喜茶 (已結業)

喺國內飲完之後， 就上咗癮啦，因為又平，又方便， 又好飲！但香港就等餐死好彩分店越開越多，所以唔使等咁耐啦😁 今期推出荔枝芝士奶蓋濃郁嘅芝士再配埋荔枝嘅清新，感覺好match 好多荔枝肉

喺國內飲喜茶就非常方便，但喺香港飲喜茶就唔係咁易啦，因我冇咁嘅耐性等一杯野飲早前返國內飲喜茶時，見到有荔枝飲品，滿懷希望試，點知話暫停供應過咗兩個月，香港終於有啦， 香港分店，越開越多人都開始少左， 梗係試下啦勁多荔枝肉，每一啖都有，仲要係勁鍾意嘅粉紅色 勁滿足

自從系大陸飲過喜茶後就上左癮！一知香港開左當然要去試下喇！位於尖沙咀K11既喜茶 我當然會點我最愛既芝芝芒芒黎試下喇芒果味超級濃 吾會得個甜字 甜字岩岩好個芝士奶蓋系好味到令人愛不釋手既雖然吾算小人 但出奇地吾系話等左好耐 讚！

經過見有大陸超火既手搖，如果唔想排隊可以買左去食飯再去攞就very nice✨我飲個個等一啖芝士味香濃，唔算太咸同膩，飲落酸酸甜甜，有豐富果肉唔算太甜，我地食完食飯再飲都夠凍又無融雪feel 朋友個芝芝芒果，面頭有芝士奶蓋再加上沙冰口感都豐富，都比較清新，建議要快飲因為之後會略甜。

番深圳飲喜茶飲後多，係香港買真係第一次同深圳既裝修一樣，白色裝修簡潔乾淨特別既係佢有紀念品賣，麻雀、電話殻嗌左芝士金鳳茶王（半甜少冰），等左半個鐘就有，都算幾快。芝士奶蓋質感頗厚，飲落咸咸地，同深圳味道相約，茶王味道清新，兩者夾埋絕對係最正既配搭！

身邊個個唔係返內地飲過就係香港其他分店飲過今日大鄉里出城 食完日本野行去K11 買杯飯後甜品見到menu la但無我fd講果杯芝芝桃桃反正想飲d酸味重d飲品咁我就揀杯 芝芝莓莓排隊買就好快但等就仲有6x個number先到我可能一個number係2x杯因為我見到 真係見到有人買2x杯雖然都等左30mins 但見有 差不多20個staffs一起沖飲品俾大家 欣賞下周圍佢地都係看mon拿飲品同埋都有少量座位終於等到 呢個杯 好方便 單獨飲芝士奶蓋係飲到 好細滑 而且唔會好鹹質地厚厚同濃濃 而莓莓就 酸酸甜甜食到好多小果肉係真材實料比我期望 更好飲不過之後會有更多分店開咁就買時 又方便d了

喜茶來港幾個月 熱潮應該唔會退店外一條買飲品的 隊店內一條等飲品的隊深圳同香港賣的價錢差不多芝芝系列就無得揀輕芝士等芝士款買完飲品至少要等30分鐘 同時見到有人用app買 所以你見佢地手忙腳亂 因為佢地收既單係有超多張 買完唔想淨等 就去商場行下先啦好～行完返黎都未有 要再等10分鐘因為真係等得太耐 問左店員後發現佢地漏單了佢地即時幫我搵 搵唔到就快單整我那杯等左40分鐘 終於有了上層芝士都好香滑 但好似甜過深圳的冰都較多 但其實兩者沒有大分別茶和芝士比例大約 7:3 （加冰令到睇起上來覺得芝士多左）不過都剛剛好 飲到濃味芝士配上淡味綠茶不得不說 比起其他店喜茶的茶香真的幾好建議大家如果想飲到茶味的話 一定要走冰否則飲到茶之前你先飲到層水+芝士

之前經常喺網上同埋朋友口中聽到好多關於喜茶既野，大多都係話好好飲，今次係我第一次飲喜茶。係未飲之前，我覺得一杯野食$45 絕對係貴，就算平時飲咖啡都唔洗呢個價錢，所以希望佢好飲d啦。講番佢個味道，飲落去有細細粒芒果肉，份量仲要唔少，本身杯野都充滿住芒果味，（咁當然唔係好似去生果店用新鮮芒果渣出嚟嘅味道啦）配合埋佢嘅奶蓋一齊飲，的確幾好飲，而且係比好多坊間同類店鋪好飲。但係如果要排隊既話，我係絕對唔會等，同埋唔值得，因為本身杯野都已經好貴，仲要排一大輪？不了。

香港呢排開咗幾間喜茶店，而我又咁啱去咗尖沙咀，所以就去咗K11嘅喜茶試下啦!去到都有成10個人排咗係我前面，不過都唔算排咗好耐~由於我真係好耐冇食過珍珠，所以我就叫咗個黑糖波波配鮮奶(少甜少冰)!不過見到張飛都幾後我就行咗一陣，大概45分鐘之後就有得攞(其實都預咗時間要等)🙈飲落去等一下，嘩！真係甜到不得之了...可能係個黑糖珍珠太甜？但係除咗甜之外我真係揾唔到第二個形容詞😶下次都應該唔會再叫黑糖波波嘅野飲😛

雖然喜茶已經開咗一段時間，但排隊人數都係有增無減，令我感到神奇嘅係好多排隊嘅人都竟然係內地人，喜茶據我所知係內地品牌，唔通香港喜茶特別好飲？等待嘅人數越多，我嘅好奇心同期待感就越重。就咁睇攞茶嘅位置，最多人嗌多肉葡萄同芝芝莓莓，不過我就叫咗芝士金鳳茶王冇糖少冰。因為好多人用手機落單嘅關係，我排隊買嘢飲雖然只係等咗五分鐘左右，但等嘢飲就等咗半個鐘多啲。我覺得喜茶同我飲過嘅奶蓋茶唔一樣嘅地方係個杯嘅設計。佢個杯蓋係可以自由調較杯口嘅大細，越大就越容易飲到奶蓋，越細就越容易飲到茶，設計方便又人性化。芝士奶蓋係好飲嘅，質感綿密濃稠，味道帶少少咸又香嘅忌廉芝士又點會唔好飲呢？但坦白講唔值為佢等咁耐。至於茶就實在係完全無討論價值，既唔難飲到要彈到上天花板，但又唔係好飲到要極力推介。係屬於 “既然俾咗錢又唔難飲咁咪飲埋囉”嘅感覺，茶葉嚟講真係另外一兩間店做得更好。我覺得如果要飲真係手機落單算，實在係無耐性再等咁耐飲一杯喜茶。

基本上每一次返大陸都一定會買杯喜茶飲，真係又平又正！話晒去遠少少嘅地方基本上排都唔使排嘅。香港呢幾間開咗都一段時間，依然都係有長長嘅人龍，講真真係有啲怕㗎！去SOGO買完嘢醒起K-11呢邊有間喜茶，就膽粗粗睇吓多唔多人啦，咦，又唔算好多人喎，前面得三個人排隊，見到有新出嘅玫瑰雪糕當然係要試埋啦！雪糕係一比完錢即刻有，所以係即刻就試到。佢個玫瑰味係勁香！雪糕又夠軟滑，好正好正！完全係有驚喜！等咗十分鐘左右啦，我杯芝芝芒芒都嚟埋啦！咁當然都係咁好味啦！

開業多時仍然需要得長久嘅等候時間⌛️先至飲到杯即沖特飲🥤，實在不知道是否值得🤔。本身買咗「多肉葡萄🍇」，一心諗住啖啖都充滿提子🍇菓肉同芝士嘅味道，點會其中一杯竟然係無菓肉係裡面🥴，最後只係要我照飲（咁都得？🥴）或者轉其他嘢🤣，咁我唯有轉「芒果🥭芝芝」啦🤡！其實都係第一次幫襯，講真的茶飲專賣店開到成行成市，說真的其實間間都差不多，如要等咁耐，等得嚟都飲完了🤡所以值唔值得就真係見仁見智

成日番上深圳飲喜茶，雖然香港開左但始終都係覺得會無咁好飲所以無乜去試!但今次見K11有個店舖限定玫瑰雪糕！因為不嬲都好鐘意花味嘅野食所以忍唔住去試下!!真係幾好食 玫瑰味雖然唔算好出但都叫做有淡淡玫瑰香味，雪糕唔算太甜，依個價錢黎講都值得試!另外仲試左多肉葡萄同奶茶波波冰，多肉葡萄水準都好接近深圳飲果杯，但始終都係覺得個芝士無深圳咁好飲，飲落有啲鹹！至於個奶茶波波冰相對下就比較無乜特別，啲珍珠都夠甜好咬口嘅，但就真係普通奶茶一杯，未吸引到想再encore

Finally tried HeyTea, which has been very popular as of recent. I ordered the Ever Spring tea with cheese cap/foam, while my friend ordered milk tea icecream with pearls. The ever spring tea was very refreshing and flavourful, while the cheese was very smooth and delicious! Definitely one of the best tea drinks I’ve tried! As for the icecream that my friend tried, I did try a bite and it was really good! The milk tea ice cream was so smooth and rich in tea flavour yet sweet, and pairing up with

路經K11的喜茶, 本想encore波波雪糕, 見店舖正推出店舖限定和期間限定的玫瑰雪糕, 價錢又不太貴, 一於限定優先。玫瑰雪糕 (K11限定, 4月13日至5月5日供應) $19雪糕到手, 好多toppings, 顏色又吸睛, 不過影相要快, 始終雪糕會溶。呷了一口, 紅色粒粒的紅莓乾酸酸甜甜, 豐富口感。雪糕奶味香濃, 玫瑰味淡淡的, 以朱古力味雪糕筒盛載著, 朱古力味濃, 脆卜卜, 整體味道不錯。另有mini版供應, 售價$9。