喜茶 (已結業)

今日放工經過Yoho, 行經喜茶見到冇乜人排隊，就叫咗杯芝芝桃桃試吓喇。成日聽人講話喜茶好好飲，要特登返大陸飲，都好好奇到底有幾咁好飲。依家香港開咗分店，就即管一試啦。落單後等左大約20分鐘，呢間分店環境都算大，而且有好多座位可以俾人坐低飲或者等外賣。佢嘅芝士奶蓋飲落有鹹鹹地既芝士味，都幾濃厚。中間係沙冰，最底層就係打碎左嘅桃桃果肉。成杯野好有層次感，今次叫咗少糖少冰，味道剛剛好，但始終覺得價錢貴左少少。

見難得喺元朗yoho mall食飯 飯後就特登去會一會喜茶啦閒日8點幾唔算多人 由排隊買到拎野飲大概用咗20分鐘 算可接受範圍✨多肉葡萄少冰由於實在太耐無飲過 本身係超級期待嘅第一啖先飲芝士 味道同濃度都還可以但一插飲管飲呢就發現真係中咗大伏為咗唔破壞佢原有嘅味道 已經特登無嗌少甜但飲落係淡到水咁 同大陸嘅喜茶差天共地仲要係佢沖好就第一時間攞 然後就直接飲但換嚟係咁嘅味 真係好難飲好令人失望香港嘅喜茶又貴又難飲 所以都係算啦🤢

在國內著名的喜茶，終於在元朗開分店了，以後隨時都可以喝到了。可能是午飯時間，我們怕人很多，所以我們先點了外賣，然後到隔離餐廳午餐，中途便到店內取茶，那麼便不用站在那裏呆等。那天人不是太多所以我們10多分鐘便能夠取茶了，真的太幸運。

自從香港開了分店的時候，我而經再沒有買過喜茶，因為之前常常回內地買喜茶，而經渴到不想再渴。但是這一次這個新的promotion，單單是阿華田就而經很吸引人去買！我本身就很喜歡阿華田再加上他們的特色奶蓋，這一次看到那麼多人排隊也決定去買一杯！在晚飯時間過後，等了30分鐘！阿華田波波冰 ($42)我以為只是單單的阿華田再加上配料，誰知原來是阿華田加上鮮奶沙冰，混合而成。阿華田本身就偏甜，再加上鮮奶，有點太甜和口味太重。雖然加上鹹香芝士奶蓋，減輕那種甜味，但也無補於事，依然都過甜！（我而經叫了小小甜，很難想像正常生度，會有幾甜？）配料就有煙韌黑糖珍珠，很好吃黑糖味又重！此外，在飲料的頂部再加上阿華田脆脆，有增加口感和層次！總結來說，我覺得都算特別和口感都多層次，只是甜度這個問題令我渴完一次，試過就夠！

千等萬等新界區都終於有喜茶了！今次當然飲佢新推出既多肉粉荔。我喜歡吃脆波波所以將蘆薈換成脆波波，不過可能員工太忙了所以看錯單，之後他們也主動換過一杯給我。我好鍾意多肉粉荔的清甜味，但如果冰沙再多一點就會更加好！

見到條人龍勁長，本身諗於放棄，點知店員話大肚唔使排隊，可以直接去收銀同佢落單就得啦～ 心諗：咁旬係咪真架點知真係得咗～～入去搵個位坐住等，裝修嘅tone好文青，坐得幾舒服，而且多位，除咗有室內位之外、室外都仲有位，好啱朋友仔坐低吹吓水～ 大約等咗半個鐘左右終於拎到飲品啦～試咗呢杯季節限定，本身都鐘意荔枝飲品，原來加埋玫瑰青茶係咁好味～有果肉又有茶香，再加埋咁夢幻嘅粉紅色就真係好吸引，最重要真係好味，雖然成$48/杯，貴過係大陸飲，但間唔時飲吓都ok嘅～裝修時見佢話申請緊酒牌，但依家未見餐牌有酒類飲品，唔知幾時會有呢？

今日去試左滿杯金菠蘿同芝芝桃桃。因為我轉左低卡糖，所以味道偏淡，如果無少糖的話會好味好多，滿杯金菠蘿好多果肉，菠蘿味好香，而芝芝桃桃就有好香桃味，相對金菠蘿會淡味少少，一樣也是啖啖果肉，配住個芝士奶蓋，即刻覺得中和左。與一般台式店不同，它有提供座位，與朋友坐下閒聊是不錯的選擇

個個都話喜茶好好飲咁我就見開左咁耐, 應該唔洗點排隊啦掛的確, 排隊係無咩人, 舖頭入面都唔多人等所以好快就買左飛但買完飛先知, 要等60個號碼個個都係買完飛走左去行街, 因為佢地都知要等好耐最後等左一個鐘, 先攞到我杯野飲, 真係無言以對......講返杯野叫左芝士奶蓋金鳳茶王茶底唔錯, 夠濃夠甘香奶蓋的確好味, 打得夠結身, 有少少咸, 口感好, 唔怪得咁多香港人特登去買黎飲但等一個鐘就..........

天氣好熱 今日經過喜茶 見到有雪糕賣 因為唔使等 即叫會即做 所以就買來試下 呢個係細既mini 波波雪糕 上面係有黑糖珍珠 個軟雪糕係茶味既 雪糕都幾香 珍珠彈牙同埋有好多粒 $18 蚊來講性價比都算幾高 不過個黑糖漿就略嫌甜左少少 食到最尾會覺得太甜 唔使等來講係一個消暑既好選擇 加上元朗分店有露天位 可以坐底慢慢食完先再行 正

只能用極度開心，極度興奮去形容，因為潮流最熱門嘅飲品品牌，都開咗喺元朗喇，雖然我唔係喜茶dieheart fans，但開係元朗都有種自豪感，因為睇中元朗都人多又有質素😆😆，仲要開係商場，絕對唔使日曬雨淋呀，我真係踢拖落去都可以買一杯飲，好爽入返正題先，未開喜茶前身係holly brown ，雖然我都鐘意食雪糕，但又點能日日月月食，仲咁貴呢，之後holly brown果然bye bye，正當諗緊開咩，圍板竟然係喜茶，心裡即刻心心眼，萬眾期待下開張了，但我都等左一個星期先去，免得排成粒鐘啦，今日放假，見又有空，排下都無所謂啦，好彩去到吾算多人，買左三十分鐘内就有得拎，都不得不讚一讚，味道品質同國內質素一樣，好好飲🥰，雖然都吾平，但係商場又吾洗企街熱到溶，比多幾蚊都值👍👍👍👍希望守得住啦，我會多多幫襯嫁

茶王脆筒12元：好味道，有下次芝芝莓莓47元：奶蓋好味道，是我的口味，下層是碎冰草莓味冰水，又唔係沙冰的細滑，叫左極少甜，如果要正常即是飲糖水？對本人就沒什麼意思，唔識欣賞，一次夠皮滿杯橙橙39元：橙味水一杯，有半個橙的橙皮，唔識欣賞，一次夠皮

難得今日早放工，同同事一齊去喜茶湊熱鬧。好彩唔算等得耐，有人試過排左1個鐘，我地今日20分鐘就得。老實講鋪位好細，座位唔多，冷氣唔夠有d焗，坐出面仲好。豬係一個成日返大陸飲喜茶嘅人，平時飲開滿杯水果茶，因為飲完仲有水果食🤣不過呢度冇，咁就叫芝芝莓莓。如果冇試過返去飲正宗嘅喜茶，會覺得喜茶確實係好飲。如果有返去飲過正宗嘅喜茶，就會覺得喜茶係超級好飲，芝士軟滑，帶有奶香味，甜度適中，有輕微茶味，配有果肉，口感更加豐富。比起大陸，貴左同果肉份量少左，茶味亦冇咁濃，不過確實方便左希望可以有得網上訂購，咁就更加好

喜茶終於開到黎元朗喇！上星期新開張果時勁排長龍，今日襯住岩岩開門，排左20分鐘到就有喇！今日唔試生果系列（因為40幾蚊杯，覺得定價偏貴😕😕）就試下出名既金鳳茶王啦！芝士同深圳分店一樣，口感超rich又勁濃既芝士香味👍🏻金鳯茶王果然係招牌，茶味香濃又唔會太過苦澀，同芝士香味出奇地夾，近近地唔返深圳都有嘆茶既好選擇👍🏻👍🏻

見元朗喜茶新開，星期六12點左右，見到排隊人流唔多，六至八位，所以排隊買咗杯黑糖波波，即係有珍珠嘅鮮奶，價值$28。攞咗飛，要等候大約40個Number先攞到杯嘢飲，所以問職員大約要等幾耐，職員話要一個鐘，所以好安心咁食咗晏晝先，食完先返嚟囉。50分鐘之後，返咗去攞杯嘢飲，原來一早已經可以攞得，見到當時嘅籌號Number已經過咗60個，杯黑糖波波既冰都融左一大半，但係杯嘢飲都算OK，珍珠比較淋身，不過都算有彈性，唔使排長龍嘅情況底下可以去飲。

終於等倒元朗開了，唔使返深圳就可以飲倒了，開幕個日無去，因為一定有排排隊。點了最喜歡的芝芝莓莓，有淡淡的茶味，亦有士多啤梨肉，真是飲極唔厭，難怪咁多人排隊，等下都值得！