喜臨門茶餐廳

店內裝修企理, 座位雖然不多, 但整體都整潔, 食午飯時咁啱見到有位就入去, 午市餐牌簡單, 一般都係有八個餐, 點了豉汁涼瓜排骨飯, 午餐包括有例湯, 而佢地嘅例湯必定係中湯, 例湯非常好飲, 明顯飲得出係無味精, 非常得 👍🏼至於涼瓜煮得好冧好入味, 而排骨亦肥瘦適中, 有肉有骨, 午餐附送熱飲, 凍飲要加$3蚊, 整體食出住家的味道, 午市時間人流易很旺盛, 值得一試！…查看更多

熱奶茶☕ : 7 x ❤️沙爹🐮米 : 7 x ❤️煎荷包🍳 : 6 x ❤️牛油方🍞 : 5 x ❤️午餐肉🐽 : 5 x ❤️杯熱奶茶同埋碗沙爹牛湯米都算係唔錯嘅，奶茶夠濃而且幾香幾滑，個沙爹汁本身就普普通通，但勝在湯米粉夠熱，可以將沙爹嘅香味帶出嚟，牛肉嘅份量同口味都OK嘅。至於煎荷包蛋、午餐肉同牛油方包就都只係一般，睇相應該都睇得出三樣嘢嘅size都係細碼，最後變成咗半份餐蛋治，反而感覺仲算可以。總體嚟講，如果要求唔高嘅話，都可以填一填肚嘅。…查看更多

原來左敦搵新野食或者茶餐廳都無乜，最後老友話去一間老餅餐廳食下風味。3點幾去到，好在剛剛有客離開，吾系都無位，可能系老鋪的魅力吧！坐低睇餐牌，下午茶價錢同其他新店差不多，食落份量就幾抵，但味道同質量就真係麻麻啦！乾炒黑椒牛肉義粉（HKD40)2分-無乜黑椒味，牛肉同義粉份量都超過一般下午茶餐，但味道真係麻麻。瑞士雞翼太陽蛋撈麵（$37）1分-無瑞士汁顏色同味道，雞翼滷到淋曬，個麵汁水汪汪。奶茶脆爆（餐加$8）4分-幾特別，奶茶底幾香同滑…查看更多

佐敦有木多食物選擇，但偏偏要搵一間好食既茶記就係咁難，師父水準真係佐敦一帶所缺乏！當然呢間都唔例外啦，選擇唔多既情況之下仍然可以接受，不過唔好抱太大期望入去食。…查看更多

在健身房附近有間茶餐廳，叫「喜臨門」，麻甩格局，有時早到未夠鐘上堂，都會去打躉一下。 一個跑馬日，落去食啲嘢，先上堂。電視機在直播跑馬，不同顧客都聚精會神地看電視，每枱又會互相搭訕，口沫橫飛，很有街坊街里的人情味。我不懂跑馬，聽他們互相窒來窒去，都幾搞笑。 點了一個「芝士汁紅腸煎蛋撈麵」，連飲品 $32。隔一陣侍應阿姐走埋嚟話： 「哥仔，冇紅腸，同你轉腸仔！」 Okay 冇問題。又隔一陣，阿姐走埋嚟話： 「冇哂芝士汁！你要黑椒定洋蔥汁？」 這下有些失望，那就要黑椒汁好了，我大叫：「記得係太陽蛋喎！」 「得！」 本土風味，黑椒汁撈丁加條雞肉腸，似中學常食的午餐。太陽蛋煎得晶凝，蛋黃在蕩漾，將蛋汁撈麵來吃，滋味。 欲罷不能，再加一個「乾炒黑椒牛肉意粉」$37 (連茶檸啡一杯)，加 $5 要多隻太陽蛋。 意粉炒得乾身，牛肉卻變了豬扒。阿姐答： 「唔好意思，哥仔！使唔使同你換？梗係今日廚房輸咗馬！」 「唔使喇，有蛋就 okay !」 原來天變地變，我最在意的都是那隻蛋。用來撈乾炒意粉，天然的獻汁。 無靚裝修，有的是人情味，和那隻 - 煎靚蛋。 …查看更多

星期日又係訓到... 天昏地暗既時候，原本想去平安食個拉麵，點知係屋企行過去既時候經過一間平時唔留意既茶餐廳，突然好想食餐蛋飯，hm所以就即轉地點，迚入去坐低~ 因為我太懶既關係其實巳經係兩點幾三點下午茶時間， 但係我見到佢掛既餐牌，又係長期都會掛住精選餐單呢啲。 原本諗住唔理既，就咁打開枱面既餐牌諗住搵餐蛋飯，點知原來無既， 全部都係公仔麵餐呀，芝士撈公仔麵餐呀咁.. 所以都係再抬頭睇返佢掛係到嗰啲， 見到有個餐係餐肉腸仔火腿煎蛋飯，本人唔好火腿，不過都係諗都無諗即叫！ 原本同姐姐講要多隻蛋，點知姐姐話我知巳經係雙蛋啦！ 唔好加，唔可以食太多， 所以我就好聽話咁ok 之後仲問我飲唔飲湯 ， 飲！ 佢個湯係中湯嚟既，"時實"豬骨湯咁上下， 但係足料唔係味精湯！ 到我個主菜啦!! 餐肉腸仔火腿煎蛋飯！正!! 雙荷包蛋煎得勁靚， 仲可以夠嚟撈飯！唔同有啲係熟晒咁濟or 生生地咁...當然唔少很豉油啦，佢係成樽俾你自己落嗰隻！超開心呢!! 兩塊正常厚度既午餐肉， 唔係薄到皮咁， 腸仔同火腿正常，食食下姐姐仲會同你傾下計， 問下你夠唔夠 ！ 簡簡單單一餐，好幸福，仲要只需要$40-50 因為唔太記得價錢平時放假想落街簡單食係其中一個唔錯既選擇!!…查看更多

師傅喺呢一區都算地膽, 但偏偏就唔係間間食店會去, 結果某天早上, 決定搵一間從未試過的食店, 去食個早餐試下佢; 當天早上都行左幾個唔同地方, 但最後師傅還是揀左呢間食店, 主要原因係貪佢夠舊式!入到去都唔算太多人, 可能係過左九點嘅關係, 於是入去坐底後就睇下有咩食, 師傅發現早餐選擇都幾多, 諗左一陣, 早後師傅揀左腸仔煎蛋配多士, 沙爹牛肉麵同凍檸茶!等左一陣就有得食, 基本上三樣野都差不多同時登場, 於是師傅先試腸仔煎蛋配多士, 腸仔就煎得好香, 味道唔算太咸, 所以都唔錯, 而煎蛋係生熟蛋, 呢種係師傅至愛, 正呀; 而多士烘得幾脆而且包身鬆軟, 不俗喎; 沙爹牛肉麵嘅沙爹唔香, 牛肉亦較乾身和韌, 呢個沙爹牛肉絕不吸引, 而麵身煮得都合格, 不過不失啦! 最後係凍檸茶, 茶底唔夠香, 幸好檸檬都幾香, 但味道稍甜, 都可以啦!總括黎講食物質素一般, 環境係舊式少少, 冇咁光猛, 不過尚算乾淨, 服務一般, 冇得苛求架喇, 價錢同市價一樣, 廿蚊一份早餐, 多士加一蚊, 凍飲加兩蚊, 埋單廿三蚊! 師傅覺得早餐水準未能作實, 所以一定會搵個機會黎試下午餐或晚餐, 試下佢地嘅鑊氣得唔得, 笑臉比唔到住, 但會再黎試多次的!…查看更多

今日同太太去完BODY CHECK之後,諗住去XX牛奶公司食,但見到門外已大排長龍了,我地嘩了一聲,使唔使咁誇張多人呀??跟住再行入DD，諗住搵搵D好經典懷舊嘅茶餐廳嘆嘆早餐,居然見到呢間又啱哂心水啦，即刻入去是但找個卡位坐啦,當時都十點幾了，跟住叫咗兩份早餐B,係沙牛麵,餐旦同牛油方包飲凍奶茶,另外我太太食沙牛通餐旦同牛油多士飲凍奶茶,都係$22同$23,價錢都好合理呀跟住俾周圍欣賞一下呢D懷舊環境,而家都好少…查看更多

今日路經此地又來吃.這裡是一間不起眼的小店環境絕對是舊式.沒有服務可言，但感覺也不太差或許已十時.得小貓三幾隻，我係其中一隻.這裡選擇很多.碟頭飯.還即叫即炒.夠味道夠鑊氣簡簡單單就來個菜遠牛肉炒麵.例湯先來例湯是西洋菜湯，煲得夠火侯喝一口好像沒有味精的牛肉炒麵.聽到廚房熊熊有聲.轉頭拿出來.一上檯.聞起來香噴噴.賣相亦很對辦夠鑊氣麵底烹調得脆脆.菜遠牛肉芡汁很厚很大堆.牛肉有小小蘇打粉味.加些辣醬，吃起來還不錯.我全碟吃清埋單32蚊.經濟抵食…查看更多

正月廿日‧陰天 很久沒有探朋友班了，是日趁下午其落場時間，找他飲杯茶，吃個包，來了這間舊式茶記。 紙皮石、直角卡位，一看已知是舊式茶記。電視在播體育世界，茶客跟店員在有一句沒一句的談，也是街坊店風情。下午茶時間，這裡的選擇可多。想吃點東西，就選了個火腿煎蛋菠蘿包的特色餐。 菠蘿包上桌看起來是扁扁的，賣相一般，但卻是熱熱的，喜出望外。雖然翻叮也是熱的，但肯拿去叮一叮，也是誠意。蛋幾香幾鬆軟，加上火腿，與及帶點的菠蘿包，是個幾好吃的配搭。三扒兩撥，已吃清；朋友要的是炒牛河，看樣子是夠色水的，炒得幾對辦。 咖啡夠濃夠香，亦夠勁道，很不錯。 朋友搶著埋單，在此說聲謝謝，而以下價錢，只是約數。…查看更多

尋日快餐五號係醬膠蛋飯,除左一碟飯仲有一碗中湯同一個飲品,個飯勁多野食,白飯已經夠多,仲要有兩隻圓形煎蛋,兩條煎香腸,同埋兩片煎午餐肉,個汁仲係黑椒汁,好香,好多汁添喎!估唔到個湯又ok喎,唔會面頭一浸油,竟然清清地,不過食完真係飽死呀!好富呢!另外,$24特餐都抵食,有個叉燒湯意,火腿奄列,牛油多士,仲有飲品...衰在叉燒有點肥,同埋意粉個湯底好多油,不過奄列唔錯,乾身唔油,蛋同火腿份量剛剛好,多士都好味,牛油份子適中,唔會只係俾少少就算,夠晒香!服務方面,阿姐講野係有少少"掘",不過幫襯呢類茶餐廳,係可以接受的!…查看更多

要出差，就早一點來這裡要份早餐打打底！這裡都是街坊幫襯，客人入來座低，一句照舊，阿姐已經知道要哪及落單，利害！公仔麵沒舍興趣，就來份蛋牛治、麥皮及凍鴛鴦小甜。忘記問清楚，原來蛋牛治是碎牛治，煎蛋挺滑，不過碎牛就麻麻，但師傅較有心機，就是在煎蛋時才混上碎牛，煎得算好好睇睇；麥皮是杰身的那種，滿淡奶香味之餘又不過甜，是港式茶記的標准做法，不錯；鴛鴦正中茶記特色，夠濃之餘奶味足夠，這杯鴛鴦分數不底。環境乾乾淨淨，招呼阿姐勤勤快快，價錢廿皮多一點，實為經濟抵食。…查看更多