嘆甜品

营业中

休息中

今次食咗香蕉焦糖窩夫 雪糕揀咗曲奇味🍨窩夫好大舊 十分抵食 建議窩夫配埋啲cream一齊食 而且雪糕放喺熱辣辣嘅窩夫上面都唔會即刻熔 焦糖脆脆好甜好好食 鍾意食焦糖嘅一定要嗌呢一個😙

經過呢頭 見到間黃店甜品當然要試一試叫左個阿華田心太軟配綠茶雪糕🍦心太軟流心效果一流一切開就不停湧出來一發不可收拾😂味道不錯另外再叫左法式焦糖燉雞蛋👍🏻味道好 但以為係熱 但凍食也不錯可以再食👍🏻

人氣黃店性價比好高而且超好味係我自己最喜愛嘅甜品之一定期都會去食最鍾意食係吉士窩夫嗰個吉士cream真係超正而且份量都夠大另外有試過燉蛋都好食但個人超推介一定要試佢嘅喎，即叫即整超好食

講到虹橋食甜品，屯門牛實會提到依間甜品鋪。叫店員落單，叫左幾次都冇咩反應，到有人理果時女店員黑口黑面，態度好差，音樂開到太大聲，朋友坐對面完全傾吾到偈🤦🏻‍♀️。💛 忌廉芝士草莓窩夫 $64即叫即整，需時較耐。窩夫外脆內軟，但今次蛋味吾夠香，忌廉芝士醬岩哂芝士控，超重芝士味，建議Share，一個人食會有啲滯。💛 麵包布甸 $45賣相幾精緻，麵包經過烘焗，金黃色外層微脆，內裡蛋香同奶香不足，味道一般。

今日和友人來到屯門這間嘆甜品來用餐。店舖有一部以手掌探熱溫度的機器，桌面上也有消毒酒精，令人在疫情下也食得較放心。我們點了芒果甜品，小食拼盤，金鳳茶（無糖）先說甜品，由芒果肉，芒果雪糕，芒果汁，芒果乾，牛奶凍組成了一個芒果風味的甜品。有超級多的牛奶凍，味道香濃，亦不會搶走芒果汁的香味。芒果雪糕亦很香滑。小食拼盤：由兩串雞軟骨，炸燒賣，炸鹽酥雞和薯條作為一個組合，分量很多。即叫即炸，十分香酥。而金鳳茶茶味香濃，由於無糖更能凸顯出茶香味

嘆甜屯門牛要食甜品🤤紅橋都算係熱門嘅聚腳地😝 而呢間嘆甜品更係當中數一數二嘅人氣小店🤩就算由細舖再開多間大啲嘅分店都仍見人龍不絕🤣🧇 焦糖脆脆香蕉鮮忌廉窩夫 ($56)窩夫即叫即整，所以需要比少少耐性💕 一見到真係嚇親😱 冇諗到咁大份！咁足料！兩個人食都好飽🤣窩夫熱辣辣，蛋香淡淡飄出，外脆內軟🍌🍌 窩夫內在綿密煙靭，表面灑滿焦糖脆脆，多重口感🍨 另外再加上一球雪糕🍨有多種味道選擇🤤與窩夫冷熱交替😚絕對係大滿足😋😋

—睇到邊到有earl grey 去整嘅食物歡迎留言告知❣️格雷伯爵茶心太軟($48)餐牌有寫需時10分鐘切開之後未算澎湃地湧出茶漿只係暖暖 稱唔上溫熱伯爵味算濃厚 略嫌稍為甜咗d中間pat cream較淡味 可以用嚟中和甜膩可以配一球雪糕 味道都幾多選擇揀咗豆腐味 都ok worr 而且個雪糕唔易溶—————————————————————嘆甜品1. 屯門青菱徑3號東威閣地下G02號舖2. 屯門井財街15號金銘大廈地下4號舖

屯門區的甜品店，我暫時最愛的還是這間嘆甜品。數年前已經開始光顧，常吃他們的窩夫，因為即使有多忙，店員都會在碟上畫上可愛的貓咪。🥰每逢五、六、日兩間分店外都有很多人等候，所以想吃的朋友要有心理準備需要耐心等待。.「三色芋圓愛玉」$29🍽：甜度適中，吃完很想念在台灣吃的愛玉，愛玉加芋圓，口感特別。.「珍珠滿盛愛玉」$35🍽：這個材料豐富，這個配搭是我喜歡的，個人比較貪心，每樣都可以吃到。珍珠略為偏軟身，其他都可以。

通常甜品店既小食唔預佢好好食，都起碼要正常：)但今日我嗌左個煎蛋撈丁，個面好乾好硬好鹹...面姐，好難整？而且上菜速度好慢，女店員又黑口黑面...收得$26，唔洗好好食，但唔好俾啲咁既質素客人^^個蛋係成碗面最正常，話係美極煎面，真係滴左幾滴美極，蛋黃篤開會流蛋液，正常煎蛋。但唔會再幫襯，原來一間黃甜品店連個面都整唔好，仲要收咁貴。而且之前食過佢地既甜品，質素普通但收比較貴既價錢，係我理解唔到既。

夜晚收工老公黎接我，去左虹橋食甜品。呢間都好多人等。拎籌後，都要等陣先入到去。一睇門面就知呢間係黃店.我叫左呢杯同一份心太軟呢個賣相好吸引，而且唔係得個樣，仲要好好味！入面有好多材料。個牛奶布甸切到一粒粒正方形超軟滑又好有牛奶味，又有芒果肉、芒果乾、芒果汁直頭啱晒芒果控!至於呢個心太軟,  都係即叫即焗既, 所以仍可做到流心朱古力效果, 實屬穩陣之選. 雪糕球有幾款味道可供選擇.不過如果兩款甜品相比，咁前者做得較為出色.

成日行過都見到出面勁多人排隊本身就吾系好好甜品尤其呢種有CREAM的窩夫不過見到咁多人排隊, 又心思思想試下系咪真系咁好食咁岩今日落大雨冇乜人, 等左一陣就有位, 不過入面地方好細好迫, 坐得吾系好舒服如果多人想搵個傾計就吾系好適合試左呢個CHEESECAKE窩夫+朱古力雪糕除左畫左隻貓幾得意.其他野都系普普通通可能真系個人喜好, 冇話好中意食不過擺得都幾靚, 都有心機整之後外賣買多個牛奶燉蛋白+3粒寧波湯丸勁少... 湯丸又勁細粒...咁就40幾蚊:<不過真系想食, 咁就冇計, 都要照嗌其實好食GE, 不過真系好吾抵

話說今日咁啱經過屯門就特登黎大家成日都tag嘅黃店試試，由於店內已經坐滿晒人，唯有買個外賣支持下。我只係叫左好普通嘅三色芋圓愛玉凍，落單時間係21:12不過咁簡單嘅一個甜品，只係將整好嘅芋圓同埋愛玉放埋一齊，係足足整左25分鐘架!!!!!等到我見到有比我叫外賣時間遲入店內坐低食嘅人都已經食緊，但我都仲係得個等字而碗甜品就真係好普通，完全唔值得等25分鐘😕雖然你係黃店，但係食物同埋效率都係好緊要架😒

食完晚餐梗係要食埋個甜品，放假就係要食食食！兩個屯門人帶我去到紅橋呢區好黃既一間甜品店！佢地話平時要等好耐，所以我地早左食晚飯然後去呢度食甜品~雖然係八點幾去到，但都等左一陣先有位！入座後我好快就揀左伯爵茶心太軟配豆腐雪糕$48，茶味夠，認真唔錯！不過d漿爆得太勁，一個唔留神好易會流晒出碟外😬豆腐雪糕都好味！兩位勇者就叫冰食.....一個叫和風飄雪$54一個叫珍珠飄雪$54佢地對個冰既評價都係良好的！不過芋圓就爭少少咁話。呢度甜品既款式都算多！如果下次過開屯門，想食甜品都一定會再黎嘆甜品！

之前去開舊鋪，未黎過新鋪。叫左一個珍珠奶茶味窩夫，一個宇治浮島，一個榴連忘返。睇個色都知綠茶味好重，配綠茶味雪糕加紅豆同埋小丸子西米，好味。我唔食榴連，朋友仔話勁正，榴連味夠。精選推介:基本上呢到乜味道既窩夫都係正既因為個窩夫外脆內軟，配上奶茶味既cream 好似真係飲緊珍珠奶茶咁

咁難得友人揸車載我哋入到屯門搵食, 食完正餐, 梗係要嘆埋個甜品先走啦。離食晚飯間舖好近, 行唔使 2 分鐘就到。 入店前店員幫我哋量完體溫, 再幫我哋安排坐位。 雖然店家坐位數量不多, 舖面面積亦不大, 但牆上貼著食客留底不同顏色嘅標貼, 令店面增添不少色彩, 疫情關係, 枱與枱之間有屏風相隔, 每張枱上亦有一支酒精搓手液, 以便客人進食前消毒雙手。一見到餐牌, 我就決定要點岩鹽拖肥 Oreo 鮮忌廉窩夫, 而 P san 同我都鐘意食刨冰, 所以佢點咗個鮮果飄雪。 友人點嘅係中式甜品, 所以唔使等好耐就到, 但我同 P san 點嘅就因為新鮮即叫即整, 所以等咗 10 分鐘左右先到。 主角嚟啦,  先講吓個岩鹽拖肥 Oreo 鮮忌廉窩夫, 上面有鮮忌廉同 Oreo 餅乾, 仲有啲杏仁, 同埋可自選一球雪糕, 我揀咗雲呢嗱味雪糕, 雪糕好大一球, 配埋店家淋上面頭嘅岩鹽拖肥醬, 真係超邪惡, 但味道又超夾, 窩夫食得出係新鮮整起, 我同 P san 幫佢影完相都仲係外脆內軟, 口感非常豐富, 雪糕冰凍, 杏仁同 Oreo 脆口, 鮮忌廉軟棉, 真係好 match。之後就到鮮果飄雪。