嘉豐茶餐廳

营业中

休息中

如果唔係<<街X廚神>>介紹, 我係唔會留意到有間咁既小店, 搬左黎咁多年都唔知!夏天要我坐街邊冇可能! 幸一入去都有吉檯.既然講到佢D巴西豬扒咁好食, 梗係叫豬扒啦!豬扒飯粟米汁- 得一塊豬扒略嫌冇送, 很腍, 很入味, 但好大舊骨.. 汁唔夠撈飯.豬扒上海湯粗麵- 同上, 湯冇咩味, 要雪菜, 比埋個炸菜我, 肉絲很碎幾乎食唔出.凍華田- 正常.食完... 好似冇食過咁, 味唔算濃所似冇漏既感覺, 豬扒得一塊又到喉唔到肺, 所以2點食完, 7點未夠就食晚飯...下次要試下豬扒飽, 塊豬扒乾身應該會好食D~

今日去左慈雲山影印影印果時見到對面間茶餐廳門口有好多客自己一支公又未食野咁就入去試下啦見到其他客都叫xx豬扒飯我自己就貪貪心 叫左個咖哩央扒飯(豬扒+雞扒)雖然賣相麻麻 但質素相當高 製作十分認真!!!!D汁雖然少左小小 但系唔會幫你淋晒上D野食度 好細心!!先講咖哩 辣度適中 正宗茶餐廳風格 仲有幾舊薯仔果幾舊薯仔又唔會太硬 似系薯角果種感覺豬扒唔會太死實實 熱辣辣之餘 仲食得出幾入味 正!!雞扒唔系平時果種 似乎炸過 不過雞肉好滑 厚身得黎唔會好鞋飯都值得一讚 因為飯既溫度食得出系岩岩響飯煲筆出黎唔會好似有D餐廳咁 永遠都比個微暖既飯你(eg. 沙x王)有機會既會再番黎食^^

新年咁岩有親戚係呢頭住 上左去拜年啵見中午肚仔餓 見成條街都係食 都唔知去邊好咁岩個親戚係呢度常客就介紹我入呢間餐廳環境一般 冇卡位 少見叫左個咖喱雙扒飯 豬扒食完係真係會o咀唔係難食果隻o....係堅係好食到不能以筆墨形容第一我唔敢講 我敢講係全港唯一一間整得咁入味開頭佢炸到黑咪蚊咁...我心諗唔係炸到濃哂比人食呀...一哄個口度...聞到好香...入口好特別..d肉好鬆化...食唔出有鬆肉粉...再問問個侍應先知係秘制既...我入世未深唔識分咩味咩味...但係真係值得一試...雞扒..唔係一般茶餐廳貨色有d似肯得基...一粒粒...用左黑椒醃...肉質好嫩滑..相當有口感奶茶 有齊原來好既野真係會藏山中...慈雲山 揸車黎都叫方便既...服務就一般啦...有街妨茶餐廳啦..唔知係唔係因為親戚係熟客關係...未有影相...下次一定返轉頭幫大家影幾張

其實食過好多次, 每次去親果度附近都會去食, 暫時係我覺得全香港咖哩之中, 我食過既舖頭最好食既...一定要食咖哩豬扒或者雞扒飯, 但奶茶我就有少少失望, 可能唔岩我口味, 我覺得有d難飲tim!!最估唔到一間噤普通既茶餐廳竟然有噤有水準既咖哩!