喜膳燒

营业中

休息中

味道中上偏低，如果10分滿分有6.5，但嘢食^_^上得超級慢，來餐速度非常差！每一串野食都要等差唔多15分鐘，仲要係一串一串上。。。。。雖然店員態度都OK，但係餐飯食咗兩個鐘。。。。都唔夠飽，因為食完一串都消化完。。。最後由7點半食到10點 30串都唔到，一開始叫蝦，兩個鐘都未到仲話唔係冇落單

食過咁多間日式串燒，呢度嘅價錢算係幾平，人均大約都係200蚊就可以飽。 侍應嘅態度都好好，一開始就會同你介紹有咩係當造嘅，同埋環境都算舒服，地點幾近地鐵站五分鐘左右就可以到。

成日經過呢條街但都唔知呢棟大廈下面係間串燒店😯見佢價錢都算親民，就入咗去試試佢～一坐低店員就放低咗辣汁🌶呢個汁好好食，有啲泰式嘅味道～呢度嘅串燒好得意，會用一塊熱石板㷫住啲串燒令佢唔會咁快凍，所以一有食物嚟，店員就會放上塊板度😆逐一講吓叫咗啲咩食啦🤣芝士響鈴 ($22) 外皮非常脆，入面包住滿滿嘅芝士，好正🤤鹽燒雞軟骨 ($38) 調味啱啱好，好爽～而燒雞皮 ($36) 就燒得好脆，啲雞油勁香🤣燒牛肩胛 ($48)同燒牛舌 ($49) 啲肉一啲都唔韌，軟淋有肉味～ 鹽燒韮菜 ($19) 非常惹味🤤食串燒必點！燒黑豚肉龍躉卷 ($59) 口感好得意，龍躉份量都唔少呀～燒白鱔 ($68) 都算幾肥美，燒一燒迫返啲油脂出嚟😚而明太子雞翼 ($48) 有好多明太子，都幾辣架～我哋仲叫咗個海鮮，燒馬來西亞大蜆 ($88)😆啲蜆雖然唔算勁大隻，但係都好鮮甜，又冇沙👍🏻仲有個我最鍾意嘅焗牛油蒜蓉雜菇 ($45)～份量都唔少，牛油味好香🤤飲品就叫咗個益力多沙冰 ($48)～超級濃嘅益力多味！😚配埋串燒都幾夾🤣冇諗過尖沙咀都有串燒小店😆宵夜過嚟食串燒都幾正🤣

這間位於尖沙咀寶勒巷的小店，佈置像日式居酒屋裝潢，主打各式各樣的串燒，種類非常多，下班後想小酌幾杯吐苦水的好去處。餐廳位置有限，座位不多，如不想白走一趟，記得提前訂座。小店串燒即叫即燒，特別推介海鮮類串燒，鮮甜的海鮮染上陣陣炭香，非常惹味，值得一試。小編🐰必點串燒推薦排名：第1️⃣位：🌸蒜蓉燒廣島生蠔 $78性價比最高，$78有三隻肥美廣島蠔，蠔身飽滿鮮美。第2️⃣位：🌸蒜蓉燒蟶子王 $58蟶子王口感非常彈牙，蒜香味濃。第3️⃣位：🌸燒珍寶大扇貝 $68扇貝肉身好厚，口感十足，火喉剛剛好，鮮甜不柴。另外，即炸的芝士響鈴較少見，入口如風一般在口腔消失，不妨一試。

呢間係尖沙咀嘅串🔥燒店地點方便得來重點係佢提供嘅串燒🍢款式十分之多，食品款式超過一百種🤩，而且有多款🔥燒海鮮🦑添！裝修走🪵古樸🏯日系風格，有重好日式🇯🇵小店嘅感覺🥰。串燒🔥款式太多，多到令人有🤪選擇困難症😂！響鈴同埋麵根打邊爐🍲就食得多，串燒🔥真係第一次！燒芝士🧀響鈴乾身鬆化，中間係釀咗芝士🧀，芝士🧀半溶流心好正！燒🔥蟶子皇好大隻又多汁🤤十分鮮甜，而且加咗🧄蒜蓉好惹味👍，燒🔥馬來西亞🇲🇾大蜆肉厚無砂好清甜😋！🧄蒜蓉牛油🧈焗雜菇🍄味道濃郁🤤而且好 juicy 🥰，燒🔥茄子🍆燒得好透好淋而且🔪切咗件所以可以成件連皮食😋好方便😍！燒雞皮🔥燒到十分香脆🤩完全唔油膩👍，燒大腸外脆內軟層次豐富😋！

今日想搵間餐廳類似居酒屋咁，但不想太嘈，可以一邊食住串燒，一邊傾吓偈~🧀燒芝士響鈴響鈴內有流心芝士，熱辣辣，外脆內暖，超有驚喜！🐮燒原條牛肋條(沙嗲汁)雖然寫住原條，但係廚師好細心，剪開咗一件件，方便進食。瘦肉多脂肪少🤣🤣🤣沙嗲汁都煮得好入味！沙嗲手打魚皮餃 我最愛串燒之一， 醬汁獨一無二，魚皮餃嘅餡都好好味4粒吾夠喉！🍄燒雞髀菇孜然仲有少少七味辣粉，菇又夠厚身，一咬爆汁~🐥燒雞軟骨-鹽燒、燒山賊雞翼都係最受歡迎小食~燒馬來西亞大蜆好大隻！冇乜落調味料，食到本身蜆嘅鮮甜味，嫌吾夠味， 可以點佢提供嘅酸辣醬，沒食慾加一點下去即刻食指大動！🍍燒肉桂焦糖金菠蘿加入肉桂粉，令平平無奇的菠蘿更添香氣和提升香醇，亦能抗寒保暖🥰🥰🥰佢哋最好嘅係會有個鐵板附上！咁就唔使驚啲串燒會凍晒啦！

放工時間又黎到尖沙咀覓食😗 搵到間隱蔽既串燒店 勁多款式選擇 有啲仲好特別 味道都好好食 整體感覺都好讚叫左太多款串燒 特別深刻👇🐟燒新鮮脆皮白鱔(2pcs) $68燒汁配白鱔 啖啖都係肉 感覺好新鮮 魚肉味好吸引🐮燒黑啤牛仔骨(2pcs) $68非常之厚！而且牛仔骨經過黑啤泡製過肉質都好突出🧀芝士響鈴(2pcs) $22好新奇好少見到有串燒店會燒響鈴 燒就黎感覺又非常之脆 而且包住芝士又非常之夾🍞燒麵筋（沙爹） (3pcs) $19更加少見既係麵筋拎黎燒 煙韌嘅口感再有沙爹醬襯托 味道更加突出仲有好多串燒水準都好高 價錢合理好適合放工啤啤佢既時候黎 亦有好多生啤酒可以選擇 非常不錯喔🤤

放工最開心就係可以同閨密一邊嘆啤酒一邊食串燒😋行完街，搵到呢間串燒店，佢都好多串燒選擇，除咗有串燒海鮮、肉類，蔬果、丸餃，仲有小食、主食同甜品。 雖然室內，但都唔大陣味喎！燒蟶子皇（蒜蓉） $58蟶子皇都幾大隻，厚肉多汁，鮮甜爽口，而且無沙。燒新鮮脆皮白鱔 $68白鱔皮燒至脆身，魚油豐富，鱔肉爽脆嫩滑海鹽燒皇牌牛舌 $49牛舌好大件，但食落唔會太韌，都幾爽，臊味唔太重鹽燒日本雞心 $36雞心鮮嫩有嚼勁，幾入味燒流心鵪鶉蛋 $28鵪鶉蛋外層香脆，咬開溫熱嘅蛋黃係口中融化，夠哂滋味胡麻醬涼拌稻庭烏冬配溫泉蛋 $72烏冬配溫泉蛋，煙韌又香滑，食完串燒再食凍烏冬，感覺清新

想試呢間好耐呀今日終於訂左位黎試呀店子唔大唔算好多位大家一定要BOOK位呀其實點左好多野試左幾款海鮮扇貝啦大蜆啦象拔蚌仔大聖子其實全部都新鮮比較深刻既係象拔蚌仔同大聖子好鮮味呀又唔會燒得OVER左同埋會有個熱石熱住D串燒呢樣係好貼心既一讚STAFF好好好HELPFUL

喜膳燒尖沙咀寶勒巷10號地舖天氣轉涼即刻就會諗起BBQ 但係燒嘢食又會好攰同埋要多人先好玩，食串燒就啱晒啦，可以食到燒烤味之餘又唔使自己燒，方便好多，所日今日就同朋友去咗尖沙咀<喜膳燒>食串燒啲海鮮真係好鮮味，又大隻，貨真價實！佢個冷盤涼拌牛舌好抵食 份量好大兜芝士響鈴好驚喜 芝士夠邪惡響鈴又夠脆 雞軟骨同雞腎係我每次串燒必食 佢呢度啲雞軟骨同雞腎好入味好爽脆焗田螺超推介 一份竟然有五隻田螺 薯蓉超重牛油味 正羊架好大份 啖啖肉又唔騷 抵食最後我私心推介燒粟米 自問係粟米達人嘅我都俾佢深深征服咗，粟米好甜又燒得好香

某個星期六夜晚同朋友嚟食，OpenRice訂枱仲有折！食物：食物選擇都算適中。不得不讚佢啲食物質素唔錯！有驚喜！調味適中，而且份量算多嘢食都算大份，CP值高！而且上菜速度好完美，唔會食到張枱冇野食/張枱太多野食～私心推薦：黑毛豬五花肉，好好食！肥瘦均勻，唔會成口油環境：雖然一入到餐廳覺得餐廳有啲細，但整體氣氛幾好，環境舒適，唔會話超級嘈，所以同朋友傾計唔洗大嗌🤣 其他：侍應服務態度好好，好友善😆 而且餐廳會用熱石板上菜，保持住食物個溫度，加分🥳

今日我哋又去到寶勒巷啦😂今日想試吓串燒好耐冇食過啦，基本上有好多串燒執得7788 ，行過呢度見到有一間，即刻衝入去試吓🤤呢度地方唔大比較似拉麵店，但勝在佢抽油煙機能力都好強，入到門口都唔會好大浸油煙味🥰座位有啲窄，全部都係高枱高凳，但高凳都有「挨pant」，所以坐得唔會唔舒服😌不過好可惜我哋今日揸咗車，我唔飲得酒，串燒配啤酒簡直係一流💕呢間鋪非常特別，枱中間會放上石燒，將燒好咗嘅串燒放上去，保持溫度，所以食每一件都係熱辣辣嘅🍻同埋串燒其實好難整得好食，燒太耐會燶，會苦。燒唔夠時間，又會唔夠熟，唔夠香，好考技巧，呢間店整體來說，食物一流👍🏻👍🏻🍴燒大蜆🍴$88好鮮甜，因為佢冇咩加調味，好純粹地食到蜆嘅鮮味，即顯得出餐廳對佢嘅海鮮有一定嘅信心😃🍴 燒午餐肉（ BBQ ）🍴$26外皮好脆，但冇咩午餐肉味，BBQ味蓋過咗🥲🍴 燒燒賣（香辣）/ 燒台式香腸（蒜味） （黑椒）🍴$19/$26each感覺好似炸燒賣，好脆，可以外加調味品，例如豉油個香腸佢係一條切開兩條，唔係好食得出蒜或者黑椒味，但係好食嘅，外皮唔會好韌，讚👍🏻🍴海鹽燒芫荽/ 燒茄子/鹽燒翠玉瓜🍴$18/$28竟然有芫荽，不得了，即刻

今次重遊舊地，主要都係欣賞呢間串燒店款式好多，而且味道出眾，所以再想嚟試吓其他串燒。〈蒜蓉燒蟶子皇〉🦂我都係第一次見咁大隻嘅聖子，雖然有用蒜蓉去燒，但都食得出聖子嘅鮮甜。〈燒馬來西亞大蜆〉🐚馬來西亞嘅大蜆睇落真係比較大隻，燒完之後都食唔到沙，新鮮之餘仲啖啖肉。〈燒紐西蘭羊架〉🐏🥩呢個價錢可以食到兩舊份量十足嘅羊架，真係性價比高，羊架啖啖肉之餘，完全冇濃烈嘅羊羶味，肉質軟淋，唔會好似咬緊柴咁。〈燒黑啤牛仔骨〉🐮🥩呢款牛仔骨係特厚，口到好似食緊牛扒咁，牛味好重，絕對係飽肚嘅選擇。〈燒芝士響鈴〉🧀🥖平時打邊爐嘅響鈴就食得多，但係將芝士放喺響鈴中間再拎去燒就真係第一次試，口感外脆內軟，食落都幾香口，值得一試。而其他推介嘅選擇包括燒和風墨魚丸🍢、牛油蒜蓉焗金菇🍄、燒蜜糖牛油粟米🌽、法式牛油蒜蓉焗田螺🐌。

想食串燒，就一定要黎喜膳燒！呢間都係朋友介紹，所以就過嚟試一試，睇吓會唔會中伏啦！佢位於尖沙咀，地理位置都幾方便，都幾易搵到呢間舖頭㗎！一坐低，我都覺得好肚餓啦，即刻攞張串燒紙黎落單，都更多款式，諗得出嘅都得叫！肉類方面，我哋就叫咗大熱嘅雞全翼，羊架同朱肋排，全部調味都做得好好，唔會太咸！仲燒到個肉邊脆卜卜！超級大手指公！正正正！而蔬菜方面，叫咗翠玉瓜，韭菜同埋大啡菇！翠玉瓜爽口，好彩充滿着食孜然粉味道，辣辣地好正！有海鮮方面，我哋仲叫咗燒蠔！同埋象拔蚌！兩樣都好新鮮，食得出係鮮味！而唔係將所有嘅蒜味蓋過蠔嘅唔新鮮！口感好食！象拔蚌真係新鮮爽口！如果唔係新鮮嘅話，一定唔會有呢種彈牙嘅口感！最後其他個方面，我哋仲叫咗燒菠蘿，同埋台灣腸，台灣腸都幾有驚喜，係我鍾意食嘅台灣腸味，雖然唔係黑椒味，但都好滿足！

呢排天氣凍，朋友收工叫我去佢公司附近間鋪頭食燒烤。我第一次黎呢間喜膳燒，坐落都幾舒服，環境睇落企理乾淨。我哋叫咗燒金菇肥牛卷，明太子雞翼，西班牙黑毛豬五花肉，烤羊架，芝士響鈴同埋燒馬來西亞大蜆。黑毛豬五花肉雖然有肥肉，但燒完食落唔覺太油膩。金針菇肥牛連埋啲醬汁一齊燒，食落爽口得黎又有種甜味，幾特別。燒芝士響鈴從來無試過，今次都係貪得意叫黎試下，結果出乎意料。外邊係一層酥脆嘅響鈴，內里係芝士，食落好惹味，我同朋友一致好評。羊架一燒好，店員就送上黎。個羊騷味唔算話太過重，肉質嫩滑，羊味濃郁👍🏻。明太子雞翼同馬來西亞大蜆不過不失。啲野食全部都燒得恰到好處，價錢又唔貴，有機會可以再食。