喜鳳冰室

营业中

休息中

📍 喜鳳冰室 - 油麻地係繁華既油麻地入面揾好西🤭下午茶之選✨西多士🥪厚切豬扒🥩咖央多士🧀✨勁蔥厚豬扒飯個蔥油飯真係好香口，塊豬扒新鮮即炸，熱辣辣又卜卜脆，食落仲好juicy👍✨厚切牛𦟌手工麵牛肉湯富香濃惹味花椒、八角香，富油脂，口感厚滑。最愛其牛肉，用上厚切牛𦟌，燜稔，入味。配爽彈既手工麵條一流🫶🏻✨咖央鮮油多士上台就見到超厚嘅牛油同咖央，多士烤到金黃色脆卜卜，配上半溶嘅牛油，食落好滋味又邪惡👿✨生炸雞髀配薯條新鮮熱焫、金黃香脆的炸雞髀，皮脆肉嫩，應該沒有人可以抗拒這種港式美食。炸雞髀份量十足，外脆多汁。配熱辣辣嘅炸薯條🍟正🐔✨花生醬西多士滿滿的罪惡感！吐司炸到酥酥脆脆，一切開就有爆漿花生醬不斷湧出，超級療癒🥜好好吃的花生熔岩西多士！✨ 鹹檸檬七喜鹹檸七是香港道地的飲品，把鹽巴醃漬的檸檬加上七喜汽水，組合成甜甜鹹鹹的飲料🥤

這家茶餐廳的食物真是非常好味！我品嚐了他們的招牌菜，包括美味的西多士、鮮嫩的牛腱麵和香氣四溢的臘味糯米飯。西多士裡面搭配了濃郁的花生醬，結合了麵包的酥脆和花生的香甜，味道配搭好好。牛腱麵的湯頭濃郁，牛腱肉鮮嫩多汁，每一口都能感受到滿滿的滋味。臘味糯米飯則散發著誘人的香氣，每一顆糯米飯都融合了豐富的臘味風味，入口鮮美。環境都好好，地點方便，又坐得舒服。總的來說，這家茶餐廳的食物絕對讓人驚艷，值得一試！

地點比較隔涉、環境簡陋、地方細座位少，勝在分隔得遠，算舒服。茶餐廳或冰室一般嘅服務態度，相信大家大概知道，唔好期望依度店員姨姨會有禮貌咁同你講多兩句，或者送你一個笑容。（比錢個陣有講多謝嘅～)食物方面 - 早餐仿鮑絲火腿湯米跟餐炒蛋多士：湯底應該用味精嘅，估唔到有少少雞味，偏咸。鮑絲火腿份量適中，加條菜心扮健康調下色，幾有趣。米粉夠多，但好似就咁用滾水焯熟就上碗嘅半生粉，整體味道唔好幻想係好食。多士係一朝早烘完，隔咗幾個鐘灘凍變濕淋包，食海棉一樣。炒蛋面層有丁點蛋漿流出，但中間係實心炒老蛋，唔熱唔凍之間。廚師完全無落鹽去炒，食到蛋香味加少少過火煎香味，都唔知話佢好食定難食。感覺奇怪。總結：趕時間快食最佳選擇，快落單即上，3分鐘到餐。不過，好唔好食就因人而異。

今日心血來潮想食西多士，去左隔離冰室lunch+下午茶。首先2個主餐。朋友食無骨海南雞伴油飯，撈醬汁好好味。我的是炸雞翼薯條，脆卜卜雞翼加肥身薯條，熱辣辣，夠香口，再搭配小小蔬菜沙律醬，正正。再來是原味紅豆冰及咖啡紅豆冰，咖啡味味道不夠濃味，還是比較喜歡原味，兩杯紅豆份量好充足，甜甜的又有口感。最後不小得嘅法式西多士，里面是厚厚的花生醬，外面炸的金黃香脆。溶化了的牛油加上大份量的蜜糖，切左的样子十分吸引，吃起來更是大滿足呢！

到油麻地果欄及油麻地戲院附近，順道光顧這具有人情味的小店。點了兩份午餐，分別埋手剁肉餅飯及魚柳焗飯。肉餅是人手制作，吃起來特別具有口感，魚柳焗飯的魚柳是經過炸過的，與一般連鎖店的也是有所不同。這小店是在油麻地既老字號，在香港也是買少見少了。

一連兩個星期日都有大型活動，我梗係要食飽啲先出發，落到街喺度諗有咩茶餐廳好食，男朋友提議不如試吓呢間冰室，於是乎就入咗去試一試大概2:00時間都爆，都有卡位坐。但係午餐既餐單就麻麻，不過我睇佢啲常餐就真係真心唔抵，成$50所以我都係叫返午餐嘅炒公仔麵等左10分鐘左右就有得食，麵質比較硬，我覺得呢啲質感嘅公仔麵好好食，但係就有啲鹹，而且配料都相對地少，可能同埋隔離枱一齊炒，唔夠均勻，不過都未至於難食，明明叫咗熱檸水佢幫我落咗凍檸水，咁就算啦都要飲埋佢，費事又彈返入廚房浪費左，反而最好飲嘅係佢碗湯仲要係霸王花湯。。。 總括來說，如果一心要山長水遠過嚟食我就唔建議啦⋯⋯

Great small restaurant. There is an English menu for foreigners. We had breakfast which was delicious. I recommend the pineapple bun sandwich with egg tomato and ice butter. Everything comes with coffee or tea (hot or cold). No Wi-Fi, but we didn’t need it

是日到油麻地睇廚具同埋行果欄🍏🍎🍐行完下晝5點幾，好肚餓喇～友人想食西多士，路經喜鳳冰室，見都幾多人食，而且入面d香港風情壁畫幾得意，就入去試下啦！友人叫左個下午茶餐，炸脾配迷你西多～炸脾熱辣辣，雞肉嫩滑但略嫌有少許乾身～迷你西多都好香口，但友人好想要有花生醬而佢係冇既我叫左蔥花餐肉蛋厚多士～圖文不符呢餐牌上的餐肉蛋飽滿好多～～～～其實味道不差，炒得唔錯，同厚多士都好夾，但係d餡太削喇。希望下次再去食d餡同餐牌張圖一樣咁飽滿啦！

星期六放假，起身已經差不多11點。11點先黎揾早餐，點知又比我揾到喎普通一間茶記，沒有太多要求，為求有野落下肚就算。點知，冇要求返而有驚喜牆上壁畫其實好靚，仲介紹左香港茶記既特式美食 望返個餐牌先。除左一般既A, B, C餐，仲有佢地喜鳳推介，都係包飲品，就即官試下。喜鳳碎蛋治$31呢個蛋治都唔錯。薄薄既麵包弄至金黃色，夾著多樣饀料，有碎，蛋沙律，火腿和少量生菜絲。吃起上黎有層次感。只是早餐我還是愛吃熱辣辣的食物。中間既蛋沙律饀料，凍了一點，使這個美食大打折扣。喜鳳脆豬皇$31超好食個包外脆內軟，面層舖滿肉丁、蛋、蔥和芫茜。五香肉丁大大粒，啲汁混入滑留留，熱辣辣既炒蛋，肉汁加蛋汁再完全流晒落個包到，個包又有肉香又有蛋香，好食得很奶茶一般，夠熱，但沒有有我最愛既苦澀味。未食完已經諗緊下次食乜好了

本來決定去油麻地某一個出名既爺爺嗰度食嘢經過依間舖頭時見到裡面都多人,可能都有啲料到喎,就食依間先啦,下次先打擾爺爺~入到去,卡位已經坐滿,圓枱比較逼夾,不過無計啦直接叫咗個炒肉丁飯,特飲加6蚊,紅豆冰再另加2蚊,total加八蚊, 尚算抵玩.紅豆冰好似即沖咁,話咁快就出.竟然唔提供粗飲管,就好似食中餐唔俾筷子一樣,我覺得應該立法規管~另外,紅豆煲唔夠,仲係好硬淨.亦都因為粒粒分明,完全唔“粉”,紅豆融入唔到咖啡,純粹係紅豆格硬加入咖啡,味道係咖啡加冰水加紅豆,非常分明.肉丁炒飯就好好多,起碼夠晒熱,夠香口.其中一啖仲有未炒融晒既肉丁肥膏,係我眼中係神來一炒,果啖真係要用香醇嚟形容,其他不快即時煙消雲散.埋單嗰陣同侍應反映紅豆硬掘掘,佢都欣然接受並且話會跟進.雖然整體離滿意尚遠,但期待進步.

落足成日雨, 收工經過見呢間野ok企理就入去試下啦..坐低叫左個焗飯再上網睇下comment, 大鑊! 有兩個負評! 不過都冇計, 叫左唯有食埋, 即管睇下點.我坐圓枱搭枱, 一路見樓面同d客有講有笑, 都幾warm, 應該係熟客啦, 我地呢d生客咪四週圍望下, 牆身有幅手繪又幾得意(後尾先知係店主成個家族! 連家中寵物都畫埋! 又幾搞笑).突然間收銀姨姨走嚟叫我比把遮個幫我keep住, 等我食得舒服d..嘩茶記有呢d細心...到上焗飯, 之前有comment話佢酸, 咁我又特登食左先, 冇吖, 好正常呀! 要提一提, 個焗飯真係好出色, 好好味!凍OT, 唔混瀆茶色好靚!比錢時問姨姨拎番把遮, 同佢講你舖頭比人負評喎, 佢話呢區競爭越來越大, 都冇計.哦! 明晒!有下次呀呢間!

早餐叫外賣，等咗好耐就自然會打去問吓，竟然換來整緊，唔係好耐之嘛，之後cut線😡其實好唔好食已經其次，咁嘅服務態度，根本唔值得再幫襯。其實咁唔想做，咪講明唔做外賣，無人會話你。又要做又要發老脾，就算吧啦😡

見網上正評較多，原來又係一伏店入店睇完餐牌落order,到早餐黎到發現落單伙記寫錯,上餐果個唔知頭唔知路就話你冇講,一路行去廚房一路話你講錯,伙記自己落錯要食客受氣？我即場好多個黑人問號因坐近收銀枱既關係，連收銀果位聽到都要講番唔好意思，果種態度未食已經要你受氣因我食既時間是早上，叫了經典早餐火腿通粉-湯得咸味,火腿(酸)可能夏天少少變壞蛋-正常麵包-正常總結: 連最基本既禮拜都冇,睇怕都好難經營得長久

因為住喺附近，黎食過兩次，一次晚餐一次午餐。環境乾淨舒服，服務亦好，唯獨食物令人失望。第一次食北菇蒸雞，雞有一半都係無肉的頸/背，靠d汁先餸到碗飯。第二次食咖哩雞，由於係斬件雞唔係雞扒，部位同樣係果d無肉位，而最大問題係d雞骨/碎骨撈埋落d汁，食到好唔放心，未食過出面d咖哩雞係斬雞，雞殼d 碎骨同內臟仲清晰可見，而且d雞係完全完全無雞味。食完呢兩次之後，真心失望，我地唔會再去啦，都係行多個街口去舊式茶餐廳穩陣d.

今日同老豆出旺角食飯，原本都諗住食大家樂大快活搞掂佢，但途經一間叫喜鳳冰室野，覺得裏面都幾多人幫襯，應該都唔差得去邊，所以入左去。因為想食得清清地，我地叫左一條清蒸海斑同梅菜蒸肉餅飯。對嗰條清蒸海斑，老豆有以下評價：《我覺得條魚蒸得火喉岩岩好，魚肉剛剛離骨，d薑蔥夠多，豉油唔會咸，出去酒樓食呢條魚應該要$138，呢度$108連湯連飯連野飲，幾唔錯。》對嗰碟梅菜蒸肉餅，老豆又有以下評價：《我覺得呢道菜煮出80年代既感覺，當時我就係食呢d。佢d豬肉係真係用手剁，唔係用機攪，攪到一餅餅好似粉漿咁，呢個好有口感。》呢間餐廳令我有喜出望外既感覺，如果平時同差唔多年紀既人揾食，應該一眼都唔會望呢間餐廳。老豆俾既評價，我明，我真係明。我係度諗，畢竟我都開始大，開始體會到珍饈百味都比唔上一味家常菜更令人回味。