喜運星酒家 (已結業)

幾個人打完波，想食餐好嘢。唔想再去食雲吞麫，决定過隔離南華會中菜部食返餐好的。其實，我之前同其他朋友都黎過喜運星，呢間中菜的食物質素唔錯，又唔收加一。唔使行出去銅鑼灣的商場咁遠，仲未必好食。 當晚我地點咗4餸1湯，我就較偏愛以下幾款金沙脆吊片真係我的至愛。吊片表面的咸蛋入口即溶，又香又滑，再加埋吊片的爽脆質感，真係好想叫多碗飯來送多幾舊(食完再減肥)。雞脆皮蒜香燒雞。呢隻雞得，皮脆肉滑又入味，我地個個都讚。之前果次我地食片皮鴨好正，估唔到隻雞一樣咁好食，雞肉好嫩，，皮薄薄脆脆，唔錯唔錯。個唐生菜用啫啫煲上，熱辣辣。加上香濃惹味的馬介休，一上枱已香氣撲鼻，我地個個都爭著夾，唔使一個回合已掃清。(笑)甜品是即製木桶豆腐花，好滑好香，有薑汁和黄糖任你選擇，我揀咗薑汁，好正，好夠薑味，甜度適中。 我地一路食一個細說當年，可能這裏的環境好舒適，不知不覺坐到人家打羊添。

家姐同爸爸媽咪放假過開銅鑼灣買野，順便接埋我放工一齊食飯。問我食咩好，咁我記得有次同公司同事食過喜運星飲茶唔錯，見佢都唔少報章雜誌話ok，咁就試下佢個晚飯。一個平平無奇的金銀蒜香蒸勝瓜，估唔到都幾好食，勝瓜唔會太硬，但又唔會太林而冇晒咬口，金銀蒜好香好惹味，yum yum yum! 呢個香菇荔芋蒸肉餅又係今晚得意之作，芋頭夠粉又夠入味，同香菇的口感互相配搭，幾好，係鹹少少，所以大家都叫左白飯來送，咁就真係唔錯laa! 另外，我地看到餐牌上的食評推介有我最鍾意的咕嚕肉但個餸名係拔絲咕嚕肉，就點了一個。咕嚕肉我就食得多，唔知拔絲同一般的有mud分別。當傳菜阿姐送上這度菜時，一開蓋我地已聞到醒胃的酸甜味，我即刻夾翻件先，一夾起便看到個汁一絲絲，食落口外脆內軟；還有那絲絲的酸甜汁，口感一流。我一個人食一碟都唔嫌多。 仲有，見到左右隔黎枱d人都叫杏仁燉白肺，咁我地都叫左一窩。奶白色的濃湯有杏仁的香味， 白肺入口溶化，覺得好滋潤。媽咪話佢見到隔離台有人叫咗一大底馬拉糕，又想試吓，為左留肚食個馬拉糕，所以唔叫太多餸。馬拉糕又真係唔錯喎! 又香又軟綿綿。 走時見到其他枱的人食片皮鴨食得好開心，下次來可

行過7仔買左本港飲港食，介紹喜運星酒家，見到好似幾好食。上佢facebook fan page 仲有特價e coupon，決定去試下。個片皮鴨真係唔錯，正如個介紹咁講，皮脆多汁。加上係正我地側邊片皮，聞到陣陣的鴨香，印到我地流哂口水，師傳手起刀落，三兩下散手就將隻鴨片好皮。原來唔止隻鴨，連d 包住鴨片的麫粉皮都好好食，夠乾身又唔會chi埋一堆，仲有淡淡麥香tim。 二食我地選了生菜包鴨鬆，這裏的鴨鬆好特別有陣陣的炭燒香味，我地以前都未試過。 跟住個杏仁燉白肺湯就真係頂瓜瓜。其實出面街都有得飲，不過呢碗就認真係我自出娘胎以來飲過最好飲的，d 湯好濃，個湯好香杏仁味之餘，的白肺又好軟滑。飲完之後感覺好潤，真係好好飲arrrrrrrrrrrrrrrrrrrrrrrrrrrrrr! 一晚飲唔到兩個湯，等我再來試埋佢個蛇羹先! P.S.果晚我地仲叫左漁家粟米魚塊、清炒西蘭花同一個福建炒飯，都好有水準，份量又夠。 最後，叫左個楊枝甘露做甜品，好味又足料，好滿足的一個晚餐。

試過嶺南會所和上海鷺鷺以後, 我和我家人還有我外婆一行人根據我媽咪的提議, 來到新裝修的喜運星酒家來慶祝我媽咪的生日(和感謝我外婆的努苦功高!). 喜運星酒家是南華會的中菜廳, 地理位置對駕駛人士相當有利, 方便我外婆出入. 內在環境不見得特別的華麗, 反而較平凡踏實. 整體來說, 令我和我家人最為失望的莫過於食物整體也不太新鮮. 很多道菜也放涼了才"上枱", 等候時間已不短, 再加上食物不是熱辣辣的放入口中, 又怎樣令人食得安心呢? 聽聞原因是廚房的位置為地庫, 所以每次上菜也需要侍應上落樓梯往返廚房和客人, 非常的不方便. 不但食物的品質會隨之然下降, 對侍應的安全和效率也有一定的影響. 我建議喜運星酒家對這方面研究和改善! 此外, 食物整體也較為普通, 中規中距, 沒有特別的新鮮感.. 我和我家人對整餐飯最為滿意的是杏仁燉白肺! 那杏香和入口溶化的白肺和菜膽非常清甜提神! 其實因為我很喜歡"杏仁胡", 所以只要和杏仁有關的食材我也會欣然接受最後, 我絕對不建議大家點西煎窩貼蝦和芝士局海鮮伊麵. 兩者也較為強差人意, 可能加上放涼了的關係, 令它們更難入口. 晚飯是不太值得再來

it was supposed to be a harmony family dinner, however, one of my family members, his finger was cut by the shell of scallop... well, his mistaking force by pushing the scallop out of its shell, at the same time, the shape of the shell was 'imcompleted' that it was shallow on a side...fortunately the staffs here are very helpful, giving us lots of cares and helping hands...back to the dinner, we had ordered the famous peking duck which serves with pancakes. It is prized for the thin and little m

全家出動一齊食飯的日子真的很少，為左就返退左休的媽媽，同埋搵個唔使响銅鑼灣排成個幾鐘先有車位的酒樓，我地去左媽媽平時飲開茶南華會中菜 - 喜運星酒家。媽媽响度飲開茶，同個經理mimi姐friend過打band，有頭有面，就叫佢幫我地寫左個2888食到8個人捧住個肚走的團年飯。脆皮燒鵝皇就好似個名咁，皮脆肉嫩，簡直係極品， 咬開仲有暖的汁滴出來!!!好彩有個好似萬凰之王套劇入面個伊蘭咁話一就一的媽媽堅持要叫呢味，唔係我就走寶la!蟲草花鮑魚螺頭炖雞潤一潤，鮑魚唔會硬，飲返碗血氣運行，紅光滿面，阿妹最鐘意。上湯牛油焗中蝦配香煎脆米蝦鮮甜，再加埋己滲透蝦汁的脆米粉响底，又脆口又鮮 味，真係要好似天才小廚師個味皇咁，噴住火咁講：好味ar!!!!!鮮竹羅漢石榴果睇呢味菜就知mimi姐有幾了解媽媽，過年過節一定要食返味齋。mimi姐就提議左呢味，最特別是好似錢包咁漲卜卜，睇到媽媽好滿意個樣，就知佢有幾Like!金沙滋味桶蠔睇圖就知，隻手都唔能夠遮蠔 (笑)，入口即溶的美味鹹蛋黃融化在口中，簡直就有”此味只應天上有”的幻覺。大斑兩味1. 蘭度炒鮮斑球一味好standard的魚類菜式，估唔到咁好味。首

公司安排食團年飯，見到南華會中菜廳有個唔錯的年夜飯menu，有乳豬有蟹拑有翅，經過全公司36個人投票，今年選擇了這裡。有大食大，老闆一年最豪呢一次，擺左三圍，我地點了個”富貴鮑魚展翅宴”鴻運乳豬全體發財好市瑤柱甫 富貴鳳仙襯玉帶黃金百花脆蟹拑 鴻圖大展翅鮑汁扣原隻鮑魚鵝掌清蒸沙巴海虎斑喜運脆皮燒雞 金銀四寶炒飯上湯鮮蝦水餃鴻運慶團圓 / 笑口常開其中幾味我根據個人喜好，作出特別推介清蒸沙巴海虎斑：魚好大條，師傅掌握火候十分了得，厚厚的魚肉沒有一點未熟，但同時也沒有過熟的”鞋”同”韌”，蒸魚豉油配合上爽口的魚肉，好食!鴻運乳豬全體：真的是誠意之作，皮脆不硬，少肥膏，仲帶一點入味的瘦肉底，上桌時仲有暖意，真係冇得彈! 喜運脆皮燒雞：唔止層脆皮夠味，連嫩滑的雞肉都相當入味，佢雞肉的質感.....令我覺得有食新鮮雞的口感，yummy yummy!!黃金百花脆蟹拑：選這菜式作特別推介我有點私心，因為我在細個去親戚結婚一定有百花釀蟹拑食，不過而家越來越細隻，亦越來越走樣。今次令我記返以前細個食的好味炸釀蟹拑，呢隻蟹拑唔係一堆蝦膠堆响蟹拑個殼上面，係有一舊大大舊的蟹拑肉响中間，再加上彈牙可口的蝦膠!

前排網上團購有個”$459四人蛇宴”，冬天又有啲想食蛇，又見佢話由1180減到459，即係一人都係百零蚊，有蛇食仲有羊腩煲、糯米飯喎! 其實我上次來食過家常小菜，今次見佢出團購，買咗３張同班朋友一齊去食。菜式如下其實我個重點係來食蛇，所以個蛇我好重視。好彩冇令我失望，有唔錯既水平，蛇羹唔會水汪汪，有食得出有嚼口的蛇肉絲，當然有算粗的鮑魚絲，啲湯好鮮味，食完成身暖笠笠，整體令人滿意，的確有水準。值得一讚。鵝掌ok，拍得住同平時去飲宴的質素，鵝掌夠入味，亦都係一咬即脫骨。不過我想再懶dd，如果可以鵝掌都冇骨就好喇!羊腩煲亦都係另一個高潮，可能因為羊肉夠靚，所以唔會一大陣羶味。炆得夠林，咬得落口，可惜天氣冇之前咁凍，如果唔係一定加倍享受。其他菜式保持水準喇! 整體而言都不錯的一餐晚飯。

好快又一年，又係公司週年聚餐的日子。記得舊年公司請食自助餐，野食多就多，不過散收收，毫無過年氣氛。今年都係訂返一圍檯，高高慶慶食返中餐先似團年。上次去喜運星飲茶見到3388免收加一包茶芥果汁汽水啤酒12位用的團年飯單張，我呢d秘書仔即刻攞返張訂位。菜式如下鴻運金豬全體鮑魚花膠雞絲翅發財好市大利醬皇珊瑚帶子清蒸大海花斑喜運脆皮燒雞金瑤炆伊府麫鴻運慶團圓迎春雙美點本來以為平平地冇咩驚喜，點知都幾令我喜出望外。而家好多都要幫襯成6000蚊先比間細到轉唔到身的房仔我，或者可能我係平日，經理响訂位時比左間貴賓房我，仲可以唱埋Karaoke。咁就開心啦，.班早放工的歌神同事唔使响街行來行去，或者早左去到酒樓唔知做咩好。去到開餐呢個時間，大家都好興奮。因為而家除左去飲結婚酒之外，都好少會比全體乳豬我地。仲要燒得係皮脆唔係硬唔係焦，味道夠而肥膏唔多，每件都帶住一層肉，唔會滯住食唔到之後的菜色。 鮑魚花膠雞絲翅真材實料，魚翅粗大條條分明，唔會撈來撈去搵唔到翅。翅湯真的算不錯，因為廚房唔落味精都有咁好味。發財好市大利足料，意頭菜就係要咁樣，大碟滿滿的，老闆先至開心。味道也不錯，蠔豉好甘香，應該上價貨。醬皇

與舊同學聚餐，訂位的時候真的頭痛了，西餐不是不好，只是吃得太多有點膩，而且尤其銅鑼灣區訂位甚艱難，加上我們都偏好有健康烹調方式選擇的餐廳(例如蒸、煮，好滿足不同喜好的人)。聽食神朋友講南華會的新中菜廳剛剛開業，我們決定試一試中菜。記得兩年前响Times Square返工，成日放工去南華會游水都會經過一間中菜廳，不過一直都沒有機會試過。朋友說新開的中菜廳真的有點與眾不同，由前酒店的大廚主理，而且不加味精，仲.......唔收加一! 由於是平日關係，比較容易book到位。不過，真係唔需要係會員都可以幫襯原來餐廳會送一個觀光會籍比幫襯的客人。自從轉左工冇响銅鑼灣返工，亦好耐冇過南華會。新中菜廳裝修時尚簡約，靠窗邊的位置仲可以飽覽泳池景。侍應們有高級餐廳的水準，有別於出面的酒樓，提出這個建議的我，心中已經暗喜 =)不過食物始終最重要，問過我d 食神朋友，金沙脆吊片同杏仁白肺湯最了得，我們吃得清淡，加了一個馬拉盞啫啫唐生菜和豉蒜帶子蒸豆腐。雖然我們都注重健康，但面對金沙脆吊片實在難以抗拒，鹹蛋黃蓉鋪滿了可口的吊片上，放入口前已經香氣撲鼻，鹹蛋黃容融化在口中的感覺，實在妙不可言，配合有彈性而不韌

無意中在 Travelzoo 見到有團購任食點心(午餐), 只限星期一至五. 由十一點半開始食到兩點正. 時間充裕. 打算十一月放大假, 所以, 用了 218 買了一張兩人用的午餐任食點心.1. 電話預約打電話訂位的時候, 可能新開張的關係, 工作人員尚未熟悉程序. 因為我們講明係團購的, 而且, 我們問是否需要讀出團購券編號, 工作人員說不需要. 另外, 朋友問是否需要留下電話號碼, 工作人員才說"好吧!你講丫.".2. 服務到達的時候, 知客姐姐說我們打電話的時候沒有說明是團購(好明顯係那位接電話負責預約的同事無在留位紙 mark 低). 不過, 也立即給我們帶位.部長很快給了一張任食點心紙給我們, 並好有禮貌地介紹如何點菜. 走的時候, 亦有好禮貌地說拜拜. 大家都有笑容.3. 環境由於新開張的關係, 所有東西都是新的. 光線十分充足. 非常光亮. 可是, 可能剛開始較少食客的關係, 冷氣開得很細. 到後期差不多一點的時候, 才開大冷氣, 頓時覺得空氣流通, 十分涼快 ;)座位起碼有二百個. 另外, 我見到好似有 VIP Room. 洗手間亦很清潔.4. 食物本身那張點心紙其實都

南華體育中心-喜運星酒家-中午任點任食Travelzoo團購我們訂了Travelzoo 團購南華體育中心-喜運星酒家-中午任點任食Travelzoo團購券 （百幾元一位）酒家吳部長+林部長03.Nov解釋他們的细心佈局及設計。每人每次只可點一粒蝦蛟。等候25分鐘蝦蛟才到。這粒蝦蛟未到不可加單。中午公司食飯一小時。即這喜運星任點任食券可以食到兩粒蝦蛟。百幾元兩粒蝦蛟.Eric Kung