嘉豐茶餐廳

营业中

休息中

Ka Funk is located in a lively street in Tsz Wan Szan. After we arrived a quite long queue built up with people mostly waiting for their take aways. Prepare for some waiting time in case you come on weekends or at peak hours. This place is quite popular.We ordered pork chop macaroni, chicken instant noodle, Horlicks milk tea and Horlicks coffee. The drinks were advertised inside the restaurant with a poster. They are not available at every cha chaan teng.The service was polite and nice. She aske

已經幫襯咗好多次經常聽到水吧佬喺度鬧人，個老細唔知係咪聾嘅，好似冇事發生，用餐體驗為零，啲麵成日唔係熟得滯就係生，食物質素飄忽不定簡直係垃圾，食餐嘢都不得安寧花錢買難受遲早執笠

未試過叫個早餐可以等20分鐘都未到甚至乎係隔離位遲過我入，佢哋都已經食咗一半我問過啲侍應個餐幾時到，啲侍應都問過我食咩，但問完都係不了了之，完全無人care個客係真係無野食到走嗰刻淨係飲咗半杯奶茶，食咗件多士，個雪菜米都係未上，老闆都仲收我$28 (FYI, 成個餐係$39)自問食咗嘉豐好多年，味道同環境嗰啲(同其他人膊頭撞膊頭、地下長期濕濕漉漉)唔作詳細評論，但裝修後去食嘅體驗一次比一次差，如果老闆見到呢個post，希望你可以改善下餐廳嘅服務質素P.S. 無相因為無食物影👍

平日未夠12點都已經坐滿人每枱都總會有一碟咖哩豬扒飯咖哩唔算辣，對食辣嘅人應該覺得唔辣咖哩汁係港式快餐碟頭飯嘅顏色汁所以可以轉黑椒汁 茄汁 豉油汁唔算濃味，只有小小咖哩味有幾舊薯仔粒豬扒夠淋，彈牙，無咩蘇味，有輕輕炸過快餐碟頭飯之選$48，唔好要求多多加凍飲 $210分鐘就可以食完經濟快餐，味道OK，無投訴餐廳細，所以午飯時段好逼一張4人枱，卡位邊都要坐3個學生妹結果變左5人枱

放假去搵大仙，問下附近朋友有咩好食，朋友介紹食呢間出名豬扒好食，咁要試試，搵咗一陣都搵唔到舊相既店面，原來翻新而且個門牌遮住咗（唔知方唔方唔方便公開）大家搵店時要留意👋🏻我叫咗A.馳名豬扒麵$40麵唔知係唔係大光麵，麵質無乜特別，不過豬扒肉質軟唔靭，我就略嫌肥咗少少西生叫A.咖喱豬扒飯$48咖喱唔辣，豬扒味道同肉質都可以，這個價錢到位。+$2叫凍飲鴛鴦，唔澀但咖啡同茶底味唔算濃厚。除咗豬扒好食，其他食材都不過不失，勝在價錢到位，可以一吃👍🏻

慈雲山高汁豬扒, 次次嚟我都會嗌雪菜肉絲豬扒上海麵. 個豬扒好冧, 好夠味. 個麵嘅份量會細少少, 大食嘅人可能唔係好夠.反而咖哩豬扒飯就好大份, 咖哩會有少少辣. 但係個豬扒都一樣咁好味

今日心血來潮想食椒鹽豬扒飯，所以特登上黎慈雲山食嘉豐😋之前已經食過兩次，都覺得好出色，不過住慈雲山嘅朋友仔就同我講，佢有時嘅質素好參差，所以如果大家黎食，就要睇嗰日你好唔好彩啦！黎左三次，都係食佢最出名嘅豬扒😚個人認為椒鹽豬扒飯🍚好食過豬扒上海麵🍜🍚椒鹽豬扒飯 $51 🌕🌕🌕🌕🌑豬扒一啲都唔乾，肉質好嫩，唔會好瘦同好「諧」👍🏼但今次嘅豬扒就冇上次食咁外脆內嫩，表面相對淋少少，但都係好食嘅豬扒😛豬扒加埋表面嗰啲青紅椒同蔥一齊食仲正！😆個白飯就偏乾身🍚如果住慈雲山但又未試過嘉豐嘅，推介你地黎一試佢嘅椒鹽豬扒飯😗如果佢嘅質素可以再一致啲就更好啦！

2022.11.5 星期六 4:30pm茶餐廳是趕時間食飯好去處，還有必定有下午茶，真是一天內最平的選擇啊。•••••••••••••••••••• 下午茶| 馳名豬扒包 | $35| 招牌豬扒丁麵 | $39🐖🍞豬扒雖然不是很厚，不過都很大塊，沒有用炸粉都炸得金黃，很香脆入味，有肉味又軟腍。包像沒有烘過，脆一些就更好，蕃茄和生菜就一般。🐖🍜豬扒麵沒有分開豬扒和麵，建議分開比較好，令炸豬扒不會浸到湯的味道。•••••••••••••••••••• 價錢是街坊價，非常抵食，都算好味，食物質素已經是交足貨了。

中學回憶！以前讀中學放lunch我同同學都鍾意嚟嘉豐食個咖哩豬扒飯，豬扒夠肥同醃得入味，午餐大大份，咁啱喺網上外賣平台見到有得叫外賣，一於食翻個咖哩豬扒飯懷緬下昔日嘅回憶。乾炒豬扒炒意粉$60- 炒得幾乾爽，略嫌意粉調味太淡，不過同豬扒一齊食味道就啱啱好，如果有多啲洋蔥等配菜更好。馳名豬扒飯$45- 我揀咗咖哩汁另上，咖哩唔辣但香料味重，送飯食一流，薯仔煮到好淋，冇牙都食到。推介！豬扒真係好軟好多脂肪，減肥人士應該唔想選擇豬扒，不過間唔中食一次半次冇所謂啦。

Lunch諗食咩，就叫咗個慈雲山最馳名嘅咖喱豬扒飯食好鬼多飯，但好彩佢塊豬扒都好大塊，咖喱汁唔辣，但好惹味，撈飯食一流，而最馳名嘅豬扒就真係好好味，完全唔韌，而且仲好冧，而且好有豬肉味，絕對會覺得食完一塊都唔夠喉，想要食多塊我叫埋罐可樂加埋$40左右，而且咁大盒飯同咁大塊豬扒，感覺幾抵食，而且等外賣時間唔算耐，可能佢豬扒出名，lunch時間大量生產關係，所以都幾快有PS: lunch時間都幾多人堂食，所以我選擇咗外賣

🔸咖喱豬扒飯 $40🔸黑椒雞扒飯 $40.又係慈雲山地膽推介，小區最出名茶記之一，馳名豬扒配咖喱/黑椒汁都好正，基本上坐低唔駛諗九成都係叫呢味。豬扒同雞扒都係新鮮即炸，口感、調味、咬口都一流，難怪由細到大都客似雲來。

2020年05月25號我去慈雲山嘉豐茶餐廳叫個豬扒烏冬，再加杯凍奶茶，同姐姐講凍奶茶茶走，首先個阿姐話咩嚟（做茶餐廳最基本野都唔知，咁請你返嚟做咩），咁都未夠奇，企係度既師父竟然話無得茶走，各位師父朋友，你地話里間慈雲山既嘉豐茶餐廳係咪有問題，廚房師父話無，落單阿姐竟然問返個客係咩嚟

很久以前，小店已在慈云山扎根，由父親一手開店經營，至今第二代老闆仔接手都已好幾年了，眼見一家人齊心合力做好小店，最得力姐姐管理好店面落單一腳踢工作，令弟弟在廚房可以安心煮食物，真難得！真記不起小店何時開始的炸豬腓出名起來，經常有很多外區食客專程揸車到來品嚐小店名物！（記得如午市時間光顧，價錢會有所不同）$36豬扒上海麵歺（包一杯熱飲，凍飲加$2）落單前講明（識食一定會）加小店秘制沙嗲汁、豬扒另上 😜😜雪菜配上煙韌可口上海麵（最佳拍檔）簡簡單單已帶出味道來😋😋沙嗲汁再加点辣椒油，是另一番風味👍👍主角出場：炸豬扒豬扒炸得香口，肉質鮮嫩、多汁juicy😋😋熱奶茶香滑

之前食過好多次架啦，但突然間想食返慈雲山呢間豬扒麵價錢平又好味叫豬扒麵一定要叫豬扒另上否則豬扒浸落湯就唔香唔好味豬扒上枱唔使自己切成大塊豬扒已經剪開咗，對我呢啲懶人就好啱啦豬扒肉質軟腍好Juicy吓，煎得香口醃得好惹味唔算好油，無燶難得每次都係呢個水準上海麵好彈牙有口感，配豬扒好過其他麵

記得本人係2018年5月光顧曾經有過不愉快經驗,但基於直話直說。所以堅持承擔責任刊登當日之食評一直以來都本著寫食評一定(要客觀,按事實)!今次幫襯就有完全不同嘅觀感喇老實講,其實早午晚連埋下午茶餐都食過晒。除咗豬扒出名之外,佢嘅咖啡,奶茶都沖得唔錯嘅。本身非常鍾意食咖喱,所以點咗咖喱豬扒飯餐$39咖喱汁嘅味道都算豐富,但略嫌辛辣度不足。還好就係避開咗滿滿嘅椰奶味,搶走咖喱主角嘅風頭講到豬扒,今次就維持到一貫嘅水準。肉身保持柔軟,有少少油脂。味道較一般茶記好食,份量大致上都可以切開到七八小塊。同樣,$32豬扒面嘅份量都唔少。湯面味道略淡,可以調較吓。特別希望推介反而係少有提及嘅"炒飯"系列,選擇好多(咖喱海鮮,欖菜肉鬆,蝦醬牛鬆,五香肉丁....),有機會一定會試試