嘆撈

营业中

休息中

嚟嘆甜品好多人都係食窩夫😆今次一坐底就見到有張冬日限定嘅menu有心太軟😚係呢期好hit嘅紅絲絨呀🍂.#紅絲絨嘢會心太軟 ($46)😋好味指數：(7/10)可以揀唔同口味嘅雪糕😳當然係十年不變又揀曲奇味🍪舊雪糕雪到勁硬🤣🤣一嚟到見到成舊紅色都幾特別😆仲要好流心添👍🏻個人覺得紅絲絨嘅味道其實有啲似士多啤梨🤔最特別係心太軟入面竟然有2片士多啤梨喺度🍓😱😆

係屯門附近食完飯，當然要滿足一下第二個胃，咁啱搵到依間嘆甜品~ 雖然鋪頭細細地，不過野食嘅種類都叫多，有傳統糖水、新式啲嘅糖水，同埋出哂名嘅窩夫！我地叫咗2個窩夫。焦糖脆脆花生醬甜奶鮮忌廉窩夫，顧名思義，窩夫上面有焦糖脆脆、花生醬同忌廉，仲有雪糕球，首先佢依到啲窩夫外脆內軟，而且係成塊上，啲花生醬夠多夠濃，基本上係可以每一細塊嘅窩夫都可以沾滿花生醬，真係估唔到窩夫同花生醬又幾夾，平時好少食到依種味道嘅窩夫。士多啤梨鮮忌廉窩夫，士多啤梨份量多，真係好滿足。睇得出好有心思，因為每個碟都會有隻用朱古力醬畫嘅貓咪，真係睇得又食得！

景峰越黎越多甜品店，今次就去左朋友介紹嘅呢間嘆甜品，可能係撞正飯後時間去好多人，等左差唔多半粒鐘先有位終於拎到位坐底，本來諗住要叫最近大熱嘅紫薯窩夫，後來發現推出左焙茶甜品系到於是最後叫左焙茶麻糬忌廉窩夫焙茶麻糬忌廉窩夫窩夫外脆內軟而且中間夾雜麻糬煙煙韌韌好有口感，忌廉夠香夠滑，重點係個焙茶醬好出色，焙茶味香但唔會過濃，甜度亦都啱啱好，美中不足嘅係個雪糕食落似雀巢但係焙茶窩夫太好食最後叫多左份哈哈發現原來隻貓次次都畫唔同樣

晚飯過後時間尚早，想食甜品就去井財街，難得去到門口見到唔駛等位，即刻狗衝去食。想試窩夫但又怕太飽，同事推介呢度嘅法式焦糖燉蛋，原來仲配雪糕手，岩晒我同亞女share!好快就有得食，焦糖燉蛋睇得出厚厚一層焦糖，一敲即碎，好治癒，但個人覺得焦糖略多，而燉蛋口感順滑而且味道較淡，一啖食落去重重甜味但就食唔到蛋香，感覺被焦糖完全霸佔味覺。自選雪糕揀左朱古力味，好圓好實淨，配有忌廉同焦糖脆脆，肥到極緻，反正我冇食過呢個雪糕就俾大小姐鯨吞左。食完接近晚上9點，店舖內開始多人幫襯，門口亦開有人等位，奉勸各位想食就要早少少喇。

第一次寫食評 因為實在太差！點解窩夫可以淋到咁？你地食雞蛋仔都會吾期望佢淋過毛巾啦，雞蛋仔賣15蚊都算。 未整熟就拎出來比人食 仲要賣56蚊 好差 好失望 以後吾會再有機會 以為呢到平民地方有好評 會係比較有特色/平食 如果賣咁既價錢 我令願去食甜牙牙仲好。

凍凍天氣， 出去食熱啦啦既甜品❤️呢間有中式，涼粉類的；豆腐花；綿綿冰；心太軟；窩夫等...格雷伯爵心太軟心太軟一切開就流哂出黎， 食落好香的伯爵味帶一些清新感，因內有一些橙皮絲。焙茶麻糬忌廉窩夫窩夫外層好脆好香，碗仔裝著焙茶味的忌廉， 忌廉好香茶味又好滑😍

食完晚飯點可以唔食甜品，屯門朋友介紹呢間食甜品話好好食， 星期五六日非常多人系出邊等位，今次都唔例外，等左差唔多半個鐘，裡面大概有八張枱到，裏面嘅裝修好多貓咪裝飾物，應該係愛貓之貓奴才e間鋪頭細細，但係甜品有好多款式，綠茶心太軟配曲奇雪糕：賣相非常吸引，每隻碟都有專人用朱古力醬畫上貓咪圖案，至於味道方面：我覺得流心比較杰身，每一啖都好似張住個口甘，做唔到好流心既效果，但係綠茶味就幾出眾，另外一個就係正常版朱古力心太軟配朱古力雪糕，心太軟同上面效果一樣，唔夠流心，over了，想鹽朱古力雪糕就幾出色好濃郁嘅朱古力味

自從遇上嘆·甜品後，有機會到屯門的話，一定去嘆甜品打個咭，食個曲奇心太軟，每次都滿有期待咁睇下今次既貓咪係咩模樣？如果胃口不大的朋友，先點個炸燒賣，再配個窩夫或心太軟，絕對能給你一個甜絲絲的晚上。

閒日特登去左呢間係屯門公路旁無咩車到到既地方，同女朋友係市區收工坐58x巴士係紅橋落然後就行天橋到左呢間一直好想試既甜品舖，坐低之後叫左個煙肉芝士撈丁同紫薯窩夫，上得好快，就試左個撈丁先，好香又濃味，唔會好咸好好食。之後個窩夫上到黎哇左聲，擺得好靚之如仲有貓貓（隻貓仲要碟碟都唔一樣）睇住老細畫得好細心。味道一流，啲cream好有紫薯香，仲有紫薯薯片同紫薯粒舖係面，配上曲奇雪榚。個窩夫外脆內軟真係一絕。都想讚賞下啲員工好好人，自己身為屯門人問路去返市中心問佢地點行，全間舖啲人都分別答我，好有禮貌，又前前後後多謝同提你唔好溜野,好好既體驗！

嘆甜品好食好多人都知，不過間舖比較細，成日出面都好多人等位。甜品都算多種類架，而且水準唔錯，所以諗起食甜品都會去呢度。其實有少少原因係我好鍾意呢度碟邊會畫隻貓，仲要碟碟唔同樣，好有心思呀！而家仲出左期間限定嘅焙茶系列，緊係要試下！焙茶沙冰，個cream同野食隻色幾靚，茶味亦算香，飲落口都smooth。焙茶麻糬窩夫配岩鹽雪糕。窩夫即叫即做，所以要等比較耐，但都係值得架。窩夫外脆內軟，加埋入面啲煙韌嘅麻糬，本身已經好食，再加埋焙茶醬，有陣茶味滲出黎，加上有啲松子，好食！

天水圍食完飯之後再去食甜品，朋友住附近話依間好食，手繪貓咪窩夫作為招牌菜，有甜品食又有畫睇，小店外表平凡，但裏面裝修幾特別，全部以貓做主題。牆上掛滿貓咪插畫，貓奴來朝聖吧！抹茶麻薯紅豆忌廉窩夫，窩夫外脆內軟，窩夫內還食到in銀的麻薯，口感很特別，這裏的雪糕也是自家整的，雪糕質地比較硬淨，但雪糕沒有抹茶味道，忌廉非常軟滑無比！唔少得點心太軟，叫左綠茶及阿華田味道，但完全食唔到阿華田味道，兩個心太軟外皮比較硬，但算是流心的

同朋友食飯，點可以唔食甜品呢？😈每次嚟到都要等20分鐘左右，因為鋪頭嘅位唔多，大概有7,8張檯左右..... 但佈置幾靚，好多貓貓嘅裝飾！🐱呢間小店雖然細，但甜品有好多款 😍😍綠茶心太軟配曲奇雪糕：賣相超靚，每隻碟都有專人用朱古力醬畫上貓貓！至於味道方面，我覺得流心比較杰，每一啖都張住個口😅阿華田Oreo心太軟配朱古力雪糕：呢個貓貓公仔畫得好靚！😍味道方面，食唔出有阿華田 & Oreo 味，同平時嘅心太軟無分別！雪糕就非常硬，要用刀切個雪糕😂綠茶麻糬窩夫配綠茶雪糕：窩夫很脆，有紅豆、忌廉、煉奶配搭，正！👍🏻楊枝金露棉棉冰：好少地方有這款棉棉冰食，好透心涼！☺️芋圓：這個不夠凍，所以整體來說是不好吃！😣

都唔知第幾次係嘆甜品度食窩夫啦水準一直都保持到，最喜歡佢哋會喺碟上畫貓貓今次一行五個人，等待時間比較長啊大約等左半個鐘左右不過對我來講好食就得啦見到餐牌有新味道嘅心太軟，有新野食我一定會第一個試啦哈哈 好可惜啊⋯我個人並唔推薦，如果要食可以食返朱古力心太軟 ，完全食唔到阿華田味，只可以話係一個較甜嘅心太軟。而且一般心太軟都係好鬆軟，但係呢個外層好硬，而且好似添加左燕麥好在伴碟有可愛嘅貓貓搭救呢個點樣食都唔會厭～完全做到外脆內軟baileys香濃食到脂肪爆錶都要食！友人們嘅甜品冇影相啊，不過整體來講好滿意

去完活動已經好夜，又唔想食晚飯就去甜品舖搵食啦。自己叫左呢個芒果鮮忌廉窩夫🤗本身我係芒果迷，去親甜品舖都會揀芒果類既甜品🤤上面啲芒果超甜配埋個雪糕好fresh😀個waffle 外脆內軟，唔會好似擺左好耐個啲咁腍。值得一講既係佢地好有心機畫左貓仔做裝飾好掂呀..聽人講仲會次次有唔同圖案喎，勁有心思🤗

同友人食完飯，但又覺得意猶未盡，所以就諗住搵個地方食甜品兼吹下水。去到等咗10分鐘就可以入座，環境乾淨企理但略嫌細咗D同逼。我地一坐低就即刻睇下 menu ，一見到紫薯窩夫，我就毫不考慮點左呢個試下雖然都等得耐耐地，但見到碟邊個畫花就覺得等一陣都值得既，雖然畫花唔食得但果份誠意真係無得頂窩夫好脆，但紫薯先係呢個甜品既靈魂，又香丶又甜丶又滑，勁好食另外，為食既朋友仲叫咗燒賣魚旦，但估唔到既係.....呢個竟然唔係普通既蒸魚旦燒賣！係炸架，再加少少淮鹽，好惹味