喜記蟹將軍 (iSQUARE國際廣場) (已搬遷) 新店位置

呢日約埋幾條麻甩佬一齊食海鮮，我哋四條友去咗蟹將軍食咗個四人夏日海鮮餐($999)，另收加一、茶錢同小菜，但計埋都仲係好抵，話晒食海鮮喎。前菜係胡麻醬豆腐，清清涼涼好開胃。避風塘炒辣蟹果然係呢度嘅招牌，四個人就有一隻份量，兩隻大蟹鉗，望落都好吸引，擺碟令人覺得佢好生猛！蟹肉好實淨，肉質鮮甜。避風糖粒好脆辣亦係好正。上湯龍蝦又係四個人一隻，今次就試咗上湯，味道同樣出色。龍蝦斬件上，食得好方便！七彩炒沙巴龍躉魚，魚塊大啖肉，而且用上唔少紅綠椒同洋蔥，爆得好香，好睇又好食。秘製豉油雞，四人有半隻，味道濃而不膩，而且隻雞仲幾好肉。金銀蒜蒸勝瓜，食返碟菜中和一下，下低墊咗啲粉絲好索味，蒜蓉好香口入味。翅撈飯，依個飯好正，炒飯底配咗勁多汁，好惹味。估唔到我哋四個男人都有食，店員話個餐7月先開始做咋，仲叫我哋快啲再嚟幫襯。

天氣咁熱，放假返去媽咪到，仲要媽咪煮飯食真係辛苦晒佢，諗諗下不如出去食飯喇，又可以出去行下，又唔會熱親媽咪。一行8人出去尖沙咀行街，去左《喜記蟹將軍》食飯。去到人唔算好多，好快就有位坐。肚餓叫套餐就好，唔駛諗。我地叫左個夏日海鮮餐，前菜係胡麻醬豆腐，主菜有避風塘炒辣蟹、椒鹽龍蝦、豉椒炒蜆、秘製豉油雞、金銀蒜蒸勝瓜同埋翅撈飯。果然係食開蟹嘅鋪頭， 個避風塘炒辣蟹好惹味 。之前食過用避風塘炒啲海鮮唔新鮮，呢度食既蟹肉食落就知新鮮，肉質爽口好實淨，好好味。由於我哋人多，店員又好細心幫我哋將隻雞分咗兩碟上，方便我哋夾餸。夠雞味，肉又嫩滑。椒鹽龍蝦，啖啖肉，夠晒味，肉質一D都冇（梅），即係夠新鮮。豉椒炒蜆，食蜆最怕食到食口都係沙，佢地洗得乾淨，食完個口都冇沙。下次食海鮮又多一個選擇。

疫情有好轉就約埋成家人一齊出街食飯，阿媽話好耐未食過蟹，就去左呢間最出名食炒辣蟹。首先上菜係喜記正宗炒辣蟹，蟹肉真係好多，肉質鮮甜，加入蒜粒會更香口，辣味我阿爸話好辣，我阿媽話唔夠辣，我就覺得係香港人一般接受到的五小辣。之後食椒鹽賴尿蝦，餐廳有齊工具膠墊手套，切得衛生，食得安心，成家開心，賴尿蝦肉質潤滑。仲有係豉椒炒蟶子 ，平時食開蒸，今次食炒的都一樣咁好食，仲保留到鮮味又香脆。至於蒜蓉粉絲蒸扇貝，粉絲吸收了扇貝精華，吃上口好鮮甜。最後招牌蟹油炒麵，遠處都聞到蟹香，韭黃芽菜好爽口，同樣將蒜粒灑上麵撈起來美道更佳！

約咗朋友行街shopping ，醫吓個肚先至有力去血拼💪🏻，今次嚟到isquare嘅喜記蟹將軍，一於食咗先講😋😋😋🌟喜記正宗炒辣蟹，不能錯過嘅一道菜式，份量有大，中，細選擇。辣過可以選擇微辣，小辣，中辣同大辣，配合到不同人仕愛好嘅口味。蟹肉鮮甜，啲肉質好實淨彈牙，證明隻蟹係超級新鮮👍🏻配上蒜頭嘅香氣，辣到適中，的確超級好味，必食首選❤️🌟椒鹽鮮魷，魷魚新鮮，走油走得剛剛好，多脆內彈口，漿份不會過厚，送酒一流🌟蒜香牛仔粒，牛味十足，配菜吸收曬啲醬汁，讚🌟避風塘炒牛河，牛肉好淋，河粉有彈性，㕑師煮嘅時間應該恰到好處，火候十足食飽飽，美味好滿足👍🏻

喜記蟹將軍今日同朋友去尖沙咀行街忽然間講起食蟹就諗起喜記!在網上查閱發現佢哋有優惠所以我哋就上咗去食嘢啦見到有個超值二人套餐裏面有胡麻醬豆腐清清地,用黎做開胃小菜岩曬正宗避風塘炒辣蟹鍋氣十足,色澤黃金,鋪滿蒜粒及辣椒!好入味,但我唔係太食得辣,所以叫左小辣因為我叫咗小辣所以好有蟹味,唔會因為辣而遮蓋左蟹嘅鮮味,啖啖肉食得好過癮呀⋯⋯豉椒炒蜆新鮮蜆炒,好有鮮味兼淡淡既豉椒,味道好平均鮮果咕嚕肉本身好鐘意食,酸酸甜甜..又可以平衡番辣蟹既味道蒜蓉炒時蔬或蟹油炒麵（我哋揀咗蒜蓉炒時蔬)蒜香美味,解油一流...有菜有肉好平均,唔怕食得好油膩..滿足得黎又唔會飽得唔舒服..好享受整個二人餐二人食62折 $568如果想升級只要加$200升級至中蟹或$350至大蟹(我哋兩個女仔細食所以我哋冇升級)超級低!咁抵嘅價錢食到正宗嘅炒辣蟹真係好開心呀而且其他餸好美味我哋大家都食到飽飽咁返屋企啦！

爸爸生日，緊係去爸爸最鍾意食嗰間餐廳，喜記蟹將軍！亦都係我一家鍾意嗰間食蟹既餐廳！喜記蟹將軍正宗炒辣蟹我哋都係照舊必叫喜記蟹將軍正宗炒辣蟹！！！細到大都好鍾意食蟹，年輕的時候，爸爸都將個蟹鉗起肉出黎比我食，宜家大個咗，我都將大大隻隻蟹鉗拆肉俾爸爸食！咁多年烹調嘅味道都不變，蟹肉依然好香滑超鮮甜，入口香辣又惹味！非常開胃！辣酒煮東風螺一上菜就聞到好香酒香味，初時仲諗會唔會好辣呢？食落比我想像中唔係好辣，惹味得來，仲好啱夏天食！我仲攞去啲汁嚟送飯添啊！而且啲螺肉好新鮮！啜兩啖就食到個肉，啲肉仲好大粒添！椒鹽魷魚椒鹽魷魚炸到金黃色，脆卜卜咁！媽咪好鍾意，話啲魷魚一啲都唔老，好香口！豉椒炒蟶子細佬唔食得辣，所以叫咗個豉椒炒蟶子，啲肉又厚肉，又好大條！ 比細佬清光光！

屋企人鍾意食蟹，但自己買返黎整又嫌煩，今晚就一齊去食喜記蟹將軍滿足下鋪蟹癮～三個人叫咗五碟野，喜記正宗炒辣蟹超惹味，加咗好多好多炸蒜，辣得黎好有麻香，啲蟹既肉質好新鮮，蟹膏同啲辣醬好夾；兩隻蟹鉗夠大隻，剝開啖啖肉，好正～炒辣蟹好濃味，我就攞佢地蟹膏撈埋招牌蟹油炒麵一齊食，滋味加倍～～啲炒麵炒得乾身，蟹油份量啱啱好，香得黎唔會油淋淋，值得一試。除咗蟹既菜式之外，我地仲叫咗金牌牛肋骨，牛肋骨離晒骨超腍，調味適中，鍾意食牛既一定滿意。另外仲嗌咗碟豉椒炒蜆，啲蜆爽口冇沙，豉汁出色，炒得夠鑊氣，成碟好快就比我地掃晒。食食下見到隔離枱碟椒鹽賴尿蝦好似好正咁，我地又跟隊嗌咗碟。啲肉都幾彈牙，亦都幾易拆出黎食，啲椒鹽香得黎唔會炒過火，唔錯～iSquare都幾就腳，唔駛去到西貢屯門咁遠都食到高質蟹同蜆，下次除咗再encore隻蟹之外會試埋其他海鮮～

近排疫情冇咁嚴重終於有機會可以放心出街食飯，順便補慶祝返母親及父親節，父母都鍾意食炒蟹但係自己係屋企整又要煮又要洗所以我哋決定出街食呢間其實係小編第一次食，出名食蟹同屋企人話想食咁決定就食呢間啦咁岩餐廳做緊推廣，二人餐做緊六二折，咁我哋就決定叫個餐三個人share食頭盤-胡麻醬豆腐香滑凍豆腐，配有芝麻香胡麻醬非常開胃正宗避風塘炒辣蟹主角炒辣蟹🤤套餐可以升級轉中蟹或者大蟹我地揀左少辣，一上碟大量炸蒜，炸蒜粒非常乾身，正!非常香，蟹身啖啖肉，肉質鮮甜唔乾身👍🏻秘製豉椒炒蜆豉椒炒蜆新鮮熱辣辣🔥炒蜆一定要夠熱，無沙夠新鮮，蜆係屬大size ，食落夠厚肉，夠爽口鮮果咕嚕肉份量都足夠，用三色椒同洋蔥一齊炒，味道酸甜開胃。咕嚕啖啖肉，肉質肥廋均勻蒜蓉炒時菜菜心爽口，翠綠新鮮，入口無渣，食完啲海鮮食埋咕嚕肉食返個菜中和返都唔錯總結：二人餐三個人share食都係百零蚊其實都非常之抵食，有肉有菜有海鮮，落街買個大肉蟹都要幾百蚊，如果大家去開可以不妨食試吓。

一家人提早做節食個瑞午節飯，好旺場好多人，想食海鮮唔洗去咁遠既，市區尖沙咀都一樣食到好野三小碟開胃小前菜，最怕D 醃菜太鹹太酸，但今次呢三款又唔會喎。食完好開胃，D 雲耳清爽， 唔太淋，又唔會太酸乸喉🦀避風塘炒蟹 2 隻炒蟹鑊氣十足，超級香噴噴，蟹夠新鮮真係寧舍好味，好多肉啊，連我唔識拆蟹嘅人兩三下手勢就已經整到好大舊肉出黎，果然係呢間餐廳既招牌菜，唔試真係若有所失🤣油鹽水浸大蜆其實新鮮嘅食材先會無懼簡單清淡嘅煮法，油鹽水煮大蜆，又厚肉又甜又鮮味，最重要係無沙，粉絲都入哂鮮甜味秘制雞煲翅登櫈! 係秘製雞煲翅，好濃嘅雞味，睇個樣已經好吸引。我爸爸飲左好多碗🙄 淨返好少比我😒D 翅一梳梳㗎，唔係碗仔翅D 粉絲咁🤪，D 湯白雪雪應該有好多精華o係裹面清蒸沙巴龍躉魚沙巴龍躉魚好大條，油啫啫㗎，差唔多2斤重，蒸既時間岩岩好，最怕食D 乾柴柴嘅魚蟹油炒麵一碟看似平凡既炒麵炒得好好食，好特別，因為落左蟹油炒，充滿蟹味好惹味，但又唔覺油笠笠，比起一般嘅油豉皇炒面升價幾倍🤩蕃薯糖水最後奉上糖水，清一清喉嚨，大滿足$3000 8 人食，每人唔洗$400,坐得舒舒服服，可以係市區食到海鮮，唔洗再舟車勞動啦。

相信今年過糭節大部份人都無出去食飯。茶包都唔例外，所以check好價錢後，決定唔要煮到身水身汗，訂set蟹將軍海鮮大餐翻屋企齊齊嘆❤⠀⠀😆 P.S.畀錢嗰下伙記話外賣上門，唔同區都唔洗再加錢，真係好方便，唔洗搵姐夫幫手拎外賣⠀⠀喺蟹將軍訂咗夠6位share既🌊海鮮餐🦀（HK$1,668）。有喜記正宗炒辣蟹、薑蔥炒蟹，豉汁炒蜆、椒鹽骨、滑蛋炒帶子、招牌蟹油炒麵、上海醬鴨同蒜炒時蔬。屋企人想加多份椒鹽鮮魷同瀨尿蝦🦐⠀⠀🤔其實食海鮮外賣除左怕食物唔夠新鮮，又要怕凍咗唔好食💕但喜記外賣除咗準時送到，仲要用保溫袋包住餸，呢點我哋都覺得好貼心，送到仲暖既❤️ 🦀🦀茶包最中意食炒辣蟹同埋蟹油炒麵，因為真係好夠鑊氣！⠀⠀🦀🦀 炒辣蟹唔單止份量大隻，大大隻蟹鉗都炒得好入味！茶包前後叮咗兩碗白飯黎送🤤撈埋佢啲碎碎真係一流💕呢外個招牌蟹油炒麵其實茶包都放到最後先食，因為前面啲海鮮唔畀我交對手出黎起筷🙈⠀⠀🦀蟹油炒麵入面無咩肉，但食到好重既鮮味。媽咪話應該係用炸蟹既油炒成，所以麵上晒啲鮮味，好特別🦀茶包食飽仲想食多碟麵真係好癲⠀⠀💥總括呢餐係抵食，海鮮夠鮮，質素又掂（蜆無沙，得2隻無開殼），🦀蟹又足秤，額外加既

喺社交平台睇到一個父親節餐都幾抵食，就決定試下，落訂仲有汽水送添。去到服務態度都幾親切友善，只係成日見唔到樓面有服務員，所以要等一輪先叫到人幫手。成個餐既食物質素都幾好，又夠熱又新鮮。首先係個避風塘炒辣蟹（中辣），肉質鮮嫩多汁，啲肉又實又厚，好好味，令人回味。之後既燒味雙拼，啲叉燒出奇地冧，雞都幾滑，意想不到。最令人意外既係小炒王，用料足，熱辣辣，除左有啲鹹外，係我食過最足料既小炒王。果皮蒸鮑魚算係比較普通，但都算不過不失。呢個上海醬鴨都幾惹味，份量睇落唔多，但食落啖啖肉第一次食魚翅（素翅）撈飯，感覺都幾得意，用炒底飯配搭，實在有誠意。計埋nuts、茶錢、加一服務費，埋單$11xx，算係開心既一晚啦！

朋友食過介紹而家4人套餐$998唔使$1000好抵食，套餐內有避風塘炒蟹同埋波士頓龍蝦，龍蝦可以揀蒜蓉粉絲蒸或者椒鹽，如果覺得蟹唔夠可以加大,加多$350，總括嚟講四個女仔食呢個套餐都食唔晒，味道尚可，有8個餸而且包茶包加1真係好抵食

父親節又到！又係時間同屋企人食餐好嘅，今次揀咗一家大細都鐘意食嘅海鮮餐。 一上枱就已經聞到陣陣香味，避風塘炒蟹超大隻，未食都流晒口水！用惹味嘅椒鹽提升咗蟹嘅味道層次，蟹肉滲出陣陣鹹香，同時又保留咗蟹本身嘅鮮甜味道，令人難以抗拒！ 椒鹽鮮魷 黃金色嘅椒鹽鮮魷，齋睇都令人食指大動！鮮魷外層鬆脆酥香，內裡軟腍煙韌，蒜香椒鹽味十足，香口惹味，送飯送酒都一樣咁正！ 蟹油炒麵 呢個係餐廳招牌炒麵，係出面未食過，好特別，嚟到梗係要試吓啦！個麵落咗蟹油去炒，入口充滿蟹油香氣，好惹味，而且炒得乾爽又有鑊氣！

就黎父親節，唔想同人迫，所以年年我地屋企都會提早慶祝， 不過今年因為疫情關係，兩老想留係屋企慶祝，避免去人多既地方。 加上因為懶得煮飯洗碗關係，叫外賣套餐就最好! -上網搵到喜記蟹將軍推出多款外賣套餐， 全單免運費，就算住係新界既我地想食都勁方便! 我地最後揀左雙蟹宴，HK$1688/4位用。 -有喜記正宗炒辣蟹一隻、 薑蔥炒蟹一隻、 豉椒炒蟶子或蒜茸粉絲蒸北海道扇貝選一款、 辣酒煮東風螺、薑蔥焗沙巴龍躉魚、 椒鹽骨、金銀蛋浸時蔬、 招牌蟹油炒麵或瑤柱蛋炒飯或避風塘牛河選一款。 超級豐富既套餐，兩老樣樣都好滿意。 -外送食物全部都會用鋁箔保溫袋， 送到黎屋企仲係熱辣辣架！ 兩老最欣賞以下菜式： 辣酒煮花螺好惹味，煮得入味，啖啖爽脆鮮甜。-薑蔥炒蟹味道鮮美，肉質鮮嫩清甜。 -薑蔥焗沙巴龍躉魚口感嫩滑，肉爽味鮮， 用薑蔥焗更能提鮮。 -我既大愛招牌蟹油炒麵炒得好香，麵條彈牙，沾滿蟹油香氣，口感極佳，非常特別。

❤️父親節不想周圍和人迫， 不想煮完一堆，再洗一大餐， 今年就試試叫個豐盛的父親節外賣套餐 ，我地叫了個4人的外賣雙蟹宴套餐 $1688 重點是免運費！！(我地是住新界的) 超方便呀~~套餐有一隻喜記正宗炒辣蟹， 食落好香辣 ，蟹肉食得出好新鮮 ，不用怕食到死了好耐的劣劣蟹~~薑蔥炒蟹，又好夠獲， 好香口惹味呢~~還有辣酒煮東風螺，夠曬入味又甜又辣超開胃呢~ 另外有個薑蔥焗沙巴龍躉魚塊， 時間剛剛好，調味不會太多，食到魚鮮味和魚肉食落好有彈性， 龍躉好食的程度不像食魚肉呢~ 另外還有份椒鹽骨 ，鹹香到不得了， 全部餸菜都送飯一流， 食這麼多肉和海鮮，當然要叫一碟金銀蛋浸時蔬 ！蛋同菜都好新鮮，食落夠香甜 ~而其中有兩款菜式可以由客人選擇要豉椒炒蟶子或蒜茸粉絲北海道扇貝 ，自由度好夠啊！ 粉麵飯又可以選擇要瑤柱蛋炒飯， 避風塘牛河或者招牌蟹油炒麵 ~~~我們今次就當然要了招牌， 果然真是名乎其實的招牌！ 炒麵炒得好靚， 不會太油太乾剛剛好 ！好有獲氣， 蟹油炒起的炒麵真係好香口啊~ 食完發覺原來炒麵都可以這樣出色， 之後有時間絕對會再去呢家餐廳食多餐飯呢~⋆店名：喜記蟹將軍⋆地址: 尖沙咀