喜滿樓菜館

营业中

休息中

跟網上食評介紹慕名而來，惟出品強差人意。人多建議可預訂湯水，畢竟今餐飯水都無杯。招牌芝麻雞，油而不熟，退回廚房再加工都唔熟，完碟退回；椒鹽虎蝦，炸蒜過矖火，苦味濃；梅子荔芋鴨，酸味比梅味濃，就好似滷水鴨加咕嚕肉汁；蜜椒脆鱔，味道不錯，有鱔味，但係賣相同份量都一般；雜菜煲，今餐最好食，就係清水煮菜；總結：大菜做唔點，小菜無特色。味道非常一般，四樣菜埋單700，服務止於落單，餐廳茶記裝修，網上食評睇吓就好。

一家人去喜滿樓菜館食下懷舊菜風味。因為只訂左個爵士燉湯，所以唯有現場點餐牌上嘅小菜。好彩餐牌仲有好多選擇。芝麻雞、蝦多士、錦滷雲吞好彩叫到。樓面姐姐推介芝麻雞，佢話好正，叫半隻一試，有驚喜，真係幾好食。其他餸如小炒王丶蝦多士、咕嚕肉同梅菜炒菜心都唔錯。特別一讚係個蝦多士，啖啖鮮蝦肉，厚過塊多士，真材實料。樓面阿姐拎左個訂菜餐單同送上卡片一張，叫我地下次去一定訂餸，真係好多野都想食，下個再來試其他懷舊菜式，尤其係個焗魚腸同梅子鴨。

當日食咗：▪️ 招牌芝麻雞（全隻）▪️ 錦鹵雲吞▪️ 蜜椒脆鱔球▪️ 黑松露/沙律醬蝦多士▪️ 懷舊爵士湯▪️ 古法焗魚腸（大）▪️ 蜜椒薯仔牛柳粒（加腰果）▪️ 菠蘿咕嚕蝦▪️ XO醬香煎墨魚餅▪️ 西蘭花炒球▪️ 古法生炆龍躉煲▪️ 農家臘味炒飯▪️ 家鄉炸米糍┈┈┈┈┈┈┈┈┈┈┈┈┈┈┈┈┈┈┈呢間餐廳嘅價錢收費同份量都好合理，CP值幾高👍🏻大部分菜色都幾有水準，特別係「招牌芝麻雞」、「懷舊爵士湯」同埋「蜜椒脆鱔球」～ 不過，有幾樣嘢係我覺得有待改善嘅：「古法焗魚腸」焗得唔夠香、「XO醬香煎墨魚餅」太鹹、「家鄉炸米糍」皮太厚... 而環境方面就比較差喇，周邊位置充滿「懷舊」風😂座位都真係幾迫下，坐得唔係好舒服

上星期8月1號光顧一間近年被好多網上食評KOL吹捧過的懷舊菜餐廳, 土瓜灣的喜滿樓！因為屯馬綫嘅開通，餐廳都不難找到！當晚一行四人，早一天已經訂好六個菜。餐廳係一個茶餐廳的佈局，主要係卡位，四個人都坐得相當之擠迫。人齊上菜，先來一鍋爵士湯，湯裏面有蜜瓜瘦肉雞腳，其他材料冇乜留意，因為有密瓜，湯好甜，比一般嘅燉湯都甜，蓋過肉類同雞腳嘅味道，跟住嚟三隻乳鴿，唔係好大隻，但味道還可以，之後四隻果皮蒸鮑魚，呢個就好失望，因為都幾韌同無味！再上鳳尾鮮蝦球，味道冇乜特別，同普通炸蝦丸一樣！另一碟係蜜椒脆鱔球，呢碟係整晚最失望嘅餸，所謂嘅鱔球，切到好細塊，食落口一啲口感都冇，只係食到一個甜字，因為有炸粉嘅關係好似食唔到鱔肉咁樣（炸粉+糖），最後係半隻風沙雞，雞肉本身冇乜味道，但應該係有用鹽醃隻雞，但可惜鹽搽得唔勻循，我食到一兩塊好鹹，但我朋友就話冇乜味道。埋單，每人$380。總結，如果呢間餐廳係標榜有師傅坐鎮嘅懷舊菜，我覺得係唔合格嘅！

一班同事飯局，今次大家都想食中菜，同事話佢屋企樓下有間懷舊菜館，雖然唔起眼，外面門口無特別，但食物出品一流。前菜食個黃金魚皮好送酒，鹹蛋黃醬好香。西芹炒班片，勁多班片，炒得好香，個份量勁大。椒鹽鮮魷，係新鮮魷魚，一上枱係勁脆口同好惹味，大大夠好有咬口。我哋年青人早出晚歸，好少有湯飲，值得一提係呢度個爵士燉湯真係好正。有螺頭、蜜瓜、雞腳、金華火腿，夠哂滋潤，材料十足，我一口氣都飲咗三碗，我哋都約定下次再嚟食埋其他嘢。

上星期家人約埋係喜滿樓聚餐，更係立刻報名啦。星期四放工過去，已經坐無虛席。食物質素算高，黑松露蝦多士每件$38，送上枱時蝦肉嘅香味已經快過碟餸。熱辣辣蝦肉好彈牙好好味。古法焗魚腸唔會腥，用上果皮薑絲減低腥味。脆鱔好大條鱔的嘅肉先有咁厚肉。仲有叫咗錦鹵雲吞、五柳筍殼魚、爵士燉湯同芝麻雞。爵士燉湯有一貫水準，材料十足，每人飲咗差唔多 3 碗。錦鹵雲吞好脆，連食好少嘢嘅侄女都鍾意食。整體嚟講，呢度係少有嘅老香港味道。

有幾次在對面餃子食後都見到這餐廳排長龍。有親友從外地回來又訂枱試試，只可說一試無妨。炸子雞，雞肉不夠入味。焗魚腸，碟底水汪汪。什菜煲，成條菜沒有分段。最失望是蒸鱔，幾片鱔片，下面全是豆卜。收得這個價錢，不用上大陸，香港還有很多選擇。所以，一次貨仔算了。我還是在對面吃餃子好吧。

我一家人最喜歡小炒有鑊氣香噴噴，的確有其吸引之處，這店之前幫襯幾次，就係小菜鑊氣夠所以留到客，我鍾意椒鹽鮮魷這類脆卜卜的食物， 他們的調味不太咸，但有准鹽嘅惹味送酒一流。另外我都鍾意食這裏的咕嚕肉酸酸甜甜，外脆內軟又是送飯嘅極品。今晚，店的老板友善地介紹一道很稀有的菜式芝麻雞， 並講這道菜是功夫菜，花上幾個鍾將雞上芝麻及封乾,技巧也流失了!  土瓜灣也食到芝麻雞，即管叫來吃下! 食完這道菜，皮脆肉滑， 芝麻香味入口即溶，比炸子雞好味多多聲! 既傳統有懷舊，香港已很難食到! 小弟敢講，未食過芝麻雞，唔好話自己食過雞! 喜滿樓在土瓜灣區剛立足，有一定的捧場客，也在何文田站高山劇場附近， 不過因為食物質素搭夠，所以間中都會約朋友嚟聚一聚。

没有写的介绍的那么好吃。不值得排队去吃。我们六个人去点的都是招牌菜，觉得都很普通。爵士汤很清淡。芝麻鸡很普通，鸽子也不是很脆，黑松露虾多士还可以，炒椒丝腐乳唐生菜不好吃，油浸筍壳鱼不够脆，味道也不够。点了蒸鱼要等两个小时。一直催一直催都没有来，而且定的时候他们说只限两小时就要交回。我们要走了才上最后只好打包，也蒸老了，一点都不好吃。买单的时候还算错。你们买单前最好自己算一下。我们自己算以后回去他们退了600元。不会再去了。

呢間懷舊菜好多街坊介紹 🥢話日本人都鐘意食 🤔 所以book左檯 點知去到餐廳先發現訂錯左日子 😵‍💫😵‍💫😵‍💫 但唔緊要 餐廳都俾左張檯我地！💪👍我地今次得2個人食👯但有d餸係要4-6人起，所以只係叫得兩個餸。🥹首先有蠔煲🦪好野味 好有鑊氣👍 都有好多粒蠔 蠔嘅外層粉漿好香口 形成外脆內軟 要小心爆汁哦 🤪 美中不足嘅係隻蠔細左少少 如果可以再大d就perfect喇 （貪心嘅我😝）🐔芝麻雞塊皮超多芝麻 好脆 就算雞胸都唔會鞋

前晚去喜滿樓菜館食晚飯，呢度好多懷舊菜都要預訂，我哋訂咗爵士燉湯、芝麻雞、古法焗魚腸、梅菜炒菜心、椒鹽白飯魚、臘味炒飯。價餞合理、味道可以、值得推介。芝麻雞係招牌菜，皮香脆肉鮮嫩，雞皮黏上芝麻，再點些芝麻醬有入口多層次的味道。焗魚腸味道沒有腥味，仲有果皮香。椒鹽白飯魚香口惹味，大大碟伴酒一流。最驚喜係個爵士燉湯、𥚃面有蜜瓜、螺頭丶金華火腿、雞腳、豬腱，飲落幾清甜、幾滋潤夠哂養生。飲完個爵士燉湯夠晒潤喉。整體分數算高，可以返嚟再幫襯。

有朋友生日應邀到土瓜灣喜滿樓菜館食飯，份量大碟夠鑊氣好味大滿足，食物質素高。蝦多士蝦球拼盤送上枱時非常搶眼，一於相機食先。熱辣辣蝦膠好彈牙。尤其係個黑松露蝦多士，多重口感，厚厚嘅蝦滑，裏面仲有一隻鮮蝦，夠晒新鮮。難得係有焗魚腸，唔會好腥，用上果皮薑絲減低腥味。脆鱔用好大條鱔嘅肉先有咁厚肉，鱔肉香口又惹味。錦鹵雲吞有餡料既雲吞皮炸成後，沾上糖醋酸汁，呢類懷舊中菜真係買少見少，要提一提就係呢度好多懷舊菜都需要預訂。

其實一個差字黎形容、都唔夠、睇完電視廣告、主打懷舊餸菜、諗住去一試、點知中伏唔好講嘢食住、座位超逼、我坐一張冇背架凳一路食、一路腰痛、已經逼到想走小店主打少油少鹽、但我食嗰個蒸雞、同糯米飯、鹹到阿媽都唔認得、其實可能一般茶餐廳味道同質素都好過佢、我都係第一次打食評、難食嘅嘢，食得多、忍唔住打食評都係第一次唔會再幫襯

訂咗位，未夠6pm入座都被安排坐個熱到飛起嘅死角位，反映過兩次，店員有調大個冷氣，但係部冷氣係正頭頂，根本就吹唔到，天花板有把由開業至今都無洗過，封晒塵嘅吊扇，對通風毫無幫助，所以唯有熱住咁食飯...先嚟個爵士湯都算係正常發揮。再嚟個咕嚕肉，賣相幾靚，但一食落去除咗又凍又唔脆之外，本身舊豬肉又無肉味又無醃味，似係一舊生豬肉就咁上漿炸定晒係到好耐，等有order就係咁二撈d汁兜兩下就算。然後係個所謂招牌菜芝麻雞拼風沙雞，又係外表好靚，但食落又係無味嘅，食兩三舊已經唔想再食。另外亦叫咗錦鹵雲吞、炒菜、肉絲炒麵，算正常可放得入口，無乜特別。可能係我第一次嚟期望過高啦... 但同枱食飯嘅都認為有d名過其實，同樣做傳統粵菜嘅舖頭好多都整得好食過佢，所以唔會再幫襯喇...

懷舊菜和鑊氣小炒我都啱食，上星期六同埋朋友專程過嚟喜滿樓食晚飯。我哋點了芝麻雞、八珍豆腐、多士丶酸辣骨及椒鹽白飯魚。餐廳對食物質量充滿誠意，雞件切得不是很大件，芝麻雞外皮夠脆唔油膩，肉質嫩滑唔膩口。酸辣骨絕對值得一讚，一字骨肥瘦適宜，一食就知用靚骨。椒鹽白飯魚係我呢餐最鍾意嘅，外脆內軟，脆得唔油，送酒一流。值得一提係蝦多士，蝦滑鮮甜仲夾有原隻蝦，多士香脆，非常有口感。真材實料。個個餸菜都滿意，每道菜都精心炮製，實在難得。