嘆甜品

营业中

休息中

📍嘆甜品屯門青菱徑3號東威閣地下G02號舖呢間相信住係屯門嘅人都一定識既甜品鋪 🧁唔少朋友都推介我去試下 🥄🥄🍨 焦糖脆脆香蕉鮮忌廉窩夫配雪糕 聽聞窩夫好出名，係必食之一 🔝🔝即叫即整，上枱仲熱辣辣 🔥🔥一啖放落口窩夫外層脆卜卜 內層十分鬆軟 👅👅夾埋焦糖脆脆香蕉同雪糕一齊食 幾驚喜 〰️ 🍗 小雞拼盤 （鹽酥雞粒、雞軟骨、單骨雞翼） Wooow～ 一個拼盤可以滿足3個願望！除左甜品呢度都有小食選擇架 🍢炸物新鮮熱辣 而份量亦好足 好惹味 🫶🏻🫶🏻🌽 粟米片麥樂雞餐廳將會推出的食物 🔜 🔜麥樂雞共有兩款醬料 - 秘製調味辣粉及甜酸醬 🧂🧂雞塊外面沾上上粟米片後金黃酥脆，內在鮮嫩多汁 💦🥤 白桃乳酸充分展現出白桃清甜的香氣 💨💨配上乳酸 絕對係夏日消暑飲品 🍃🍃

話說早前，因為返工唔開心嘅關係，朋友特登陪我食甜品，今次就揀咗喺虹橋嘅嘆甜品🍮窩夫真係好吸引，一定要叫。今次我哋就叫咗芝麻麻糬竹炭窩夫配朱古力雪糕($63)。我有一刻係俾啲芝麻濁親🤣 咳咗一陣，好彩有水飲。😂 個窩夫配有忌廉、牛奶、同埋紅豆🫘，可以揀自己鍾意嘅口味配搭個窩夫食都幾唔錯。另外都叫咗即磨芝麻糊($32)，因為凍凍地嘅天氣真係好想食返啲熱嘢。食完甜品個人開心返少少，不過就要做運動消耗返啲卡路里😂

晚上十點幾，屯門仲未收嘅餐廳無幾多間，有料果邊攞飛要等八張枱，兜咗一圈去咗嘆甜品食野算。唔洗等位可以直入係幾好，場內其實八成嘅枱都係點窩夫。but...我地叫咗個綜合水果茶，炸燒賣，同珍珠芋圓愛玉。水果茶無得少甜走冰，相信依賴溝糖漿去出味，落少咗冰就溝稀唔到，會太甜。炸燒賣因為有泰式雞醬去點，味道不過不失，感覺似光波爐焗出嚟多過炸嘅。而珍珠芋圓愛玉呢，愛玉正常嘅，珍珠煲得唔夠仲係黏住一揪揪咁，芋圓應該都係出面買嘅現成貨，無乜味，口感又粉又硬，有一粒難食到我忍唔住吐返出嚟。都有要讚嘅地方，呢間嘅工作人員態度好友善好正面。佢地提過QR code落單，不過我地忘記咗，店員哥仔好nice照樣同我地落單；埋單果陣，我細細聲同收銀姨姨講d芋圓好難食，佢即刻話會同返廚房講，仲想補返個芋圓俾我拎走，不過我拒絕咗啦，同佢講唔係想R甜品，想佢地留意返個出品質素啫。

🐥 嘆甜品 🐥<岩鹽拖肥Oreo鮮忌廉窩夫>有啲失望窩夫🧇有啲淋🥲但拖肥漿幾好食成個配搭唔會輸但基本窩夫要外脆 呢點做唔到所以有啲失望雪糕揀左豆腐味呢個好食 有豆味💰$ 59.__. .__. .__.🐥🐥🐥.__. .__. .__.總結：啲人吹到好好食，但我真心覺得有料案內所好食好多😬環境：🐥🐥🐥🐥/5服務態度：🐥🐥🐥🐥/5食物質素：🐥🐥🐥/5 性價比：🐥🐥🐥🐣/5 回頭率 :🐥🐥🐥/5

今次試下呢間糖水甜品，唔知係咪出名食窩夫之類嘅甜品舖，啲糖水都唔會太特別好食😅 要食糖水芋圓嗰啲，都係去返專門店食好啲？好耐無食楊枝甘露，最安全無伏嘅糖水😝 味道都OK, 柚子粒唔會太酸或者太硬嗰啲，芒果都算大大粒同甜👍🏼至於另一個芋圓糖水入面有啲類似啫喱咁嘅嘢，我就覺得麻麻地，個啫喱好酸！芋圓都冇咩特別😅 環境的話，呢度都坐得ok, 平時見都好多人排隊，應該有值得一試嘅甜品，有機會再試下🙌🏼

以我所知，嘆甜既窩夫係signature。不過每次十點幾十一點既時候去都一定要排隊，好少直接walk-in 有位。每次食窩夫都會揀岩鹽拖肥Oreo 雪糕 $59。一如既往都係咁好食，而且夠大份，兩個人share完都好飽。 好食指數 : 8/10CP值 : 7/10回頭率 : 7.5/10價錢 : 5/10

嘆甜品好耐之前覺得都OK，但有一次食過芋圓系列之後就覺得唔好食，冇再食過。今日食完團年飯，諗住去買個糖水食，俾多次機會佢，叫咗碗芋頭西米露。點知一攞上手，已經覺得又中伏，見到裏面浪下浪下，一啲黏度都冇。返到屋企一打開，啲色水已經唔開胃，又唔係椰汁又唔係牛奶，個甜味好假，成碗野好似用水加砂糖開出嚟咁樣，一啲芋頭味都冇。食咗一半真係食唔落，冇諗過咁簡單嘅糖水都可以煮得咁難食👍🏻，完全毁滅咗年三十晚🤣

今次黎嘆甜品食咗幾款甜品都好有驚喜，特別係窩夫🧇，超大份又好食！食完又再想食🤤好彩下午茶時段黎唔係好多人排隊😎焦糖脆脆香蕉鮮忌廉窩夫$59大大份同埋個賣相好有驚喜🤩暖暖地嘅窩夫外脆內軟，再加埋豆腐雪糕加香蕉配搭焦糖脆脆好好味😋值得推介！岩鹽拖肥Oreo鮮忌廉窩夫$59再試埋Oreo窩夫，都係大大份加埋脆脆嘅Oreo，份量超足，食完非常滿足☺️和風飄雪$52最啱炎熱嘅天氣食雪花冰🍧呢個配搭甜而不膩，又有麻糬最啱怕好甜嘅女仔😚

幾次嚟紅橋食嘢都想試吓呢間嘆甜品今日有機會喇喺附近食完嘢諗住博吓多唔多人排隊可能仲早所以冇嘜客平時嚟我一定會食香蕉窩夫但今日食咗香蕉班戟就試吓其他嘢黑芝麻麻糬窩夫🧇本來覺得咁樣出好似怪怪哋但食落好香芝麻好好味不過我就唔鐘意食紅豆雪糕冇嘜特別下次早啲嚟唔洗等可以試埋其他口味坐位有啲迫枱同枱之間距離比較近

《不負責任食評 — 嘆甜品》評分：🌕🌕🌕🌕總評：呢間甜品店係屯門都好出名架啦之前食過佢啲窩夫同雪花冰都好正😋今次翻桌食其他味Bailey’s 窩夫可以再多酒精少少但窩夫依然好脆 加埋麻薯好正🧇另外配埋款限定lotus雪糕都唔錯不過我都係中意焦糖香蕉多啲🍌雜果雪花冰就有啲普通普通到相都無影🤣好單純雜果+牛奶冰咁啲雜果又唔夠甜 下次會試濃味啲既😂😂😂呢間性價比、味道都唔錯 都會推薦朋友黎試🫰🏻

今個中秋節真係好熱🥵所以專程去左屯門紅橋食啲凍野降下溫 嘆下甜品🍮炸燒賣即叫即整 夠晒熱辣辣😍點埋個甜酸醬 做開胃小食一流☺️糖不甩窩夫伴Oreo雪糕🧇材料好足 有4舊窩夫 雪糕 芋圓同埋丸子🤤窩夫吾夠熱 冇左鬆脆嘅口感不過反而因為凍左所以有種煙煙韌韌嘅口感🤣同芋圓 丸子🍡一齊食 好有咬口❤️珍珠飄雪🍧同樣有好多材料🤩雪糕 飄雪 珍珠 芋圓 芋頭吾同口感同味道嘅食材令一碗甜品有好多嘅層次感🥰總括黎講想搵啲小食或者甜品嘅話嘆甜品係一間幾高性價比嘅鋪頭😛

🔹️嘆甜品 (屯門)🔹️ 屯門既朋友仔，都應該聽過屯門紅橋有間出名既甜品店，叫嘆甜品。嘆甜開左好耐，係食物質素方面都維持到，特別係佢既窩夫系列係最多人點選，我都係每次黎必點食物之一 🍨生蘑芝麻糊 加 湯丸x3粒 🍨芋圓牛奶冰大量芋圓包圍住牛奶冰，面頭有一球雪糕，加上甜煉奶淋係冰上，好豐富既配搭 🍨忌廉芝士草莓甜奶窩夫 (配雪糕)雪糕口味可選種類都多有雲呢拿、朱古力、士多啤梨、芒果、曲奇、抹茶、豆腐 真係估唔到整得咁有驚喜😆賣相與相片不符但又可以咁靚，真係要讚下點解咁講呢？因為朋友就生日，而我地亦無同店主姐姐講有乜特別要求，一黎到見到個窩夫就成個生日蛋糕咁😍點支爉燭就可以許願啦🎂 賣相靚，食落都唔錯架，外脆內軟既口感，醬料亦都好豐富，切開一小塊點上小量雪糕，有點冰火交融既感覺，會一食再食 士多啤梨🍓就部分有點酸，但亦可以話中和甜品既甜膩感

良心店推介！紅橋呢邊真係出名多美食今日呢間甜品就真係好抵食50幾60蚊就大大份既窩夫同雪花冰 當主食都夠！岩鹽拖肥 oreo 鮮忌廉窩夫外脆內軟 加咗麻薯仲要好煙韌拖肥嘅糖粒同埋糖漿食落都好舒服加埋 Oreo 雪糕真係好邪惡Oreo 飄雪一上枱個樣好靚份量亦都夠大不過差在雪花冰嘅味道唔夠濃郁甜品來講呢個價錢真係好抵食

（早排）夏日熱辣辣🥵 夜晚好多人等！差啲死亡之際比我等到位🤩 即刻嗌翻碗冰降溫🆒💛和風飄雪 ($52)【牛奶雪花冰、甜煉奶、麻糬、紅豆、瑪莉餅、黃豆粉、呍呢嗱雪糕】我揀呢款係因為我估自己一個食完成碗之後都唔會膩🤣 有時朱古力味會食到好膩🍫 鮮果會食到好飽🍈🍉 和風飄雪係我心中係一個真·甜品❣️🤣 一嚟就成支煉奶放係枱，煉奶任加🫶🏻 雪花冰配黃豆粉，放入口兩個即刻一齊融🥰 紅豆同麻糬有啲咬口🫘 瑪莉餅應該係For靚啲😂 佢係冇走風嘅👌🏻 啲冰融得幾快，證明冇添加🌝

差唔多一兩年前嚟過呢間舖頭，嗰陣時係疫情比較嚴重嘅時候，係冇堂食既，我記得我哋嗰陣時買咗芒果窩夫外賣，雖然係外賣，但都係熱辣辣好多芒果好多cream，好好味，所以印象深刻。今日入到屯門，我哋又去返呢間餐廳。人頭湧湧，好多人都食甜品🍮果然係屯門嘅名店呢個係阿華田雪花冰，冰底係牛奶冰，上面加咗好多阿華田粉，執鞭仲有好多好細塊切到好薄嘅香蕉，然後再加埋上高嘅阿華田雪糕，同埋朱古力醬，我真係覺得好好味！