💥蛋達 $8 (剛出爐😄)~~蛋達，酥皮鬆脆，微流心蛋䊢，蛋香不太甜👍😋座位分卡位區和圓枱區，裝修風格特式有心思，待應生服務不錯。另外賣麵包蛋達買2送一也抵吃。

之前已幫襯過兩次，一次新開張時食下午茶，一次去食早餐，兩次經驗都勉強接受。今次再去食早餐時，見到好多檯上面放滿之前食客食完的餐，但見有位就照坐低，等待職員過來清理。但等待了一陣，仍沒有職員過來清理，見到有另一對情侶同樣地舉手叫職員都是沒有回應。眼見在場的職員年齡層較後生，但做事速度彷彿進入了平行時空般，還是懷疑職員是否身體有事，行一步路都是慢幾拍的，聽力視力都同時出現問題，即使食客在眼前舉手叫喊，都照樣無視。如果餐廳想繼續經營下去，應該重新檢視下職員的身體狀況，或需重新教育下。

因為同事一張贈送嘅印花卡, 專程特意過黎食, 點知印花卡所贈送嘅食物經已送完, 店員話都可以換一杯特飲🥤我地見橫掂都要食晚飯, 一場黎到, 就係呢度落腳啦叫左咖哩脆皮雞扒飯🍛脆皮雞扒外層炸至金黃酥脆, 裡面仍keep到多汁的雞肉。咖哩醬汁搭配著雞扒, 帶來了豐富的風味層次, 口感香辣而濃郁咖哩嘅香氣和雞肉的嫩滑口感瀰漫在飯上, 米飯的細綿軟糯和咖哩的香辣, 越食越滋味贈送嘅特飲 雪山脆米朱古力 我諗應該係阿華田濃縮精華版😂飲左又有脆米咬下, 層次感豐富, 不錯👍

之前剛剛開業無耐試過佢哋既揚州炒飯同京都豬飯，夠哂鑊氣，仲要大大碟，啲餸都比得好足，心諗終於有一間似樣又唔算貴既飯堂！所以之後先再幫襯佢，但中段幫襯既時間感覺好似無之前咁好，我當時以為只係偶然水準差咗啫，無放喺心，點知最後我再幫襯佢既揚州炒飯先發現唔對路喎！點解同之前質素差咁遠既？飯量仍然係多既，但裏面啲餸好少！成盒揚州炒飯裏面叉燒竟然得三粒仔？！係三粒唔係三舊！覺得搞笑囉！開業唔太耐就已經咁hea住做，想再幫襯你都唔得啦，老闆！

好少留評語，但真係太差，唔想其他人中伏食物：買左3個紫薯麻薯拉絲包，包係凍，食落勁乾，一d都唔鬆軟，勁少麻薯，無紫薯味，食個最差既紫薯包服務：賣包個位阿姐態度勁差又無禮貌，話買個少少野唔收信用卡。明明有第二盤出爐既包都唔比我，仲話賣曬依家個盤先會賣下一盤，依家呢盤都係出左無耐，依家呢盤仲好食，但買完就知中伏，全部包都係凍⋯⋯俾多個負評呢位阿姐，最好下次唔使見到佢價錢：買二送一可諗下，原價唔會諗，因為真係好難食。衛生：企理，毎個包獨立裝袋

冰室係幾個月前開業，開業初期成日見到好多人等，心諗質素應該唔太差先會有咁多人等，所以都想有機會既時候試試。昨日大概下午茶時間經過，見到無人等，所以就入去試試。冰室外放左好多麵包，睇起上黎好似唔錯咁，個個傳統包包都靚靚仔仔的。不過，我今次就無試冰室既包，反而去試左佢既下午茶。下午茶餐 - 炸雞脾薯條 配凍檸茶（少甜濃D）炸雞腿熱辣辣的，炸到雞脾皮鬆脆，而且亦有醃過，味道唔錯的。另外薯條份量都唔少，下午茶份量都叫係咁，$39收貨。但凍檸茶少甜就都好甜濃D但亦唔夠濃😂有待改善

垃圾冰室, 叫碟牛河以為漏單原來人哋炒咗出嚟只係個樓面一路冇攞出去, 我問佢碟牛河點解炒半個鐘都未畀到我, 佢話個師傅見唔到單所以唔炒, 但佢唔使一分鐘就攞到嚟畀我不過碟嘢係凍嘅, 咁即係話師傅一早炒咗出嚟祇不過冇人啲拿出去, 之後我問個樓面有冇辣椒油佢攞咗兩包糖漿畀我, 唔怪得咁大間餐廳食飯時間冇人啦真係有原因架, 其實佢個位好靚, 祇不過老細冇心經營😡

新開業的屋村茶記，街坊口碑表示幾好，今次是我第一次光顧。以茶餐廳的標準來說，這間面積算是好大，以收銀處作為分界，分開左右兩翼，開揚整齊地排放桌椅，走廊空間寬闊易行。餐廳同時兼賣新鮮面飽，有街坊稱最愛其菠蘿油，但今日未試。餐廳星期一至六有指定午市套餐，每天有８款選擇，正常套餐包主食再加中／西湯和熱飲。1. 鮮茄燴雞脾意粉茶記不可能講究擺盆，但勝在大大碟，一定食得飽。意粉口感尚可，果PAT橙色醬汁顏色太鮮，添加了甚麼色素似的，未見說好了的鮮茄踪影，還幸醬汁味道尚可。反為件炸雞脾令人驚喜，外皮脆口，雞肉細嫩，不會油膩膩，值得一讚！2. 全天候歐陸餐唔想食粉面，點了這個在西餐廳稱為ALL DAY BREAKFAST的套餐；老實說，在這些茶記點這個有點冒險，好易中伏，結果是尚有驚喜。套餐份量大份，有炒蛋，腸仔，茄汁豆和多士，再加上有一件魚／牛／猪／雞肉食可選，我點的吉列魚柳卜卜脆，魚柳醃得入味，不會食到雪味。丹麥多士雖然細件，但鬆化好食。

沙田人飯堂！ 多元化小食小菜，平民價錢！性價比超高！.招牌川式烤魚魚肉鮮嫩多汁，外層烤得香脆，用咗豐富辛香料，入口辣椒同花椒嘅香氣係口中綻放，充滿火辣風味，而且配料豐富，有蕃茄、洋蔥蓮藕、薯粉等，增加菜式層次感。.蒜茸牛肉炒菜心牛肉嫩滑同菜心脆爽形成完美對比，但又非常和諧。濃郁蒜茸香氣增添菜式色香味。.招牌無骨海南雞香茅飯米飯加入香茅，散發陣陣香茅之氣。而嫩滑多汁無骨雞肉同香茅飯結合，入口新鮮清新。

喺沙田瀝源廣場嘅嘉華冰室小廚，我平時搭車成日經過，但係就未食過。今日夜晚就同人試下啦。 一入門口就見到有多唔同種類嘅麵包賣，門口都好光鮮亮麗。😍 餐廳嘅招牌川式烤魚真的是一絕！在進門的瞬間，就被誘人的香氣所吸引。烤魚外脆內嫩，鮮嫩多汁，配上辣椒和花椒的獨特風味，真是讓人欲罷不能。無論是魚的選材還是烤製的火候都把握得恰到好處，讓人一試難忘！😋🍽️之後我哋要咗兩個小菜🥗，『椒鹽風沙豆腐』、『欖菜肉鬆四季豆』。椒鹽風沙豆腐外酥內嫩，做前菜一流， 送飯都好好食！欖菜肉鬆四季豆送白飯就好正， 四季豆淋淋地，再加上啲肉鬆，非常好食。白飯煮得剛剛好，米粒飽滿，香氣四溢。搭配川式烤魚和孖寶小菜，讓人胃口大開！跟餐有兩個 🍲 西湯 🍲，湯底熬得很濃郁，裡面還有豐富的蔬菜和肉塊。🍫 雪山脆米朱古力 🍫飲品非常有特色，脆米搭配濃郁的朱古力，口感層次豐富，讓人一口接一口停不下來。 🍹 柚子蜜 🍹柚子的酸甜和蜜的香甜完美結合，而且據說柚子還有助於消除疲勞，真是暖心又暖胃的一杯飲品！嘉華冰室小廚 Ka Wah Kitchen地址 沙田瀝源街6號瀝源廣場2樓RB2號舖Shop RB2, 2/F, Lek Yuen P

無諗過在瀝源食到刺身級「沙薑海南雞飯」（雞飯界赤身）！！同事換咗兩碟都係紅卜卜有好多血水。阿姐仲話好有朝氣咁話「沙田啲雞係咁」，太新鮮食唔落口差啲wasabi同豉油就可以食到日本雞刺*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*另外，鹹蛋肉餅飯係世界級創新，十分健康，以水烚肉餅，仲擔心大家冇牙食唔到，整到十分淋同軟爛☆*:.｡. o(≧▽≦)o .｡.:*☆٩(˃̶͈̀௰˂̶͈́)و

其實平時好少去沙田小瀝源呢邊食嘢，咁啱今次行過見到呢間係新開，裝修光猛企理，就試吓啦🤭估唔到算幾有驚喜！晚市小炒菜式入面，其實好幾款都幾吸引，見到隔籬枱都有點清蒸魚、酸菜魚、水煮魚等等都好吸引😋見到有人點川味烤魚🐟超級大份！好少可冰室會有呢啲食，即刻點返一份🤭麻辣雞煲都好正，仲配埋白飯🍚🤤嘢飲嗌咗青檸梳打🍋解辣之選！！整體覺得幾好食！！尤其係麻辣雞煲非常入味，份量都唔少，叫咗小辣🌶️還OK，越食越滋味🤤而川味烤魚超級大份，魚肉係勁滑🐟，入面有蔬菜、薯粉做配料，雖然都係叫咗小辣🌶️但其實越食越辣😂