喫茶ちょうぼ

营业中

休息中

朋友話想試下 平時好多人排隊 所以就上網訂枱試下佢 結果係強差人意明太子奶油鮮蝦蛋包飯 一上嘅時候佢分開咗個明太子醬同個蛋包飯 問都唔問聲一野𠝹開個蛋一下倒哂成個醬落個飯度 我都未反應得切 相又未影 已經得返個結果 其實 真係咁趕咩？點解唔問下人想倒幾多醬 一係你就一上碟係咁 無謂分開個醬啦 好聽啲係好貼心咁幫你切埋同倒醬 但喺客人角度 完全覺得你分開個醬同飯係多此一舉 一係你就問下人駛唔駛自己嚟啲醬多到浸濕哂個飯 得個䶢字 係有明太字嘅味道 但本身明太子已經有䶢味無須再加咁多鹽吧！！！ 真係䶢到唔想再食多啖 實在太多醬 。。。唯一可讚係個蛋仲係保持嫩滑 蝦嘅份量亦好夠酥炸軟殼蟹塔塔醬漢堡整體係合格嘅 但無驚喜 完全係能憑名稱想像味道 軟殼蟹算係酥脆 個包皮亦做到外脆內軟 醬嘅份量亦適中 的確好過個飯好多 但唔稱得上好味夏水海洋梳打成杯嘢唔知飲緊啲咩 好似分離咗嘅梳打加糖醬 好難飲熱美式咖啡好彩喱杯齋啡中和下個蛋白飯䶢味 好味實在稱唔上 就係普通一杯普通齋啡而已整體嚟講 都唔需要幫襯 朋友話平時好多人排隊 我就話唔排隊都唔駛光顧 至少今餐所有嘢都唔會想令人再次點

第三次幫襯呢間舖頭，第一、第二次因為係一個人嚟，所以被安排坐喺餐廳最後面對着商場牆身嘅座位，不但要同一大班人搭枱，又冇得享受餐廳內嘅靚裝修，不過呢啲都算，始終食物味道算唔錯，所以值得我帶朋友過嚟。.但呢次真係不吐不快！今次嚟嗰陣，樓面總共有四人，四人都比較後生。一嚟我問職員，我坐緊嘅位係咪唔會有其他人過嚟搭枱？我旁邊嘅女職員答我唔會之後，就當住我同朋友嘅面同佢嘅拍檔復述一次我講嘅嘢，但講嘢嘅態度一般。.接下來我同我嘅朋友都因為落單而接觸過呢四位侍應，除咗一個黑頭髮嘅男侍應之外，其餘三個侍應嘅態度比較麻麻，意思係你會感覺到佢哋無論係說話嘅語氣、動作都顯得唔係有用心去serve客，例如有位女侍應將我嘅飲品放咗喺我朋友個位之後就走咗，事前問都唔問，佢放低嗰一刻我即刻話係我嘅，但最終佢都係走咗。好難想像一間喺K11嘅餐廳，職員嘅服務質素竟然咁參差。.不過公平咁講，前兩次我嚟嘅時候絕對唔係咁，如果唔係我今次一定唔會再嚟，所以呢啲都要睇運氣，睇吓好唔好彩遇到一班態度比較好嘅侍應。

一年一度聖誕節又到，又係同朋友聚會食大餐嘅時候，呢度裝修昭和復古風，木傢俬感覺溫暖，今日就同朋友嚟食日式洋食，聖誕開心打卡。初雪芝士蛋包飯 $145芝士汁淋上蛋上，就像蓋上一層初雪。鎅開煎蛋，半熟蛋完美包裹飯同漢堡扒。芝士汁帶少少酸忌廉，味道不會很膩。漢堡扒超厚，有一寸厚，牛肉口感鬆軟，入面有洋蔥粒，好惹味。個飯好夠份量，好滿足。味噌奶油茄子煙肉意粉 $105呢個意粉好有驚喜。首先啲煙肉係炸到香脆，肥膏部份有入口即溶嘅感覺，鹹香十足，每條意粉都均勻沾上味噌奶油，creamy，加上燒茄子好香。烤焗味噌奶油杏鮑菇 $38 味噌味道突出，配合淡口杏鮑菇 ，很配合。醇厚清酒煮雙貝鍋配香草薯條 $185藍青口加上大蜆配上醇厚清酒醬汁加上少少黑椒，真係好鮮甜。香脆薯條無論蘸茄汁還是清酒醬汁同樣滋味。和栗栗子布甸喫茶盛盒 $123打卡一流，手機食先，充滿冬天嘅感覺。栗子蓉香滑，栗子粉糯香甜，蛋糕鬆軟，布甸嫩滑，忌廉重奶香，白玉充滿米香，呢個甜品口感實在太豐富。寒冬甘栗咖啡 $68凍冰冰咖啡加上香甜栗子蓉，朋友很喜歡。焙茶牛乳 $45焙茶香氣突出，加上香滑牛乳，好好飲。

從沒想過K11 有這麼的一家喫茶店，裝潢真日系風格~ 真的令你置身日本似的~無論燈光及座位都相當有格調的一家店適逢秋天~ 蟹蟹蟹的季節又到了~ 所以今次同友人點了以下餐點~1/ 秋夕山梨桃刨冰 HK$68 送飲品 蜜瓜梳打2/ 黃咖哩白露蟹肉蛋包飯 HK$1653/ 棉花糖朱古力多士 HK$761/ 秋夕山梨桃刨冰 HK$68 送飲品 蜜瓜梳打這個刨冰採用了有「日本水蜜桃之鄉」美譽之山梨桃 ，桃味不算特甜的那種~ 桃肉果汁含量多，入口有融化感。冰粒方面顆粒感重，個人喜歡可以再幼細一點點的冰但總括來說都不錯~ 淋上冰上的桃汁可以多一點點就好了~ 因為吃到一半~ 就是沒汁只有冰 (笑)蜜瓜梳打~ 就是一般喫茶店的出品~ 但不知道為何沉在底的那份糖漿總之攪拌不能~2/ 黃咖哩白露蟹肉蛋包飯 HK$165這個絕對推介~ 首先份量方面，真的超大份~ 蟹肉份量都算多~蛋包飯的部份亦做得相當出色一切下去~ 是微微流心~ 但不是全熟的那種~ 味道不錯~ 還有碟邊的沙律菜都相當新鮮黃咖哩與這個蛋包飯味道相當之夾~ 三文魚子亦是新鮮~ 並沒有覺得是腥的感覺~味道份量全都好好~ 真的100分!!!3/ 棉花

在這次的美食探險中，我有幸品嚐到幾道令人驚艷的菜式，首先是和牛漢堡。這款漢堡的肉質鮮嫩，油脂分佈均勻，咬下去瞬間釋放出濃郁的肉香，搭配新鮮生菜和特製醬汁，每一口都讓人陶醉。漢堡的包子外皮鬆軟，恰到好處，完美包裹著內餡。接著是泡菜肉醬意粉，這道菜的風味獨特，肉醬香氣撲鼻，泡菜的酸辣恰到好處，為意粉增添了層次感。意粉煮得恰到好處，口感滑順，與肉醬的結合讓人忍不住多吃幾口，回味無窮。餐後，我選擇了草莓沙冰和季節限定的日本柿沙冰。草莓沙冰清新可口，甜而不膩，十分解渴。而日本柿沙冰則帶來了不同的風味，柿子的天然甜味與細膩口感，讓我感受到秋天的氣息，令人心情愉悅。餐廳的環境整體十分舒適，適合聚會或約會。不過，稍微有些嘈吵，可能是因為顧客較多，影響了用餐的氛圍。總的來說，這是一個值得一試的地方，菜品的品質讓人印象深刻，期待下次再來探索更多美味！

平日行K11, 諗住食餐下午茶, 見到依間裝修設計同埋幾新淨吸引到入去，點知….. 🤣🤣🤣初初入去有個哥哥仔叫我哋坐低，咁坐低後就已經冇人再Serv呀，跟住嗌同一個哥哥仔有冇tea set, 但佢好似唔知咁，咁我都冇怪佢，可能佢炒散或者新做掛，跟住都俾到個下午茶Menu我哋，之後咁睇啱就叫啦，咁開始就冇人應，見到咗一個應該經理嘅反方向行咗去，咁佢去到第四時間先過嚟時，我哋已經少少怒氣下離開了😂😂 但果日係平日，其實餐廳得一成人，我都唔知佢哋忙啲咩…

餐廳環境走和式昭和風格最近秋冬出咗以蟹🦀為主題嘅美食每款都超多蟹肉🤩如果鍾意食蟹真係唔可以錯過呀既打卡又好食 難怪經常大排長龍盛宴蟹黃鱈魚蟹肉意沙粉用上闊意粉，口感Q彈，掛醬度高，而且蟹黃鱈魚味濃。啖啖都食到鮮甜嘅蟹肉。焦糖洋鳥取和牛漢堡配薯條和牛漢堡厚厚的，肉質細軟，入口即溶，配上甜甜地嘅醬汁好正，粗薯條外脆內軟。和風北海道松茶蟹肉沙律面層超多蟹肉，中層有薯蓉，底層係沙律🥗菜。沙律清新爽口，蟹肉鮮嫩。金時甜薯焦糖布甸盛合布甸🍮蛋味濃，而且入口順滑細膩，仲配有焦糖紫薯，秋冬味濃，好打卡呀。二蕃甜薯牛乳揀左凍飲，口感綿密滑順，甜薯香甜可口。焙茶牛乳牛乳滑順，焙茶唔會好苦澀。

每次經過都想入去嘅𝓬𝓪𝓯𝓮（^o^）店面充滿日系復古風 配上木系餐桌 處處打卡位本以為走偶像派路線 點知食物都有水準 ´∇`𝑴𝒆𝒏𝒖不定期更新 秋日蟹季亦有多款限定菜式雖然無叫招牌蛋包飯 但其他主食都足以證明水準.✿ 和風北海道松葉蟹肉沙律 $82.✿ 盛宴蟹黃鱈魚蟹肉意粉 $145意粉集合蟹肉蟹黃蟹籽 果然係蟹味盛宴 超滿足.✿ 焦糖洋蔥鳥取和牛漢堡配薯條 $115和牛漢堡勁厚身 牛味香濃 肉質鬆軟 頗有驚喜！.✿ 甜品｜金時甜薯焦糖布甸盛合 $122✿ 特飲｜秋茗柿橘沙冰 $68｜二蕃甜薯牛乳 $58甜品飲品賣相吸晴(◕ᴗ◕✿)蕃薯甜柿系列秋意濃濃必點日式布甸 香滑有蛋香 擺盤都好加分啊～

同朋友黎到尖沙咀K11食lunch，日式洋食屋「喫茶ちょうぼ」。踏入秋季佢哋都推出左一系列嗰秋季限定菜式。食左當中幾款秋季限定新菜式，食物味道依然令人滿意。當中有秋季當造嘅各款蟹肉料理，好吸引！前菜先有和風北海道松葉蟹肉沙律。呢個沙律已經好出色！入面有慷慨嘅松葉蟹肉，鮮甜無比！配搭新鮮沙律菜同日式薯仔沙律。薯仔沙律好好味！好香口，薯仔口感亦好綿滑！主菜點左個盛宴蟹黃鱈場蟹肉意粉。呢個蟹肉意粉真係好好味！唔單止有好多蟹肉同蟹子，佢個蟹黃意粉sauce都好creamy，而且好重蟹黃鮮，每條意粉都掛滿蟹肉蟹子同蟹黃醬，大滿足！另一款主菜係焦糖洋蔥鳥取和牛漢堡配薯條。漢堡配料都好簡單，焦糖洋蔥、厚身和牛漢堡扒同芝士。但係嗰塊和牛漢堡好juicy亦好重牛味！焦糖洋蔥好加分！個麵包都烘得好脆，唔錯！甜品係秋季限定嘅金時甜薯焦糖布甸盛合。賣相好靚，充滿秋日氛圍！除左主角焦糖布甸之外，仲有燒甜薯同新鮮柿作配搭，蕃薯表面係脆脆嘅焦糖面，甜薯本身已經好甜同好綿！柿果肉好軟好清甜。焦糖布甸夠滑溜有雲呢拿香同淡淡蛋香。呢度嘅特色飲品選擇亦好多！秋季限定嘅秋茗柿橘沙冰。飲得出係用新鮮柿打出黎嘅沙冰，好天然好清甜

🍽️位於尖沙咀K11嘅喫茶ちょうぼ以昭和時代為主題，除咗環境靚之外，食物擺盤精緻，質素仲好高😳✨🦀盛宴蟹黃鱈魚蟹肉意粉🍝黃鱈魚同蟹肉嘅份量勁多，蟹黃濃郁，攪混一齊食真係好滋味😋推薦❗️✨🍟焦糖洋鳥取和牛漢堡配薯條🍔和牛漢堡勁厚身，入面肉質仲幾juicy，配埋香脆嘅即炸薯條，真係好滿足✨🦀和風北海道松葉蟹肉沙律🥗蟹肉味道鮮甜，沙律餡料仲勁豐富，有薯仔沙律、糖心蛋、沙律菜等，非常開胃❗️✨金時甜薯焦糖布甸盛合🍮呢個甜品擺盤好似藝術品一樣😍真係勁有feel❗️布甸口感滑溜；甜薯上面有層香脆焦糖，都幾搭配😛✨紅豆牛乳🥛✨白桃梳打🍹

今日終於喺尖沙咀K11試一間我想試好耐嘅日式昭和風cafe喫茶ちょうぼ，今日天氣涼咗少少，餐廳又做緊一個用蟹做主題嘅秋季料理，加埋餐廳嘅裝修真係好靚，就用秋季料理嚟做我哋嘅晚餐啦😍餐廳安排咗個卡位俾我哋坐，好舒服。不得不提就係本menu好靚，好有日式漫畫嘅感覺😊🌟焙茶麻薯沙冰焙茶沙冰除咗有麻薯之外，仲有少少奶蓋喺上面，整體味道唔錯，都唔會好甜，推介👍🌟特上焙茶一整壺既焙茶襯返日式嘅餐廳環境，另有一番風味😍🌟和風北海道松茶蟹肉沙律賣相好特別，沙律用一個小壺上，裏面有好多蟹肉之外，仲有薯蓉，新鮮嘅沙律菜同埋原隻糖心蛋，味道又唔錯喎😆🌟盛宴蟹黃鱈場蟹肉意沙粉 唔係講笑，呢個真係好好食，蟹黃好足料而且啲蟹肉好多，一梳梳，意粉又夠熱，呢個100分🥰🌟焦糖洋葱鳥取和牛漢堡配薯條 日式嘅漢堡扒配咗焦糖洋蔥，好出色，我覺得個麵包質素都唔錯，成個配搭好日係，好精美，我好鍾意🥰🌟金時甜薯焦糖布甸盛合呢個甜品上枱嗰時，我覺得成個秋天嘅感覺出曬嚟😂😂好似有隻松鼠喺個黃葉樹林裏面搵緊果仁，賣相真係好鬼靚。講返食材，除咗個好好味嘅布甸之外，個甜薯有焦糖喺上面，好好味，仲有啲餅碎，糖漬栗子同啲果仁都好新鮮，加埋個新

周末過左黎尖咀K111/F喫茶 日式昭和風餐廳，見到出左秋日限定餐單，主打蟹肉給秋天限定食材 柿盛宴蟹黃鱈魚蟹肉意粉選用扁意粉，蟹肉份量好多啖啖肉，蟹膏滿滿沾滿扁意粉，挺入味焦糖洋蔥鳥取和牛漢堡配薯條漢堡包半溶cheese 再加甜甜焦糖洋蔥汁都幾好味金時甜薯焦糖布甸盛合布甸香滑，配當季栗子、甜薯同柿秋天食材仲有楓葉作裝飾，勁有秋意和風北海道松葉蟹肉沙律滿滿蟹肉仲有溏心蛋同薯仔二番甜薯牛乳＄58香滑唔太甜有紫薯顆粒秋茗柿橘沙冰 $68味道香甜有橘子清香

放工早左完成project，同事帶我去食個飯，唔錯呀🥳🍝盛宴蟹黃鱈場蟹肉意粉：呢個時節就係食蟹嘅好時節嚕🦀條條意粉好多蟹黃鱈場蟹肉🍝啖啖都充滿住濃郁嘅蟹黃味道🤤🍔焦糖洋蔥烏取和牛漢堡配薯條：好喜歡食日本嘅和牛漢堡🐃煎完個和諧牛漢堡一樣咁多汁呀💯側邊仲放左一堆超香脆嘅薯條添🍟好味道👅🥗和風北海道松葉蟹肉沙律：有多松葉蟹肉呀✅撈埋佢地一齊食真係超幸福呢🥳🍮金時甜薯焦糖布甸盛合：賣相靚到好似一幅畫🍁除咗滑嘟嘟嘅布旬之外😍仲有原粒栗子添🌰🍹秋茗柿橘沙冰：時令飲品🍁好啱呢個乾燥嘅時候飲呀☘️柿橘做成沙𣲙🍊真材實料✔️係真實嘅清甜味呀🥳和🥛紅豆牛乳：紅豆控必點呢個紅豆牛乳🫘紅豆夠林👍配埋牛乳就啱啱好啦😍

最近真係食咗好多蟹！不過嚟到choubo都係決定要試吓佢個秋天特色Menu-盛宴蟹黃鱈魚蟹肉意粉 呢個係我最推介超級多蟹肉同埋好黃金色食落好香濃嘅蟹肉同埋蟹膏味加埋蟹籽有唔同嘅口感-焦糖洋鳥取和牛漢堡配薯條 嚟緊會去鳥取我就率先喺香港試咗佢哋嘅和牛用上和牛做嘅漢堡扒特別嫩滑多汁好重嘅牛香味薯條都炸得好鬆脆！-和風北海道松茶蟹肉沙律 想再食多啲蟹？可以試呢個北海道松葉蟹做成嘅沙律入邊仲有半熟蛋可以吸取均衡營養！-金時甜薯焦糖布甸盛合 秋天嘅Menu仲有呢個特別啲嘅甜品有齊番薯，橙紅色嘅甜橘布甸，栗子等等成碟甜品味道都好豐富

盛宴蟹黃鱈魚蟹肉意粉 🍝超超超級多蟹粉啖啖都有蟹肉，鱈魚一粒粒口感好好，撈意粉簡直一絕，食蟹季節必食的。焦糖洋鳥取和牛漢堡配薯條🍔牛肉厚身不特止仲滿滿肉汁，加埋芝士真心好味😋麵包好鬆軟，薯條炸得好脆口。和風北海道松茶蟹肉沙律🥗好多蟹肉🤩仲有隻蛋添，清新健康。金時甜薯焦糖布甸盛合🍮好豐富嘅甜品，有我最鍾意焦糖布甸，有焦糖番薯、栗子、杏仁、仲有個柿，樣樣都好正，好有秋意🍁二番甜薯牛乳🥤靚到唔捨得飲，啖啖都飲到紫薯，好特別嘅一杯飲品。抹茶麻糬沙冰🥤唔使講抹茶係主角，濃濃的好香甜的一杯。